二鍋頭 (好運中心)

Open Now

Now Closed

【🍲沙田「二鍋頭」必試！6款熱辣煲物+火鍋放題無限任食】 咩天氣都好❄️，最緊要暖胃又暖心！沙田好運中心嘅「二鍋頭」推出超抵玩任食套餐，1個價錢即可無限輪住試勻6款人氣煲物，食完仲可以轉戰火鍋，啱晒大胃王～ 🔥 **必試亮點** ✔️ **火焰牛尾煲**（淋酒點火超震撼） ✔️ **鱸魚酸菜煲**（無骨嫩滑+酸香湯底） ✔️ **5款爆款雞煲**（重慶麻辣/泰式冬蔭等） ✔️ 新增冬蔭功烤魚煲&秘製牛雜煲 📍 **點餐攻略** 1️⃣ 先選2款主煲（可無限續加） 2️⃣ 用剩餘湯底打邊爐 3️⃣ 掃蕩自助區：牛板鍵/手打丸/時蔬 4️⃣ 歎埋港產雪糕作結 💬 大讚：「牛尾炆到骨肉分離！」「酸菜魚湯底飲到見底～」 📌 沙田好運中心商場 ⏰ 建議預約去，週末爆滿要等位 💰 $200-300/位（視套餐時段） **同場加映**：新推「雙乳雞煲」鹹香過癮，腐乳控必mark！ > 小貼士：用酸菜魚湯底灼肥牛，鮮味即刻提升3個level～ #性價比之王 #沙田美食地圖 #火鍋控必收藏

今日出咗去沙田一田買特價貨，拎住戰利品去咗好運中心的二鍋頭，勁食平靚正的火鍋放題套餐。無限量任食牛雜煲和烤魚，仲有雞煲任食，最後打邊爐，仲抵食過返深圳。餐廳裝修風格時尚舒適，燈光柔和，營造出溫馨的用餐環境。「滋味無限」套餐二鍋頭三寶二鍋頭惹味雞煲香濃黑椒豬手煲秘製火焰牛尾煲雖然任食，但我哋胃口有限，所以都係揀咗最鍾意食嘅雞煲，仲有新口味：重慶麻辣雞煲辣酒東風螺雞煲泰式冬陰功雞煲醬香惹味雞煲雙乳雞煲（咸牛乳、腐乳）試新嘢叫咗辣酒東風螺雞煲，色彩鮮豔，冒著熱氣，東風螺讓人垂涎欲滴。無限量的雞煲，口感滑嫩，味道濃郁，辣酒東風螺鮮香，各種香料各具特色相。任食烤魚/酸菜魚/牛雜煲最後選了最喜歡的烤魚，清江魚可以有幾種唔同嘅煮法：麻辣味香辣味酸辣味冬陰功醬香味蕃茄湯擺盤非常精緻，魚身金黃酥脆，配上新鮮的蔬菜，視覺上十分誘人。清江魚鮮嫩的肉質，細膩的口感，今晚嘗試了以冬陰功味來烤製清江魚，帶來了一場味蕾的盛宴。酸、辣、香的完美結合，香茅、南薑和檸檬葉的搭配，增添了魚的香氣，提升了清新感。魚肉吸收了所有的滋味，魚皮微微焦脆，內裡卻依然保持著鮮嫩的口感。外脆內嫩，冬陰功的酸辣味道恰到好處，不會蓋過魚肉的

呢排好中意打邊爐🍲二鍋頭有好多吾同款，重點係：任食‼️‼️但根本試吾哂咁多款，款款都想食😋首先試左：酸菜魚勁多魚肉，作為資深酸菜魚愛好者，好開心好滿足仲可以一邊食一邊打邊爐🍲之後叫左雞煲除醬香惹味雞煲,仲有好多不同味道選擇：重慶麻辣雞煲、辣酒東風螺雞煲泰式冬陰雞煲、雙乳雞煲（咸牛乳，腐乳）但傳統醬香惹味雞煲好好食😋最後當然係打邊爐🍲免費升級鴛鴦湯底：香茜皮蛋鍋+ 正宗豬骨鍋因為熱氣想清清地🥲其實好中意食辣食材真係非常新鮮牛肉鮮嫩大塊👍🏻👍🏻👍🏻一定要食花白，冇沙清甜，份量多

