Barbecue King (Closed)

今次食呢間串燒都係起openrice 度見到comment 不俗走左去食〜果晚8點幾冇乜人，所以唔洗排隊~點了燒茄子，多春魚，燒蜆，燒魚皮餃，餃子雞翼，煙肉蠔，燒牛柳粒好多好多，以上既燒物本人覺得非常好食，尤其是餃子雞翼同煙肉蠔，encore 再encore!餃子雞翼一咬落去肉汁非常鮮味及好有口感，再有D蜜糖味非常惹味！另外煙肉蠔，我本身唔係好食蠔都覺得正！煙肉本身油蠔比較新鮮沒油份，一口咬中和曬感覺一D都唔油仲食到蠔既鮮味！至於燒薯仔，翠玉瓜就冇乜特別~呢間串得起我會再幫襯！其他食評家真係冇介紹錯👍👍👍…Read More

串得起，認識我都知我是這兒常客，我倆每月總有三幾次來這兒開餐﹗講緊既當然就係大圍顯田邨既串得起串燒專門店。打從三年多前誤打誤撞來這兒吃了一餐後，這兒已成為我倆的心水食店﹗是兩公婆經營的小店，座位也沒有二十個，故每每星期五六周末都爆場，現在來吃真的要老早訂位﹗經營已三年有多，也知道串燒店酒水的重要，小店最近申請了酒牌，可以賣酒，以後來吃酒水不用自攜了﹗店內有提供清酒紅酒﹗當然我最喜愛的啤酒是不可少了吧﹗款式大眾化，貴一點的健力士藍妹有齊，平有平飲的青島、生力及獅威都有得選擇，認真豐儉由人。價錢由罐裝$7至支裝的$25，我就一向對啤酒無咩要求，最緊要有得飲，咁就當然飲最平既獅威啦。食物吃了好幾年也沒變，依舊簡約美味，價錢公道合理，最平的串燒$5至烤魚$60也有，選擇多。食物款式多，調味粉不會下得過多，原汁原味，所有食物也是堅持生燒不是預早燒起加熱，就是這份對食物的情感已值得我倆繼續支持﹗亦因為咁，來吃要有心理準備，只有佢兩公婆又要燒又要招呼執檯，要食就要等等了﹗雞軟骨是我倆最愛，每次來每人必吃兩三串，調味就是很簡單的灑上海鹽，已是美味的佐酒小吃﹗比較特別的可試試這兒的燒魚皮餃，外皮烤至金黃色脆卜卜，食落香噴噴很過癮﹗這個煙肉廣島蠔卷是名物，兩者均為濃味之物，拼埋卻有想不到豐腴美味，Juicy啖啖肉汁，愛吃蠔的必要一試﹗清酒花甲一份才三十多元，只用蒜蓉及清酒吊吊味，吃得出海水鮮甜﹗食家愛吃大蔥，而我則鍾意後面厚切多汁的雞脾菇。最近還有烤台灣腸，試過一次很香口呢﹗燒茄子絕對是手工菜，一條大大的茄子由生至熟起碼要花心機燒20分鐘，燒軟後在茄肉上灑上香蔥蒜泥及醬油，更能引出茄子的甜美﹗我不吃魚但食家來這兒必點大眼雞。烤得火喉恰到好處，蘸日式豉油吃很美味，她次次一個人吃一條﹗如果與友共聚的話她會要求點一條大烏頭，烤魚時於魚身夾著香草來燒，一來去魚腥二來吃落更香，烏頭夠肥美魚味又濃，好此道者必吃。要一提這兒烤的雞翼，燒得外脆內軟，就是簡單的塗上蜜糖，每次吃數隻也不覺膩﹗牛肉方面我會揀佢地既牛肋粒，面頭灑上黑椒，牛味濃郁好吃﹗愛吃菜的話可試這兒的炒雜菜或雜菇，夠哂牛油香﹗由於嗜酒關係，每次均會點幾隻魷魚乾剪碎來送酒，一片片的蘸豉油及日式芥辣同吃，香口惹味，正﹗之前無論來採訪的電視台、報紙及雜誌均一致推介的的牛油燒粟米，吃了好幾年還是我的最愛﹗坊間大部份的燒粟米都是先用熱水灼熟才燒慳水慳力，這兒堅持原支街市新鮮粟米去皮去鬚便生燒，出來的燒粟米特別原汁原味，粒粒分明夠哂甜美，牛油香濃，不得不試。如你對食物有咩要求，在落單時也可提出呢，佢地必樂於接受﹗閒時我總會與食家二人世界食串燒傾計﹔這習慣亦已傳染俾身邊老友記，每次聚會，便會想起串得起。這種飲到成檯是啤酒罐的情況是等閒事﹗更誇張也試過呢﹗相識多年，都知道現在小店確難維生，食材差不多每月加價，鋪租又加，鋪位細座位不多就算密密做七除八扣也賺不了多少，兩公婆是老實人，只有默默咬落牙關以價廉質優求存﹗加油啊﹗期望這兒生意愈來愈好，堅持那份對美味的執著，我倆會一直幫趁的呢﹗…Read More

