井一日本料理 (Closed)

看了宣傳，這星期分別去左深井同元朗試下，um....我心目中對元朗方面其實同大家差唔多，不願多提..........份量少，慢，錯單，睇面色都飽............到左上星期六，懷住少少驚既心態試下深井，嘩，我男友同我都覺得分別好大，店員態度友善，品質唔錯，執得幾靚，但唯一環境唔多吸引同隔離幾間比較較為輸蝕，假錢合理，不妨試埋深井，不過就唔係放題law~~~~~~~~~~~~~

呢間野我幫襯過好多次,一直覺得咁ge價錢食到差唔多ge質數架la,所以冇其他食家咁抗拒,不過今日再食下午茶有d野想講,之前下午茶12蚊就齋一個面or飯,而家就18蚊有埋野飲,變相冇咁抵,同埋我覺得tea一d都唔飽,個拉面or飯比lunch ge份量少成半,但lunch都係27蚊,學生再平3蚊tim,仲要送salad同湯,今日我18蚊外再+多6蚊食小食都唔夠飽,咁同我食lunch一樣都係24蚊,但tea應該要係好抵架ma,compare to lunch我寧願食lunch,時間好之餘最梗要食到好飽.我知道井一老細好著緊去改善間野,所以我想醒下你地元朗人想要d咩??其實除左平之外就一定要大碟,因為你2點開始下午茶,好多人會特登貪平等到下午tea先食lunch,所以去到o個時真係好肚餓,如果比得咁少份量,我理得你係18蚊定幾多錢,都好難吸引到去食,因為你要知道好多人中2大件夾抵食,所以你可以睇下下午茶時段ge生活知味係多人到痴線,因為佢地冇因tea而縮水,反而咩都係大大件, 大大杯咁,講真,份量多又唔會蝕好多,留得住d客先係王道 另外,今日tea ge時段多左好多人食,變相服務

這次是第二次光顧, 今次是宵夜時段去而上一次是下午餐時段 ((上一次的感覺一般, 以元朗眾多日式菜比夠之下, 絶對不會光顧第二次))因為朋友的生日, 所以給指定了這間餐廳-.-我跟男友看了網上的食評後, 只好硬著頭皮去 ((沒辦法呀 生日是最大的))唔 本來是晚飯時間去的 但一位要一百五十元-.-而宵夜時段才九十多...如果好吃二百也沒所謂呀 但看了食評多少有些陰影啦 所以我們逛了一回才去九點半才開始的宵夜時段 我們九點已經在門外 經理見我們呆站在外也很識趣地請我們先進去坐坐汽水是任喝的刺身、壽司、鍋物、小食、飯、拉麵都是mark紙order的而熟食是自行出去拿 (跟k box的buffet差不多)款色也很多但遺獨炸物沒有即炸 雖然還熱, 但不脆...=_=唔 之後我們order了刺身, 數量是自己填的可能是宵夜時段, 選擇比較少只有三文魚、吞拿魚、立魚、八爪魚及櫻花魷魚魚類刺身除三文魚外 其他都沒魚味 由為是在解凍 鮮味都好像消失了八爪魚...很薄很薄櫻花魷魚....那個怎會適合做刺身呢-.-?!之後order的是鍋物 共order了2客牛肉鍋, 牛肉鍋的湯....是雞湯? 這個

