Kushi (Closed)

見啲裝修好"骨止"，諗住去試吓，点知魚生吾生鮮，冇味！熟食又冇味，冇心機整。最慘食到腸胃炎，要睇醫生。我同我個老公都肚痛，靜係個仔冇嘢，可能佢冇食魚生。冇下次。…Read More

女友一家昨日食完自助餐，今日想食得清一點，來到新蒲崗Mikiki的Kushi. 星期日的午飯時候亦不用等位. 一行五人叫了什錦天婦羅(兩客)，什錦魚生飯定食，朝鮮牛肉拉麵，汁煮羊肉定食.什錦天婦羅($48)有驚喜，粉漿脆而薄，炸得手勢嫻熟，但稍為油膩.什錦魚生飯定食($50)對這一個什錦魚生飯有點失望. 原因是份量太少，魚生類種太少，魚生也不是厚切.朝鮮牛肉拉麵($40)肉量比想像中少，幸而肉質不韌，也有肉味. 拉麵不過不失，不會過稔但亦不算出色. 合格，無驚喜.汁煮羊肉定食($42)這個煮法不算複雜的定食需要等上一整小時，向侍應追問時態度冷淡，十問九唔應. 收加一服務費。食物可以，態度需要改善.…Read More

Mikiki串午餐好抵食，一家人兩大兩小叫兩個lunch set share一百元有找，滑蛋炸豬扒反超好吃，三文魚炒烏冬都ok，服務員就比較生硬，初時感覺一般，但係見到我地只係叫兩個set，居然上菜時送多個白反，值得一讚！我個女都話個炸豬扒反好好食。…Read More

平日最愛飲飲食食，閒來有拍照片，等自己記得食過d咩。第一篇食評，請多多指教最近要到新蒲崗工作。這區有很多做得頗出色的港式茶餐廳，但異地菜選擇不多。於是到Mikiki 碰運氣，見到這家店門口有張長長的鐵板枱，師傅正在炒鐵板，被那團巨大的油煙吸引，心想一定夠"鑊氣"，價錢$40多元都可以，於是決定一試鐵板午餐。店內座位算多，lunch time 不用等位。午餐選擇不少，有定食、拉麵、鐵板餐見到待應捧住的拉麵賣相麻麻，鎖定試鐵板餐。少有食店供應鐵板三文魚，就來個三文魚拼金菇牛肉卷。$40多元雙拼都算抵。先來個麵鼓湯和沙律，跟餐的從來沒太大期望... 麵鼓湯唔算咸，味道是正常的麵鼓湯，沒特別。沙律的芝麻醬味道唔錯，醬的份量都夠，菜尚算新鮮可以，不過份量太少，兩口就吃完。可能即炒鐵板 + 多人點鐵板的關係，等了差不多20分鐘才上主菜。果然焦香撲鼻，充滿油香。三文魚-> 熟的三文魚從來難煮得好食。這個表面焦脆，充滿油香，有西式香草綴面，頗清新香口，內裡是熟的，尚算鮮嫩。個人喜歡表面焦脆內裡是生的，可能件三交魚唔夠厚，太難掌握火喉，如果裡面生d就更好。份量有2件，未算超薄切，三交魚是貴的食材，味道和份量都ok。金菇牛肉卷->這個好食，表面焦脆，配上燒汁，好像有黑椒之類的香料，不是那種死甜的鼓油味，有層次，正!:)個牛肉生熟程度剛剛好，咬到肉汁，好Juicy，爽脆的金菇索左肉汁，正！　而且有４大條，份量對女仔是夠的，男仔就唔知　....炒椰菜－＞吸收了牛肉醬汁，炒得爽脆，黑椒香味十足，平時怕吃椰菜怕青味，這個好味。飯-> (沒有拍照) 是圓身的米，相信不是日本米，要讚下軟硬程度剛好，彈牙，有驚喜。最怕吃日式食店多是那種超軟的飯。份量是比麵鼓湯大小小，男仔可能唔夠。加$3要個檸檬茶-> (沒有拍照) 沒特別，普通茶餐廳水平。總結: 以$40多元吃個日式鐵板餐(還要是三文魚雙拼)，加上味道唔錯，算是超值，應該會再幫襯。待應服務殷勤，主動跟進。上來 Openrice 發現原來有幾間分，本來銅鑼灣有分店，但已結業，可惜。現在分店多是沙田、屯門等較偏遠地方。看來在旺角、尖沙咀、銅鑼灣等租金較貴的地方很難找到便宜又好食的食店了 ....…Read More

