串燒保串燒專門店 (Changed Hand)

食材新鮮，燒生蠔另一風味，燒茄子好惹味，燒蘆筍都好好味道。還有雞肉串，樣子平平無奇，但出奇地好味，一口牛都唔錯，老闆娘好有心，親自購買食材及製作食物，乾淨少油，很讚。…Read More

牛舌食得出唔係交貨，又大塊又燒得剛剛好，好好食！燒貴妃蚌燒得好鮮，帶子又剛剛熟，一d都唔硬！重要唔算貴！重有係燒全翼，睇得出係好俾心機燒，因為係好入味，同埋出面通常係雞中翼就多！燒鰻魚都好正，好有分量！本來想試油甘魚魚餃，但今日沒反到貨，下次一定要試！超推介既係重有燒茄子，真係超掂超抵，食左費時影，個汁好好食，下次再試其他！俾錢見到原來d野係沒加味精，採用岩鹽，唔怪之得d野好鮮味，食得放心！下次要再試其他…Read More

好耐無黎，原來呢間串燒店轉左老闆，老闆娘好好招呼仲好好傾。當日叫左一口牛，豬頸肉，燒茄子，台灣腸，貴妃蚌，蝦。大推燒茄子，好好味🍆有成隻手臂咁長。大蝦🦐同貴妃蚌燒得剛剛好，好新鮮😋佢地d醬汁好惹味，特別個辣辣泰式醬無得頂，點咩都好夾😋👍🏼老闆娘話如果早一日打電話去仲可以訂定想食嘅海鮮。如果想攪party到會，佢哋仲做埋外賣服務。我提議可以落去之前打定電話落order 先，咁就唔洗等，即去即食🤤…Read More

早幾晚食完，垃圾過唔垃圾，雞肉串食到凍肉味，燒菠蘿又乾，另外幾串野普通過唔普通，咁嘅價錢，仲要0服務，大佬你賺緊我錢仲要我受你面色，無第二次。以我食過咁多串燒店嚟講，呢間都算係垃圾。…Read More

荃灣區真係好多好野食，就正當煩惱食咩之際，見到呢間串燒舖有香噴噴既味道攻出黎，唔理咁多，就入去食返幾串再搵正餐。一見到Menu，見到雞全翼即刻就再點，可惜老闆話供應商黎錯雞中翼，唔理咁多啦照殺!雞中翼 ($18/2隻) 雞肉串($16)雞中翼同雞肉串都見到用獨特醬汁搽上再燒製，好食!!值得一提係，有時係其他地方食雞肉串係好乾好[鞋]，但呢串雞肉係 嫩滑同埋有沖唔乾身，抵讚!!燒原條茄子($38)茄子製作時間長小小，因為全部野都係即叫即做，同埋見到老闆整條茄子都好多個步驟，等左陣終於有得食，一食有驚喜!! 真係值得等一等!!(唔食辣既朋友，記著同老闆提一提)整體滿足有驚喜!!…Read More