真係認唔住手,打第一篇食評,呢間野其實係正我屋企樓下,所以由開張幫襯到佢而家,但係D食物質素真係少數Keep住長期維持係高水準!而家佢地加左爐,所以野食都唔洗等太耐,每次去到一定會叫佢嗁墨魚咀...牛肉粒...最好食嘅就係個燒粟米...因為燒嘅時間比較耐,所以最考耐性同心機....食左咁多次都未有過焦味..必食之選!!當然我鍾意食嘅仲有海鮮烏冬同埋..燒臘腸....都好正....同埋整體黎講...海鮮仲算新鮮~價格合理...老闆同老闆娘都好好人^^人情味濃的一間串燒店~…Read More

猶記得2009年第一次因緣際會地來到串得起，發現這兒的燒烤出品用心，食物亦有水準，於是在開飯網及討論區留下這店的第一個食評。事隔三年，認識「串得起」的朋友多了，晚飯時間常常爆滿，更有不少是熟客隔月隔星期就必來幫趁﹔有咁多人支持，當然是老闆及老闆娘的用心出品一直維持住高質素表現。:)自第一次來到串得起後，我也先後帶了不少朋友來這兒開餐，絕大部份朋友也感到愜意，自始「串得起」就成為我與朋友們之間每月一聚既好地方。食物雖簡單，但很多元化，照顧不同客人感受，肉類、海鮮、丸類、蔬菜大大話話好似都有五六十款，又讓我說說最愛的食物:羊腩骨: 嗜吃羊肉的老友每次必吃兩碟以上，羊味極濃，連骨連肉連筋烤原汁原味，正﹗黑椒牛粒: 雖不是上乘牛肉，但牛味重，偏韌，但黑椒下得恰當，惹味﹗雞翼: 次次都燒得恰到好處，呈金黃色，皮脆肉嫩﹗乾魷魚: 當然是佐酒之名物，烤得香噴噴，蘸上日本豉油，極惹味，一碟可送上兩三罐啤酒﹗雞軟骨: 又是佐酒之物，細細粒脆卜卜，灑上海鹽生燒很好吃﹗大眼雞: 大眼雞燒得火喉岩岩好，皮肉剛熟不乾身。蒜蓉燒大蜆: 蒜蓉下得足，大蜆是當日在街市買到的，份量有限，很多時也吃不到。燒牛油粟米: 凡串得起fans都對這兒的粟米情有獨鍾，新鮮街市甜粟米生燒，在粟米上灑上海鹽牛油，極美味， 絕不像坊間燒烤鋪先灼熟再燒，無哂粟米味﹗雞肶菇/蘑菇: 烤後汁多，不用調味已很鮮很好吃燒臘腸: 臘腸都用來燒真係佢先諗到，燒後那油脂豬肉香卻異常惹味，值得一試炒麵/炒烏冬 大碟，足料，調味適中，大胃王仲未飽來一碟，包你乖乖投降﹗來這兒吃串燒是一件悠閒事，老闆娘及伙計們其實已十分密手，但始終串燒食物需時，要多等一會俾點耐性﹔落單時老闆也會用心地問你的口味，味粉下得不會重手。與朋友吹吹水，食物一款一款送到面前，開支啤酒，這樣便能談上半天﹗吃了三年，我倆仍很愛這地方，隔數個星期便會「串得起」癮起﹔製作認真，服務用心，這便是取勝之道，希望這兒能更發光發亮，生意長做長有呢﹗…Read More

