串串車 (Closed)

宵夜時段叫咗啲串燒食 呢度串燒嘅款式都算多安格斯牛肋條幾好味 幾厚肉又唔會燒到好燶 牛味幾重原條茄子好多水份👍🏻燒得好香好惹味羊架都幾大塊幾好食 不過有啲肥芝士豆卜幾特別 唔錯👍🏻…Read More

經外賣平台 $443首先係牛油蒜蓉金菇同牛油蒜蓉娃娃菜竟然都可以整到好難食，有牛油味，蒜蓉味，然後好鹹，冇其他嘢想講。兩隻扇貝$70 ，好細隻，冇特別好味。燒菠蘿好彩係熱辣辣，但都真係唔好味。豬頸肉冇豬味。。全部都係粉。。其他唔想再評論，唔知自己食左啲咩。…Read More

店舖由兩公婆親自打理，態度親切有禮，有感像到朋友家吃飯一樣。太陽蛋就梗係燶邊至係王道啦，可惜咁簡單嘅庶民美味而家都唔多見，常見嘅反而係睇見都覺索然無味嘅不鏽鋼圈太陽蛋。睇吓吖，外圍脆卜卜、夠香口，黃澄澄、令立立嘅蛋黃睇見就銷魂！下次一於打孖上；嚟個餐肉紅腸煎雙蛋飯先。呢度嘅菠蘿汁都唔錯㗎，夠曬香甜濃郁。虎皮尖椒吃得辣的朋友真係要試吓，真係辣得有道理。紅腸鮮冬菇韮菜餃福麵燒蒜子圓肉糕串串車地址: 太子界限街39A號地舖電話: 63608048…Read More

呢餐垃圾都要六百大元😡😡食其他餐廳都會好過佢囉😡😡！！墨魚咀又硬又細粒😡😡，墨魚鬚又硬又幼細😡😡，條茄子又唔熟😡😡，牛舌又乾爭爭😡😡今次叫外賣冇仇報，下次一定XY死佢😡😡2019.10.06 01:28am…Read More

Food panda 叫外賣吃依間，本身係OpenRice 睇到間嘢食評唔錯，決定一試，點知伏到爆！燒大腸黑到炭咁款，估下好耐先估到佢係大腸！咁都照出比人吃，你對唔對得住自己？牛油金菇，一大碟水咁送嚟，牛油呢？唔講我依為水浸金菇！其他串燒都麻麻地，椒鹽燒賣椒鹽雞軟骨又貴又唔好吃。成餐最好吃就係燒粟米，因為本身夠甜，唔使佢燒⋯⋯⋯最後，最伏嘅係！外賣竟然冇餐具比你！大佬呀！點吃呀！攞手吃？做串燒做到咁，不如執咗佢啦，無心真係唔好做！…Read More

附近上完堂突然想食麵，就同同學搵左間深夜營業既車仔麵。叫左個雞翼蘿蔔漢堡排墨魚丸娃娃菜麵，個名勁長，其實啫係車仔麵。點講呢，食開好食既腩汁車仔麵，知道一碗出名既麵，除左腩汁夠足味，清甜，其實每樣材料都唔可以馬虎。出名既車仔麵之所以可以出名，因為佢地每樣單獨既材料都好用心去煮，而後放埋一齊，係可以好match既。但呢碗麵比我既感覺係將啲肉炸完煎完，其他野用水煮熟，然後放埋一齊。個湯就飲唔出腩汁味。係個雞翼幾好味。串燒我覺得就咸左少少，可能食開清淡野。係呢個茄子幾出色，好重蒜，同埋夠冧。再去既話應該會只係叫串燒…Read More

好味實惠串燒，今天跟男朋友行過這間串串車串燒店，見新開內進試試！點了酥炸一口蟹！芝士蛋大啡菇、燒豬大腸、燒羊肋排、燒豬腩肉、炸鮮虾雲呑及原條燒茄子！叫了兩杯鮮榨菠蘿汁！食品都很有風味，價錢相宜！我跟男朋友都覺得那個燒羊肋排最值得推介，燒得很香脆，美味！羊肋排中的油脂肥而不漏！那個燒茄子更可口非常，還想吃完再加單啊！燒芝士蛋大啡菇有流心也很特別，當中加了鵪春蛋啊！食品加上新鮮鮮榨菠蘿汁簡直一絶，清甜解喝！下次再試試其他的，今天很滿足啊！…Read More

本人比較喜歡川式食物，所以老闆也有因應我的口味作出一些川式小食，他們的車仔麵湯底跟那個花膠脆米泡飯是一樣的，用老雞豬骨，味道很好，飲完也不口渴！本來他們沒有炸魚旦的，但也肯幫我制作還是川式口味的啊！水煮肥牛烏冬好特別好入味，他們特別為我做了川式炸薯條及川式炸魚旦，好好食味道剛剛好，還有一碟醬爆龍鬚，是魷魚🦑鬚來的，都做得很好！老闆還很客氣的，說他們剛剛新開張，試業中，見我這麼投緣，還送我一碟滷水旦給我啊，這間店我還會再去啊，下次要試試他們的串燒呀…Read More