丼丼掂 (Closed)

今早又來丼丼屋，今次食早餐🙂咩丼丼掂開左元朗分店咩❓非也，丼丼掂在#屏欣苑 只此一家，那麼為何#openeice 會標示天水圍❓我認為openrice 資料搜集不足，如果跟規劃，屏欣欣其實屬元朗，再細分屬屏山，就算屏欣苑售樓書都標示元朗.只是因為就在天水圍站側，才被人誤以為屬天水圍，簡單區分天水圍，就是西鐵線，西鐵線以北，即天盛苑屬天水圍，西鐵線以南，屬元朗，用界限街做例子就會明🙂 （上次食評我都寫左天水圍😂）說回正題，我覺得苑內食店，唔計街市，丼丼掂算最好，今次點了吉列魚柳煎蛋評價：魚柳香脆可口，唯煎蛋要扣分，是荷包熟蛋，正常好小西餐唔問客人情況下整熟蛋，我想是因為廚房為方便，一早已經煎好哂🧐推薦度：⭐⭐⭐題外話，不明白為何餐廳公仔麵餐只得一款，最難食的光麵🥲建議餐廳考慮引入出前一丁或福麵；有好多時我想食麵，食因為冇選擇卻步，情願行遠啲過天盛（這與本次評分冇關）總始：⭐⭐⭐（主要煎蛋扣分）連凍奶茶$41#元朗美食 #屏欣苑 #屏山 #openrice #collar

假日輕鬆下午茶。下午的茶🌄端午節的中午，天氣尚好🌤️；早上見證波士頓 Vs 勇士，算是半爆冷拿下第一場👍與家人共晉午餐，選了附近的丼丼掂。位於元朗屏欣苑的丼丼掂，其實是在天水圍圍西鐵站A出口附近，好多人都以為該地點是天水圍，但按規劃，是屬於元朗區。今天分別點了焗肉醬意粉，炸雞髀薯條，日式咖喱吉列豬扒飯（細）先說焗肉醬意粉，食落口感十足，以價錢評論質素，屬性價比高食物，十分香口⭐⭐⭐⭐⭐再評炸雞髀薯條，size屬中size, 也是大滿足之選，唯薯條可以再脆口一點就完美⭐⭐⭐⭐再評日式咖喱吉列豬扒飯（細）， 味道是絕對推薦級數，咖喱味十足，朱扒也香脆可口，當然下午茶份量，一個男性成年人份量會有點少⭐⭐⭐⭐⭐如果以屏欣苑主要食店比較，我最喜歡常吃就是這間了😋👍

難得入天水圍去左#丼丼掂 食個下午茶☕️簡直係#天水圍美食 😋雙重芝士焗肉醬意粉🍝 $48飲杯凍檸茶 +$3雙重芝士真係特別好食😋仲焗得好靚Tim 炸雞髀🍗薯條🍟 $38凍檸茶 +$3竟然會係我最鍾意嘅扭紋薯條🍟配上炸雞髀冇得頂👍🏻吉列豬扒咖喱飯🍛 $46可樂唔使加錢🫣丼丼掂 📍地址: 天水圍屏廈路65號屏欣苑屏欣商場地下9號舖電話: 29153966我既評分（5⭐️為滿分）環境：⭐️⭐️⭐️⭐️食物：⭐️⭐️⭐️⭐️服務態度：⭐️⭐️⭐️⭐️推薦：⭐️⭐️⭐️⭐️

難得去到天水圍，經過呢間鋪就入咗去。叫咗個胡麻玉子涼拌+熱檸茶！賣相算好，食落味道、口感都好好！而且價錢平又食得飽，侍應服務態度不錯，雖然嘢食送錯咗，但有道歉，然後即刻改。下次經過來到可以再食！

