The Lamma Mandarin Seafood restaurant

- hospitality: very good. Friendly attitude and quick response to customers- the serving size is just barely enough to feed the stomach.- could taste the freshness of the seafood. Generally the quality of food is quite nice, but not super good. I would rate it 7/10- Pricing: very reasonable price. $298/2 person with 4 dishes and beverage. - atmosphere: very nice harbour view.With this cheap price, the restaurant is with recommending as the food is generally OK. …Read More

一句到尾，千祈唔好試！788 三人餐，我未食完已經急不及待要寫負評，希望其他人唔好中伏，警醒世人....炒菜變白灼白菜，無味及無炒過。牛油龍蝦慘變洋蔥小龍蝦，份量少得可憐。咕嚕肉差過任何一間茶記。蒸扇貝是細過五毫子大的肉，但餐牌叫珍寶。我問傳菜來的伙記，這裏開了多久，佢話唔知即閃。老實講，我覺得太太太離普，嚴重影響香港旅游形象。我再同另一伙記有禮貌地告訴他食品物質素不好，他完全沒有反應只叫我同老板講。最後俾錢去收銀處，見他們把跟各大名星合照相貼出來，心裏覺得他們這樣經營那還好意思嗎？最後帶著忿怒的心情為本來開心的一日遊蒙上最大的污點離開。想不到一個我土生土長的香港有這無恥的用餐地方！…Read More

對上一次食已經係4年前！嚟行山，我會先嚟食個午餐，再慢慢行！呢間剛剛位處海鮮街中間，坐低對住個海食嘢心情都開心D！(最重要係乾淨，見到D魚仔，蟹仔係海邊) (對住D魚排，有山，有水，心情鬆哂)食物方面，見到以前有好多負評！因為我食之前冇check過open rice,直接憑感覺就嚟咗，剛剛想po食評才發現原來很多人食完有不快經歷！但係，我真心想幫佢哋評反！過去週未，一行兩人！本來我想簡單食二人套餐，不過另一半話嚟得呢度食，食返D真海鮮啦！所以散叫：豉汁炒聖子！其實佢應該冇炒！只係滾熟，淋上豉汁！不過，反而更覺鮮味！好大隻剛剛好！鮑魚，薑蔥蒸！超好食，鮑魚係鮮甜，堅得！扇貝⋯⋯ 唔洗講，自己睇！炒飯先不得了！一粒粒，好多蝦仔，好有蛋香！最意外係白灼鮮魷！白灼加小小鼓油芥末，真係好好味，因為冇overcook, 所以好爽口，厚度切得剛剛好，真係好意外的好食！睇返之前D食評，其實佢地由02/03年已經有食評，雖然好多都話差，但係一間舖被負評十幾年都仲生存到，其實可能都差極有限！我今次冇中伏，亦希望其他人都唔會中伏啦！…Read More

叫一個龍蝦套餐，三人份量。有開邊龍蝦仔半隻X 3（大約手掌仔咁大）；mini 扇貝6小粒，好似一蚊銀咁大；椒鹽鮮尤（每人三件左右）；咕嚕肉、白菜仔同炒飯。$788蚊講晒。其實味道還可以，只係海鮮嘅size 同餸嘅份量只適合迷理兵團。唯一安慰係幾位叔叔嘅服務好好，好friendly。…Read More

相對於食物的整體質素, 所收價錢極不相稱, 即收費貴, 食物差, 服務差.花螺仲細過手指甲但收費不菲, 聖子很瘦長味道不好似乎不鮮而處理求其.白灼蝦也是很迷你的蝦然後隨便的炒很難食, 椒鹽鮮魷魚味道非常清淡似滾水魷魚.牛油龍蝦沒有牛油味而且不鮮的龍蝦, 蝦醬炒飯很鹹而且沒有其他味道很難食.蒜蓉扇貝竟然可以細到咁真的可申請健力士食界紀錄, 椒鹽賴尿蝦水準之下.…Read More

