串燒王 (登龍街)

之前食過覺得OK，於是同朋友夜晚10點幾去食宵夜，坐低咗喺門口二人位，本來已經叫咗嘢食，等緊嘢食到。期間有個阿叔企喺朋友張櫈後面，挨住牆企，個位置係店舖範圍內。等等吓，突然聞到好大陣煙味，我哋先至留意到，原來阿叔喺度食煙，仲有另一個人（後生啲）係企喺舖頭出面同佢一路食一路傾。阿叔食緊煙嘅時候依然係企喺店舖範圍內，只係間中將隻手伸出舖頭外。我哋本身以為係兩位廚房職員出嚟唞氣，於是就同佢哋講：可唔可以唔好喺度食煙，好臭。點知原來佢哋係食客嚟，於是我哋就諗住同舖面職員反映。期間阿叔返返座位，一路好凶狠咁啤住我哋。咁我哋就同店員講話唔食啦，取消張單啦唔該。阿叔就開始用粗口鬧我哋，仲起身作勢想打我哋。當然中間我哋都有還口嘅。我哋以為呢個時候，正常嚟講，店員應該會出面調停。但係佢哋冇。兩個店員都冇。金髮店員由始至終一句聲都冇出，眼神好似覺得我哋係嚟搞事咁。黑髮店員都係一直都冇理過我哋。喺我哋起身離開期間，佢幫嗰兩個食客斟啤酒同傾計。最後仲同我哋講一句：走啦！就算係本身同嗰兩個食客認識，都唔係咁樣處理啩？我哋都係嚟食嘢㗎喎！體驗非常差，唔會再有下次，亦都會叫朋友唔好幫襯。銅鑼灣仲有好多串燒選擇，可以唔洗食呢間。…查看更多

夜晚餓餓哋點算好？呢間串燒店有多間分店，由夜晚六點開到凌晨六點！肉類、海鮮、菜品、炸物、小食、主食、甜點、飲品等樣樣有齊。店內環境唔大，住喺附近嘅建議可外賣返去慢慢嘆。店員推介巴蜀炒米粉，果然有料到，香氣四溢，炒至乾身，有鑊氣，搭配各種配菜，相比起撈丁更加健康，宵夜食罪惡感都無咁大🤣 特級肥牛炒烏冬同樣出色，肥牛嫩滑，烏冬彈牙又入味。私心推介小饅頭，三細塊，已調好味，越食越上癮。串燒方面要咗幾款試試，有脆香魚腐、雞脾菇、土豆片、豆卜、娃娃菜同翠玉瓜。值得一讚嘅係燒完仍然保持到水份，性價比高。…查看更多

以為銅鑼灣冇咩串燒好揀，點知搵到呢間串燒王。一試之下果然都幾唔錯，係銅鑼灣呢個價錢質素真係幾高性價比。而且位於登龍街，真係好方便呀 🌟燒韮菜 $15串🌟韮菜好大份，上面曬滿味粉，非常惹味，食落既有鮮味又有香料味，唔會互相搶味，食完又想再食多幾串 🌟燒菠蘿 $22/3塊🌟燒菠蘿真係我去每間都要叫嘅串燒，咬落去一樣都好爽甜多，好似飲緊成口菠蘿汁咁正咁清新 🌟蒜蓉扇貝帶子 $38隻 $70/2隻🌟扇貝帶子夠大份，佔滿晒成個殼。帶子肉口感燒得剛剛好，唔會太韌，容易入口。加埋蒜蓉嚟食，帶出到帶子嘅鮮又唔會搶味 🌟生猛海花蝦 $36/2隻 $88/6隻🌟海花蝦都算幾大隻，外表睇落燒得金黃，食落都幾香脆。食燒蝦建議試埋個蝦頭，蝦膏味正，蝦肉都幾爽口 …查看更多

在銅鑼灣食飯，朋友介紹呢間這間串燒，主要供應烤串，價錢平靚正。自行寫紙落單，上菜速度好快，食物味道非常唔錯，简简单单的一餐～有辣有唔辣，喜歡吃重口味的不要錯過了。✨燒雞肉腸外層燒到微脆而內裡鮮嫩，皮脆肉香，配上孜然粉調味麻辣鮮香～✨原條魷魚賣相吸引大大條，食落好彈牙爽口，口感煙韌有嚼勁，塗上特製的醬汁甜甜的～味道濃郁✨燒魚魚皮燒得頗香脆，燒得好香，聞到好香的魚香～魚肉新鮮，肉質緊實。食落會有淡淡魚油香，配上調味味好正！✨田雞調味做得幾好，不會太濃味。帶點微辣，好惹味　。田雞口感肉質細嫩，有點像雞肉。…查看更多