丼丼掂🍚茶餐廳格局🪑大眾化價錢💲餐牌上各款嘅日本菜式大致都有🍱定食🍜拉麵；而茶記嘅焗飯，免治牛肉飯嗰啲都有，選擇好多📋 而下午2點開始嘅下午茶就主打港式🇭🇰由落單到上菜，都唔洗3分鐘，貫徹茶記嘅飛快嘅上菜速度✍🏼吉列豬扒豚骨湯拉麵🐽一碗行港式日本拉麵嘅路線🍜湯底相信係用調味粉開出黎嘅，不過就唔會話太鹹，食完個拉麵之後，都冇覺得口乾😛拉麵嘅配料都好豐富，兩片鳴門卷🍥 兩條蟹柳🦀 紫菜昆布，同埋食極都有嘅粟米粒🌽大大塊金黃色嘅吉列豬扒，炸到外脆內鬆，皮肉相連⛓ 油份都逼曬出嚟，油膩感⬇️自然邪惡感都細左好多😈原味波子汽水加$12就可以轉波子汽水，呢個價錢係出面自己都買唔到🤫除左係童年回憶之外，總係覺得食日本嘢要配返支波子汽水先更加有feel🎐 但原來波子汽水最早係起源於1872年嘅英國🇬🇧 用玻璃珠代替左軟木塞嚟封住汽水樽，防止漏氣💨食物質素當然冇得同正宗日本料理$200一個set相比，但以主打街坊生意嚟講，水準絕對對得住佢貼地嘅價錢👍🏽

入到天水圍，突然間好想試下日本野，剛好經過這家丼丼掂，便忍不住要入去試下，睇落去非常吸引。餐廳環境比較大，不會給人一種擠逼的感覺，而且服務員十分有禮貌。叫了一客唐揚炸雞，隨餐附送了泡菜、麵豉湯、熱飲同溫泉蛋🥚，基本上已經可以食到超級飽，再加上唐揚炸雞外脆內軟，可謂是一頓完美的午餐👍🏻👍🏻👍🏻#丼丼掂 #天水圍美食

踩單車由元朗踩到天水圍 時間都差不多四點半 六點禁堂食又趕唔切返元朗覓食 咁就唯有喺一片唔熟悉嘅土地度搵食啦 一眼望埋去三間餐廳 第一間係翠河 大家都即時耍手擰頭 跟住第二間就係呢間 喺門口望吓個Menu都正正常常 簡單屋邨日式料理fusion茶仔咁 咁就揀左呢間 我叫左個下午茶餐 雞翼拼西多士 喺我嘅認知 下午茶餐係平食黎 如果收得你咁上下價錢就份量都唔會太少 呢個餐$34蚊 得兩隻大過個火機少少嘅雞中翼 西多’半份’！你無睇錯 係半份 唔緊要 入邊仲要係乜都無 係兩塊炸左夾住空氣嘅方包 正確黎講係一塊方包切開一半夾埋！明白飲食業渡緊寒冬 本身都算 出到門口 睇到張盆菜poster 都係翠河嘅！作為一間連鎖 你都算菇寒！真係幫襯大X樂 大X活好過！好嬲！

舖頭都幾大間🤣天水圍港鐵站一落就係地點好易搵到 價錢比較平民化有鐵板 有d似pepper lunch夜晚有日式火鍋 一人一鍋我就冇食火鍋 同朋友食左個拉麵同定食正正常常

和風牛肉拼日式燒雞肉丼 $54牛肉汁好味，加埋啲洋蔥好甜，好似以前食開嘅牛肉飯☺️☺️和風牛肉拼蒲燒鰻魚丼 $68鰻魚食落去感覺到係好飽滿👍🏼CP值高📍 丼丼掂 (天水圍)天水圍屏廈路65號屏欣苑屏欣商場地下9號舖

丼丼掂📍天水圍屏欣苑屏欣商場地下9號舖📅星期一至日（12:00-21:00）🔖屏欣苑餐廳唔算太多，今日揀左呢間做午餐。中午時段，入到去都幾乎坐滿哂人。我突然好想食焗野，所以叫左個焗意粉，但我見呢到大家都係叫日式d既野😂🍽雙重芝士焗雞扒意粉雙重芝士比我想像中既芝士唔算多🤣但雞扒份量非常多，係香草雞扒，食落非常夠味，不過平時唔食開咁重口味，我就覺得偏鹹，意粉略嫌少汁。正常一個焗意粉。😋食物：️6.5/10🤵🏽‍♂️服務：8/10🍴環境：8/10💰消費：$60🤩性價比：7/10

