不見不散 (Closed)

7月1日, 人地七一去遊行, 我地七一就忙到暈! 所以要喺幹活前食個好d嘅早餐準備定足夠嘅體力先! 冒住同七一遊行者鬥迫嘅風險去到維園附近街市旁邊嘅茶餐廳搵野食~ 見到呢間茶記環境幾大幾四正, 早餐款式好似都幾多~ 所以就入去試下喇!::: 羅宋湯 + 螺絲粉 + 豬柳漢堡扒 + 炒蛋 + 高麥多士 + 凍奶茶 ::: $25 + 2好長的早餐配搭~ 啱晒貪心又多心嘅呀菲! 羅宋湯呈濃杰嘅橙色, 相信都落咗唔少人工野… 不過勝在蔬菜料都好多~ 螺絲粉亦唔會煮得太淋~ 很不錯~ 至於豬柳漢堡扒同炒蛋, 都係一貫茶記風格, 味道ok, 不過油油地~ 蛋係炒成有d膠咁嘅質地, 唔夠鬆唔夠滑~ 反而個多士烘得唔錯~ 夠脆身! 凍奶茶ok, 勝在大杯!::: 豬扒炒公仔麵 + 熱檸茶 ::: $33可能太耐冇食過炒公仔麵, 覺得呢個好好食~ 炒出黎係油油地, 不過豉油味夠濃, 公仔麵唔會一舊舊~ 豬扒少少肥, 不過好香, 一次半次都ok啦~ 份量都好夠, 食完好飽~ 熱檸茶既檸檬ok新鮮, 唔會一篤就散, ok~同街都仲有幾間茶餐廳~ 不過呢度就算係最大間最四正嘅~ 食物水準唔係特別高, 但勝在

尋日做到十點幾，老細請食飯簡左呢間叫左3個菜，三碗白飯，連野飯共$180幾包括蒜茸蒸扇貝、脆皮雞同埋滑蛋蝦仁d扇貝都ok多蒜茸我係好鍾意食蒜茸既人所以覺得好正粉絲不會太硬同太淋味道剛好連蒜茸同飯一齊吃係perfect match滑蛋蝦仁都幾好味不過多d蔥會更好味雞就同平時係酒樓食既冇分別都ok餐廳唔多人(因為好夜)環境幾好，衛生不錯其實上菜都幾快下唔過15mins比預期中好好多下次會試下去呢間食lunch應該都唔錯既

去開天后，夜晚就同爹哋媽咪係呢度食晚飯，叫左兩個套餐，金菇瑤柱扒時菜（白菜仔）（$45）同紅燒班腩煲（$52），每個套餐包例湯白飯同飲品。例湯係合掌瓜紅蘿蔔煲瘦肉，飲得出有味精，同埋有D怪怪地。金菇瑤柱扒白菜仔腥腥地，可能係D瑤柱唔靚，紅燒班腩煲都可以，有火腩同豆腐。埋單$97。同一條街有五六間餐廳，競爭都好激烈，可能係咁，夜晚七點幾得半滿。

今日同幾個同事一齊去食lunch, 咁啱對面餐廳冇位.,咁冇辦法,,唯有揀一間唔駛等..去已經冇人招呼, 千呼萬喚...先可以叫野食....真巴閉.....咁既時間.....當然都係叫快餐...幾個同事都係揀星洲米....咁個個都飲羅宋湯...一黎到.....個碗湯...都唔知係咩湯....仲衰個飲水..淡而冇味...如無意外...碟星洲米都唔方好...正如我所料...除左有少少辣味....都唔知自己食緊咩....最後想叫杯餐茶, 個收銀阿姐....仲要好串咀....你地食埋先幫你寫..你地冇位擺...下.....杯野飲有幾大杯呀....擺唔落....冇野下麻.....咁既服務態度..簡直一流......

