Not Just Coffee (One Artlane)

食物味道是不錯，可是份量真的太少，如三文魚牛角酥只有兩小片三文魚，雞肉意粉的雞肉也只有幾塊薄片，如果是男仕一定不夠，以這個價錢收費給這個份量真的很不值，所以也不會再光顧了。…Read More

講起西營盤想搵個 chill 位坐低慢慢歎吓，「不籽是咖啡（Not Just Coffee）」真係唔少人心水之選。佢開喺忠正街藝里坊地下，出地鐵行一轉就到，方便到爆，無論 solo 還是約閨密都啱用。鋪頭裝潢真係型格！木系搭棚配藤椅，夾埋一啲植栽，波希米亞文青感濃烈，入場已經 relax 得嚇人，坐低即刻心一停。週末中午去，仲唔使等位，環境靜得好似自己屋企客廳咁 chill。食物方面值得一讚係經典推介：龍蝦湯烏冬配大蝦＋牛油果：龍蝦湯獨立上桌，可以自己淋，湯底鮮甜而唔膩，大蝦爽口彈牙，牛油果滑潤解膩，食落暖胃又記得住。手打牛肉漢堡扒＋蒜香意粉配黑松露蘑菇醬：猶如小店版 gourmet burger，牛肉扒焦香不乾，蒜香意粉濃而不膩，黑松露醬點綴得啱啱好，有提升整體質感。飲品方面推介椰奶拿鐵同抹茶拿鐵，前者椰香濃但唔過甜，後者清新帶茶香，夏天歇吓超醒胃。焦糖香蕉楓糖核桃雪糕 + 牛角酥窩夫：牛角酥夠熱夠酥，配住香甜不膩嘅香蕉，加上雪糕柔滑，口感層次實在係會想再叫第二碗。最啱係 Sunday afternoon 或平日午後去，歎住咖啡慢慢食，包你唔會想急住走。總括嚟講，「不籽是咖啡」絕對係一間：環境舒適有風格、餐點溫暖有驚喜、價錢雖中上但值得一返再返嘅文青咖啡館。…Read More

見依間網上評分都唔錯，諗住嚟chill一chill但係感覺一般。:)其實啲位都密，坐滿晒就好嘈好迫，想自己靜靜地睇吓書飲下咖啡都唔得，我已經係靠邊坐，但都完全係聽晒前後左右隔籬枱嘅談話內容。嘢食方面都冇好驚艷，叫咗個牛肉burger配薯條，burger正常發揮，安格斯牛肉扒都正嘅，唔算太juicy亦唔算太乾。薯條麻麻哋偏鹹同埋好多油，成張隔油紙到濕晒。性價比有啲唔抵，諗住喺個舒服嘅環境食個寫意嘅晏仔飲埋杯咖啡，點知效果有啲似喺快餐店度食咗個餐。:):)…Read More

🏙️西環地鐵站一出，就可以搵到一間令人眼前一亮嘅隱世Cafe。喺悶熱天氣下，見冇乜人等位，就決定一試！🍝牛油果青醬蘆筍雞肉扁意粉，煮得啱啱好，彈牙又唔會糊；青醬混合牛油果，有香有滑，仲夠清新；蘆筍爽脆，雞肉又嫩又juicy，味道搭配得宜，好有質感！☕椰爺的咖啡，雖然椰子味唔算突出，但啱啱好提香，唔會喧賓奪主，反而令咖啡底更加出色，醇厚同回甘感都令人印象深刻。🍨最後嚟個甜品收尾：Affogato。熱咖啡淋喺雪糕上，入口冰火交融，既有咖啡嘅濃郁，又有雪糕嘅絲滑，呢個組合由第一口到最後一匙都咁滿足！…Read More

七點到餐廳佢地係收八點，入去嘅時候只有一台客人，完全係見到等收工嘅感覺。本身冇開冷氣，同佢講好焗都好似好不滿咁，最後先肯先開返冷氣。上菜嘅時候，員工隻手指係插咗落去啲意粉度，員工態度同面部表情極差！全程眼神都係不友好，晚餐過程氣氛極為差劣，正宗俾錢買難受！！味噌蟹醬蟹肉扁意粉，一啲蟹肉都搵唔到，只係食到忌廉嘅味道; 龍蝦湯大蝦risotto係白飯加汁，完全感受唔到龍蝦嘅味道，唯一3隻蝦係爽口食得下。…Read More

