丼海龍王

Open Now

Now Closed

丼海龍王的極上三文魚丼極上三文魚丼是我今天點的一道午餐, 這個丼飯以新鮮三文魚為主料主角，搭配壽司飯、醬汁和配菜, 是我心目中的經典日式蓋飯料理, 因為我很喜歡吃三文魚, 吃完的感覺是果然”極上”: 極品又上乘。店家用了新鮮的三文魚刺身級魚片, 切的厚薄度剛好, 有咬口, 感受到三文魚油脂和肥美, 但又不會過膩, 可說是恰到好處。壽司飯也很好吃。吃到粒粒分明, 不會過爛或過軟的米粒, 同時又不會太硬。醋飯的味道跟三文魚是一絕, 醋飯淡淡的酸味中和了三文魚的油膩。足見店家的份量相當統一﹑穩定和專業。店內的環境亦相當衛生, 所以在這裡點刺身我亦相當安心, 吃完後身體也好得很, 並沒有感到不適。其實一吃便知道魚的用料相當新鮮, 沒有半點臭味或腥味, 一口鮮, 騙不了人。而且每一塊都是三文魚腩, 實在很豪邁, 吃得很盡興。

今晚lunch三個人入去食飯，一打開門已經有陣噏味，入到去仲要鬼死咁熱，向上望見到3部冷氣全部無開，於是我地叫個職員開冷氣，佢同我地講話有一部壞咗，其餘兩部都已經開咗。我地再望吓兩部冷氣，好明顯見到著住紅色燈冇開到，仲要呃我哋話開咗，成間舖就只係用兩把風扇吹住就算。咁算啦，都已經落咗order叫嘢食，點知我個飯黎到，隻蛋仲要送埋塊蛋殼俾我。我哋唯有死死地氣快快脆食完就走，臨走之前去埋單，行到去收銀個位度，啲冷氣凍到呢！原來個職員只係開咗佢哋自己近廚房同收銀個冷氣原來個職員只係開咗佢哋自己近廚房同收銀部冷氣，要啲顧客坐出面熱到死都唔肯開冷氣俾我哋。我哋三個都話會black list這間店，以後都唔會再去幫襯。

嗌左極上三文魚丼同牛柳丼首先講一講極上三文魚丼有少少血位，明白餐廳可能想節省成本已經揀左貴啲啲嘅極上三文魚丼諗住質素會好啲，血位切走佢會比較好紫菜黃黃地，應該係長期擺左係紫菜箱入面一直用新加嘅紫菜，舊嘅紫菜又冇用到今次我地唔好彩，千年紫菜就用左係我碗飯度飯嘅溫度食落好似雪櫃雪過$118（連加一）食一個魚生飯應該唔係喱啲質素希望餐廳會注重下啲細節位，咁先有進步另外牛柳丼就正常啦，好似鐵板扒房黑椒汁嘅味道，即叫即炒，熱辣辣，仲有茄子天婦羅，支豆，粟米同玉子燒做配菜，都算多野食

餐廳整體每份食物都偏大 啱曬食量大嘅朋友 三文魚腩厚切食落好有口感好滿足 清酒煮蜆嘅湯底好重海鮮味蜆肉飽滿 仲有玉子燒一定要試 同其他舖頭唔同 會有少少焦香味 成餐只係食咗200幾蚊 性價比好高!!

幾年前lunch time 食過覺得Ok，味道不錯，選擇都多。最近經過，見到價錢合理，就決定再試下😋本身好鍾意食三文魚，所以Menu 見到張圖好厚切，就決定叫嚟食下🍣結果嚟到都真係無失望，好厚切，都新鮮，對得住個價錢！ 食落啖啖肉口感，入口即溶👍🏻 果然係我最愛既三文魚！（雖然唔係最高質素，不過小店經營，價錢都算實惠，覺得要求不能太高。）見佢多年來都keep 到質素，覺得不錯！而且都無加好多價，值得推介👍🏻

食物普通到唔普通, 仲要竟然係用一個高質嘅價錢收費。重點就係30幾年都未試過比侍應可以整污糟件衫個程度咁誇張. 仲要毫無補償。如果唔係對面嘅朋友見到話我知。侍應都唔察覺？其實有有咩可能睇唔到？定係故意唔出聲？成碟汁到晒落嚟，唔怪得我同事問點解佢個餸啲汁冇晒😳？？🤬

本來諗住食米線 但未啟市 太肚餓既關係就去左隔離既呢間餐廳天氣凍凍地 我地就冇揀魚生 一個揀左滑蛋豬扒🐷丼（～$64連加一）一個揀磯燒雞扒🐔拉麵 （～$86連加一）拉麵先上枱 即刻飲左啖熱湯 嘩 淡過自己係屋企煮味精湯底⋯再食啖麵 硬身既 衰過超市買既x壽牌拉麵 雞扒係ok 既 都有啲焦香味 同算滑滑蛋豬扒丼既滑蛋同滑一啲關係都冇⋯豬扒肉質正常 但冇乜味 只有炸皮既油味🥴 丼附上有2片天婦羅南瓜🎃 啲油標哂出尼⋯ 食呢個飯只有滿口既油⋯全場得3枱客左右 但都冇人加水⋯要叫先加 估唔到新年後第一餐晚餐衰到咁 好失望☹️