今日係這個網 , 睇下有乜好野食 , 睇到呢間串燒店好多人推介 , 好多人話好食 , 於是同老婆同個仔由馬鞍山乘馬鐵再由大圍站轉小巴到 , 去到差不多七點幾 , 店內冇人 , 於是坐係門囗位 , D 餐牌好似人食車仔面咁 , 好簡單 , 點了壕 , 芝士腸 ,牛仔骨 , 雞翼 , 栗米 , 九菜 , !! 樣樣野難食到暈 , 冇味之餘仲入面凍架 , 好明顯係雪櫃剛剛欏出來用電熱爐燒 , 完全冇香味但D 汁勁咸 , 食到一半已經成絰想走 , D粟米燒到黑黑地 ,最後食九菜火都黎埋 , 應該用石紙包住燒 , 都未熱透仲有小小凍 , 埋單成二百忍唔住同伙記投訴 , 佢竟然話''' 係咩 """ , 一D 歉意都冇 , 我發誓呢世都唔會再幫襯 ,食完成肚火 , 但又唔飽好肚餓 , 最後要回家食公仔面 , 唉!!!!!!!!!…Read More

之前黎食都因為上菜太慢而食到忟憎，今晚既效率高左呢 ~~蜜糖鴨胸 ($9)：胸肉厚身又多汁嫩滑。燒雞中翼 ($9)：外皮脆，肉汁仍保持在內。龍鬚炒麵 ($29)：見隔離枱食，賣相靚便叫黎試下。炒麵唔油膩之餘又唔 “乾爭爭”，好好味。燒魷魚鬚 ($13)：乾身了一點，味道不夠鮮味。燒八爪魚丸 ($9)：都係乾身左d，唔夠彈牙。燒超甜粟米 ($13)：唔覺超甜，而且太油太咸，蓋過粟米原本的清甜。今晚過後又對 “串得起” 有番d好感, 特別係龍鬚炒麵。…Read More

呢日難得響屋企, 於是就同媽媽食個美味晚餐!!媽媽提意不如食串燒, 好~!! 一於就去 <串得起> 啦....今次係第 1 次咁早去食串燒, 哈哈~去到 around 5 點幾, o岩o岩開左門一陣 (枱都未開好耶...lol)入面就得老闆娘自己一個, 問左佢開店未就自己搵位坐低嚕...坐低之後, 第 1 時間就係剔紙仔 :)我同媽媽都係細食之人, 所以點左少少野咋....- 羊骨腩 x1件- 魷魚鬚 x1串- 魚皮餃 x1串- 雞軟骨 x1串- 豬大腸 x1串- 冬菇 x1串- 大元貝 x1串- 茄子 x1條- 菠蘿 x2串因為呢度不嬲都係即叫即燒, 所以等左大約 15-20 分鐘先有得食...o岩o岩開店無耐, 未有人流, 所以老闆娘都燒得特別細心 羊骨腩 - 入味又夠味, 而且好有咬口, 讚讚!! (鍾意食淋身既人可以落單果時 request 燒淋 D 架~)魷魚鬚 - 好味, 爽口, 新鮮, 讚讚!!魚皮餃 - 第 1 次食燒既魚皮餃, 個感覺好得意, 不過因為唔係湯煮所以皮會比較韌, 個人覺得唔錯 :)雞軟骨 - 脆口加上燒既味道, 真係停唔到口, 讚讚!!豬大腸 - 每次黎都一定要食既, 燒得唔會過淋, 有咬口又好味, 讚讚!!鮮冬菇 - 一 D 都唔會乾, 仲有多汁添, 讚讚!!大元貝 - 呢個係無醃過既燒元貝, 一串 2 個中等 size, 加上辣粉, 唔錯 :)茄子 - 同菇菇一樣, 一 D 都唔乾, 仲超多汁汁, 配上勁大量蒜頭蔥蔥, 真係香到無朋友, 讚讚!! (唔 like 蒜頭蔥蔥既朋友可以落單果時 request 架)菠蘿 - 呢個係我既最愛, 菠蘿本身夠熟, 再加上火燒, 糖份一湧而出, 甜蜜蜜耶, 讚讚!!蠔 - 一客有 3 隻, 雖然唔係好大隻, 不過蠔味濃又夠鮮甜, 讚讚!!今餐又係好滿足, 走到飽飽 XD可惜....走果時竟然落超大雨!!!結果....就變左落湯雞嚕 orz下次好天再食過...lol…Read More