今日突然被通知要番公司OT 搞掂晒d野之後諗住去附近嘅cafe hea吓係網上見到有人推介而間，所以就特登走去試一試經過嘅時候就咁睇個門面都幾文青feel當時1點幾 人客都唔算好多。成間鋪都幾闊落，座位嘅分布都好適中唔會令到人有好侷促嘅感覺。 點餐，拎餐具個d都係自助嘅，因為唔洗加一，係我最鍾意嘅point. 本身諗住嗌手打牛肉芝士漢堡但係佢話牛肉賣晒所以我嗌左味增蟹醬蟹籽蟹肉扁意粉。上到枱嘅時候，感覺非常豐盛，成個面頭充滿蟹醬蟹籽同蟹肉超級搶眼同colourfuld蟹醬就咁成落口係偏鹹少少，所以要撈埋佢個扁意粉一齊食會比較好。雖然佢個意粉比較普通，係用淡味d嘅白汁加切片蘑菇炒嘅，食落口感覺比較膩，但都不過不失啦。不過整體黎講都幾正嘅，淡味嘅意粉撈埋鮮味嘅蟹醬，軟身嘅蟹肉同脆口嘅蟹籽，撈埋一齊擺入口都好舒服成件事都好balance，唔會話互相搶咗各自嘅風頭。飲品我就嗌咗 Espresso Soda，味道唔苦唔酸，soda氣量都好足。面頭有塊乾檸檬片，好適合打卡整體嚟講都唔錯，真係可以好舒服咁坐成日都OK。環境寬敞，四周圍都係落地大玻璃可以好好咁感受陽光同望下外面嘅人事物。…Read More

禮拜五放工後和合作夥伴到公司附近嘅Cafe食晚餐😄我哋揀咗 Not Just Coffee ，由於我哋食得比較早嘅關係，大概晚上六點左右，所以唔使等位就可以直接入座😄我揀咗北海道干貝蟹籽忌廉扁意粉，味道都唔錯😊我本身諗住干貝有機會會比較乾身，食嘅時候會癡牙，但其實都唔會😄 而將蟹籽同忌廉同扁意粉撈勻亦都係一個唔錯嘅配搭，而且都好飽肚😄我亦有叫咗一杯熱嘅Matcha Latte，好濃嘅抹茶味😋👍餐廳室內裝修簡潔舒服😊買嘢食要出去收銀嗰度落單同先俾錢，亦係自助攞餐具紙巾等，但係店員會送餐到客人枱😊 我覺得呢種形式嘅餐廳較適合同比較熟嘅朋友或工作夥伴去☺️ 因為要行出去落單，感覺冇咁方便😅…Read More

强烈避雷这家店我去的时候服务员是一名中年男子，当时我肚子不适需要赶紧上洗手间，所以我让朋友落座点单我去上个厕所，这个服务员告诉我没厕所，那我只能跑到附近各个店借用厕所。旁边有家咖啡店说点单就可以上厕所，我就买了杯咖啡，结果发现这家咖啡店厕所旁边就是“不籽是咖啡”的厕所所以我真搞不懂这个丝马男服务员骗我没有厕所，我又不是不在你家花钱，再说了你自己是老板吗？食物非常一般，这个服务员对其他桌也完全没有服务。…Read More

lunchtime入到嚟試咗意粉、漢堡，同coffee🤎 不過可惜佢係冇lunch set，所以只能夠散叫🥹叫咗一個牛油果青醬蘆筍雞肉扁意粉 ($108)，意粉比想像中掛汁，又幾creamy😋 牛油果同青醬呢個combination少見，但都幾有趣，味道唔錯😙 份量都唔少，整體都唔錯💚另外又叫咗手打牛肉芝士漢堡配薯條 ($128)，個手打牛肉好香😍 外脆內軟🥰 飲品就叫咗latte同expresso soda☕️ latte都唔錯，好香💛 expresso soda反而有驚喜🤩 好refreshing因為有檸檬，同時咖啡味又好香💛環境都幾舒服，不過價錢都唔算好平，但間中食一兩次都開心💕…Read More

