串皇 (Closed)

第一次在串皇買了一串豬頸肉吃,發現肉質鮮美滑口, 沙o爹汁夠入味.這種味道的醬汁真的不是到處也能吃到.而肉則燒得比較"窒", 會出現肉邊緣變炭的情況.建議先去掉炭的部份才吃及不要經常吃 !那裏即叫即翻熱, 人多的時候, 等待的時間較長, 這點要比較注意

周日的中午時間，主人與奴隸獸已見此店門前聚了不少顧客，所以亦去揍揍熱鬧。我們買了串燒豬頸肉及金菇煙肉卷各一（共HK$13）。豬頸肉的味道及質感，有點兒像肥美的豬肉乾，口感與味道都不錯。至於金菇煙肉卷亦非常惹味。價錢相宜，加上味道 OK，怪不得生意那麼好。

見過blog友茄喱啡+or食家寫,oct 12, 08嚟掃,叫咗 : 1) 雞柳-因去到已有4-5張order等緊,所以絶對喺即叫即燒,1股剛做好嘅熱氣-雞肉軟滑,厚度適中,1定唔會叫薄,所以咬落有口感,連埋雞皮,所以會甘香,醃得嘅好味-個醬汁要唔辣因見有食家講話小辣都幾辣吓,好惹味-果然喺人氣項目之1 2) 豬柳-另1人氣項目-豬肉嘅肉質就當然比雞肉結實d啦.............但都喺嫩-都唔錯呢 3) 燒魷魚鬚-食完以上2串,再叫多2串-呢個喺4個嚟講最普通,因肉質似乎結實咗少少..............我expect應該喺軟身d.............不過咬口就比到你喇.............而且都喺大size嘅魷魚鬚 4) 雞全翼-都做到皮脆............合格有餘- 估唔到未到6點鐘已圍住人............走完1堆,又嚟新嘅 - 但食完,我即刻就覺得勁頸喝..............大家明白啦!! ...........間唔中食吓好啦~~~ - 喺我企喺街邊1路食時,發現附近有1檔走同樣路線嘅串燒店.............論人數,其實嗰間仲多d添,

行過聞到好香,所以都停低買兩串先等既其間~~~有人買她的辣汁,一杯辣汁$30蚊無意中聽到,原來買去BBQ用我就要少辣,第一次食唔知辣既程度去到邊豬肉好香,好入味,一D都唔韌雞肉都唔鞋,肉質滑口而且它的辣汁,真係好好味,不過都幾辣,好香椰奶味燒到好有BBQ既風味~~~$7一大串,好抵食

嘩..呢間野係男朋友介紹的...其實果條街都試過晒,不過都係呢間最好味...又夠辣!由於男朋友響元朗住,所以成日響元朗食飯~次次食完飯都一定黎食番串先肯走...每次點完野食男朋友就會去ok買定飲品...因為真係好辣...但辣得黎好正....雞翼、鮑魚、牛肉、雞軟骨樣樣都咁掂呀

今日放學,住元朗的同學帶我與另1個朋友去找美食!佢地帶我地去食"串皇"...話e度d串燒野食好味,難得黎到sure試下我試左"司華力腸"朋友試"鴨空肉","魷魚"感覺上好似麻麻地,同平時街邊檔差唔多個老闆娘好奇怪囉..係咁同人講""Hello,食d咩野?""

係元朗遊山玩水，行到勁支力，離遠已經聽到個女人好似唱山歌咁大叫。要了牛肉同魷魚鬚各1串。牛肉真係無咩味，得燒汁味;魷魚鬚係就係夠大份，而且爽口，不過都係無味囉。雖然佢將熟左既串燒再燒一燒，不過始終都係微暖。

在元朗大馬路某個角落,有個女子經常叫著串皇系度呀!)串皇?是否前車路士領隊摩連奴?非也.只是在元朗的一間串燒小店.飯局前先行兩串,燒魷魚鬚同燒雞皮.前者彈牙,後者香脆兼不是乾巴巴,雞皮仍帶點煙齦的口感.塗上沙爹醬,吃罷想來多隻燒雞翼...男店主見我拿住部"錢七"相機,打趣地問你影D相會否post上blog?)我笑而不語.

好鍾意佢d串燒，款多而且個汁好味，價錢相宜，近巴士站。每次約朋友食晚飯但係又未齊人，我地梗會食吓佢d串燒過吓口癮。隔一排無食，經過見到就要買黎食。

o個日經過叫左兩串雞全亦, 兩串魷魚"蘇"同兩串煙肉腸, 即叫即燒, 我要勁辣, 不過對我呢個辣妹黎講只係濕濕碎, 朋友就辣食唔到! ok 吖!, so far so good! 六串只係四十大洋!

元朗遊記(四)...食完肥韜後太太話要去恆香買老婆餅。買完後太座話肚仔仲有D餓，就帶佢嚟整串嘢先...嚟親元朗個肚都會留番D位嚟食串燒。雖然絕對唔稱得上正宗，沙爹汁只夠辣但唔夠香。但勝在件頭夠大，自己食嗰幾件鴨胸直頭厚到成塊扒咁...抵食

心血來潮決定入元朗行一轉幾乎已經成為左一年一度既活動廿幾蚊車錢入去梗係食盡玩盡啦都唔理得有幾熱氣都要食一食呢間名店元朗有一個好奇怪既現象就係多人食既舖頭迫滿人跟風係隔離開既都佔唔到幾多甜頭小食如是其他料理亦如是叫得做串皇都有返咁上下既特別難忘佢個辣醬真係辣到無人有上次食到口水鼻水出晒勁飲汽水都頂唔順今次小試牛刀無食肉仲買定野飲待候只係叫左兩串雞軟骨同一串魷魚鬚想要雞腎但係無得賣問老細：「唔該沙嗲可唔可以小辣?」答：「唔得,雞軟骨只可以做到中辣!」哦…認真到咁佩服佩服抵佢好生意啦見老細做到唔停手的確係好辛苦軟骨(中辣)燒得夠香沙嗲亦唔算真係好辣一人一串好滿足不過其實揀椒鹽可能會好尐突然間諗起究竟邊度有咁多雞軟骨黎既呢?唉…一係唔食如果唔係諗多都無謂魷魚果真係招牌貨魷魚鬚盤旋於竹籤之間就算剪開左都仍然好大條加上沙嗲汁真係好難將佢好好咁放入口而唔會攪到週圍都係但係又真係彈牙又多汁好好食喎好過出面一般泰式串燒不過一路食隔離就有食環署係度捉走鬼其實滴汁落地駛唔駛罰千五既呢??

行過這條"元朗食街" 總是見到有人在這裹等食，在羊羣心理下做了"等食"的一份子。叫左豬、牛、雞各一串同個朋友分，我地將全部竹櫼甩晒撈亂食，食第一口覺得d燒汁好好味，但肉汁欠奉，一咬d肉好似霉霉地，食左幾件朋友仔問我點份豬、牛、雞？我先至醒起原來有三種肉類係裹面，但全部只得一種味道："就係燒汁味。"未試過可以一試，但我一定唔會番試！

兩間唔同串燒舖拍住,一間排長龍,一間拍烏蠅,緊係唔會幫襯拍烏蠅o個間啦.叫左串牛肉串燒同香腸煙肉捲串燒,牛肉非常之腍,腍得過分.腍到好似豆腐咁,勁用鬆肉粉.可能查得太多汁(油)去燒,燒得唔夠焦.煙肉又係一樣,燒得唔夠,煙肉燒得唔夠火喉就更加難食,淨食肥肉咁.非常麻麻.唔建議去食.