秘製火焰牛尾煲職員會幫手炒香，之後淋酒上去，有視覺同味覺雙重效果 。好惹味，牛尾大大舊，幾多肉 ，而且入哂味 。 香濃黑椒豬手煲叫左小辣，因為本身有黑椒，都幾辣下 。但好好食，豬手炆到好淋，夠彈牙 。D煲都可以任食，仲有雞煲，牛雜煲，烤魚，酸菜魚，口味都有好幾款簡，試哂想食既煲之後先開始打邊爐台式藥燉排骨鍋個湯底都足料，有紅棗、杞子…叫左d蝦、蜆同肉 。蝦幾鮮甜 ，牛板腱都唔錯 。火鍋配料可以出去拎，有菜、丸、粟米、菇 、面、炸魚皮等等自己落單都有牛肉、羊肉、海鮮簡 。飲品有茶、汽水、啤酒 。甜品有cocoberry 雪糕同king’s雪條，有我最鐘意既榴槤雪條😋😋

沙田市中心真係好多野食，今晚想食烤魚，揀左間一個價錢可以食曬烤魚、鷄煲既餐廳。價錢不貴，每人大約300都可接受。個人推薦烤魚同埋鷄煲。食完基本上都飽左一半。麻辣同冬陰功烤魚好食，好大條魚，香口、魚肉又嫩。鷄煲D肉都不錯。湯底有三款揀。打邊爐配料不算很多但夠食。大蝦新鮮好味，牛板鍵都Ok。任飲任食來講，係沙田呢個價位算不錯。值得一試~🥢二鍋頭 (好運中心) 🌏沙田橫壆街1-15號好運中心3樓3109及3110號舖

住附近見到有優惠幾抵，$278/位食曬6款煲物，岩曬我呢D乜都想試下既人。價錢都好實惠！個套餐名都好長：牛雜煲烤魚雞煲火鍋放題套餐，哈哈。烤魚就必試，揀左冬陰功同麻辣青江魚。條魚都好大條，本身炸過來，所以表皮好脆口，D肉又嫩，推薦！邊爐就揀左排骨藥膳湯底，清清地打邊爐幾好。食材不少，海鮮來講，海蝦新鮮、活海蜆爽口可以encore。牛板鍵質素不錯值得叫。價錢不貴又咩都可以食下，好Ok啦~🥢二鍋頭 (好運中心) 🌏沙田橫壆街1-15號好運中心3樓3109及3110號舖

無限時任食套餐，仲要旺角同尖沙咀咁方便嘅地點都有分店，究竟邊度搵？！二鍋頭就幫到手，今次我哋食沙田分店，一樣提供各款雞煲、牛雜煲、烤魚、再轉湯底打邊爐真係大滿足，無限時任食套餐仲有得free flow紅白酒🥂-呢間之前都有食過，朋友聚會非常適合，但佢而家又推出新款雞煲同烤魚，一定要多多幫襯支持吓👍🏻-呢度嘅雞煲有多款口味，最特別係新出嘅雙乳，鹹牛乳+腐乳港味十足，乳醬沾勻每一件雞肉。秘製牛雜鍋都好正，即叫即炒，有牛肚、牛腸等等內臟，鹹香開胃💯-之後轉湯底打邊爐都有好多款選擇，仲可以免費轉鴛鴦湯底，魚片、牛肉、魷魚、餃子，各款肉類海鮮配料都一應俱全，無限時坐幾耐慢慢食都得，真係好抵！

嗰日同幾個friend去沙田搵食，大家都講口癢癢想食煲，又想涮火鍋料，傾偈傾到夜都唔願走🍻。見到「二鍋頭」有放題套餐，煲煲任叫、邊爐任涮，連汽水啤酒都係任飲，咁唔入去就真係對唔住自己啦 😋。🍗 重慶麻辣雞煲 一上枱已經聞到花椒香氣撲鼻🌶️，啲雞肉超嫩滑，辣得過癮但唔燶口，啖啖入味，啱晒鍾意挑戰味蕾嘅人。🐟 酸菜魚 湯底酸得啱啱好🍲，酸香開胃之餘又唔刺鼻，魚肉冇骨嫩滑，食落唔費事，涮埋啲火鍋料一齊食，真係爽到笑😄。🐮 秘製牛雜煲 牛膀牛肚炆到夠腍，醬汁濃得嚟又掛汁🥘，啖啖膠質滿分，拌飯一流，一食落去就知佢有心機整👍🏻。🦴 台式藥燉排骨湯底 聞落有淡淡藥材香👃🏻，飲落回甘唔苦，排骨炆得入口即化，涮肉涮菜仲幾夾，暖到個心都熨熨哋💆🏻‍♂️。🧄 放題配套超澎湃 除咗煲物夠吸引，火鍋料任揀，牛肉、豬肉、海鮮、蔬菜樣樣有🎯；汽水啤酒同樣任飲🥤🍺，講笑講食都唔使擔心口乾，Cheers到尾！煲物夠味、邊爐夠料、飲品夠爽，呢晚真係食到唔想走，開心又飽到行唔郁，煲得盡興，涮得開懷，飲得夠喉！🔥