OpenRice冇keep到我嘅草稿 都忍唔住要再打多次…性價比奇低 比IG marketing呃咗 本身想去嘅餐廳冇開 好耐之前bookmark咗呢間 所以就嚟試吓 食到一肚子無奈食物質素好一般 叫咗一個蟹籽蟹肉扁意粉 個外貌同味道好似工廠區$70嘅質素 呢度價值$138 我諗其中嘅一半價錢去咗呢度嘅裝修 然後叫咗杯椰椰咖啡 唔想search名 單據係寫椰子奶咖啡 個樣稀到… 🙄🙄🙄一見到已經覺得中伏 飲落去味道強差人意（其實我覺得係難飲連三分之一都飲唔到… 當然口味嘅嘢見仁見智..） $52呢度網絡收得好差 長期一至兩格問店員有冇Wi-Fi 話因為知道呢度網絡長期差所以冇WiFi （知道唔關店員事 但如果想慢慢玩手機嘅 特別係睇片睇相嘅 自己可以衡量吓）依種食物質素 埋單差唔多$200一見到嘢食 已經準備好去第二間再食過睇黎而家餐廳嘅賣點唔係食物質素 係ig marketing … 😮‍💨…Read More

終於試到依間好多評價的cafe, 星期六中午去，不用排隊，環境算寧靜。味道也味然唔錯，和友人order了的食物全部都好吃，我們十分滿意！龍蝦湯牛油果蝦烏冬，這個組合豪華又好吃，味道香濃。漢堡扒黑松露意麵窩夫~~~…Read More

今次又係同攝影師們去西營盤影相，我哋每次影相前或影相後都鍾意去搵一間Cafe嘆吓咖啡，食吓嘢架😃呢間Cafe油麻地分店食過一次，今次響西營盤又見到喎！一於入去試埋呢間分店啦！西營盤分店好文青feel，地方闊落又舒適🌀All Day Breakfast $118有黑松露炒蛋，日本腸，煙肉，雜菌，牛油果，沙律菜，牛角包，好豐富呀🥰味道ok，黑松露炒蛋又滑又香👍🏻不過以全日早餐嚟講賣相麻麻擺盤都幾混亂下😆🌀牛油果青醬蘆筍雞肉扁意粉$108味道真係唔錯😋估唔到牛油果同青醬係咁夾嘅！醬汁好豐富沾滿每一條意粉，夠晒Creamy🥰好香吖！雞肉唔會好嚡，呢個意粉好好食❤️🌀乾炒大蝦蒜香意粉$118份量十足，炒得香噴噴，大大隻蝦都算幾新鮮，好香蒜味，雜菌都好多，意粉唔會過腍，有咬口👍🏻🌀芝士蛋糕$58🌀柚子杏仁蛋糕$58甜品選擇唔多，點咗兩款蛋糕，呢度嘅芝士蛋糕係比較實淨少少，芝士味香濃，柚子杏仁蛋糕都唔錯…Read More

西環係文青打卡必到之處🤓除左壁畫、海傍，咖啡店就係各位文青標配既地點一間好既咖啡店係可以提升假期既質素🫣當我地一步入店舖就見到滿滿波希米亞既裝修，枱中間有相當既距離，絕對有私人空間，岩哂自己一個 chill 下或者同朋友靜靜咁傾下計 🍽️龍蝦湯配牛油果大蝦稻庭烏冬店主好窩心將烏冬同湯分開🤣俾食客自由加足夠分量既湯，烏冬非常彈牙，每條都有口感，三隻大蝦咬口啖啖肉，配上牛油果加添一份鮮味😛 🍽️手打牛肉漢堡扒蒜蓉意粉配黑松露蘑菇汁有驚喜‼️慷慨既黑松露一上盤就已經非常吸引，再加上牛肉漢堡扒肉汁鮮嫩漢堡扒同黑松露蘑菇汁既香加上意粉同時入口，口感非常豐富😆 🍽️椰爺的咖啡 (凍)夏天最適合飲D 有夏日元素既飲品☀️椰啡一定係最好既選擇🤪咖啡香滑順喉，帶淡淡的椰香味，兩者配合得好好 🍽️Dirty分層明顯，入口係熱辣辣既咖啡，然後係冰涼既牛奶，不錯~ 係室內用膳完，仲可以同朋友拎住杯咖啡出去室外，慢活一個下午～而咖啡店都十分貼心，天花板都有風扇，即使係夏日炎炎都唔會太過辛苦，反而有種懶洋洋既感覺…Read More

