ASAM CHICKEN RICE (Festival Walk)

今日嚟到又一城，過咗嚟亞參雞飯，今日見到服務員企喺門口推介，有個藥膳豬骨煲，記得之前都嚟過，味道相當唔錯，服務員態度依然親切，舉手即刻就回應，服務員親切嘅笑容，促使我都系落左個套餐，套餐份量十足！有一個豬骨煲，一個通菜，半隻海南雞，一款小食，兩個白飯及兩杯飲品，咁多嘢食價錢都只係$268，今次比上一次更加好食，味道更香及濃郁！食過返尋味，下次一定要再嚟食！味道相當唔錯，值得推介👍🏻👍🏻👍🏻👍🏻…查看更多

環境優雅，服務熱情周到，讓人感到舒適。特別推薦他們的海南雞飯，雞肉鮮嫩多汁味道佳。菜單上的選擇豐富，適合各種口味的顧客。如果你想體驗正宗的海南風味，這裡絕對是個不錯的選擇。服務態度好，值得再訪。…查看更多

星期二中午同老公在此lunch, 老公食完有嘢做走先，我就仲有半碗喇沙同杯嘢未飲。侍應非常快手地問都無問收嘢😵過咗兩分鐘仲安排一家三口搭枱，坐咗我老公原本個位，當然問都無問啦!最大問題係隔離有吉枱🤑🤑🤑真係好想問下店家，如果我老公返轉頭無位坐佢會點處理!食物方面，碗喇沙欠缺椰香味，料又少得可憐，比以前退步了很多!杯柑桔特飲直頭澀口到飲唔落，我平時飲開檸茶走甜都頂唔順，好彩咖央多未變差。我諗我以後唔會再嚟！…查看更多

又一城嘅頂樓隔離有幾間餐廳，今日晏晝我哋約咗亞參雞飯食lunch。佢哋餐牌都有幾多嘢揀，其實之前都食過嘅，但記得唔差，今日咁啱想食海南雞飯，所以就入咗呢間。海南雞飯係用咗三雞，配上特製嘅豉油，雞肉都幾嫩滑，所以未轉沾醬之前，其實都已經幾有味，不過佢嘅三款醬其實都幾好味，尤其是薑蓉，同出邊唔同，佢係加咗少少沙薑嘅，我個人係非常欣賞。肉骨茶嘅味道都幾好，又好濃厚嘅胡椒味，而且好多件豬肉，份量都幾大。呢度嘅食物質素其實唔錯，不過衛生同員工態度令人有啲確保，希望餐廳可以留意。首先我地入座坐低嘅時候，員工有過嚟幫我哋抹枱，但係佢哋抹到張枱係濕晒，仲有好多水喺面，我哋要用紙巾抹返乾佢。然後枱面盒紙巾，用咗一張已經冇晒，我哋叫員工幫我哋換過盒新嘅，但係佢哋回應，仲有少少唔耐煩，等咗好耐先遞上一盒新紙巾。…查看更多

今日全日落黑雨就嚟附近又一城搵嘢食，下午茶商場都冇乜人，嚟咗亞參雞飯試下佢哋嘅下午茶，估唔到有啲驚喜🤤🤤 $38，原隻鴨腿上，其實都幾抵食🤤！今日點咗檳城紅茄參巴醬鴨腿滲滲，好好食。個鴨腿亦都好腍，都怕佢有啲辣，因為我唔食得辣，但其實佢都唔係好辣，比較惹味！平時見呢一間舖都比較多人，今日可能黑雨冇乜人，見到服務員嘅態度，都好好笑容好親切，而且唔會因為冇生意完全見唔到人，依然見到啲服務員行嚟行去，由於我哋用二維碼點單，落唔到單，服務員即刻過嚟幫手，而且呢個鴨腿滲滲，都係佢推介我食，推介得唔錯！下次要再嚟試吓其他😋😋😋…查看更多