在復活節這個長假期的第一日, 舊同事們組織了一個南丫島行山團,可以親親大自然之外,還計劃到索罟灣食海鮮餐, 早上我地由中環搭船到榕樹灣再行去索罟灣, 中途也有坐低食碗豆腐花休息下, 經過一大段行山路徑。到了罟古灣已經係下午四點的時候, 罟古灣的食店大部份都是海鮮飯店,成條街得好小人, 飯店的客人唔多,在出發前我地又無好好計劃去邊間食，所以都看看每間飯店的餐牌, 然後比較一下, 呢間的服務員十分殷勤, 就連老闆都親自出來向我地介紹菜色。看看餐牌, 都係揀海鮮套餐為主, 一來價錢唔貴, 二來都可以食到幾款海鮮, 佢地係家庭式經營, 店員服務態度親切, 終於揀了海鮮套餐B。黑胡椒海蝦: 份量足夠五至六人分享, 海蝦都算大隻, 外皮做得好脆, 海蝦沒有霉味, 是出乎意料的新鮮,黑胡椒份量落得啱啱好, 唔係太辣,小小辣夠惹味之餘卻沒影響海蝦的鮮味, 蝦肉鮮嫩爽口，有水準。牛油焗龍蝦: 色澤鮮麗, 看看樣子便知是香口好吃，牛油香氣撲鼻而來,配料有洋蔥, 龍蝦殼炸好香脆, 龍蝦肉非常多又新鮮, 龍蝦肉啱啱好熟，味道鮮甜,以牛油焗香後更是滋味無窮,可惜份量略小了一點。清蒸海上鮮: 條魚本身夠新鮮，而且蒸魚時間掌握得剛剛好，無過到火位, 魚肉鮮嫩, 魚肉係爽而不鞋,好有質感,兩斤不夠的魚肉質食落幾滑,同時魚味濃郁味道鮮鮮甜甜, 對新鮮魚來講, 我一向認為清蒸已經是最棒的吃魚方法。豉椒蟶子: 蟶子肉是原條連殼的上, 是晚的蟶子真的算不上大條，雖然不算厚肉, 了豉汁去炒蟶子, 用豉椒炒是相當惹味, 可是吃起來香味不足, 好彩蟶子本身是新鮮的，每隻蟶子都鮮甜而肉質脆爽口, 也可以收貨。豉椒本地蜆: 蜆隻唔算大隻，好彩蜆肉飽滿的非常的肥美, 每隻蜆都已經開口, 證明粒粒蜆都是熟透, 用豉汁去炒蜆, 有强烈的香氣撲鼻, 每隻蜆都鮮嫩甜味, 肉質爽滑,最重要是蜆內走沙粒的功夫做得唔錯,入口全無沙粒, 小小辣味帶出蜆肉的美味, 十分惹味。椒鹽焗鮮魷: 脆漿仲落左少少咖哩粉去吊味, 粉唔太會厚但做得好平均,剛剛好包得晒件鮮魷, 又唔會甩皮甩骨, 炒得香脆不油, 可口美味, 香香脆脆, 鮮魷唔老, 再配埋個甜酸醬，相當開胃, 最岩送啤酒啦。食得海鮮套餐, 計落每位百幾蚊, 其實都預咗係將貨就價,水準一般, 不過最後食完海鮮, 都叫做滿足也。總括而言，食物味道中規中矩，服務好好, 而且對住個海環境一流，感覺好寧靜舒服。…Read More

這晚7時左右二人在這家酒家食飯，所有餸都是不熱，像煮好了很久；而叫的海(鮮)都不太新鮮，包括聖子，花螺。1. 芥蘭很淋，不好食，一般水準之下。 2. 聖子，有沙，有一些啡色汁，食不出是甚麽味，但不好味。3.花螺很細，只有弍豪子和伍豪子般大小。相對於食物的整體質素，所收價錢極不相稱。即收費貴，食物差。希望各方好友看了這篇食評，對這店有所警惕，不是重覆我們的惨痛經歷。…Read More