09年9月18日 星期五今日下午茶時段點了1客下午茶, 豬軟骨出前一丁及熱奶茶, 盛惠$27. 這間茶餐廳座位非常寛闊, 仲有幾部大電視, 我一邊食野, 一邊就睇住無線下午時段的烹飪節目, 一樂也. 1. 豬軟骨出前一丁 這個餐本身$24包飲品, 可選擇米粉, 河粉, 意粉, 通粉及螺絲粉, 配搭夠豐富. 另可加$3改配出前一丁或烏冬, 一見到 "出前一丁" 哩4個字, 彷彿即時聞到公仔麵的濃香麻油味, 於是馬上點了出前一丁了. 上枱時, 成碗公仔麵熱騰騰, 麻油的濃香陣陣送來, 禁不住夾起一小攝丁麵, 熱蒸氣馬上急劇湧上來, 好香啊. 丁麵烹調的時間剛剛好, 不會過淋過硬, 喝一口湯底, 味濃夠惹味. 豬軟骨炆得火候夠, 軟淋無比, 肉質肥美滑溜, 圓筒型的軟骨跟豬肉的份量各佔一半, 肉味更是非常香濃, 肥美的豬軟骨跟香濃的丁麵簡直配合得天衣無縫, 很久也未嘗這樣味美的丁麵了. 2. 熱奶茶熱奶茶香濃幼滑, 略嫌淡奶的份量較多, 有點兒漿喉. 而且熱奶茶份量太少了, 即使喝完一整杯也有點不夠喉的感覺. 下次再想食丁麵, 我也必會再來幫襯, 而且仲一定會指明奶茶少奶.

諗住食午飯, 點知入錯門口, 是旦啦!叫左個午餐, 先來一個青紅蘿蔔湯, 裡面有青紅蘿蔔各一小粒, 湯水顏色似清水, 入口才知是鹽+味精 , 隔離檯d客已經牛牛聲。跟住黎個瑞士汁乾炒牛河, 牛肉好刃, 河粉硬身, 應該放左好耐, 唔新鮮, 全碟炒野淡而無味, 什麼瑞士汁 , 最後我食剩大半碟, 個侍應仲問點解食剩咁多, 我話本來我非常肚餓, 但都無辦法食得落。 佢仲猛話唔好意思, 有鬼用咩, 又唔係俾番錢我, 而且成條街最貴佢呢間。以為佢地收得貴d, 質素會好d, 卻完全相反!真係後會無期, 一見即散!

不見不散係我0係金融海嘯之下唯一仲係咁冇禮貌的茶餐廳,我地叫一個四人餐,明明入面寫明可以揀蒸魚,咁我地就揀蒸魚啦,點知個waiter話要加20蚊,加20蚊唔係問題,點解唔係Menu講清楚呢?之後我地冇order到個4人餐,個侍應就好大聲咁同另一位同事講,"食個飯唧,駛唔駛食得咁寒酸呀?"搞到我地好冇面,個問題係佢要加20蚊唔早寫清楚,而家又反話我地孤寒....野食黎左,個餐湯好多油0係面,平平無奇,兩個主菜唔錯,但係好多味精黑店...黑店....

可能是24小時營業, 所以晚上waiter 沒有禮貌,因為黑口黑面的(他們可能沒有劉德華的廣告), 有次我想去廁所, 但很污穢不堪, 所以通知他們, 但沒有反應, 所以很反感,

銅鑼灣大球場有外隊比賽整條街都是球迷晚上十一時和友人從維園走到炮台山這間店才找到位要了客消夜炒粉麵套餐- 涼瓜排骨炒河+芒果冰等了大半個鐘都未能上菜同様情況周遭的客人都遇到份量看上是比較袖珍但都夠填滿肚但用料不多如非附近的食店大都關門相信也不會走到這麼遠等這麼久為的就是一碟看上來無甚特別的炒河

