九龍城冰室 (Closed)

九龍城一向正野食多雞煲泰菜茶記cafe 講得出乜都有質素仲要幾高不過茶記係我至愛呢間冰室有個必食之選。就係蝦多士，對於蝦多士啦我嘅要求都甚高，暫時覺得最驚喜嘅當然就係周記同埋呢位於坪洲果一間嘅冰室啦。而因為呢知道我鍾意食蝦多士嘅朋友極力推薦我嚟到呢一度試吓。蝦多士彈牙有質素，涵夠多，味道夠鮮，而最正係即叫即炸。見完客未來食個下午茶就最啱。順手叫多個意思紅豆冰，sorry 係涼粉冰！諗起細個成日叫媽咪整涼粉，近呢幾年叫媽咪整已經話街市冇一嚿嚿嘅良品買啦。剩返嘅呢就係比較常見嘅罐裝涼粉。涼粉買少見少涼粉冰同樣都係。大熱天時飲杯涼粉冰有時爽過飲杯咖啡㗎!唔講唔知呢間冰室呢晚市仲有更加多驚喜，又有雞煲又可以加餸打邊爐下次有機會再嚟試吓先！…Read More

My family moved to KLC for a while already. And we find out there are so many good restaurants nearby. KLC is really a nice place which most of the restaurants are close to center . We just have to walk about 5-10 mins then we can have different type of food.This restaurant is one of my fathers favorite. Their chicken pot and Chongging spicy fish pot are excellent.Price is reasonable and most of the time are provide special discount. The portion is fit for 3-4 person , and good for family dinner.You can order extra groceries. And I like their fish dumplings so much . Is definitely match with spicy soup. …Read More

成個星期都流雨，真係落得非常腌悶，直頭唔想出街，平時有餸賣，但今日因為太大雨，所以在九龍城街市附近開餐就算。本想吃潮式食物，但幾間都好多人。泰國野又係一個幾想食的類型，不過問題係太肚餓，要食一些飽肚的東西。更加無理由食魚蛋粉嘅，幾十元好似食一餐風咁，唔平又唔抵食。結果食打邊爐吧。行行下見到有間餐廳，外邊睇好似好多選擇咁。一於入去食個煲，有魚煲有雞煲，最後選了吃個雞煲。雞煲不錯，有幾多料，吃一下，就嗅到花椒八角的味道，又辣又好吃，因此幾好味。加一點湯就可以打邊爐。加個公仔麵，吸晒所有味道，都幾好，是絕對好的打邊爐選擇。加了一個餃，又係吸晒所有雞煲的味，都不錯呀。最後，吃多個公仔麵，當然一定要食出前一丁啦。完美，就是今晚打邊爐，吃一丁。…Read More

雞和魚都是我的最喜歡食物。很久沒有試過在一個地方吃過兩樣都好的美食，就是在九龍城的九龍城冰室。這間冰室的裝修有點像金記，食物選會都很多元化。不只是那些常餐特餐abcd餐牛肉麵餐蛋粉，你看到的是很多像酒家的食物。炒粉麵是非常重要的，不過最好的是有勁辣烤魚和雞煲。雞煲送飯，有很多蔥和芫茜，香味很重，愛此味一定喜歡的。雞件非常好味，好滑溜，又不會太鞋，最喜歡雞脾和雞翼。魚則是整條上，有點想起大陸的烤魚。肉質也不錯。味辣又有那些中國的香料。還有不少其他的小炒，特別喜歡小炒王。每人都不用一百元的晚飯，絕對是夠平。魚和雞，一定不能錯過。…Read More

今日放工經過九龍城，食過飯。本身諗住食嗰間魚蛋粉，點知又冇魚片又冇魚蛋，結果去咗王林記，點知人好多竟然要等位。我就最憎等位，竟然食魚蛋粉麵都要等位係咪傻㗎。有諗過不如自己一個人去方榮記打邊爐整個沙嗲牛肉，加公仔麵。但係放工太疲累都冇乜胃口。結果都係食一間簡單嘅嘢就算，行行下去咗有間叫做九龍城冰室。就一於試吓有乜好食。食左個雞煲，都幾大煲，足足一隻雞，而且味道非常惹味，辣得來好好送飯。加左杯紅豆冰，又幾好飲。最後口痕加咗個奶油豬，脆脆地都不錯。…Read More

我就覺得比一般茶餐廳好看過一篇食評寫呢間茶餐廳差，本身我都冇乜信心。不過看到九龍城冰室外表幾吸引。一如個篇食評講，裝修非常有特色，風味懷舊，而且茶餐廳來說真的坐得非常舒服。但我覺得食物類型真的很多，有些餐廳只有冰室的食物，但這裏很多晚餐類型的食物也有。特別係見到有一個烤魚，好入味好好食，令我想起深圳的探魚，配菜很多，魚肉很滑，很好。另外我點了雞煲，那個雞煲也令我想起城中令一間好味的隨變雞煲。還有蝦多士，炸得轟烈又乾又脆好食。總括來說，值得一去，這間九龍城冰室不如食評般差。…Read More