我今晚去咗呢間鋪頭食野，我唔知果個人係老闆定係點，但服務態度唔好LOR~話說我同朋友仔大概7點50到去到坐低落order，第一次上菜係8:10pm左右，黎咗四串，我地無耐落埋第二轉，果陣隔離枱上一枱走咗，第二枱都未黎，後來隔離枱先有人坐低。我地食完果四串，一路都無其他野黎，足足等咗起碼半個鐘先有另外兩串上。我淨係見到人地座低落咗order，好快就有野到，我地於是入去問下其他野食有未，果陣都已經係9點啦。我都係驚漏咗單，當提醒下。講真，人地等咗一個鐘頭食果幾粒野，已經係好有耐性~入到去有個男人(似係老闆LOR)語氣已經係唔好，咁咪同佢講話趕趕地時間，其他order唔要啦。好聲好氣入去問，果個男人話人地枱落order先喎，都係跟次序。咁我地好肯定咁話佢知，我地係比佢地早好多落order。果個男人個態度勁差，係到話咁你係咪唔食丫，我唔收你錢啦，你走啦。好似趕乞兒咁，真係好嬲，咩叫做「唔收你錢啦，你走啦」，當我係咩呀？我無錢俾咩？係咁多其他客面前咁樣同我地講野算係點？識唔識咩叫尊重人地，我地入去講果陣真係保持微笑咁問，好聲好氣GAR WOR。我只不過問下d野食得未jei，等咗成個鐘問下都好正常jei。你漏單咪漏單lor，話我知漏咗我咪等你LOR。我唔信，隔離枱遲我地最少20-25mins，佢地果d雞亦，肉串等肉類，會易燒過我地啲多春魚,三文魚,蕃薯之類食物lor。第一轉order都黎唔齊，唔好講第二轉。入去同佢講都係想佢知jei，好聲好氣換來咁樣。睇openrice 已經知道佢地上野好好好慢，已經有心理準備。如果唔係隔離枱上一枱都已經走咗，下一枱黎咗，order d 野食黎咗，我地d野都未黎，而我又肯定我地早佢地好多落order，驚佢地漏單，等到最後可能無得黎，唔想白等，我地都唔會入去問啦。我最後錢我地主動照俾足呀，但我想講，咁樣服務態度唔得lor~人地黎食野，唔係淨係食你d野，你d service 都好緊要呀。如果態度唔好，d野幾好食都係假啦。唔係淨係對d熟客服務態先好。從來都未試過寫食評，今次真係嬲到爆炸先會上黎寫呀！！！俾錢買難受。…Read More

等係預左，但今晚真係等到有點忟憎，連超簡單既雞尾腸都要等大半個鍾。雞尾腸：普普通通一條既雞尾腸竟然要等甘耐先烤好，真係食不知味。翠玉瓜：爽甜。墨魚丸：彈牙鮮味。雞翼：肉嫩但肉味淡左d。黑椒牛柳：調味不錯，但乾身薄片左些。鯖魚：魚肉鮮味嫩滑，但好細條，燒完既賣相唔得。粟米：一d都唔甜又乾爭爭。娃娃菜：香甜。蒜蓉青口：蒜蓉味香，但青口唔新鮮。羊架：肉嫩又唔騷。下次肚餓一定唔會食串得起，上菜實在太慢了。兩個人不知不覺食左 $300, 都幾貴。…Read More