看到不少網友先前對此店的評價甚差，本來也沒有想過要光顧的，但是，看到此店新增下午茶十分經濟，於是決定親身一嚐。此店的下午茶由每天下午二時至五時半供應，共有八款拉麵及三款飯可供選擇，每款也只不過是十二塊錢，以正值食品價格上漲的時期，真是便宜得令人發笑，就是到超市買一包即食麵也要數塊，還要自己落手煮和洗呢！點了一客雞翼拉麵，咦？原來加二元可改為地獄汁，嗜辣的小妹又怎會錯過呢？再詳細看看餐牌，凡惠顧下午茶麵飯，均可以特惠價──六元點一些指定食物，例如：壽司、冷盤、串燒、飲品，想吃刺身也可，加十塊錢便有四件，但刺身選擇則只有四款。本來想要芝麻八爪魚或螺肉，但店員表示要晚一點才有貨到，於是，只好改為腐皮壽司，六塊錢兩件而已，就是在超市買的壽司也差不多價錢吧？雞翼拉麵上有兩隻雞翼、一片日式魚蛋、一些粟米粒、海帶及蔥，賣相算是像樣的，不過，單憑外表卻看不出是地獄汁，先試一口湯，真的有點辣勁，湯底不是帶有濃厚的豬骨味，略帶一點味精，但情況尚可接受；雞翼燒得帶點香脆，也沒有一股冷藏肉的異味，算是及格；麵條是大路貨色，無甚特別之處。以十二元一碗來說是不錯的了，計起來，還比小妹家樓下的茶餐廳便宜呢！當然，以

睇完呢度d食評先去食..開始仲以為會九死一生但原來唔係呀, 無講到傳說中咁恐怖可能係我自己鍾意食野環境黑媽媽啦, 所以覺得環境同氣氛麻麻但真係一D都唔污糟!!D刺身唔錯, 幾厚下(有相為證)最好就係野飲係罐裝汽水, 好過自己fill~但唯一缺點就係有時會漏單, 不過佢地都好有禮貌say返sorry, 可以接受~

早兩日去食過.睇吓係咪傳說中講到咁差.原來唔係傳說.係真係咁差.刺身又薄又細.壽司D飯又硬又冇味.D熟食又凍.連最基本既炸食品都係凍既.服務又差.連最應該清潔既地方>>厠所.裏面都好似打完仗咁.大久保有傳人勒.應該係話仲差過大久保.真係各方面都要檢討吓

見到元朗開左間任食日本菜.一早想去試.但係新開張既時候好多人.所以作罷.早兩日再去試.冇咁多人.心諗無死勒.食完先後悔.一行四人.坐低先攻刺身.嘩..ｏ的刺身又簿又細件.同埋好似雪左好耐咁.霉晒.ｏ的壽司飯冇味.又硬.好似隔咗好多日夜咁.叫左一次之後已經唔想食.驚肚痛.算啦.咁出去攞其他嘢食啦.(因為熟食要自己去攞既.勁搞笑)點解咁少日本嘢食既.大部份都係中式食品.的天婦羅又淋又凍.其他嘢食都唔夠熱.唉.想點呀.咁冇誠意就唔好開啦.叫ｏ的侍應加茶.叫極又冇人理.有個好似係高級ｏ的既男仕.(應該係經理)見到佢凈係企喺度傾偈..最後仲要俾我ｏ的朋友串.話咁好介紹.唉.唯有再請佢哋去食過食其他嘢啦.因為真係唔飽.呢間嘢真係冇下次.希望個老細攞o的誠意出嚟啦.如果唔係就真係好快結業.

食過呢間一次, 因為被宣傳吸引, 不過真反悔到不得了, 唔洗一個鐘已經走 人去食其他野填肚服務差到不得了, 明明係好多空位, 但一定要我地同另外一對唔識的情侶sahre張怡, 但當時仲有好多空位架. 我地唔肯, d sale即刻俾面色我地睇, 仲同他waiter講我地. 佢地張怡又細到死, 拿左d野食都冇位放食物質素差差嘩! 有魚生, 但係係超同超細, 等於人地的一開4, 5 件, 無味, 仲有係冇北寄貝d 壽司更更係 "的色:", 見到其他人叫海謄, 笑死! 得訂訂咁細粒, 我諗差不多手指甲的size(海謄份量)油炸食物就多, 不過粉厚, 又唔好食, 得個多唯一值得讚的係, 叫麵食, 好大碗啊, 不過係麵, 料冇乜呢餐真係食到一肚氣, 仲要唔係平喎, 又坐得唔舒服

任飲任食剌身: 得8款,勁小, 味道淡而無味, 不吃無防.壽司: 太約得20款, 全部都是最普通,用料最平的, 唯一可取是飯團很結實.窩物: 唯一覺得好食, 湯底夠味.其他熟食一般飲品得三款氣水.以這個價錢,實在不值.