剛剛食完三餐冰室，突然人人癮起食茶餐廳。看到有個朋友說九龍城有間叫做九龍城冰室味道不錯，一於帶埋屋企人去試吓。星期六的晚上人非常多，有一段時間都要等位。餐廳選擇和上次三餐冰室一樣，茶餐廳的食物當然有，這裏更多小菜類的食物。最特別是爸爸很想食雞煲，這裏竟然有雞煲！我們也沒有想過，本來以為吃簡單的焗豬扒飯餐蛋麵，但這裏中式的小菜都有。呢個雞煲，見隔離枱叫咗之後，就非常吸晴，那個雞煲的香傳篇整間茶餐廳。另外見食評寫有個炒飯好正，叫了之後，真係食唔停口，用上燒肉你炒到粒粒有口口的飯不容易。艇仔小炒王，我吃到了深水埗那間容記的鑊氣，而且非常美味。另外生炒骨也做得不錯，很有家常小菜的feel。最後還點了一杯仙草薏米冰，飲品特別又大杯，老實說，非常出色。怪不得這間冰室咁多人，但見到其他茶餐廳都不是太多人，但這裏仲要排隊就知道有啲實力。值得再來光顧，下次試吓真正的冰室食物。…Read More

有個朋友住開九龍城，成日都會問係九龍城有咩好食，食來食去都係嗰啲嘢，有時都覺得幾悶。有個朋友反而話有間茶餐廳幾好，我仲以為係聯發，點知唔係。原來呢間叫九龍城冰室。和我想像中的茶餐廳的風格有點不同。入到餐廳，好搶眼嘅獅子山下，我相信黃色朋友一定醒神。我們一家人點了幾個菜。霸王香辣炒飯，麻辣並重，不得了的好吃，像我在那間什麼皇仁一樣吃過的不相伯仲。還有那個蝦多士，厚身，和澳門吃過一樣剛好。最後的咖哩牛腩磚，咖哩味好濃郁，牛腩大件，用麵包點個咖喱非常好食，我食炒飯已經夠吃，所以沒有再叫白飯。…Read More

早餐同下午茶可能好啲啩，啲相片好似唔錯。見到其他評語雖然唔多但都應該唔太差。環境不錯，裝修有特式，有懷舊風味，坐得舒服。食物款式不多，普通一般茶記，午餐時間嚟食嘢試唔到下午茶只有午飯。星期日午飯時間都唔太多人，已經有伏味。價錢響九龍城區嚟講算ok，唔太離譜，大約$50一個午餐連湯。兩個人嚟叫左個午餐加一個芙蓉蛋飯，啲飯好乾同硬，味道一般，啲蝦有怪味，杯凍奶茶少甜變左凍奶水走甜，例湯粉葛赤小豆，完全冇味，冇下次！…Read More

九龍城有好多食市，要吸引大家食客就要有啲睇頭和特色，經過三角公園見對面有間冰室叫九龍城，入去吃個下午茶入口牆身有好多相片，原來都吸引藝人捧場裡面大致都係冰室設計，座位都算闊落舒服，於是order左兩set下午茶懷舊蝦多士好脆甘黃，另外雞翼沙律就一般般埋單兩位82,尚算合理…Read More

今日去九龍城探親戚，順便食個午餐，佢介紹左呢間九龍城冰室，因為佢成日食開，之後我地叫左個炒牛河同咖哩牛腩，個牛河晤肥，牛肉炒到晤會太乾，d咖哩份量多，十分惹味，仲送埋例湯！…Read More

呢間我食過幾次, 我覺得值得去食, 因為好食沙嗲出前一丁就正常野, 牛肉好大片多士脆!叉燒炒蛋配飯同老火湯, 個湯好飲!!!叉燒同炒蛋份量係勁多, 而且好好食經濟之選…Read More

離開九龍城準備乘車回家，經過這間新開的冰室，奶茶癮又起，便進去吃個簡單下午茶。星期六午後，店內的客人並不多。我一個人獨佔四人卡位，椅背極高，私隱度十足，是個「蛇竇」的上佳地點！店內的裝飾又是大玩懷舊潮，這間的主題是獅子山下，位置確又對題。餐牌放在一個「信箱」內，幾特別，牆上貼滿以前這區的舊相片，玩懷舊來說，這裏做得頗為有特色，連食物的名稱，有些也配合了。我點了$26的脆脆奶油豬和熱奶茶，脆豬的味道不錯，吃得出是剛烘好的。奶茶的味道亦比我預期好，茶味不濃但淡奶似乎多了點，如果點「茶走」可能會更好。以這個價錢來說，只是連鎖快餐店的水平，但這裏環境舒適得多，是個十分好hea的地方！…Read More