放工同朋友去咗沙田好運二鍋頭食飯，試左佢哋嘅120分鐘火鍋放題，真係一個非常過癮嘅放題體驗！因為可以選擇六款鍋煲，包括雞煲、豬手煲、牛尾煲、烤魚、酸菜魚同牛雜煲，任食食完仲可以再添甚至食齊六款先開始打邊爐！以下都係店員推介我哋揀嘅新產品，有重慶麻辣雞煲、辣酒東風螺雞煲、泰式冬陰雞煲、雙乳雞煲（咸牛乳，腐乳）、火焰牛尾煲、黑椒豬手煲、烤魚（合共6款口味，新增左冬蔭功口味，番茄口味)、酸菜魚、秘制牛雜煲。我哋就選咗係喎，雞煲同埋牛尾煲，首先食左雞煲先，員工會黎幫我哋炒一陣，雞肉煮得恰到好處，唔會過熟而煮鞋左，肉質好嫩滑，醬汁味道濃郁，炒得好香！之後再揀左牛尾煲，就更加令人驚喜！員工都係會黎幫我哋炒香，仲會落啲玫瑰露酒，點一點火，超有氣勢！牛尾肉質柔軟，骨頭旁邊嘅肉非常入味，煮得非常透，一咬落去入口即溶！加上醬汁濃郁，成個煲肉香四溢！然後進入打邊爐環節！揀左鴛鴦鍋，豬骨湯同豆腐清湯，係qrcode有好多火鍋食材可以落單，有蝦、蜆，全部都好新鮮，仲有牛肉、雲吞、脆肉鯇等等，超多選擇！出面有好多火鍋食材可以自取，特別係有好多台灣直送嘅丸類，口感彈牙，非常好味！而且有啲都幾特別，例如皮蛋紅薑貢丸、

呢間火鍋店真係好適合胃口大嘅人嚟呢度可以任食好多煲！你想像到嘅煲呢度都會有！好似雞煲都有分幾種，又有豬手煲、牛雜煲，酸菜魚、牛雜煲同埋牛尾煲。我哋就食咗辣酒東風螺雞煲，啲雞除咗本身雞煲醬嘅味，亦都有好香嘅辣酒螺味！不過我哋食完呢個煲之後，都已經飽飽地，好想打邊爐，所以就冇食到其他煲，不過眼見其眼見其他食客都有叫兩至三個煲。超級鼓勵多啲人一齊食，可以食多幾個煲！至於火鍋料，其實同其他火鍋店冇乜大嘅分別，但係用料都新鮮嘅

今日下午茶都冇食，特登留肚嚟沙田好運嘅二鍋頭豪食。六款鍋中，我哋揀咗酸菜魚同惹味雞煲。酸菜魚嘅魚片好滑嫩，鮮味十足，酸菜好開胃，湯底清爽，啲粉絲同豆卜吸晒湯嘅精華，好正。惹味雞煲香料味濃郁，雞件爽嫩，食落去有種香辣嘅感覺。如果2-3個人，最好就叫半份，因為佢份量都好大蕃茄薯仔湯底好濃，打邊爐可以唔點醬汁都好好味，安格斯牛肉好嫩滑、封門柳同樣好味。海鮮選擇雖然唔係好多，但鮮蝦、蜆都好新鮮，自助區嘅幾個大雪櫃放滿火鍋配料，款式又多又新鮮，無論揀選邊一個set都一樣豐富。二百幾蚊任飲任食，真係抵過自己煮，值得推介。