銅鑼灣嘅深夜仲有咩好食今次搵到登龍街有串燒食簡直為何深夜總是餓救星失控地叫到成檯都係野食蒜蓉茄子成日試下芝士茄海量熱溶芝士舖滿成條茄估佢唔到可以變成遊戲玩拉絲拉到打完卡都未拉斷花甲粉中意食辣一定要試佢係好有後勁嘅辣會嗆喉粉絲吸曬個辣湯辣得過癮蒜蓉金菇大大兜而且入味唔食就唔好講串燒雞中翼燒起依然充滿肉汁孜然香豬頸肉爽滑鴨胸值得一試最特別嘅係呢度有棉花糖朱古力醬加棉花糖加餅乾夾麵包就試得多呢度夾餅外脆內軟雖然唔夠夾包爽但新鮮感同口感都好足夠以後深夜唔怕搵唔到野食嚟登龍街就有間串燒店啦—————————————————————🔸 豬頸肉 $28🔸 牛舌 $25🔸 一口和牛粒 $34🔸 金菇肥牛卷 $28🔸 鴨胸 $30/2🔸 雞全翼 $38/2🔸 雞心 $26/2🔸 燒芝士原條茄子 $45🔸 蒜蓉金菇 $45🔸 流心棉花糖夾餅 $22🔸 花甲粉 $65🔸 飲品 $16/1…查看更多

朋友在OpenRice購買了銅鑼灣串燒王的$100現金券，萬聖節慶祝過後三更半夜想找宵夜正好可以大派用場，銅鑼灣店由晚上六時營業至清晨六時，完全是夜貓的福音！不算太餓所以只點了豬大腸 ($25/串)、雞腎串 ($28/兩串)、大墨魚咀 ($28/串)、生猛海花蝦 ($88/六隻)、韭菜 ($15/串)和菠蘿 ($22/三塊) 一同分享，豬大腸清潔乾淨毫無異味，口感爽脆，令不吃內臟的朋友都刮目相看。生猛海花蝦體形比想像中更大，肉質結實不會霉爛。…查看更多

我去到店門口寫外賣自取的，門口得外賣落單紙沒有筆咁我入咗問佢哋拎支筆寫啦！好啦，咁佢哋整緊既情況下我企左係出面等啦！仲要等半個鐘多啲先整到比我，前提係堂食沒冇客，咁我拎既時候，有位帶眼鏡既店舖員工就好冇禮貌好唔耐煩咁講「拎住啦」，我都算啦！本身我冇叫野食放辣，點知返到去除左甜品，全部都整左辣比我！！！服務不太好一開始唸住會好食啦！等可以下次帶朋友家人一齊食，可惜態度太差、服務唔好、野食冇想像中好食、不理客人要求…查看更多

今晚去咗銅鑼灣串燒王叫咗串燒🍢我們揀咗：-即開新鮮蒜蓉大生蠔新鮮的生蠔搭配香濃的蒜蓉，口感鮮美，海味十足-清酒煮花甲花甲在清酒中煮得恰到好處，酒香四溢，肉質鮮嫩，帶有淡淡的清甜-日本一口和牛粒和牛的油花分布均勻，口感滑嫩，入口即化，讓人感受到肉質的極致享受。-皇牌牛舌心牛舌心經過精心燒烤，外焦內嫩，肉質彈牙-韭菜串燒韭菜串燒香氣撲鼻，烤得恰到好處，保留了韭菜的清香-蒜蓉原條茄子茄子吸收了蒜蓉的香氣，口感柔軟，味道濃郁-鹽燒多春魚多春魚新鮮，經過簡單的鹽燒處理，保持了魚的鮮甜，肉質緊實我們都覺得今次兩個人都食得幾飽Tonight, we went to the skewer restaurant in Causeway Bay and ordered some skewers. Here’s what we chose:- Fresh Garlic Oysters The fresh oysters paired with rich garlic were delicious and full of ocean flavor.- Sake Steamed Clams The clams were perfectly cooked in sake, with a fragrant aroma and tender meat, complemented by a subtle sweetness.- Japanese Wagyu Cubes The wagyu had evenly distributed marbling, resulting in a tender, melt-in-your-mouth experience that showcased the ultimate quality of the meat.- Signature Beef Tongue The beef tongue was expertly grilled, crispy on the outside and tender on the inside, with a delightful chewiness.- Grilled Chive Skewers The chive skewers were fragrant and grilled to perfection, retaining their fresh aroma.- Garlic Eggplant The eggplant absorbed the garlic flavor beautifully, offering a soft texture and rich taste.- Salt-Grilled Shishamo The shishamo was fresh and simply grilled with salt, preserving its sweetness and firm texture.We both felt quite full after this meal!…查看更多

