Igarashi Japanese Restaurant (Closed)

嚟咗咁多次, 次次都係食佢D下午茶餐, 今次終於食到佢d午餐.............唔知係咪怕午餐時段人多, 所以佢係入去坐時每枱比張紙仔, 類似點心紙, 比你自己tick好食乜, 容易入單, 同埋快d, 其實都係好事..............:) 豬軟骨炒飯終於知道點解佢比豬軟骨飯平兩蚊, 因為豬軟骨份量少好多, 同埋可以用d濕濕碎碎炒埋一碟, 只係要炒埋比你咁解...............今次個飯炒得都OK, 唔算好油, 但炒得唔勻, 好多白飯, 所以我只係選咗有汁的飯去食............... 照燒牛肋肉飯牛肋骨好林, 7成熟, D肉中間仲紅紅地, 但冇血水, 正.................. 凍柑桔檸蜜我明明寫咗走冰, 但都係有冰, 可能已經少咗掛 係即沖果只, 即係超市買到果d...............好彩我地叫呢2樣都算快, 如果叫果個唔知咩鍋, 有排你等, 我見個個都追, 有個學生妹仲等唔切, 冇食到就趕住返學.............我覺得個學生妹好慘, 2個人share一碟焗寛麵食, 佢响我等緊位果陣已經叫咗嘢食, 到我差不多食完都未到, 但又趕返學, 追待應, 個待應求其覆佢話嚟緊, 見佢係咁睇錶, 終於都係比錢走人, 唔知佢有冇比呢個冇上到的鍋錢呢 如果有就真係唔應該lor~~ 個學生妹走咗都超過十分鐘, 有個新客坐低, 連嘢食都到, 個學生妹個鍋先到..........嘩...........你估食法國餐咩 要人等咁耐.............所以各位如果趕時間的話, 真係要認真諗諗..............…Read More

平時都有食開呢間, 平均隔個星期六就會嚟lunch, 雖然明知質數普通, 服務欠奉, 但貪佢實有位同埋平, 今次比平時食開的時間遲, 成三點幾先到, 冇乜人, 食都係果d, 但咁啱比我見到有新嘢, 所以試下, 點知中招.................. 照燒雞扒定食平時由落單到上枱, 起碼要等10分鐘以上, 今次竟然唔駛5分鐘就有得食, 但原來咁樣係仲衰.....................可能係lunch時段整定而又未賣哂果d嘢, 所以好差好難食.............. 雞扒 : 微暖的, 又肥, 個皮又煎得唔脆 飯 : 冇飯味的, 又係唔熱 菜 : 硬咗少少, 又係唔熱 餃子 : 又硬又凍如果唔係肚餓, 真係唔會食得哂, 仲有個湯又比漏, 唔追都唔比, 雖然個湯係熱, 但唔好飲, 好鹹~~ 什錦鍋燒烏冬見佢係新嘢就試下, 但只此一次, 唔會再有下次lor~~成個鍋有片鳴門卷、半條蟹柳、1隻炸蝦、1隻冬菇、2舊炸雞、2舊切開咗1/4的小棠菜、1隻生雞蛋......................開頭見佢白白地色, 以為係牛奶湯底, 但點知仲味精過平時果d湯底, 鹹到死...................隻炸蝦應該炸定咗好耐, 因為個炸漿係硬的, 只係浸到林哂個烏冬又林, 又唔彈牙, 超難食~~果2舊小棠菜, 1個個色係1鮮色, 另1舊係好似焗咗好耐咁, 黃哂, 搞到我唔敢食........... 凍奶茶又冇茶味又冇奶味, 只係得甜味...................…Read More