我12/5剛去過食完LA, 我們有2個小時任食的, 氣水可以任飲. 有個牛肉野菜煱好好味, 連湯都好好味又夠濃郁. 話明係$138任食, 係唔錯的了, 又唔係酒店, 有D酒店都未必比得佢好食LA. 仲有係佢D飯都幾好, 夾起唔易散. 刺身係細件D, 但食完又可以再叫, 上食物都好快, 只是等煱會耐D(12分), 其他都好快AR. 服務都好好, 有個肥D男服務員, 我估係老闆好鬼落力有禮.

上星期同埋班friend夜晚去食,因為百幾蚊可任食一個鐘。我地首先叫左幾碟壽司,幾碗拉麵。d拉麵難食到.......不能形容。d壽司就普通喇..但好細件...後來我地再落單,但等左半個鐘仲未黎,我地就催下..跟住等多一陣就黎左2碟壽司,但我地叫左6碟...再過多一陣就話夠鐘要走...咁就用左百幾蚊...真係貼錢買難受~~

兩個人去食午餐，嗌o左一個牛肉飯，一個滑蛋鰻魚飯同埋三文魚刺身，無樣掂。兩個飯同埋個麵豉湯都太鹹（本人已經算食得鹹），食物本身的味道都沒有了。牛肉飯的話，吉野家的要像樣得多。三文魚係就係夠厚但係食得出唔多新鮮。環境完全唔似日式餐廳，而且比很嘈雜，似街市。元朗好食的餐廳有唔少，呢間真係食一次都嫌太多。

昨晚和余先生去食晚飯, 沒有吃自助餐, 每人叫了一個飯. 余先生叫了不知道甚麼炒牛肉飯, 我叫了.．牛肉飯 : 洋蔥炒牛肉, 味道還可以, 吃好或難吃也說不上, 普通. 份量是很充足. 余先生說飯煮得不好, 下次不會再去, 因為一間餐廳連最基本的飯也煮不好, 就不值得去喎.．照燒雞扒飯 : 雞皮都燒焦了, 無碎碎的雞皮食了. /_\ 味道也是大路, 可以用沉悶來形容. 飯就... 我沒太大的感覺.．麵豉湯 : 味道太濃, 太咸, 喝不下去.看見旁邊的人都是在吃自助餐, 好像還蠻多食物種類的.整體來說價錢是不貴, 但食物的質量有待改善.感覺不是很差, 也許是因為一起吃飯的人, 不過我也不想再去了.

星期六晚偕同老公仔拍拖，想起雜誌，有日本放題：刺身+壽司+和食，任飲任食。於是乘巴士268c到元朗水車館地下："井一日本料理"。在大快活斜對面，燈火通明，有三個舖位咁大，差不多有九十個座位。等了半個鐘。點都要吃番夠本，吃咗許多嘢：刺身、壽司、和食仲任我點。汽水一罐罐，任飲，在雪櫃任取，無人鬧。奇就奇在，crossover，有泰國紅咖喱、又有燒羊扒、蟹皇湯、雜菜窩；估唔到又幾好味！地獄拉麵：辣辣哋、彈彈哋，都幾多料。(不過，搞到老公有點喉嚨痛)。最後吃了個紅豆沙，有紅豆又有沙，有點假假，似用機壓出來的沙。點到好，是抵食，飽到頂住個胃。一家大細去到啱。 如果今晚多多兩個人仲好D，因為4個人送海膽刺身一板。臨走，見到仲有日本早餐，茶餐廳價錢。可以再來多轉。

一坐下看見餐具的水漬或油漬已經心感不妙。以日本放題為招來, 主打當然是魚生, 壽司。食魚生, 壽司, 最基本的要求是新鮮, 三文魚吞拿魚魷魚全部入口酶化, 魷魚更是有微腥, 口感怪異, 送來一客海膽, 三份一也吃不下。只有炸物水準可以, 天婦羅就不要寄望了。總結是, 以相同價錢, 絕對不要買失望了。