今日行過MIKIKI諗住睇下有咩食..見到間放題幾靚就行去睇下...有位員工行黎介紹有咩食..聽佢講完好似幾吸引..就問佢價錢同食幾耐..這位員工十分有耐性又細心為我們一一講解..食6點半前入座有8折...之後入去立即落野..等左一陣好快就有刺身(包括三文魚..馬刀貝..鮑片等等)都幾新鮮..沙律....幾好味,但份量比較少....要叫多幾次,,鐵板帆立貝...還可以,,份量1客2粒...天婦羅...真係好好味..唔同出面D放題用普通炸粉整..等左OK耐啦..個芝士三文魚都仲未到..就同個同事講..個同事好快就幫我追到個食物比我..見到D員工不停做都幫我加茶....賣單$338..每人都係$169..抵呀!!都會介紹D朋友黎食..…Read More

兩好朋友約，試在香港的日本自助餐(我第一次試)。這店日本快餐店格局，食物上桌非常快。 食物品質量遠不及某香港在深圳的日本壽司分店，比我在多倫多和溫哥華吃的日本鐵板燒日本自助餐店差，食物品種當然無法與深圳更貴的兩大日本自助餐店比。1. 天婦羅牛肉野菜蝦豬軟骨等等味道麻麻。2. 燒的東西味道還可以啦，3. 沙拉還不错， 碗很小，起碼6-8碗等同外面大的沙拉碟。4. 最好是清酒煮蚌。沒有自助芥末，覺得芥末味道不強，也許是為什麼吞拿魚魚生沒什感覺。定了下午6時至8時，下單三文魚魚生竟說沒有, 問何時有竟說不知道! 後來看到鄰桌有三文魚 -- 他們說只有三文魚壽司！到7:30 p.m. 算他們有良心-- 小妹告我們知三文魚魚生現在有，吃了9小塊，覺得味道仍然像吞拿魚魚生沒什感覺，也許習慣那港在深圳的日本壽司分店的好質素。總計每人HK$160日本自助餐免費啤酒和飲料（當晚無忌廉）還有雪糕, 這個價錢據我所知香港也許是較好或最好, 合抵食大宴。 不過現在健康為上，不要常食自助餐啊。少食多滋味，還是留在深圳吃那港在深日本壽司分店的較高質魚生，壽司加烏冬，兩個人人民幣70元至人民幣100元左右，肚子已經滿足...每人民幣100元還送30元券（下一次吃100元用），超值！…Read More

星期六晚行完街諗唔到食咩 , 去左Mikiki商場行左一轉打算試下有咩好野食左揀右揀之下發現哩間Kushi未試過,門面又幾靚 , 而且主打鐵板燒 , 又跟刺身等等 , 因為我地兩個都鍾意食放題門口有兩個師傅見佢不停係度炒,好似好好味咁咁就揀左哩間試8:00 打算攞位食飯, 不過要等到8:30 先有位, 咁就行下商場先＊值得一讚就係哩間店唔似其他鋪頭要人拎籌等叫號碼, 佢抄低左你電話有位就通知你, 我覺得幾好:)8:30返到黎,望下裡面有幾張吉檯但未執 , 大概再等多十分鐘見有食客埋單出黎終於叫我入去坐一坐低第一件事就梗係拎紙點野食，好肚餓!!有刺身/壽司/手卷/串燒/鐵板燒/沙律/飯/雪糕/汽水, 全部任點任叫 , 野食款式都算多雷雷聲就畫左一大輪野食非常期待! 事關哩個放題都收我$188 加 1　價錢完全拍得住大喜屋坐低叫完野食之後我上網查一下哩間食店既評語,點知全部負評,心知不妙...中伏......==============================我同時間畫左兩罐可樂連ORDER紙一齊交比waiter點知坐左十分鐘都冇人拎可樂黎..............咩事呀..................我四圍睇下係咪佢地太忙呢? 但哩段時間店裡面只坐到四五檯客人..........連兩罐可樂都拎唔出...........再隔多五分鐘就開始上野食刺身切得好細件 , 但味道尚可 食完刺身之後鐵板燒開始上喇! 有炒羊肉, 炒豚肉, 炒雜菜 , 賣相普通, 但每碟炒野黎到既時候都係冇煙出.....店裡面本來就唔忙 , 而且哩間鋪地方唔算大, 有乜可能炒完冇煙出全部野都係少少暖暖地...感覺好像炒定左好耐咁 食左個羊肉, 第一個感覺就係好咸 X_X , 蘇味有少少 (但我鍾意食蘇)然後豚肉 , 炒豚肉有跟雜菜一齊炒，　食落都係好咸。。。。。。。。。跟住發覺個炒雜菜同炒豚肉係一樣樣。。。只不過係一碟多菜，　一碟多肉..............係咪黎錯呢！？串燒有叫左雞軟骨，　冬菇，肥牛卷，翠肉瓜，雞肉等等全部都偏咸!!!非常重口味。。。。。最難頂係個燒冬菇　，　我食過好幾間日本菜/ 放題，　燒冬菇都係乾燒，　燒到好香好香冬菇味哩度竟然同其餘既野食獨孤一味落好多調味料一齊燒　，　燒完係又油又濕又咸。。。。。然後黎炸野喇，　有炸蠔　，　薯餅，　雞軟骨今次就食得到人喇！！因為你只需要炸到佢熟，唔係自己調味SOSAD...跟住我地想拎個沙律醬,前前後後叫左5個不同既同事,一共花左十幾分鐘終於有人拎黎係咪痴線架? 又唔係忙,個個聽完就算......經過一連串味覺既衝擊。。我決定放棄叫多個刺身填肚...:(埋單$414 , 哩餐飯真係非常唔掂.....以後都blacklist...PS: 哩間鋪全部都係D後生仔女係度返工 , 有個經理, 但應該都係廢......服務係 0.........…Read More