今晚收エ,1130左右附近都收曬,三人行入左里間餐\\\廳我地三個都好肚餓一個人,係肚餓既時侯食咩都好味但....................叫左半隻雞,D雞冇味,靠個醬香煎牙带魚,D汁太咸,但ok沙拉骨.....垃圾牛肉炒河,冇色冇味末見過D河粉咁淺色,D豉油好貴咩咸魚雞粒炒飯超失敗,又係冇味,冇咸魚既咸魚雞粒炒飯三個人冇叫野飲埋單$210一個人$70食D咁既野洗鬼係度食

本人係天后番工，日日午餐都係不見不不散對面食，但唔知點解呢間餐廳日日都排長龍，就連附近d對手都唔會出現咁既現象。把心一橫，同同事走去食午餐，發覺係幾好食喎~~~比之前貴左少少！$30蚊一個餐~~~~跟湯同餐飲。特色：有幾張檯靠玻璃窗，幾有starbuck 之類的cafe feel湯：紅白湯都夠濃夠入味]服務：幾有趣，幾鍾意搞gag~~~~d菜名都係幾得意~~ 午餐都好快！缺點：因為都係整定晒~~~所以賣完即止。

下午2點幾到天后附近,之前看見評分幾好,所以便一個人入內食午飯.一入去便安排我座在近窗最入的位置,但由於附近有人食煙,所在位置通風又不好,所以便要求轉位,並落Order叫了個咖喱海鮮飯及凍奶茶.飯到時,我想他們忘記了給餐俱,所以便四週望望又在枱下的櫃內找找,發現餐俱放在枱下,並從枱下取出餐俱便開始進食.咖喱汁好香不辣並且椰汁味好濃.但飯太軟,再加啲汁落去有啲好似食糊仔的感覺.海鮮方面本人覺得有點過份,幾片日式鱼片,一件小小的炸鱼,二件小小的墨鱼仔,幾件薯仔就叫做海鮮.在食飯時,伙記突然枱枱問有沒有泊車在餐廳門外,原來有人在抄牌.有這樣的服務,所以我便給他們服務３分喇.

見到幾個食評都正面，於是又一次遠征北角。出左地鐵，沿住電氣道行左兩個街口，先搵到。入到去，好光猛，搵左個卡位坐低，待應已第一時間招呼。要左兩個小菜，蝦煲同京都肉排。兩個都幾好，但係食完之後成晚口喝。食食下後面+前面幾支大煙通對面，頂唔順，速食完即走！

知道呢間幾高分,去開銅鑼灣就行多兩步去試吓.我好肚餓,所以我叫咗個鐵板巴西豬扒+燒汁(21:00後--$20),我以為可以跟意粉,但原來呢個價只有餸,如要跟意粉要加$12,我覺得唔係咁抵,於是揀跟飯一碗($5),慳番d.不過,我從來未試過對住個鐵板,但攞住碗飯扒,搞到我都唔知應該用筷子定用刀叉,我感覺到周圍有d人望住我...結果我係用筷子夾鐵板上面塊豬扒,就好似食小菜咁,但塊豬扒好鬼大塊,用筷子又唔多方便,所以到尾段我又出埋刀叉,感覺係...好怪雞!講番食物先,豬扒好腍個汁好好味,同埋佢都有埋薯菜嘅,個汁就真係好"杰",攤耐咗就會變成啫喱狀.兩大塊豬扒夠晒飽,好抵食.環境都幾好吖,又無煙味,座位又舒服.我坐圓枱,d刀叉筷子牙籤紙巾就响枱下面d櫃桶度,幾咁方便.仲有佢哋個小冊子式菜單,全彩精美印刷,明顯花咗不少心思,菜式/套餐款多,真係好勁,就係呢樣已值笑臉.值得再去.

9點...未食晚飯...是旦搵間茶餐廳食.....就被我發現左有間好過新記...食鐵板燒既茶餐廳...20蚊一個...好抵食....我食左個蒜蓉汁雞扒....不過就咸左少少....但係總算不過不失~~~間野仲要坐得OKAY 舒服同有電視睇......