中興牛什達人

Open Now

Now Closed

這間小店主要買粉面，沒有提供粥品。他們所制作的牛雜麵及豬手麵都不錯。牛雜份量適中，味道很好 ，很入味。所選用的幼面好彈牙。另外豬手面的豬手烹調得好林好入味。店內環境舒適，中間有數張圓台，另外三邊約有10個卡位。服務態度都尚可以，係有一位男店員比較喜歡說東說西，說不停。

週未三餐經常不定時。早餐午餐一起食，但到了下午四五點，就會肚餓。小朋友一肚餓，就扭計。好啦，一於出街食下午茶。點知小朋友要食麥當當，我唔想wor, 我想食粉麵，所以我要佢陪我食碗麵光，咁我先會再陪佢食麥記。哩間中興自稱牛什「達人」，門口又貼咗好多同食家(唯靈，周聰師傅)D相，仲有一個Mr 周星星送的「食神」金牌。wah, 好勁料wor.點都要會一會。牛什中我較喜歡食牛肚，就叫碗牛肚河睇下你有幾巴閉。牛肚咬落Q Q彈牙，唔算！雖然「食神」稱號就誇D，但我覺得都合資格叫「達人」。會再幫襯的！

來耀安邨探朋友前經過這店子，雖然這裡重點是食牛什，但我叫了個南乳豬手飯和炸魚皮，竟然有驚喜！多件豬手大大件，腩汁很惹味又不太鹹，豬手煮得很入味又夠淋！好味！而炸魚皮非常新鮮脆口，配上蔥花上湯，正！推介！👍🏿👍🏿

呢間我試晒所有嘢食，先講牛腩鞋到呢成口渣味精好重，牛根夠淋但又係超重味精，豬手ok可惜得兩舊仔，雲吞普通合格，牛雜比較正常，牛丸魚旦細粒到無下次唯一墨魚丸ok，湯底奶白色無味，呢間嘢真心一般般，我行去新廣城街市食好過😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓

打住牛什達人的名，本來很有期待，但牛什真係好普通，連湯底及麵質都無乜特色，反而奶茶還可以。每碗$29， 大眾價格。環境及服務亦一般，不過該屋村附近都無乜選擇，如果唔係，真係驚佢好快結業

上次夜晚來這間中興牛雜叫咗個牛腩麵，感覺一般。 原來這間中興牛雜 雲吞先至係佢嘅招牌菜。今晚除咗食咗佢個招牌雲吞面之外仲有surprise就係佢嘅炸魚皮。佢嘅炸魚皮真係好正 ! 教大家點樣分別魚皮好唔好食。 魚皮嘅情況係非常之重要的新鮮炸出嚟嘅魚皮密封保存， 唔可以隨便攞一個膠袋裝住啲魚皮放。得耐就會林曬唔好食， 將魚皮放喺湯入面輕輕的浸一陣，會聽到 "拍拍聲" 好似爆炸糖的聲音。 聽聲就知道係正嘢 下次呢都要耀安邨食牛雜麵， 千祈唔好唔記得食炸魚皮吖。

得知馬鞍山耀安邨耀安商場地下開了一間牛什達人，原來之前位置是一間用有數字做招牌的連鎖式快餐店，所以第一天就去試試。叫得牛什達人，當然先點一碗五香牛什河($29)，凍檸茶(熱飲加$4，凍飲加$5)，約等了4-5分鐘便到，先飲啖湯，湯頭清甜，再嚐一口河粉，入口滑溜又夠軟腍，是質素已算不錯的河粉，牛什各部份都切得幾大件，雖然$29，絕不馬夫，牛腸夠肥美豐盈、牛膀夠粉腍、牛肺爽口彈牙，連湯都清埋，真心不錯。凍檸茶(無拍照)，較早前從網上得知「甜飲全球每年殺18萬人，凍檸茶是兇手之一」成日害人不淺嘅兇手凍「檸茶」，我當然唔怕死，呢杯飲料夠凍夠茶味，合格。