好難食！雞煲啲雞係鞋嘅打邊爐已經加錢食最貴，野食唔新鮮，碟牛舌超恐怖，咁都可以拎比人食🫩出面自助仲慘，我想食條菜姐，得返幾條爛菜完全拎唔落手，啲菇好似放左十日咁任何一間雞煲邊爐都一定好食過佢請避雷！！！

沙田區火鍋放題選擇唔多，有雞煲放題就更少，如果有十幾種煲任食再加轉湯底火鍋放題，相信呢間係唯一，5種口味雞煲，6種口味烤魚再新加酸菜魚，期間限定秘製牛雜煲，黑椒豬手煲同火焰牛尾煲，今次食3款煲。秘製牛雜煲🐂🐃🐄牛肺、牛蒡、牛肚、牛腸齊全加牛腩，先炆煮再爆炒，炆得入味唔過火，醬汁濃少少辣好惹味。🐔🐓🐚🐚辣酒東風螺雞煲辣酒煮嘅東風螺帶有酒香加入惹味雞煲，一次食到東風螺同雞煲兩種味道，雞件嫩滑的確係招牌。🐮🐮🐮秘製火焰牛尾煲店員即場炒加入玫瑰露酒點火，酒香即時揮發超級香，牛尾肉味相當重，加上酒香醬汁好夾，肉味濃有彈性。火鍋放題鴛鴦胡椒豬肚雞鍋加懷舊沙嗲鍋，等別欣賞係沙嗲，炒得好香用料足，食到一隻隻蝦皮。火鍋配料好豐富，有鮮蝦等多種海鮮，另有牛柏葉，豬大腸豬肚，蝦滑味鮮有彈性，自助區仲有海量蔬菜丸類可供自取，飲品雪糕都係任取任食，兩小時任食好滿足，如果唔夠可加60蚊升級無限時慢慢食。

「二鍋頭」有得任食雞煲、牛尾煲、豬手煲😍.⚠️此餐廳收取10%服務費💰.B餐嚴選安格斯牛120分鐘火鍋放題(2位)🍽️套餐$536💰.秘製火焰牛尾煲🐂套餐包含💰上枱時職員會炒香👨🏻‍🍳並加酒形成火焰🍾🔥牛尾炆至軟腍入味，肉味濃郁🤤香辣惹味帶酒香🌶️.養生滋補鷓鴣鍋🍲跟餐$68💰有鷓鴣🐥淮山、杞子、毛桃、蟲草花、紅棗❤️藥材味較重😌真材實料，無味精☺️.肉類🥩套餐包含💰點咗安格斯封門柳同安格牛板腱🐄封門柳脂肪分佈平均😍2款肉質都偏瘦😉肉味濃郁😋豬肉油脂感滿滿🐖.火鍋配料🥢套餐包含💰有內臟、雞件🐓鴨件🦆活海蝦🦐水土魷🦑魚🐟青口、帆立貝、活海蜆🐚鮮吊桶仔、墨魚仔、墨魚滑🦑餃類🥟.甜品🍮套餐包含💰有各款雪糕同雪條🍨🍦.飲品🥤套餐包含💰有汽水🫧涼茶飲料🫖啤酒🍺

沙田市中心美食處處，大家想食熱煲，又想打邊爐，這間位於好運中心嘅火鍋店，一次可以滿足兩個願望，熱煲魚鍋有六款咁多，可以先吃熱煲再吃火鍋火題。酸菜魚鍋魚肉鮮甜嫩滑，清湯底加上芫茜，口感清新，豆泡吸收湯汁，加上粉絲，軟熟綿滑。牛雜煲這個煲醬汁好濃厚，有牛膀、牛肚、牛腸和牛筋等，牛膀厚實甘香有嚼口，牛筋膠質豐富腍滑。黑椒豬手煲黑椒醬汁好惹味，豬手炆得腍身又入味，豬皮尤其鬆化，充滿膠質口感，肥而不膩。食完幾個煲後，開始火鍋放題。牛板腱肉質有嚼口，本地鮮滑牛肉幼滑鮮嫩，牛柏葉夠爽脆。活海蝦鮮甜彈牙，豬大腸肥厚有質感，脆鯇魚腩、墨魚仔、鮮蝦雲吞、鳳城水餃和魚皮餃，皮薄內餡好足料。還有新鮮蔬菜和飲品，吃得好爽。