平時多數嚟呢度食lunch/tea, 貪佢夠平又有位, 今次嚟食晚飯.................當其他餐廳已經開始要等位, 佢呢度依然有位, 晚市分開打邊爐的坐入面, 普通晚飯的坐出面, 其實出面/入面都冇所謂, 只要冇人搭枱就得...................今次叫咗1個定食+1個炒麵................等咗大約唔夠十分鐘, 就上咗個定食, 但佢個定食唔係同個湯一齊上, 唔知係佢漏咗定拎唔到, 開始食緊個飯果陣先拎個湯嚟, 佢唔比我都未必會記得呢個定食原來包個湯的............. 咖哩豬扒定食一盒有5格, 1格係飯, 1格係三文魚刺身, 1格係醃蘿蔔, 1格係中華沙律, 1格係咖哩豬扒.................... 三文魚刺身有3片厚厚的, 都叫做幾肥美, 但可能放耐咗, 唔係好夠凍 飯係冇飯香, 雖然佢係用珍珠米, 但應該唔係正宗日本果只, 所以冇飯香 醃蘿蔔係紅色的, 平時食開係黃色, 不過都冇乜所謂, 紅色反而甜甜地, 仲好食 其實唔知係咪中華沙律, 總之係綠色海草類, 有d芝麻果只, 但又係唔係好夠凍, 不過都好爽口 咖哩豬扒係吉列果只, 炸得好脆, 不過比d汁蓋住果d就林咗, 仲有2舊仔紅蘿蔔同薯仔, 都煮得好林, 而d咖哩汁都好香, 一d都唔辣已經食完成個飯, 但個炒麵仲未嚟, 即刻追佢, 點知等咗幾分鐘, 即夜拎出嚟, 唔通唔追冇人得閒拎 金菇肥牛炒拉麵唔知係咪餓得濟, 一嚟到即係食, 好好味, 因為佢落咗照燒汁去炒, 甜甜地咁, 但越食越唔掂, 因為超勁多油, 仲多油過茶餐廳果碟干牛河, 食咗一半, 要將d麵夾高d, 放碟邊上, 等d油流咁d先食, 有相為證, 食完都仲有成湯羮油, 都唔知佢原本落咗幾多油去炒, crazy~~ 成碟麵無論係牛肉定拉麵, 都係得照燒汁陣味, d拉麵又偏硬, 幾難先食哂成碟......................下次都係叫番湯麵或者定食, 一定唔會再叫佢d炒嘢食lor~~~…Read More

3年前我曾在禾輋五十嵐吃飯,覺得抵食,味道又不俗,故不時待下次再食~但今天的食物味道已完全不一樣,侍應也不同了,不同的是:食物難吃,無口感;侍應態度差劣!由於我跟朋友太肚餓,而且一早選定禾輋五十嵐,所以瞄一瞄門口餐牌就開位,這時,我確實很後悔...:(首先,侍應替我們開位,我倆也打算坐卡座,因為較舒服。誰知,侍應的態度非常差,她說:不打邊爐的不可坐卡座,隨非您打!她並非服務客人,而是命令客人!之後都是她服務我們,其他侍應的態度比她好得多(可能她是經理吧!)我們沒有跟她爭執,只說我們打邊爐吧!剛坐在卡座,侍應們一個又一個地問我們要甚麼湯底、菜啊,好像非常急要落單,我們只說未選好。之後他們又急急地將幾碟菜放在我們桌上,我跟侍應說這些不是我的,他竟然惡言相向:這是前菜啊!一定要要!當時我也感憤怒,想大叫:咩態度因為我不打算打邊爐,但我的朋友想,他理應問清楚客人要甚麼!我想點定食,朋友想打邊爐,就叫他扣除我一個,但又規定了兩人都要打邊爐…朋友知道我不想打邊爐,就想叫侍應幫我們轉枱,我們好聲好氣,跟經理說不打邊爐了,她的惡脾氣又來了:這幾碟菜已經放在您桌子,不會再換枱(意思即是一定要打邊爐)今次,我朋友也有火了,他反問:咁換張枱好難咩這一下,經理才沒有聲氣。換了枱,叫了定食,食物出奇的難食!朋友的讚崎手打烏冬並不是出於讚崎,亦不是手打…= =聽朋友說烏冬完全沒有口感,湯底難飲;壽司味道連爭鮮都不如,他也沒有心機了!而我的定食除咖哩豬扒入得口,白飯跟中華沙律也非常硬…無可否應,以現在物價高昂的香港,五十嵐是買少見少的抵食食肆,起碼價格合理,$68的任食打邊爐更比酒樓更便宜,但以禾輋五十嵐的侍應態度、食物質素,很難說服人客再光顧...…Read More

