串燒兄妹 (永榮樓)

Open Now

Now Closed

喺土瓜灣果時，試過買外賣～不俗，今次嚟到紅磡點都入去試吓，打正𣄃號～$100/10串，喺百物騰貴嘅底下，咁嘅價錢，會俾到乜嘢我哋食，真心好奇一試！100蚊10串，又俾我想像中多選擇，最緊要，嚟到嘅時候你唔會覺得佢「小家」好細串，而真係正常size。。前後叫咗廿串，二杯正常嘅手打檸檬茶，再加呢杯增量嘅，所以我建議大家都係選增量，一杯攪掂，真係大杯好多。食物質素正常，起碼唔會覺得唔新鮮，亦都如圖大大串，咁嘅價錢，俾到咁嘅出品～讚！另外加左份茄子，真係唔使推介，見到都流口水。埋單二個人三佰七，連加一服務費，今次加一～拉上補下真係無可厚非。回頭度～7/10真心扺食，重要係中辣岩我哋口味，遲啲肯定係排隊店。缺點係冷氣唔夠，同有啲串燒鹹左小小小小，下次再去會叫佢哋減鹹，咁就完美。本人純粹分享食過嘅餐廳感受，絶無收受任何利益同優惠，特此聲明。