嗰日同老婆同佢契姐, 契姐夫去行南丫島, 先諗住只留榕樹灣, 點知行下行下行到去索罟灣, 咁啱到午餐時間, 所以周圍睇下邊度食, 咁啱間舖頭個副經經介紹話係抵食套餐, 仲送啤酒, 鮑魚同生果盤, 4人都係$398(仲有冇加一同雜費), 行多幾間唔係人多就係貴, 所以即管試下. (唔試唔知好唔好)白灼蝦: 碟頭都夠, 不過只係有幾隻新鮮度差少少.油菜: 油偏多, 味道OK扇貝: 蒜蓉夠多, 加少少點蝦豉油, 非常正蒸魚: 條鱸魚成尺長, 4人餐算係好好架嘞, 不過我覺得少少過火, 但有做廚既老公既契姐話D肉係咁架, 不過味道都好好, 成條清咗炒飯: 可能用新鮮飯炒, 唔夠乾爽.豉椒炒蜆: 味道唔錯, 唔辣, 碟頭都夠.清蒸鮑魚: 新鮮又加咗少少陳皮, 味道OK食到飽飽又味道唔錯, 抵食之選! (連做廚既契姐夫都係咁話架)而且職員既服務又好好, 又望住碼頭海景, 係非常正既 (但係嗰日因為落雨, 睇風景的興緻扣少少分)第二時再去南丫島再試其他店再比較下…Read More

今天一整天在南丫島遊玩, 所看所食的都很好,唯有此間的"世外桃園", 我們到坐下, 他們的服務很好, 那很高與的坐下, 看見了一個$398的龍蝦餐, 我們決定叫這個, 怎知道.....1. 白灼蝦: 沒鮮味2. 炒菜心: ok3. 椒鹽鮮魷魚: 完全沒有椒鹽, 但尚可以4. 牛油龍蝦: 最離譜是此碟, 不見有牛油, 只是多洋蔥, 不新鮮5. 蝦醬炒飯: 香而不咸的炒飯~~~簡直是不能夠形容..........唉P.s.我食龍蝦的時候, 咀嚼時有一種很刺鼻的感覺, 就好像"鹼水味", 即是平常雲吞面檔會嗅到的那種味, 我食了一隻便沒吃了,....到了第2天,我皮膚敏感, (但我從小到大, 食任何海鮮都不會出現敏感, 這時第一次), 醫生說,可能有機會是海鮮很不新鮮or壞了....>.<.......我想下次試其他吧, 因為太深刻, 所以我也是第一次在openrice表達感受. -_-…Read More

由榕樹灣行到索古灣行到好勀，終於到食晚飯時間，諗住舒服坐低食個晚飯。一開頭入去個侍應都好有禮貌，我仲好讚賞佢。不過戲肉o係後面。同女朋友揀左個2人龍蝦套餐，5個餸，2罐可樂。白灼蝦: 呢個都ok，算係咁多個比較好炸尤魚: 味道普通，勁多油牛油龍蝦: 呢個最激氣，有4塊，其實係兩個小龍蝦切半，都唔緊要，個味道完全唔知想點，冇乜味，又得小小肉，好似得個"損"咁。超失望。油菜心: 唔新鮮，好老。蝦醬炒飯: 個餐本來唔係呢個飯，我地想食蝦醬所以轉左，一開頭來完全好似冇落蝦醬，一d味都冇...跟住同個侍應講，佢講左幾句先肯換，仲好唔耐煩咁。最後拎左碟有"小小"蝦醬味ge炒飯來，真係得小小味...無耐d野食唔掂都算，其中一個侍應仲係咁勁煩我地，本來同女朋友想靜靜食飯二人世界，佢就係咁o係度吹，我地都唔想同佢講野。最後o係我面黑之下終於走開。全晚係個景好d。本來成日好開心，最後竟然o係度衰收尾，搞到心情唔多好，令開心ge一日蒙上污點。無耐。…Read More

今日趁星期日同屋企人去南丫島行山, 由榕樹灣行到索罟灣, 等船既時報就諗住坐低食碟野.因為當食下午茶所以無叫set, 但見set都幾抵所以散叫就無問價錢. 結果我地叫左半打蒸鮑魚同一碟花螺, 點知埋單果碟螺仲貴過鮑魚, 得十幾隻細細粒就收左我300, 鮑魚6隻都貴啦收270, 估唔到係南丫島都俾人搵笨.本人奉勸去呢間既話一係就叫set, 唔係就問清楚價錢, 前車可鑒.…Read More