是晚火鍋晚餐當每個人都冇特別主義想食咩野時行到呢到就試下每人68+10% 任食兩小時另可加小食飲品由於未試過其他日式火鍋所以清楚其他日式火鍋既配料選擇都比較少呢到得十餘款食物可以選擇大家都唔係揀飲擇食既朋友所以每款食物都叫過來食咁制覺得蔬菜類唔洗叫得太多佢好似每次其他配料都會送一部分來食主要既肉類有黑豚肉、肥牛、雞肉其餘係丸、菜為主但同枱既全部都覺得黑豚肉同肥牛呢兩款材料熟左係食唔出兩者既分別另建議大家唔好食魚皮餃因為....皮多過肉，可以唔洗考慮而天婦羅好淋..食落冇晒口感…Read More

第一次去禾峯商場, 完全唔知有乜好食, 行下行下見呢間好多後生仔女食, 跟住睇下貼住果d茶式, 又幾抵食wor~~ 廿零蚊有個麵+飲品, 但最衰要收加一服務費, 如果唔係仲會抵d~~呢度間隔好得意, 正門入舖頭外, 再穿出去就係商場圍住的地方, 可以當係室內+室外, 但全部都係商場入面, "室內大部份係卡位, "室外"就大部份係圓/方枱....................唔知係咪伙計唔夠多, 想搵個人落單都咁難.................其實係唔知去哂邊啫~~ 叫2個麵試下先.................... 鴨胸寬魚麵 咪以為下午茶餐d份量就會少, 其實一d都唔少, 起碼佢有5塊鴨胸...........呢個寬魚麵好得意, 真係好寬, 但食唔到魚味, 口感似係中式版寬麵, 都有少許爽爽地.................有好多配菜 : 木耳絲、鳴門卷、椰菜、粟米, 最鍾意佢有1羮炸蒜茸, 令到成碗麵即刻香哂~~~個湯底似係豬骨湯, 但好淡味, 混埋果羮炸蒜茸, 即係變咗蒜茸湯~~~鴨胸好林, 一d都唔un, 肉質仲好嫩滑................... 薑汁豚肉小麥麵湯底同配菜同上................豚肉半肥瘦, 好明顯食到有醃過, 但食唔出有薑汁味lor~~~ 不過就好嫩滑.............唔錯~~小麥麵好似中式拉麵, 冇乜味.................... 凍檸水 + 凍奶茶凍飲跟餐唔駛加錢, 都幾抵架, 又夠大杯, 但好奇怪, 如果要阿華田、好立克果d就要加錢................…Read More

叫左兩個拉麵，一個小食。其實個拉麵ＯＫ喎，义燒同埋豬軟骨都好入味呀！拉麵都ＯＫ彈牙個喎以呢個價食拉麵，有呢個水準，我覺得已經好好。個小食係串燒拼盤，有雞、腎（唔知係咪鴨腎）、豬、雞軟骨等，味道好淡，呢個就極力唔推介。至於D服務，我都覺得ＯＫ，唔知係咪我去果日係星期一晚，無咩人，所以佢Ｄ招呼都ＯＫ呢？Ｄ食物仲上得好快！所以我地諗住，下次要再來試下佢個火鍋。見到隔壁幾枱都烚下烚下，好過癮，個價錢都係６８－７８，好似好抵，希望好食啦～…Read More

見到五十嵐的門口掛住好大個餐牌, 好抵食咁, 所以就一試好多餐都係廿幾元!入到去, 茶都冇一杯, 個侍應就問我食咩=(之後我揀左個芝士魚寬條麵, 加杯凍奶茶!但之後賣哂, 所以就左個炸雞拉麵!等左10分鐘都冇野食, 之後頻頻比錯野食, 同隔離台搞亂哂最後終於都有得食, 但好難食! D湯底係福麵的湯底, 真係好求其!拉麵的質素好差, 好硬! 好難食! 仲要加1!!D炸雞都好難食!成個餐超難食!!…Read More

本身同朋友打算黎 打68蚊火鍋我地兩人 晚上九點入到去先知火鍋時間過左 咁心諗是但啦, 食飽走人 !我地叫左兩個拉面 同兩碟小食($10x1) 都幾平 但期望不要求拉面 普通過普通, 湯底咸而無味, 啲拉面質素好差.... 套餐送左三件 壽司 (吾掂) 反而小食我覺得OK, 煎絞子又幾底食 10蚊好似有8粒:)另外, 呢間野衛生情況都幾差 最後坐左冇半小時就比人吹賣單…Read More