第一次寫食評，首先，請各位多多指教！第一間要寫既食評，就係呢間《串得起》。　每次想食串燒，即使住九龍，但都仍然會走入去吊腳到不得了既大圍食。皆因本人鍾意食串燒，　但係出面大部份串燒都加入大量香料，永遠都會蓋過晒食物本身既鮮味；而《串得起》係我最岩我胃口的！不過，只限於有大把時間，又可以等既時候先可以食。等位時間唔多，但係等食時間真係無乜耐性都唔掂。　網燒豬扖甘耐以來，第一次食網燒豬扖，算不過不失。唔硬，有肉汁　燒雞中翼同平時出面既差唔多，唔算好突出　燒黑椒牛仔骨:) 讚！燒黑椒牛仔骨！平常既黑椒往往太辣，食唔出本身既肉味。今次第一次喺度食燒黑椒牛仔骨，又有肉汁又有足夠既辣味！下次必食！　燒雞軟骨　燒雞皮　燒司華力腸:) 讚！ 燒雞軟骨！脆既雞軟骨！:) 讚！ 燒雞皮！薯片感覺得黎唔會太乾，咬兩口會有雞油味！燒司華力腸，不過不失　燒豬大腸本人接受唔到豬大腸個種獨特味道。不過咀叼男友話：正！　燒芝士丸　燒日本帆立貝　燒八爪魚丸　燒墨魚丸:) 讚！燒芝士丸！芝士流出黎的，加埋脆脆地既外皮，必食之選！　燒超甜粟米: )讚！ 燒超甜粟米！唔洗多講，呢款個個讚不絕口！　燒蜜糖菠蘿:) 讚！ 燒蜜糖菠蘿！亦都係必食之選。不過今次有樣感情加分！話說我地食晒其他野，等左一段時間都未黎，就問佢係咪漏單。點知原來係因為之前個件燒過龍，所以再燒過件比我地！噢！真係好有誠意！　我同男友：　燒原條香蕉:) 讚！燒原條香蕉！ 今次第２次食。上次食時見到佢第一個感覺係：咩黎？食唔食得？食完必Encore！又香又滑飲品：粟米雪梨茶:) 讚！好有屋企既感覺！串燒好熱氣，飲番杯粟米雪梨茶真係好潤（圖片次序無分時間只分類）…Read More

正正在家樓下經常食好好咩 又唔係好差咩 又唔係老闆佢地人很友善就真的次次食都食好多野不過就唔會睇佢個雪花電視個粟米真的超讚!!其他既就可以啦一定會再去…Read More

原本去和朋友 BBQ但無去到，就黎食下串燒。雞中翼 ($8)：肉嫩多汁野味。司華力腸 ($8)：肉味香，外皮脆。魷魚鬚 ($12)：鮮味唔 “靱”。日本凡立貝 ($18)：好大粒又鮮味，十分抵食。超甜粟米 ($12)：真係好甜，牛油味香濃，如果燒得生少少會更多汁。鯖魚柳 ($38)：好細件，魚肉唔夠鮮甜。羊肉串 ($10)：肉有點 “靱”，肉味唔夠香。雞腎 ($8)：燒得實左，唔夠爽口。露荀 ($10)：老左有根。爽牛利 ($10)：好實好硬，完全咬唔到。安格斯牛柳 ($12)：燒得乾身左，牛味唔夠香濃。仍有多款想食，下次再 encore。…Read More

沙田區想齋食串燒唔多選擇...揸車經過...見寫住專門店就入去試下. 價錢ok, 唔係好正宗曰本燒, 不過不失la. 驚喜嘅係自家制酸梅湯好好味, 只售$10蚊.1) 羊骨腩 $12/條 :)2) 燒金菇牛肉卷$12/串 3) 燒牛肋粒$12/串 :)4) 燒獅子狗$6/串..燶咗..:(5) 鹽燒牛脷 $10/串 :(6) 燒大眼魚 $68/條...ok 不過價錢貴左d :(7) 燒雞肶菇 $10/串 :)8) 燒脆皮豆腐卜$8/串 :(9) 燒虎蝦 $30/2隻 10) 燒魷魚鬚 $12/ 串 11) 燒韭菜 $8/串 :)12) 燒娃娃菜 $10/串 :)13) 燒雞軟骨 $6/串 :(再加飲品, total $250..(兩大—小)…Read More

