九記潮州打冷菜館 (Moved) New Location

多年好友有心事要訴說，二話不說即刻約出旺角，大家飲下啤酒摸下酒杯底訴苦。黎呢度純粹貪就腳，入到黎有卡位坐都算係咁。$20 支大青島，可以接受的價錢。叫左份細蠔餅、韭菜豬紅同椒鹽魷魚鬚韭菜幾嫩，起碼爽脆咬得開以前食過一D完全咬唔開，吐出黎全部都係渣的韭菜,.......豬紅都幾好味蠔餅炸得都算脆身，食落有點煙韌，唔知係咪用薯粉做既呢？椒鹽魷魚炸得幾脆口，幾好食，送酒一流我同友人望住杯入面黃色既啤酒，望唔透究竟呢個世界仲有幾多野係可以掌握得到...飲哂兩支青島，愁完一輪就各自歸去埋單唔使二百

1月12日, 因為呀菲要食菜, 而我又想食中餐, 所以就去咗搵餐廳小廚~ 行過呢間, 雖然我地唔係打冷, 但係見到佢都有小菜食就入咗去喇~::: 生炒骨 ::: $53碟頭雖然唔算大, 但係份量都算係足, 望落都唔會菜多過肉~ 但係見到佢d生炒骨大多都係骨, 都心知不妙… 有d直頭成粒都係骨, 冇肉嘅… 味道都ok, 係新鮮嘅, 唔似翻炸, 夠酸, 亦有d甜味~ 菠蘿、青椒味道都ok.::: 蒜蓉炒菜芯 ::: $33菜芯唔算係靚貨, d莖勁粗碌, 又無乜點摘過, 食落成口渣. d油又好似唔駛錢咁係咁落, 成碟都立立令咁… 蒜蓉味一般, 唔太出, 真係食油菜好過…::: 白飯 ::: $7白飯$7一碗真係唔平, 個碗都幾細下, 唔抵…價錢係偏貴, 亦都覺得有d唔值. 旺角都會有d餐廳小廚$5X有個小菜套餐, 比呢度豐富好多… 不過, 可能呢度係以打冷為主, 我地叫d唔係咁熱門嘅先會中招… 另外, 服務亦有改善空間, 態度亦都係…

上星期五凌晨十二點零同老媽D同事黎左呢到食,係老媽讚呢到D野好食所以夾埋一齊黎坐低先叫兩支獅威,佢呢到D啤酒雪過夜,好夠凍 我地最初叫左:小炒王--有魷魚,韮王,腰果,炒得香,送酒一流炸蠔餅--細嘅,幾好食,蠔仔唔係話多,但都夠啦沙爹肥牛粉絲煲--呢個我覺得最好食,佢呢到D沙爹加左D菠蘿粒,好惹味,不過今次食少左肥牛, 上次黎差唔多成煲都係肥牛生炒骨--本來想食咕嚕肉,不過老媽口快得滯,算啦.同出面果D冇咩分別之後叫兩支金威,始終都係金威最好飲 跟住叫多個椒鹽魷魚,好食,唔會太鹹最後叫多兩支金威+碟豉油皇炒麵,呢個我食左碗,味道唔錯,加D洋葱落去炒真係好食D四個人加埋6樣野加6支啤酒,都只係$354,抵食 不過最尾冇找錢,比四條紅衫魚當冇左回事,睇住個阿姐收左錢淨係找比前面個枱都唔認冇找,不過最尾肯找返都算啦,反正大家都冇惡言相向

旺角, 通菜街, 九記潮州打冷菜館, 餐牌上印 呢個名 Wor. 唔通改左名? 未裝修前喜歡吃他的咸菜魚 + 蜆仔肉. 外賣攞走.事鬲數年, 而今再幚襯, 裝修好整潔.叫左$148 - 2 人套餐~1. 鹵水拼盤: 差! 鹵汁唔香. 無mug味道! 附上的白醋得個甜字, 好怪. 唔系醋, 系甜水一碗. 2. 煎蠔餅: 粉質唔似蠔餅. 煙煙Un Un, 應是用薯粉煎的. 系先啱. 就當蠔仔咯食囉. 合格的. 3. 鼓椒鵝腸: 好濃味. 鵝腸唔夠爽. 但ok 的.4. 一碗咸菜粉腸湯: 幾重胡椒味. 5. 白飯 2 碗.價錢算平. 出品大至上合格, 系鹵水差左 d 囉.呢度服務系差既,廋亞叔唔識招呼人既禮貌. 糟聲糟氣. 而且我未講完就走左. 極不耐煩!呢度伙計, 得一2 枱客-(共4 個客), 都無人會主動'勘'茶.下次都系買外賣算. 唔入來堂食受氣.