叫左個網上外賣平台,二個牛丼飯加一個過百蚊嘅魚生飯，首先賣相已經夠哂差，心諗外賣，算啦然後就係，3個餐比一套餐具我地，其他兩個係打算要我地用手食啊？！一打開個牛肉飯，一望落已經唔開胃都算啦，第一啖放入，真係DLLM，牛肉又鞋又乾，成個飯少少汁都無，入面嘅撈蛋直頭一絕，求其搵個唔識煮既都煮得好過佢，其實做咩生意。魚生飯還好，食得落肚，但味道我真心覺得爭鮮仲好食，咁大個人第一次覺得爭鮮居然有對手

突然想食魚生，搵到附近有間日本餐廳，叫左個三文魚魚生飯，丼海龍王啲海鮮都算新鮮，三文魚魚生既質素唔錯，仲要係厚切，而又新鮮肥美，大大件，好有口感，份量十足。價錢上算合理，我會再去幫襯，因為算係抵食👍🏻

午餐時份黎到新蒲崗見到呢間日式小店，想試試佢嘅拉麵同壽司丼飯，一入到去坐已經覺得好逼夾，空間唔多，點左一個拉麵同丼飯，丼飯刺身數量唔多，刺身質素亦唔算新鮮，種類唔豐富🙈拉麵質素亦麻麻，不過不失，係平價拉麵嘅版本🙈食物係單點，唔係套餐，飲品要另外再點，但整體價格亦唔算平，整體嚟講性價比唔算高，坐得唔算舒服🙉

因為係新蒲崗返工，Lunch總係見到呢間，門面普通嘅日式料理店人來人往，呢日決定試吓佢今日唔想生食，所以冇叫魚生，Order左個泡菜雞飯舖面不大，位唔太多，都坐得幾迫，所以叫外賣打去叫定，15分鐘就有得拎中意類似咕嚕雞果d炸粉加醬汁，就一定中意呢個，泡菜仲夠哂多，好開胃添最開心係佢好多配菜，好有誠意有一塊甜嘅玉子燒有兩塊天婦羅蕃薯同南瓜有幾條支豆，顏色襯到好吸引配料同主菜豐富，性價比好高略嫌d飯乾身左d，不過泡菜雞本身有汁，都可以接受但好有興趣，下次試埋其他款😋

星期六下午我在「西貢」乘搭專綫小巴來到 「新蒲崗」之後，本來想光顧某間只在日間營業，晚上即時打烊休息的茶餐廳。昨日我「衍慶街」找來找去，最後還是無功而回。後來我才發現，原來那餐廳是在「景福街」。結果我終於走到「景福街」，發現那餐廳原來選擇每到星期六，就會關門休息不營業。我被迫改為光顧「景福街」的其他食店，結果我找到「丼海龍王」。不過我進入「丼海龍王」，翻閱餐牌之後才發現「丼海龍王」的「海鮮丼」一欄價目表裡面，大部分「海鮮丼」海鮮食材裡面，都離不開「三文魚」這款食材，偏偏我現在已經沒有食「三文魚」很久了。偏偏「丼海龍王」裡面欠缺只有「吞拿魚」的「吞拿魚丼」，結果我只能夠在「丼海龍王」「海鮮丼」價目表裡面，找到剩餘唯一一款沒有「三文魚」的「海鮮丼」食品，食品的實際名稱叫做「鮑魚丼」。「鮑魚丼」裡面包括有「鮑魚」、「鮮帶子」、一小塊切件「鰻魚」，還有「醃蘿蔔」，以及少許加入甜味醬汁醃漬的「蟹籽」。至於「鮑魚丼」裡面已經一早淋了味道偏甜，還略帶少許酸味的「醃蘿蔔」醬汁。切條「鮑魚」外層最初入口的口感有少許硬，後來略為食到有少許回彈口感感覺。至於「鮮帶子」的味道感覺尚算是鮮甜，不過「鮮帶子」的甜

今日既lunch好想食日本野, 呢間係Mikiki對面之前經過覺得價錢都係親民價, 就入去試下而食物種量選擇都幾多, 魚生丼飯拉麵都有山賊燒牛脷井@$58牛脷幾有口感, 可能鐘意食啲好好咬既野, 所以覺得唔錯, 不過稍為鹹左少少; 同埋略厭個飯乾左少少, 而份量係lunch泥講就好夠~ 算係中規中矩既lunch 啦~

叫佐碗豬軟骨烏冬加綠茶一權，加埋服務費要92蚊。但係湯底超多味精，剩係用麻油加強味道。個豬軟骨成件上，無分開。烏冬就用普通牌子烏冬，食開烏冬嘅我，好食的烏冬口感吾係咁，而且佢用篇身烏冬，真係吾掂食完仲係成口味精。總結:價錢好貴，但味道一般。

之前嗌過幾次外賣豚肉生薑丼，都覺得幾好味，個餐又跟兩件天婦羅同一件甜蛋，幾有誠意。可惜唔知係咪近期疫情關係太多人嗌外賣，今次叫嘅豚肉生薑丼，d豚肉靭到咬唔開咁滯，成碗野都唔知有無食到一半就丟咗。估唔到我第一次寫食評就係負評，呢間野真係無下次！