夜晚想入嚟食快靚正嘅串燒，結果等咗半個鐘，上咗一盤得面頭兩串係暖嘅串燒，底下四五串串燒全部凍冰冰😓同佢講想取消又唔俾，最後打包即走谷鬼氣。重點係其實佢外賣平台嘅單keep住響，根本做唔嚟。其實食串燒都知道係要等，但係結果等嚟嘅係凍冰冰嘅串燒。體驗極差！。。。。。。。。。。。。。。。。。。。。。。。。。。。。。。…查看更多

今日我去咗一間叫「串燒王」嘅串燒店食晚餐，整體體驗都幾好，想同大家分享一下我嘅食評。**燒牛仔骨**呢個牛仔骨真係好推介！牛肉燒得剛好，外面微微焦香，內裡保持住肉汁，咬落去肉質鮮嫩。調味方面，牛肉嘅香味同醬汁完美結合，味道濃郁，令人食得過癮。搭配少少蔥花同芝麻，更加提升咗整體嘅口感，絕對係一個唔可以錯過嘅選擇。**燒菠蘿**燒菠蘿係一個意外之喜，菠蘿經過燒烤後，味道變得更加濃郁，外面微焦，果肉變得更加甜美。配上少少蜜糖嘅醬汁，食落去酸甜適中，仲有一點煙燻味，真係好開胃，適合作為配菜或者甜品。**燒墨丸**呢個燒墨丸質地滑嫩，口感非常好。外層燒得金黃酥脆，內裡嘅墨魚餡料鮮味十足，搭配上特製嘅醬汁，更加提升咗味道。每一口都可以感受到墨魚嘅鮮味，係一個好開胃嘅小食。**燒雞翼**燒雞翼係我今日嘅另一個亮點，雞翼燒得外脆內嫩，醬汁味道濃郁，辣味同甜味平衡得好好。每一口都充滿咗雞肉嘅香味，搭配啲小蔥，味道更加出色。**肥牛炒烏冬**呢個肥牛烏冬都幾特別，烏冬麵煮得剛好，口感滑順，而肥牛則係燒得香嫩，每一口都充滿肉汁。湯底清淡而不失鮮味，配合小小青菜，整體味道非常均衡，係一個好滋味嘅主食。總結整體而言，「串燒王」嘅食物質素相當高，無論係串燒定係主食都做得相當出色。服務態度友善，環境亦好舒適，適合朋友聚餐或者家庭晚餐。如果你鍾意串燒，一定要試下呢間店，肯定唔會失望！…查看更多

繼續留港消費～ 試咗間銅鑼灣鬧市下的串燒小店，餐廳位於登龍街，喺附近行完街過嚟非常之方便，坐低唞一唞醫醫肚！🤭叫咗一堆串燒全部都燒得非常用心，調味適中好惹味：⭐️⭐️⭐️⭐️即開新鮮蒜蓉大生蠔 35 ⭐️⭐️⭐️⭐️⭐️蒜蓉粉絲大蟶子王 50 ～ 燒得非常香口，配上大量蒜蓉粉絲，完全係另一個Level⭐️⭐️⭐️⭐️牛板腱 28 ～牛味好香好淋身⭐️⭐️⭐️⭐️日本一口和牛粒 34⭐️⭐️⭐️肥牛金菇卷 28 ⭐️⭐️⭐️⭐️⭐️豬大腸 25 ～外皮非常之香脆，中間帶有少少油脂，一啲都唔騷，推薦⭐️⭐️⭐️雞中翼 36⭐️⭐️⭐️⭐️脆香雞皮26⭐️⭐️⭐️⭐️椒鹽牛筋丸 22⭐️⭐️⭐️⭐️⭐️鹽燒鯖花魚 40⭐️⭐️⭐️⭐️⭐️豆卜 15 x 2 ～真係好出色，所以encore，外脆內軟，鋪滿調味粉又唔會死鹹 ⭐️⭐️⭐️秋葵 16食串燒當然唔少得啤酒，呢度啤酒樽裝選擇都非常多，最開心係生啤都有三款選擇 stella / Hoegaarden / Suntory 啤啤佢🍻🍻！$48生啤買一送一，飲啖啤酒爽晒。環境始終係小店，座位唔多，都勝在坐得舒服，好有風味！服務員唔太夠，串燒用心製作，所以嚟到記得耐心等候～…查看更多