我見到大家對此店有咁高評價，所以我有啲期望，一早18:30到左坐低先，未有人唔使等。點知真係極為跟眼鏡今次我寫長啲啲，我覺得此店有potential，希望見到佢地進步整體評語係：1. 燒得唔夠香燒烤其實係比較直接嘅煮食方法，最基本只要兩樣要求：一、係食材質素；二、係耐心其實此店以大眾化價錢招呼，食材方面我沒有太強求，但係每串串燒上碟都係唔夠燶，只係緊緊夠熟，所以樣樣野都冇燒烤嘅香味，啲串燒上檯，咬落去其實個心係唔夠熱食咁耐串燒，小弟總括原因有三，食材剛從雪櫃出未解夠凍、爐未夠溫度同埋師傅唔夠心機。其實實驗多啲就會做掌握得好2. 每樣都係孜然粉味，蓋過晒食材味道，完全無意思。所以食到一半真係想起身俾錢算數，唔食落去....再每樣細評：1. 安格斯牛：基本上係三、四塊薄牛肉，冇牛肉香，冇特色，其實可以取消左佢2. 牛肋骨肉：唔夠肥、無牛油香，同埋燒得唔夠熟，肉質反而會靭架3. 厚牛利：無牛油香、厚牛利連利苔同筋位上，實在咬唔開，串燒厚牛利無得慳，要用返中間位先至得4. 雞腎：我諗應該係火雞腎，好大塊，唔夠燒烤味，都係得孜然粉味5. 銀杏：唔夠燶，無銀杏味，有孜然粉味6. 大蝦：第一次唔夠熟，上身仲有點透明，再燒都係差唔多，我諗係啲蝦唔夠乾身7. 雞軟骨：合格，個邊脆8. 雞翼：太心急，個邊未脆就落蜜糖，蜜糖未變焦糖就上檯，可惜9. 全隻魷魚：未夠熟，凍10. 羊扒：冇羊味，慬合格11. 菠蘿：合格，不過個人覺得先去皮然後燒效果會比較好，因為個皮做到燶燶地，但係又唔食得12. 墨魚丸：合格，孜然粉味13. 饅頭：我覺得係全晚最好食嘅一樣野14. 燒排骨：合格15. 粟米：燒得唔錯，糖同牛油比例適中，幾好16. 17. 仲有韭菜同尖椒，不過我無食埋單兩人總共$290，好貴呀，不過唔飽，仲要之後去左隔離買野食...…Read More

在他們的 fb 網址看到這樣的自我介紹" 我們的食物不加任何味精,每樣食物都能吃出原有的鮮味，不油也不膩，不是一般串燒連鎖店般調味料多得令你受不了，我們的食材每天新鮮運到,即叫即燒,食物不會先煮熟後再燒，保持肉汁不會番燒時因而流失，小店是小本經營，食物及服務都做得更有心機、更用心" 就是這份誠意，驅使我去嘗試這窩心小店。 燒牛肋粒 (5) - 燒完仍有很多肉汁，口感一流，值得推介蜜汁金沙骨 (5) - 味道很特別，應該是自家製的調味料腌製嗎?燒雞中翼 (5) - encore 之選，很肥美的雞翼，燒得恰到好處，驚喜萬分醬燒雞翼餃子 (4.5) - 好好味，不過好細隻。食燒雞中翼滿足感比較大。黑椒花雕牛柳粒 (4) - 煙韌香口蒜香大蜆 (4) - 雖然炮製這菜色難度並不高，但仍很喜歡它的味道，如果大蜆的size大點會更香更好。燒大虎蝦 (3.5) - 可能對燒大虎蝦有過份期望，始終覺得肉質有點"婄"，相比起泰國"s&k"的燒大蝦還又一些距離。海鮮炒烏冬 (3.5) 調味適中，值得一讚的是一向討厭食椰菜的我都覺得椰菜燒得很惹味。燒墨魚丸(3.5) - 燒出來的味道很香 ，如果墨魚丸有點咬口更佳。燒安格斯牛柳 (3.5) - 比較乾身，味道一般燒鵪鶉蛋 (3) - 不太突出，不過不失。 整體來說值得支持，keep up !!! i’ll be back …Read More