大把吉台但唔比人入﹐原因係：未執好台（但求助都無人執）坐好之後未叫野食先黎湯 沙律（跟餐既）但你又點知我一定叫餐／叫幾多個餐先？之後又不停有人問我地食左沙律未‧‧‧人手不足兼好慢動作經理震騰騰唔知自己想點食魚生又唔比washabi…Read More

今日剛啱喺新蒲崗，聽姨娚女講話呢間日本餐廳都幾好食，咪一行四人去食晏囉。去到唔使等位，有個人指下一張枱咁咪自己埋去坐啦~咁中途見到有一張梳化位啱啱埋單，我哋想坐得舒服d就直接去咗嗰張枱，點知坐咗10-15分鐘都無人執枱，叫又無人應，唯有轉去第二張枱啦~呢個時候終於有人埋嚟，但係淨係問我哋落咗單未，落咗單就唔好轉咁話，我哋坐咗10幾分鐘都無人理，何來有落單呀？到坐低，先來一個沙律，味道都可以嘅，唔太特別，跟住點餐，個餐係包一個湯同飲品嘅，但係個侍應完全無提，亦無問我哋飲咩，我哋叫咗4個餐，等咗15-20分鐘，先嚟個豬軟骨拉麵，個份量細到呢，一個大男人真係唔夠飽，味道都係普普通通，跟住5-10分鐘就輪到我叫嘅什錦魚生飯定食，個侍應只係拍一聲放低碗嘢，又唔講係咩嚟，又唔同我哋確認，真係莫名其妙，至於碗飯就真係麻麻，飯唔好食、魚生唔新鮮，第三個嚟嘅係吉列豬扒定食，飯都係麻麻、豬扒都算係熱，但係就無跟沙律醬，又係叫咗幾次先至有人送嚟，喺呢個時候我哋先至醒覺係有湯送，就叫個侍應攞啦，佢竟然問返我哋要幾多碗，跟住到最後一個炸蝦拉麵嚟到，基本上我哋其他三個人都已經食完咁滯，真係耐到無朋友，碗麵d蝦唔新鮮不在話下，粉又唔知係林定點咁，唔識形容咁差，但係直到呢個時候d湯都未到，叫d侍應又個個扮聽緊walkie talkie，終於有個侍應應我哋，佢問完返嚟話原來要等，我即刻講，你如果要我等你都要講聲我聽囉，到d湯嚟到，真係好醎，真係無一樣嘢得。總括今次經驗，我自己真係唔會再嚟，亦唔會推介其他人嚟。…Read More

隨便挑了這店進餐, 是首次光顧此連鎖店的燒物有些美味, 有些太淡, 很沒標準拉麵太大碗, 應該是讓客人吃飽, 點其他的食物小一點吧其實每張order紙都要等好久, 食物準備的時間久了點, 職員的反應不夠, 照顧不到客人, 需要專注一點, 包括疑似經理的職員, 大家都應該歡容一點呢!…Read More

有book位，到7:30先坐滿人。由落單到食物上桌的時間約20-25分鐘，我第一ROUND既炸物更要1個鐘頭過外先到，所以要試的朋友不妨早些少叫！食日本放題來說，此間算是奇怪的一家。串燒同炸物要落單好耐先會來，但係都唔要緊，大不了等下啫，但係唔知點解佢送到枱既野無一樣野係"熱辣辣"咁上枱，最最奇怪係連鍋物(肥牛鍋)都係暖暖地！D天婦羅就一口都係油，都唔知佢個廚房出左咩問題！究竟佢廚房一早整好一大批等我們叫先攞比我地，定係佢特登HOLD單等遲D先出比我地(因為佢係限時2小時)???總之佢D熱食就一D都唔吸引，因為全部都係暖暖地，食到好無引！刺生－新鮮好味，第一ROUND係正常SIZE，但第二ROUND開始個SIZE會自動CUT細一半Sushi－OK，可能都係金水集團有關，唔敢差得太遠串燒－凍、唔熱、要等好耐沙律－叫左唔黎薄燒牛肉－好味但又係唔熱、暖暖地天婦羅－一口油！完全同意樓下廚人莎莉講既野！一次便夠，唔會再有好想去的衝動！叿既價錢我會去返吉壽或外野手！6:30前入座有8折9:30後入座有7折…Read More