為了支持本地日本菜,我特意去幫襯五十嵐。沒想到當所有日本料理店力求創新,改革以維持業務，它卻如此不思進取，暫且不提毫無新意、有點不衛生的食物,員工態度極差,無視我招手示意清潔桌面、在我詢問上菜進度時不耐煩的說「得啦」已使人不滿。 確實,單是附近學生已足以帶來收益，然而，一間餐廳除了食物的資素外，重要的還有服務的體貼，若這情況長久下去，我只能為顧客嘆息....…Read More

一年一度ge情人節因為同男朋友第一次約會地點就係坑口五十嵐於是千里迢迢由將軍澳出發去沙田間五十嵐由沙田站行過去差吾多成4個字咁去到啦 :: 寫住火鍋星期一至日供應 $68 一位我地入左去都見有幾檯人打緊邊爐咁就同個高17x cm 身型較slim ge男待應(睇佢個款應該係經理級tim)咁我就話:: 2位 火鍋 吾該佢話:: 冇咁我果刻呆左, 乜野叫冇 冇位? 冇得打? 定係乜都冇 乜野叫冇佢之後即刻轉身理都吾理我地但呢, 身後面就見到d肥牛呀 栗米呀比人果陣8點都未到就話 就話冇 咁架服務質素有冇搞錯 好嬲呀 …Read More

今日去jusco辦年貨之前o係禾輋商場搵野食~禾輋主要米線鋪頭多~~~咁耐無黎~估唔到呢度都開左間五十嵐~而且重非常之大~有室內亦都有室外~望到下午茶選擇都幾多選擇~~~於是就入左去食~~~下午茶選擇真係幾多~有日式(和風盛合便當)~有西式(焗飯/焗意粉)~亦都有常餐o個類(通粉+炒蛋多士)價錢大約20-25左右~都幾抵食~我地叫左日式炸雞配寬魚麪寬魚麪的確好寬~但友人食落話其實無咩味~~炸雞水準ok~23蚊食到呢個水準算係唔錯~一向鍾情常餐o既我就揀左份常餐~番茄薯仔牛肉通粉重加2蚊配埋多士加炒蛋~估唔到通粉份量好多好大碗而且都好足料~番茄湯味濃~牛肉就略嫌"un"左d~專登用2蚊加左份炒蛋多士....好失望~~~多士普通quality~重有少少"un"唔脆~炒蛋好油好散~望到都唔想食~totally disappointed!另外再叫左兩個焗飯~鮮茄焗豬扒飯鮮茄焗豬頸肉飯等左超超超耐o既兩個焗飯~直頭係食完個寬魚面都未送到~店員又懶懶閒....想催都無咩人理~~如果趕時間...真係唔建議大家去~兩個焗飯都夠熱~汁都算幾多~但係d豬頸肉好"un"~最後朋友一塊都食唔到....我地重叫左煎餃子10蚊有5粒~都幾抵食~質素亦都ok~最抵o既係下午茶時間叫菜只係8蚊~大大碟~好抵~overall黎講~呢度食物質素真係好壞參半~但勝在鋪頭夠大~坐得幾舒服~幾乾淨~係傾計o既好地方~但係如果趕時間絕對唔建議黎食~因為上菜速度真係幾慢...同埋d staff真係唔太積極~…Read More

