二記飯店 (Closed)

昨日去太安樓二記食飯，叫左四味菜，好難食，梅菜扣肉又水又肥，籃乳粗齋煲，冇藍乳冇齋又水，炒聖子好瘦，龍蝦伊面一夾就斷，圖一就係南乳粗䶒煲，伙記一拎黎，南乳粗齋煲！，我同老闆講話唔係南乳齋煲黎，老闆話係黎嫁啦！四味垃圾埋單6百幾 仲有比網友睇過啲相，非常中肯啲評價！第一，南乳齋煲一睇就知道d菜白灼完再調翻個爛鬼芡上煲，第二，梅菜扣肉係唔可以用菜墊底因為會出水，同埋好明顯果d只喺半肥瘦豬肉，皮沒炸肉沒扣，完全唔係扣肉最多只喺梅菜悶豬肉，第三，聖子唔夠鍋氣同過曬龍出曬水，掛芡亦都失准成灘水。…Read More

今晚有個同事生日，收工想食宵夜慶祝，相約去西灣河二記飯店宵夜慶祝，點了一個沙嗲金菇肥牛煲，蒜蓉開邊蒸蝦，海鮮粉絲雜菜煲，還有一個椒鹽排骨，開了兩支啤酒，先嚟蒜蓉開邊蒸蝦，啲蝦唔新鮮冇蝦味，再嚟沙嗲金菇肥牛煲肥，牛每人得一件，我們一共四個人，都算經典，海鮮雜菜煲，海鮮只得兩件魷魚，兩條蟹柳，一點蝦米，少量粉絲，椒鹽排骨，排骨一入口，一口都是油，嗰件正式肥骨不是排骨，好彩有兩支啤酒可以飲得，小菜又唔平，又唔好食，我以後都唔會再去，這間店舖宵夜或食晚飯都唔會，真的好生氣。…Read More

難食，叫左4樣嘢食，無一樣食超過一半，比以前差左好多好多，黃金鮮魷硬過石頭，乳鴿炸到超乾，豆豉零魚油墨菜超咸，白飯應該放唔夠水，生米，失望一次夠啦，唔會再去，咁既價錢唔貴，不過唔值得再去啦…Read More

電視播緊幾十年如一日嘅對白：“現在已經係深夜，請將音量收細⋯⋯”而為何深夜總是餓？男友說“帶妳食宵夜”我說“唔啦，怕肥”男友說“不怕！”他們家的牆上都是一張張的餐單，你想得到的差不多上面都有齊了，檯面還有一份餐單，看得人眼花潦亂，頓時選擇困難癥發作嘅時候～隔離企咗位姐姐由入門口就開始問想食咩，終於開口同我哋講“上面仲有啲孖寶參餐餐㗎”佢指住門口玻璃牆～選擇範圍小咗，馬上症狀都減退咗～8號參寶餐，不過男友唔想食乳鴿，問咗姐姐，加20可以換貴妃雞半隻～最先上檯嘅貴妃雞，跟埋咗薑蓉一齊上，隻雞本身味道偏淡，點薑蓉係必須嘅～肉質偏嚡，爭啲～呢個嘅粉絲先係精髓，入晒蒜蓉味，好香。而扇貝嘅肉身（即係白色果粒嘢）好大粒，有鐵匙羹比你撬開來食，肉質鮮嫩。瀨尿蝦嘅份量好少，粗略數過應該得七隻，仲要唔係大隻，冇乜肉食，味道都係偏淡～我哋都有叫多個白飯同可樂share，埋單378，總體來講，算係普普通通嘅宵夜。…Read More

兩個女仔心血來潮想食小炒小菜，就近近地去左呢間，係附近住左廿年都未食過。我地8點入到去，唔算多人可能重算早，我地叫左個豉椒炒蜆，蜆都唔係細細粒，d肉手指公頭咁大到啦，個汁就唔夠辣，唔夠野味。另外叫左豉汁皇炒鵝腸，都算爽口入味，口感不錯。重叫左碗蠔仔肉碎粥，一碗都夠哂我地兩個女仔食，好彩冇叫一鍋，料就足夠既，不過就粥底較稀，味道就唔太夠，我地要落好多胡椒粉先食到。整體黎講食物味道一般，但係d職員係咁狂sell佢地既孖寶套餐，多數都係海鮮，我地都食唔到，又成日走過黎收野，好似想趕我地走咁，個感覺就唔係咁好呀，呢樣就有待改善。…Read More