親親大自然 - 吃喝第二波，經已由榕樹灣行到去罟古灣啦﹗經過一大段艱辛的行山路段，自不然要食番餐好食的，更何況原來罟古灣只有海鮮飯店﹗唔知係因為平日的關係，還是我地去到已經係下午三點多的時候，整條街的飯店都好清靜。而我地事前又無做好準備，於是我地唯有揀一間有多少少食客的飯店開餐。雖則話呢間飯店比較多人，亦只不過是坐了一張八人枱及兩張兩人枱。但亦可能是因為飯店少人的關係，由我地在門口看餐牌直到埋單為止，服務員都十分殷勤咁為我地服務，就連老闆都親自介紹呢﹗:)我地揀咗一個二人套餐，本身套餐應該是跟白灼蝦的，但係朋友對蝦敏感，服務員話可以轉換其他菜式，咁結果我地揀咗糖醋魚柳，另外，套餐本身包括椒鹽鮮魷、粉絲蒸扇貝、蒜茸生菜及野外炒飯。成個套餐，算是好豐富啦，不過只是 $200。椒鹽鮮魷：味道ok不過比較多油，碟底有好多油漏咗出黎。糖醋魚柳：本身魚的味道比較淡，不過魚質都仲係好嫩滑，而且糖醋醬的味道好好，食落好開胃。:)粉絲蒸扇貝：扇貝本身上枱的時候，係未有豉油的，豉油是放係枱上面李錦記果支，相比係平時去酒樓食果種經調配過的豉油，呢度就差了少少啦，但佢的肉質都算爽口，不過不失啦。而且睇落隻扇貝唔算大隻，但有六隻，每人分三隻，都好抵吖。蒜茸生菜：蒜茸味十足，啱晒我呢個超愛蒜茸迷的朋友﹗野外炒飯：炒飯份量十足，不過原來呢個是一個素菜黎既，因為無乜餡料，只有粟米粒、青豆、生菜絲、蛋絲… 至於味道，亦唔算有大驚喜。總括黎講，食物味道一般，服務就好好。而且環境一流，對住個海，感覺好寧靜，食飯的胃口都大咗，唔係邊食到咁多碟，仲碟碟清呢﹗哈哈哈 …Read More

上次去南丫島行山後知道在索罟灣有海鮮食，便很想去試。但上次太早了，今次特地安排晚點開始，去到六點可以開餐。因時間不是太晚，所以很多食店也有位，便逐間去找找看看那價錢、食物好點的。到了這間老閭的招呼熱誠，而且看見有雜誌訪問稿，便入去試試，剛有最後一張的海邊枱，可以自成一角，感覺舒服，有海風吹吹，而且地方乾淨。點了二人龍蝦餐，有椒鹽鮮魷、牛油焗龍蝦、白灼蝦改了扇貝、炒菜和炒飯，還有兩罐飲品和辣酒煮螺送。上次去長洲食海鮮食了168四款菜的那次也沒有那麼多，我想應不錯吧。先來了飲品，有普通七喜、啤酒是哈爾賓啤酒，真的估你唔到，而且是中國最早的啤酒，味道淡淡的很易入口。跟著等了很久有東西吃了，有雜誌推介的椒鹽鮮魷，有很重咖喱味，好像食緊薯條的味道，鮮魷居然頗滑，但不脆，有點失望，但都OK。跟著龍蝦，超失望，雖然價錢不貴，沒想過有幾多食，但也估不到居然是一隻超小龍蝦分兩邊，洋蔥多過龍蝦，吃了兩口吃完……味道沒有推介寫的感覺，不覺特別，只覺特別小，龍蝦味沒甚麼可能太小了，反而似蝦味多點。唉﹗跟著來的扇貝仲嚇人，不用那麼小家嘛，居然得兩隻，仲要小小的只有粉絲舖面，豉油都無多滴，吃下有些粉絲是乾的，灰……長洲的居然好過佢，還以為這裏會抵食，吃到這裏已很不滿了，究竟吃完這餐會否飽？送的花螺也好不到那裏，有十小隻，味道不行。怪不得要送。白菜全晚最好食的，也很安心是正常二人餐的份量。炒飯普通沒甚麼特別，慶幸有這個炒飯要不是真的吃完仍會肚餓全晚最開心有靚景，要不是都不知坐在這裏幹甚麼下次來南丫島不用再想著吃海鮮了，還是吃吃小食高興點，吃海鮮還是到長洲，到處亂摸了幾次幾間，也沒出甚麼亂子，每次也很開心回家。…Read More