今日同我小朋友經過旺角，入左呢間九記吃晚飯，結果吃出一肚火~~！！！2個人，睇下的價錢都有少少貴，我就叫左2人套餐。一個胡椒豬肚湯，一碟鵝片，一碟蜆仔肉，一碟豆時鯪魚炒麥菜。的野吃本來都無咩問題，最後碟麥菜上黎，因為我小朋友最喜歡吃鯪魚，距穩黎穩去都見唔到有鯪魚，只有少少豆時，同3小粒鯪魚肉絲。。。無錯系肉絲，因為只有尾指指甲感上下大細。。。所以我叫阿姐黎想加多少少鯪魚。。。。只系一間小事，點知阿姐裸左碟野入廚房後，即刻聽到廚房傳出好大聲：咩話，得三粒~~！！？感距想要幾多啊~！！！真系好大聲，好似想撩交打感。。。我聽到O嘴。。。事實真系無鯪魚嘛，唔加咪唔加咯，使唔使感講野啊。。。。！宜家我入黎比錢吃野，唔系入黎乞你飯吃喔。。。我炸營左幾句，已經無曬吃野既心情，結果吃左的飯，菜就吃左幾舊，埋單走人~！以後都唔會去幫襯呢間野~~！！！終於體會到咩叫做吃左都背脊骨落啊~！！

可以邊叫邊上菜,勁快囉!!我地一行4人坐低...我首先叫左個西蘭花枝片---5分中唔夠就上左桌...熱辣辣架..唔係炒定..勁乳鴿----10分中後上桌,大隻D更好黃金骨----因為開始人多...呢個又考功夫,所以耐左少少牛油白飯魚---牛油味唔夠出,椒鹽好味D...炒硯---有沙.味道又一般...蠔仔粥---我冇試....但友人吃得津津有味..凍擰荼2杯...比5-6分..一共三百二十元,每人八十,旺角區,不叫貴..有下次

鵝片/8薄片 。真係不能夠相信可以切得這樣的薄當然薄之餘仲有係少雖然我地係叫例牌，但薄加上少的份量我覺得好不值但真要讚下個師傅的刀法，好似機切的這樣薄。大豆芽豆腐卜 。都不是特別大碟，味道一般。虾醬炒通菜 。這碟份量算較為正常，但虾醬味不突出咸菜豬肚粉腸湯 。味道和份量都可以，但豬肚和粉腸都比較硬Summary : 我個人認為價錢與份量不成正比，味道好一般，一定不會番轉頭！！！

估唔到呢間野既評分唔高，食評麻麻喎，但其實我都幾常黎食既，因為我覺得佢d野食都唔太差，幾好食，而且我見佢成日都幾多人幫襯架喎。大概 7 點去到即刻有位，佢個度冷氣都幾夠呀，而且又有電視睇真係幾好。我同媽咪兩個人叫左一碟鹵水鵝同埋一碟咸菜魚，仲有個粥同飯。我真係覺得佢d野唔差架喎，個咸菜魚唔係太大碟，咸菜居多，魚較少，媽咪話個d叫做門鱔喎，其實我都唔知係咩黎。都幾好食既，不過好多骨就真，但佢一d都唔腥呀! 真係好鬼多咸菜，又爽口又鹹鹹地，要黎送飯都幾好呀。另外就係個鹵水鵝真係ok喎! 首先隻鵝係超級入味，而且唔會話勁肥，份量又多，真係好食架，最好係有好多豆腐襯底，d豆腐索哂d汁，好正呀! 我KEEP住見佢有幾多人買外賣，其實都真係唔係咁差姐，大家可以試下呀!

呢晚係第三次既慶祝活動.個friend話好耐冇食過打冷.所以就帶佢呢間試.之前裝修過,感覺都乾淨,舒服.咩都想試,所以2個人都叫5款野食.滷味三拼:鵝翼/墨魚/大腸 都ok.唔算細碟,味道都一流.方魚肉碎粥:夠足料,但好似料多粥少菜豬紅:大大碟好抵食,但D豬紅好似(鞋)D炸蠔餅:好味,個粉漿做得好正,唔會一pat pat.D蠔仲大大粒添.good.唔怕食唔晒,有大中小size.搖柱扒豆苗:size都ok,唔算太細碟.亦冇菜青味.可能近排經濟差.所以推出優惠.全日食品都有八五折~~抵.飲品除外.