二記飯店 久不久都會幫襯的，因爲向屋企付近.但質素都幾參痴. 經常一時好食一時唔好食.今日叫左椒鹽白飯魚，個白飯魚係非常脆的，但脆到好似空心咁. 好奇怪. 咬開黎睇下 發現應該係太大火炸，個白飯魚得番鵬骨. 肉都溶晒得番對眼. 就好似中左化骨綿掌咁. 所以呢個餸叫椒鹽炸粉漿. 鼓油皇鵝腸 - 鵝腸好粉, 好長, 唔爽脆，唔多似鵝腸. 唔知係咩腸黎. 魚頭煲 - 成晚最好食應該係呢個，其實都唔算好好食， 不過比起另2個算係咁. 唔會再幫襯. …Read More

其實喺度食咗幾年嘅羊腩煲， 第一次去食嘢時間畀我好大嘅驚喜， 湯底正， 肉有夠多， 仲送埋生菜。 加埋啤酒嘅價格都唔係貴。 所以都幫襯咗一兩年。 不過而家一日去試映就會問你食唔食三寶。 答咗唔食就黑你面。 你會發覺你個羊腩煲越嚟越細， 肉少咗， 配料 少咗。 連笑容都少咗。 香港人我哋都係咁大壓力， 但係我哋可唔可以都保留一份 為人服務嘅心呢。 共勉之。…Read More

尋晚凌晨12點半和幾位有人落街食消夜，西灣河附近其實都冇乜選擇，唯有落去二記叫小菜和飲啤酒，去到原來佢有不同的set dinner ，我哋叫咗一個餐加＄20轉咗做豆苗，有條蒸魚，有隻雞，仲有叫多咗個豬手散叫樣子就不過不失啦，都係一般大排檔嘅感覺，但係佢就坐室內有冷氣會好d地方乾淨到一般，可以接受，叫咗兩支大啤酒飲，埋單都係四百幾蚊，咁嘅消夜價錢我又覺得好抵喎，豆苗不錯，魚亦ok，如果係一大班朋友落嚟食飯吹下水，呢個價錢我覺得可以經常過嚟添…Read More

由於工作關係要去西灣河，處理完工作之後喺西灣河地鐵站附近，於是睇下附近有咩好食。去到太安樓附近見到呢間海鮮飯店，於是就入去睇睇睇下有咩好食，經店員介紹後，得悉店內而家做緊多樣特價孖寶套餐，眼見都有八至九款，有啲係兩個餸，有啲係三個餸。於是同朋友就決定是一個兩個餸嘅孖寶，呢個孖寶有1）木桶藥膳豬手,2）上湯波士頓龍蝦，更額外加多個臘味容扒菠菜。好入正題，首先介紹下每一樣菜先啦。1）木桶藥膳豬手，呢一個菜一上碟之後就聞到好香濃嘅藥味，呷一啖嗰湯就覺非常入味，就咁淺嚐都都飲到重當歸，沙參呢d藥材味，此外呢個煲仲有好多紅棗杞子喺入面，非常足料。除咗呢啲藥材嘅餡料足夠外，佢嘅豬手亦都整得好淋，一口咬落去就feel到一啲骨膠原嘅啫喱黐住個口， 非常好味。2）上湯波士頓龍蝦,因為我哋點嘅時候老闆問我哋要唔要配伊面，跟住我心諗有龍蝦加埋伊麵先至好食，所以就叫加伊麵。 放喺個底嘅伊麵，完全吸收曬龍蝦嘅精華，非常好味。龍蝦食落去都係啖啖肉。3）臘味容扒菠菜 呢味菜我都係第一次食，臘味容係將一啲臘味包括臘腸，潤腸同埋臘肉等至細粒，之後放喺菠菜上面，同行的朋友本身唔食臘味，但佢覺得呢個波菜加臘味容好正，幾唔同味道的臘味味道全面提升，配搭得好好。如果各位有機會來西灣河地鐵站附近，建議各位嚟呢間二記海鮮飯店。…Read More