因為要去沙田IVE返唔到屋企食晚飯而聽聞附近大排檔好出名就去左禾輋邨搵食但諗返一個人去大排檔打邊爐有點怪相所以就入禾輋商場睇睇有無岩食行行下發覺門口有張大海報$68任食(星期一至四)於是就問下一個人食得唔得最後就入左去試試一坐低，店員即時問湯底不久就送到同時送上基本火鍋食材(從未點食材)(每檯一份)包括：肥牛一碟、豚肉一碟、西洋菜、生菜、白菜、黃芽白、金菇、雞肉、牛栢葉、蟹柳、一口餃子、日本魚蛋、豬皮、粉絲、豆卜、豆腐、竹笙汁醬湯底(圖中係豬骨湯)跟著係壽司三件:)再跟著係天婦羅(茄子X1、蕃茄X1、番薯X2、多春魚X2)其實仲有一個和風料理不過唔記得左點自己又唔多食得落所以無嗌到六選一：豬柳漢堡小麥麵、炸豆腐、炸餃子、炒飯、燒雞串、鹽燒多春魚如果唔夠的話仲可以入紙再點(有三十種火鍋生料)呢個任食係$68一位(星期一至四)任食任點兩小時坐左超過兩小時都唔會收錢催埋單呢樣絕對係一讚不過呢個餐並不包括飲品(開水任飲)啤酒汽水$6/杯、特飲$8/杯、袖子蜜檸蜜石榴汁$8/杯生雞蛋$2/隻、辣椒絲$5杯但由於個人食野要求唔高平得黎好味又岩食就已經滿足打邊爐都唔會點任何汁醬任食如果配可樂就會頂胃食唔到更多野所以就好齋咁飲滾水同白烚生料火鍋優勝之處在於味道可隨個人口味而作調節好唔好味就真係要試過先知一個人食一個餐可以話係過多不過兩個人就可能唔多夠食但$68可以有咁多野食的話我覺得可以一試有機會都真係會試多一次…Read More

今日放學食晏去左五十嵐 = = " 餐牌都冇要自己係對面拎,,D野得超耐都未黎 我叫左2碟壽司 ~玉子,蟹柳壽司...我4個朋友分別叫左咩牛肉鍋定食$32(學生價)同埋都係$32(學生價)既餃子拉麵...不過等左勁耐先到就算連野飲 2杯奶茶同2杯凍檸茶都摧左幾次先到 慢到呢 ~[ 不過個餃子拉麵都ok !!好似幾好食好足料 !! $32 都抵食又幾令(都係最快)我D朋友話超咸,,好難食...會連一碗飯 (因為都幾大碗,$32唔算貴)一個人食唔哂 ,到我既壽司,趨覺得佢地d態度唔ok 好hea等得左超耐 ~第一次摧,,,果班姨姨都係講:) 我地幫你摧左(不過從來都無見佢行開..佢點摧) ??摧第二次~佢無理(唔知會唔會咁到聽唔到))第三次(佢終於應我) !!佢好似唔記得左我落單咁問我你叫左D咩 ? 我就同佢講話我要2件玉子壽司同蟹柳卷 ~ 首先 黎左玉子,,但係又多埋我無點果D帶子,tuna魚,仲有唔知咩 ~我就同佢講我只係叫左玉子,,你係唔係拎錯左 ? 佢就幫我係果碟野拎番其中2塊既玉子俾我 不過個賣相唔係幾 ...佢話一陣再拎蟹子壽司 !! 等左一陣終於送到不過送多左2件玉子我就同佢講喇 ~ 點知佢話我叫左4件 ! 係我自己叫 ~ 明明係佢自己聽唔清楚 !!我d朋友都聽到我話要2件講左幾句佢先好唔願意咁換 !! 仲有個牛肉鍋係送埋味增湯 ~ 食先又等左超耐都未送到 !!同佢講左再過一陣先拎到 裹面都有2粒豆腐同埋dd海x !!其實都無咩特別~唔係話難食既 !!不過就咸左d (要等既時間比較耐 ,,如果時間緊既人就考慮過先 !! )…Read More

**上星期寫左篇完全反映事實的食評 但openrice唔肯登:(唯有寫過篇簡短隱晦既,希望openrice比我將親身經歷講出尼啦**果日我地6個人食lunch, 後面商場人來人往坐得唔太舒服無菜牌問侍應拎, 佢口黑面黑,最後只比1本我地6個人轉住睇(後來有食物走單,來到又餐具欠奉,問侍應又十問九唔應) 我叫左個set lunch 牛肉鍋 32蚊唯一可以讚就係有隻生雞蛋其他野都有陣怪味好難食, 相信係失手，其中一樣材料／個鍋仔有問題搞到成個鍋變左味真係一子錯，成鍋野係無得救除此之後，朋友表示拉麵難食，其他食物正常(eg. 咖哩飯)不過杯熱檸水ｄ味怪怪地，夾片檸檬上尼係啡色 (拿! 我無比任何假設嫁 Openrice唔好又del我)服務 &食物唔好係其次, 重大問題係食完之後...但我寫出尼又怕又再比openrice delete只可以溫馨小提示...如果身體唔夠壯健要諗清楚先好去食:(…Read More