第一次打食評....或者內文會詞不達義 又或者 唔夠專業....但希望大家都睇得明啦~今次...我同老婆 今次係由榕樹灣 行左成個鐘 去到 索罟灣...可能係閑日既關係...就算係暑假...索罟灣附近都無咩人而附近既餐廳 都頂多係得一兩台客....可以容許我地慢慢睇灑d餐牌 先再埋位其實附近間間餐牌都係差唔多野食 差唔多價錢...但e 間既 老細 話送氣水 送炒硯我地e d 貪小便宜既 窮忙族就 比左次機會e 間餐廳..第一時間 坐左去最最最埋海邊 既海景位....cool雖然近海...但一d 海水既咸味都無...海景亦一流...老細係我地等緊食既期間...亦好熱情甘介紹d 野食最後..我地叫左 200尾 既牛油龍蝦 set lunch(2人食) (晚餐都係同一張~哈)白勺蝦....... 其實蝦既話...度度食都一樣....但e 度既都比較大隻炸鮮魷.....夠爽口.... 新鮮炸起 夠好味硯.....老闆送既.....2人份量都算合理..既然送既 都唔好有咩批評牛油龍蝦 ....... 聞落勁香....食落就無咩肉了.....都係d 爪位....菜 ....... 度度食都一樣....達到水準炒飯..... 落足料...味道唔錯 (不過兩人就食唔灑了...浪費左老闆d 心機)送 2 罐氣水..以海鮮宴黎講...都算幾豪了環境一流不過要行過黎 都幾係野...累死老闆夠nice 同 熱情..抵讚~~~~~~~~~~~~~~~~~~~~~~~~~~~~~~~後話....當食到飽飽灑.....捧住個肚 問老細附近關於 文化村 既野 同 南丫島既野...老闆知道我地想去文化村.....義不容辭話帶我地去買飛....可以有優惠價....呵最後 買2 張 共平左 20 蚊..... 感激呢:)…Read More

新舊朋友一行17人早上在中環集合出發去南丫島，從榕樹灣行到索罟灣，今天雖是天后誕，但不是假期，所以島上遊客稀少，碼頭有很多海鮮舖，不知誰人決定在世外桃源吃飯，我們跟隨入內，全間餐廳只有我們一枱客，選了8人x2）套餐，將紅魚改為海斑兩吃，加多一隻鮑魚和扇貝。豆腐海鮮湯 － 湯料足夠，入口有些腥，之後再飲又OK。椒鹽鮮魷 － 不油膩、很香、粉漿薄。白灼海蝦 － 大隻、爽口又新鮮。牛油龍蝦 － 是細龍蝦，切件，肉較薄，骨軟身，洋蔥味香。清蒸鮑魚 － 是大連鮑，比以往吃的細，但心想價錢，就是這個size，亦很鮮甜。粉絲蒸扇貝 － 味一般，蒸過火，要自己加醬汁。海斑兩吃 － 炆骨和炒球，兩樣都不錯，炆骨上放很多畺絲，炒魚球的配菜亦清脆。蒸蟹 － 我只吃蟹篕，其他人說蟹肉好鮮甜。清炒唐生菜和白菜各一碟 － 沒有下太多油炒，生菜只落豉油，白菜只落鹽，兩樣都清綠爽口。乾燒伊麵和海鮮炒飯 － 炒飯用中蝦來炒反覺不似樣，不油、不咸、味淡，大家老人家都話好。除了鮑魚、扇貝和炒菜之外，其餘菜都有2碟，每人有一罐啤酒或汽水送，餐後又有生果送。鮑魚和扇貝雖細隻，但這個價錢就是這個貨式，味道方面大家亦接受。值得一提是伙記和老闆（有位疑似老闆 － 相中人）很殷勤招待，尤其是老闆，菜未上前，他派卡片，我們因為有些人要行多一個鐘才到，在餐廳內坐了很久，他忙碌地給我們倒汽水和加茶，上菜其間他又問味道如何，可否滿意，幫忙換碟時多次說唔該，於是我們又說唔該，大家客氣上來。其中有朋友還說下次再幫襯。…Read More