3號風球3個人，叫了一個35O的套餐有一湯4送，加個生炒骨，自帶酒水開瓶費$2O，每人$130到，抵食。胡椒豬肚湯，胡椒暖胃醒神，豬肚粉腸爽滑吾腥，味菜酸酸地夠惹味，正！炒蜆夠味濃，蜆肉夠厚夠大，只可惜好多吾知跌左去那兒，鑊氣略欠。鱔新鮮爽滑嫩口無腥無泥味，也叫肥厚。鴿夠厚肉，只是略欠火喉。生炒骨有肉夠惹味，甜甜酸酸好醒胃。正!個套餐有湯有4送，打風的日子，開枝酒都系$20，3個朋友傾下計過一晚，正呀！…Read More

很久沒有去這店舖，剛巧經過，幾個朋友相約，又想不起食點什麼東東好，那就決定這店舖。記起很久以前，這店舖的海鮮太餐唔錯。環境和以前一樣，環境大排檔格局，不過舒適點，而且環境比軟清潔我們6個人，點選了豉椒炒聖子，煎蠔餅，蒜蓉蒸開邊蝦，薑葱生蠔，一字骨，上湯蝦米魚肚絲瓜。豉椒炒聖子同蒜蓉蒸蝦，海鮮都算新鮮，份量也好以接受，味道都不過不失薑葱生蠔煲，不太夠味，有點淡一字骨沒什麼特別煎蠔餅好失望，雖然味道不是太有問題，但同食開的似乎有點遜色，餅底不夠脆，可能沒有用鴨蛋炸，所以感覺真是煎蠔餅上湯蝦米魚肚絲瓜，非常清淡很懷念以前店舖食品，可能現在太多，有競爭先有進步，所以懷舊店舖便變水準落後，雖然不是比以前很有水準，不過仍然都算不過不失，希望店舖能有更大改善…Read More

星期四. 百利例假, 晨咁早, 只諗起二記。唔知同百利休息有無關係, 6:30am, 二記已叫座枱枱有人, 即一兩個那種, 總之有人氣, 多人過百好冰室了。而且樓面得3個人, 落單/收野/收數, 變左都要等下叫左個雙拼早餐$28因為記得佢既火腿唔係太好食, 叫左旦旦通粉。配熱央。好奇怪, 佢煎既旦比百利香同滑, 通粉湯底相信只係湯粉, 只見奶白色, 味道無乜特別。但杯熱飲又幾好飲, 有咖啡香。28蚊黎講, 價錢一般, 但咁早有咁既質素, 我會繼續支持但係, 呢度有一樣野唔好,: 係衛生, 唔知點解, 每次行入去, 有少少滑潺潺既感覺, 情況好似去地踎茶樓一樣, 再者, 佢既廚房....., 食前最好就唔好睇囉…Read More

三五好友好耐無食過小炒，其實是朋友推介食二記，而且十一點幾，選擇唔多，就試試啦！其實都係似舊式大排擋咁。我們四個人叫左蠔仔粥，好水好水，我們覺得太水，同好淡咁...所以大家都唔係好鍾意食，最後仲食剩。另外仲有叫左半隻炸子雞，普普通通，但食到有味.....好似係雪味咁。但個皮都炸得脆既。最好味既係薑蔥蠔仔煲，好惹味...d 蔥用黎送飯一流大家都搶住食咁制，份量比較少。朋友叫了焗雞蛋焗魚腸，因為真係好小地方有dd咁傳統食物，但味道都係一般，好似無味咁，要落好多胡椒粉至有味。侍應哥哥話勝子大隻，我們就叫了三隻，因為有朋友唔食，係真係好大隻，但我覺得過熟...好難咬到..都新鮮既，但就因為過熟破壞左個質素。侍應門都好落力推介你食孖寶，大家都可以留意下，因為會低D …Read More

下午二時點一個午餐炒河加凍檸茶，一分鐘後，檸茶到，趕時間叫快馬，三次，在二時廿分，我忍無可忍說唔食，fxxk。佢話依家炒。點都要我食。仲要唔係熱騰騰的。用五分鐘食完大半碟埋單走。下不為例。正衰舖，仲有員工掃地又掃到我隻腳。衰格店…Read More

於西灣河辦點事，就近在附近餐廳享用早餐。二記飯店環境老舊，衛生情況 OK。早餐 $24 至 $27，定價較灣仔區茶記便宜。五香肉丁公仔麵全是現成加工食材，口味合預期無驚喜。熱奶茶奶感相對茶味輕，味道都 OK。…Read More