十一月一日， 星期六晚， 一行四人 ，相約晚飯。想食潮州打冷，,朋友的朋友住在旺角， 介紹咗這間， 真係好失望， 味道麻麻 ，價錢有點貴。鵝片下面有豆腐， 鵝片很薄， 份量十多片， 味道一般 ($70) 潮州三拼($60) 墨魚+ 鵝腸+ 鴨?鵝翼，有多款自選可拼， 味道可以蠔餅兩大塊， 可惜不脆， 蠔不是細細隻的一種，粉餅重， 味道一般 蝦醬炒通菜， 好咸，太過份啦，咁重手，高血壓咪食，未食過如此咸炒通菜??炒豆苗 ，ok不錯另一款小食三拼($60) 花生+蘿蔔 +菜圃, 花生脆口， 朋友點的， 不過我沒有興趣食蠔仔粥一窩， 蠔仔好un， 趙唔糷有渣， 味道一般白粥一碗 ($6)見人家吃大眼雞魚($??)和炒蜆($50)好似幾好味，朋友想吃蜆， 但因已超資， 又怕不好味，所以最後都沒有點到。四人共四百二十六元。整體來說份量一般，價錢比較貴，整體坐得不太舒服, 沒有什麼服務, 下次不會再來。

2人的食物：一碟鵝片–70元 - 大約15片，下面有豆腐，個價錢有點貴。味道可以啦。雙併韭菜豬紅+支竹火煵–40元–只有一個湯碗的份量，而餸的份量，以豬紅最多，其他都少得可憐。味道可以啦。一碗蠔仔粥–26元–不算蠔仔，大約有6隻，都算新鮮。味道可以啦。以份量來說，價錢比較貴，但又有電視看，在旺角求其一餐，整體都ok。

昨晚收早,走咗去旺角....左騰右騰....走咗入間潮菜茶記---,想食鵝件問有冇鵝件飯啦....無喎食個例啦! 好似好多喎....都係要個蠔餅好過了,35蚊...脆到不得了.但很個脆字而已...蕃薯粉用的不少,蛋就唔好話要鴨蛋咁 蛋汁都唔多滴,有其型而無其味...問你死未.死死氣...要埋隻鵝件65,服咗佢又一單美輪美奐猶如嚼爉,要多個''妹''廣府白粥是也...啊妹去咗邊.合共106元....食盛大約70蚊瓜...折惰.

2個人叫左-芝士焗鮮魷($50):好多芝士,但好溜,食多兩件就食唔落,愛好芝士既應該幾岩-咖哩肥牛鍋($50):幾好味,都好多料,下次都會再叫-蝦醬炒通菜($28):好咸..食到最後咸到頂唔順添=_=再叫埋啤酒汽水白飯total:174都幾好味,都好多選擇仲有部大電視可以睇

晚上到了MK食飯﹗地點是旺角的九記，其實只係天氣熱又太趕是旦入一間﹗整體味道不錯，認識我的朋友都知我偏食王，近三十年都無食過熟魚，食魚就只食三文魚刺身，其他都怕怕﹗話說上次阿哩說大眼雞呢隻魚好岩我食，因為肉好實同埋食落好似雞肉的味，既然如此，今次膽粗粗叫條細既，同伴說我唔食佢食哂佢﹗就是知你會就我，先敢同你試﹗要說沒有雞味﹗不過比我想像中的魚味好很多，可能有好多豉油關係，沒有太多餘的腥味，肉質厚實，最怕又滑又肥的東西，食得到，下次同我去打冷可以叫大眼雞﹗我食到喎﹗呵呵﹗不過一條死魚要成六十蚊以上好似都幾貴，游水魚都食到啦﹗仲有蠔餅同芽菜，不過由於食大眼雞食得太興奮，呢兩樣只屬伴奏之流﹗

認識呢間餐廳係因為有一次有外國朋友黎, 咁有個朋友就帶左我地成班去呢度食。食物ok, 價錢其實都覺得ok, 唔算貴, 我覺得呢個價錢係旺角食都係合理。因為我覺得有好多食店無論裝飾係幾咁靚都好, 但係食物同價錢不成正比。蠔餅、椒鹽九肚魚係每一次都係必叫的。喜歡佢\地炸得好脆同新鮮。但係有次叫芝士西蘭花，卻大叫我失望。芝士好似水咁，沒有芝左應有的味道。我比較好彩，去左次都冇先前個位評人的遭受:收錯錢。服務尚算可以，因為一般港式食店都係咁。