九運來粉麵世家 (Closed)

厚福街出名多美食，呢間最近新開張，主打牛腩等多個部位嘅粉麵，即日至15/7仲做緊優惠，$20食到原汁牛腩湯，每人每日限一碗，每日供應數量有限。除此之外更有唔同套餐同小食供應，價錢親民，地點方便，值得到訪一試。一場嚟到要咗個牛三寶，可以試晒唔同部位。牛腩最正，肥瘦適中，肉質軟嫩，咬落即化，而且煮至入味、牛肚吸飽醬汁，帶點口感、牛筋QQ彈彈，有大有細，不過味道較為淡。值得一提嘅係下面鋪滿新鮮生菜，感覺健康，性價比高。除咗早餐下午茶套餐之外，餐廳亦有全日特價飯餐，超級推介呢度嘅冬瓜鴨腿湯飯，鴨腿大塊，淡淡香氣，肉質唔嚡，飯分開上，十分貼心，軟糯可口，而且份量好多，一個大男人食都足夠。

個人是牛腩的熱愛者，每逢有牛腩專門店，便會來到一試。這間位於厚福街的牛腩專門店，除了牛腩之外，還有其他粉面。崩沙腩河$57，崩沙腩軟腍腍可口，牛筋位置爽口又不會過硬，非常美味。河粉爽口彈牙，非常配合崩沙腩。崩沙腩伊麵$65，伊麵湯底吸收了濃郁的牛骨湯底，味道更加豐富，如果要軟腍腍一些，落單時要同店員說明，否則要等一段時間，伊麵吸收了湯底才會變腍。凍檸茶跟餐$3，檸檬有四片，茶味濃郁，，甜度適中。油菜跟餐$12，蠔油份量十足，如果不想太多蠔油，落單時要說明分開。

昨晚行開尖沙咀，記得有間新開張牛腩麵店，推出$20一碗牛腩麵優惠，入去一試。以牛腩店來說，環境整潔，招呼有禮，食物正常味道，份量足 。以尖沙咀來說用$20可以食到一碗牛腩麵是不錯吧 。下次可以再去食 。

九運來粉麵世家 (尖沙咀)見厚福街開左間新既粉麵就試下佢餐廳環境燈光充足，大部分都係卡位，坐得舒服，好少見麵舖係多卡位，平時都係圓枱多雙沙麵 (崩沙腩 + 牛沙瓜) 粗麵，啲牛腩好淋，肥瘦比例好好，牛沙瓜即係牛肚，平時粉麵舖好少有得食，兩款份量都十足，各有5-6大舊，粗麵亦無鹼水味，正👍🏻爽脆墨鬚魚麵，加左13蚊轉魚麵，啲魚麵同墨鬚一樣咁彈牙，食魚麵就好似魚片咁，又彈牙又鮮甜，墨魚鬚都好多，食得好過癮😋😋另外叫咗啲小食炸墨魚丸$30有5粒都幾抵食，新鮮炸起大大粒熱辣辣勁正👍炸魚皮$20一大包，仲有碗熱湯可以浸淋佢黎食無咁熱氣🤤郊外油菜都係$20蚊大大碟整體黎講麵同餸都新鮮好味，份量十足，叫咁多野食都係$200有找，真係抵食性價比之選👍🏻

"八寶河"。這道菜集合了多種食材,包括牛肉，牛腩、魚片、肉片等,泡在濃郁的高湯中,Q彈的口感十分誘人。另一道值得一試的菜品是"香茅雞翅"。雞翅肉質鮮嫩,香茅的清香味撲鼻而來,令人食指大動。接下來是他們的另一道拿手好菜 - "蟲草花鴨腿湯飯"。鴨腿肉質軟嫩,蟲草花增添了獨特的香味,與湯底完美融合。飯也煮得恰到好處,不會過於軟爛或乾硬。粉麵Q彈有勁,配以爽脆的蔬菜和鮮嫩的肉片,口感層次豐富。性價比超級高，值得一試

今日氣溫三十幾度，同事行到身水身汗都無乜胃口， 去尖沙咀落厚福街睇下有咩好食， 同事提議不如食粉麵 ，看見一間新開麵店，九運來粉麵世家，店家光猛整潔，內裏全是卡位，啱晒幾個朋友排排坐。我地都係愛牛之人，同事點了牛魔王湯河粉，有牛筋、牛腩、牛什。牛什包含金錢肚、牛腸、牛蒡 、牛肺。全部都好入味且有牛香，湯底濃河粉夠滑。我就點了招牌八寶河粉，有牛腩、牛筋、魚皮餃、魚蛋、魚片頭等，魚片頭食落彈牙有魚味。我地再加一碟炸魚片頭及香茅雞翼，即炸魚片頭熱辣辣更香更Q彈，雞翼炸到啱啱好外脆內嫩。凍檸茶，檸檬清香茶味恰到好處。凍奶茶香滑順喉。是日晚餐看似簡單，卻食得滿足。而且性價比超高。正。