不籽是咖啡這間Cafe由門面至內裏環境都十分優美、舒適。內裏裝修行木系和淺色風格，其中一個區域的地下填滿了細碎的白色小石頭，有一種去了郊外野餐的感覺。龍蝦湯配牛油果大蝦稻庭烏冬 $128呢個餐絕對喺gimmick🥸用茶煲裝龍蝦湯🦞，再由你倒落木碗，倒多倒少隨你（suggest倒曬，免得最濃味、沉底嘅冇倒到出黎），港女打咭一流📸🤳龍蝦湯唔喺預期像西湯般濃稠😌，而是湯底般稀和淡味。但要讚有頗多蟹肉🦀😍，縱使湯底唔濃味，啖啖蟹肉都補救到，加翻海鮮嘅鮮味👍🏻😍小編試過牛油果加䜴油真喺好似食緊三文魚😂，但牛油果配海鮮就第一次😂唔可以話係夾，冇1+1>2的效果，但都唔錯嘅😌 至於蝦，則新鮮脆口❤️，未至於鮮甜但已經收貨👍🏻手打牛肉漢堡扒蒜蓉意粉配黑松露蘑菇汁 $138隻太陽蛋煎得好靚❤️同漢堡一齊食增添濕潤感。漢寶都算幾大，夠厚，有肉味😍，少許肉汁。黑松露份量唔算多，但足夠，意粉醬亦夠creamy👌🏻結論這間Cafe很適合用來打卡，也很適合與朋友一起慢慢食飯、傾偈👫🏻👭🏻👬🏻至於食物的味道則中上，未至於好正，環境>味道，cp值偏低😬份量偏少，男仔可能會唔夠飽😌…Read More

。O小姐。Not just a coffee but more than that 。日常。 Not just coffee? 咁仲可以係咩呢？？好多人都話西環係好多文青聚腳地嘅好地方，我身為其中一員（汗顏），咁梗係要去吸收吓文化氣息啦。今次嚟到西營盤，一出嚟已經見到好多壁畫，一睇就知道係屬於我嘅地方啦🫢行前多幾步，就見到呢一間樓底咁高，又裝修得咁清新嘅Cafe，決定就開門入嚟啦😃 佢就係不籽是咖啡啦。佢英文名都幾特別咁究竟仲有啲咩呢？？裝修簡約，通風及照明都好好，重點係樓底高，就算好多人嘅話，傾偈都唔驚嘈得滯，大家都好明白，如果想搵個地方吹水嘅話，就好驚周圍會好嘈，所以呢一個可以加分。落單係要去到收銀嗰邊落嘅，我哋就叫咗一個牛肉芝士漢堡、柚子雞翼。飲品方面就叫咗桂花latte &椰爺的咖啡。 由於我哋預計會傾好耐，就襯仲係tea time叫埋熱情果茶同埋芝士蛋糕留返喺最尾先食。先講個牛肉漢堡先，個牛肉係醃過嘅，佢就味好特別，唔似我哋平時食嘅手蛋漢堡，我覺得可以試一試，因為喺出面食唔到呢個味，同埋佢都幾大份，我哋兩個人食極都仲未食完…柚子雞翼都多喎，我仲以為得個四隻，點不知原來都唔止，同埋佢個醬都夠嘅，所以食極都唔會話太乾身..飲品方面，我朋友就叫咗杯桂花latte，因為佢想清新一下而我呢就叫咗杯Coconut latte（都幾香，幾有椰子味），係充滿椰香嘅，夏天熱辣辣，飲杯凍飲，簡直係銷魂啊～我哋一路傾，口水多到不知時日過🤣食埋叫個芝士蛋糕，芝士蛋糕好食呀，份量好足夠唔係細細舊，佢個面仲有啲花瓣，好香～甜品要叫一個芝士蛋糕，呢個值得點啊！配埋個熱情果茶，悠閒嘅一個下午又完結啦😆…Read More