位巳book, 所以不用等位。食日本放題, 之前食過很多間......呢間...真普普通通話就話兩個鐘任食放題....食完第一輪等了很耐......第二輪食物再來.....刺生.....尚算新鮮, 但細件sushi... 普普通通串燒.... 大部份ok沙律....份量少得可憐燒牛肉....ok天婦羅.... 普普通通......有些物...放在手板大的食物碟上, 如帶子...size細如5毛紙.......真係唔知响邊度買到d咁的色的帶子....haha其實....昨晚都以經狂飲水........食完的後遺症是.....喉嚨痛..... 即係這店的食物落了勁多的味精.......以$170和加一計..... 這裡的食物和服務真係平平.......所以不值推介!!!!!…Read More

唔加又加, 無既定準則, 以後唔會再幫襯同朋友去譽港灣搵野食, 見到這裡不用等位, 便在門口的收銀處攞張menu睇, 見價錢定位又合理, 食物種類又多, 午市有50款套餐/定食可供選擇, 每個套餐跟沙律, 白飯, 麵豉湯及汽水(沒有指明無糖汽水要加錢), 如果加HK$3可配奶茶, 咖啡, 檸檬茶或檸檬水(冷熱均可), 仲要免加一, 便入內一試叫了2份套餐 : 滑蛋豬扒飯定食同金菇牛肉定食, 先來麵豉湯及沙律, 麵豉湯入口不熱, 微暖, 沒有麵豉味, 反而沙律不錯, 用了日本沙律汁拌, 入口酸甜, 很開胃, 再來豬扒飯定食同金菇牛肉定食 滑蛋豬扒飯用上日本米, 但米身偏軟, 豬扒沾上麵包糠炸, 一開六小塊, 入口已淋, 可能是配上滑蛋的關係, 至於金菇牛肉定食原來唔係金菇牛肉卷, 係牛肉加金菇兜亂抄, 這款跟白飯一個, 再配上雜菜, 可惜抄得很油, 牛肉肉質偏乾, 金菇唔新鮮兼有些泥味最後落埋飲品, 問店員可否叫無糖可樂, 答話可以, 咁就要了兩杯, 入口感覺完全係汽水餅開, 到埋單, 見到每杯加收HK$5, 即總數收多HK$10, 便同店員講落單的同事沒有話要加錢, 但負責收錢的店員沒有解釋原因, 只說要加亦沒有講唔好意思, 我們亦沒有抗衡到底, 費事為了少少HK$10 浪費時間, 就當我今餐要比加一 算了, 走到門口, 見到先前同我落單的店員, 我就同佢講番, 話佢無同個客講話要加錢是不對, 點知佢話收銀先前話唔駛加, 後來改口話要加, 而佢亦無悔意, 無論如何, 要另外加錢就一定要通知客人, 為了HK$10, 卻失了客人再次光臨的機會, 值得嗎????…Read More

串 Kushi 已是新蒲崗最最平靚正爐端燒放題。之前只有外野手一間「像樣啲」日本放題, 可以一食(現改名赤山)。自從Mikiki商場之串 Kushi開後, 一試過發現有更多好野食!1. 爐端燒食品有多款選擇, 而且又新鮮,味道也好; 帶子、豬扒 等好底好食!2. 日式煮物質數也高, 以汁煮豬軟骨為極品, 入口即化; 另垃麵及及烏冬也不錯。3. 刺身ok ,不過不失。4. 炸物ok ,不過不失。(南瓜及紫番薯間中唔熟)試過兩次, 食物質數及服務也好好, 可向大家推介食放題主要食物款式多之餘也要好味, 串 Kushi 在這方面提供的已是中上,加上上菜速度高, 3分鐘已送來,不會在限時兩個鐘內拖慢。P.S. 吃了兩次也沒有試過所有菜式。…Read More

間舖的侍應好似夢遊咁，就連門口帶位的侍應都唔例外！食物黎得好快，但多數係微暖，只有天婦羅係熱！佢送的兩板海膽完全不能入口，好明顯係因為唔新鮮，炸蠔都係一樣難食！最後係雪糕，一開杯雪糕就發現好多黑色一點點，好似塵，侍應話換，可惜雪糕一去無回頭，到埋單都無返來！…Read More