丼丼掂 (天水圍)📍天水圍屏廈路65號屏欣苑屏欣商場地下9號舖👉🏻和風牛肉丼 $58呢個套餐會配外泡菜，沙律，溫泉蛋同麵豉湯，和風牛肉丼既份量都算多，小編都食吾哂呀。👉🏻下午茶- 滋味豚肉丼（細） $36小編仲額外叫咗個下午茶滋味豚肉丼試一試，主要想俾大家睇吓兩個飯嘅份量大小有咩分別，你地就可以自己決定要邊個。如果以下午茶嘅份量來說，份量啱啱好！咁下午茶嘅供應時間就係兩點至六點。✨以上套餐都會包括飲品，熱飲就唔使加錢喇，凍飲就正常要加$3。📢溫馨小提示： 你哋需要自行同店員講需要丼飯既汁，店員先會拎俾你地。

今日入咗天水圍原來喺天水圍西鐵站附近有個新屋苑 #屏欣苑2018年入伙睇嚟真係太耐冇去過天水圍入到呢個屋苑感覺好新鮮好似去咗一個新地方旅行咁屋苑配套好充足 有晒餐廳惠康文具店藥房仲要咁近西鐵站真係方便到不得了今次試咗#丼丼掂 叫咗一個鐵板牛肉炒烏冬（$58）鰻魚丼（$62）份量唔算太多啱啱好夠食炒烏冬送到黎 噴晒煙好耐冇食過鐵板餐了🤤鰻魚都唔錯✦✦（凍飲跟餐+$3）凍檸茶有少少甜下次要叫佢少甜先得凍奶茶就係同平時粉沖立頓奶茶一樣味 冇咩茶味 偏甜🧋餐廳卡位坐得好舒服♡̆̈想搵個傾到偈嘅地方呢間都係唔錯嘅選擇😄

🍽餐廳:丼丼掂📍地址:天水圍屏廈路65號屏欣苑屏欣商場地下9號舖🍱 👍:-出餐好快🛎落完order唔洗1分鐘已經上左🍲-菜品份量夠足 雞同牛肉都有鋪滿曬面頭 唔會有淨係飯嘅部分空出嚟 食到最尾啲肉都啱啱好夠餸曬啲飯食👌👎:-燒汁味道偏淡 淨係啲肉係夠味 用個汁撈飯就完全唔掂…🤭-普通飲品同水冇分別 嗌左凍華田 (凍飲➕3蚊)雖然係嗌少甜 但又真係淡過籠 完全冇甜味 又飲唔出阿華田味🥲✏️Overall:普通快餐店水準 不過菜品係日式🇯🇵日式嚟講都算抵食🚩希望儘快改善吓飲料同調味汁🧂💰人均:$51-100

天水圍嘅日式餐廳唔多，今日就去咗天水圍西鐵站附近嘅呢間“丼丼掂”。始終位置比較偏僻，加上開咗無幾耐，所以都冇抱太大期望，但估唔到又真係幾高質！去嘅時候撞正下午茶時段，價錢更加實惠🤓所有下午茶套餐都附送一杯即磨咖啡☕或罐裝汽水🥤1. 吉列豬扒咖喱飯🍛（$46）豬扒厚切且大大舊，估唔到下午茶分量都咁慷慨😂豬扒唔鞋口，一啖咬落去超級滿足！炸粉薄薄一層、酥脆可口，唔會覺得油膩👍🏻咖喱汁味道濃郁，唔係好食得出辣味，撈飯食超正😆如果再多d就好啦。另外就係薯仔同甘筍得一兩舊🤥略嫌少咗d。2. 雞肉豚骨湯烏冬🍜（$32）+ 流心蛋🥚（$5）可以轉拉麵，價錢相同。烏冬幾煙韌，但分量真係唔多，如果你好肚餓建議都係叫返普通分量😂湯底好味嘅不過應該落左好多味精調味，食完有少少頸渴。雞扒有兩大舊，好滑唔乾身，應該用黑胡椒同其他調味腌過，黑胡椒味都幾出👍🏻配料都幾豐富，仲有兩條蟹柳、少量鳴門卷、海帶同粟米～至於流心蛋就略嫌有d細，味道都冇咩特別。

點左日式餃子豚骨湯拉麵餃子🥟- 喺百佳可以買到厚皮的餃子拉麵- 普通拉麵，食得出係超市買來自己煮嗰啲➕蟹柳，紫菜，魚片= 一碗拉麵 $42反而要牛肉拉麵好D，因為牛肉比餃子好食 …總結： 唔會有下次，咁嘅質素，咁嘅價錢唔值。