提前book位，星期六晚放工後串燒，寫全單88折優惠。visa埋單後發現正價，詢問點解冇discount ，店主話你埋單時冇講，我話咁book位時顯示晚餐優惠，我以為自動，咁可否取消重新比錢，店主話，冇了，買左就冇。其實信用卡支付可以取消重新搞，只係店主唔想咋，我唔可以話欺騙，只可以提醒下其他人記得埋單時講。另外，餐廳環境的確好逼，不過試串燒都可以理解。但服務可以話完全冇，得店主同一個夥計，非常忙碌，入來冇人招呼，問野又唔答。有人入座後等十分鐘冇辦法落單，走左。食物質素來講，公道一句，唔錯，雞軟骨好香，唔會太重調料。花甲、金菇等份量都好足。…查看更多

成日經過都好想食嘅串燒店，今次終於有時間可以食到😛舖頭細細，不過嘢食幾正宗又惹味😤大墨魚咀（串） $28好新鮮嘅大墨魚，保留了海鮮的鮮美😋大大粒，每粒味道好爽口蒜蓉原條茄子（條）$38經典串燒必嗌🥰整條茄子好大🍆搭配香濃嘅蒜蓉粒，一絲一絲😋口感滑嫩，正虎皮青椒（串） $13新鮮青椒，都幾辣下😝外皮微焦，內部保持脆嫩，搭配調味料，清新可口鹽燒鯖花魚 $40有醃製過再加上燒烤，魚味鮮香，口感鮮嫩日本一口和牛粒（串） $34細細粒，肉質一般，口感有啲韌阿拉伯羊肉串（串） $30羊肉串使用香料調味，香味十足，口感一般📍串燒王銅鑼灣登龍街36-48號登輝大廈地下D2鋪…查看更多

正垃圾。。食過咁多間花甲粉呢間係最難食，辣到冇辦法接受，朋友好食得辣都覺得太辣，辣得黎仲要苦，個味又難食。個Menu仲要冇寫係辣，就咁錫紙花甲粉。隔籬枱見我話好辣，問個店員可唔可以小辣，佢話冇喎得一種辣冇得轉，態度十分差。黎到個賣相已經係好核突，個碗側邊有啲汁都冇抹，好似比狗食咁，諗住賣相差都算啦，點知咁難食！淨係食咗兩粒花甲，一啖粉已經食唔到落去。。。叫咗碟娃娃菜同埋金菇好似白烚完加蒜蓉咁，唔好食。牛舌又太乾，但係最難食係個花甲粉，從來食嘢都唔會投訴，今次真係好過分忍唔住😃…查看更多

串燒王😘😘😘一起串串配銅鑼灣登龍街、美食街、門外掛起，紅紅燈籠🏮夠吸引🤩、以港式、川菜調味的串燒🔥店！內以石灰牆系列！✨蒜蓉北海道粉絲活元貝$50/隻原隻活元貝、鋪🈵️蒜蓉、幼滑粉絲、🔥燒烤至熟、元貝和蒜蓉、溶和濃濃醬汁、被粉絲吸納、吃不停口、舔舔脷👅✨紐西蘭羊架$45/隻紐西蘭羊架、份量十足、不肥不腻、肉質鮮嫩幼滑軟綿綿、肉汁豐富、陣陣濃香羊味撲鼻、冇羶味、又夠厚身、灑上孜然粉、提升味蕾口感！✨法國焦糖鵝肝多士$70/4塊鵝肝微烤香金黃、擺放塗上蜜糖脆口多士、－啖－口、溶化口腔、滋味無窮！✨脆香魚腐$15/串外脆金黃魚腐、沾上孜然籽粉、啖啖魚香肉味、滋味又惹味！✨翠玉瓜$15 /串微🔥外層、至肉軟、腍甜爽脆、清新✨菠蘿$22/3塊帶甜微酸菠蘿、外烤金香、開胃菜✨特色小饅頭$18/3塊雪白饅頭切片燒烤、烤烘微金黃、蘸點孜然粉、又幾夾、幾惹味！串燒王（登龍街）銅鑼灣登龍街36-48號登輝大廈地下D2號舖港鐵銅鑼灣站B出口，步行約2分鐘…查看更多