不串不散 (Closed)

見到流水蝦覺得幾得意，所以打算嚟試下不過同想像中有啲岀入以為會有啲水流再自己夾點知原來係每次叫完再由店員拎嚟下午茶有分串燒放題 -128同磯燒流水蝦加串燒放題 -168兩個都係有包飲品當日4點半度去到，唔算多人，所以好快就有得入座即刻燒咗個蝦先平均嚟講都叫大隻而且新鮮但每次都係叫店員拎，叫多幾次都會有啲唔好意思😅燒蜜糖一口甜薯頭個幾粒都幾好食，甜甜哋，內軟外脆但去到中間個啲就好乾而且痴實哂脆皮香蕉同炸北海道帶子以為係炸香蕉，點知原來係香蕉糕食完都比較滯炸帶子就無咩特別串燒方面叫咗籽然汁燒韮菜 - 韮菜燒到有啲老，唔太好食蜜糖籽然汁燒翠肉瓜 - 燒得好淋而且唔會朝爭爭籽然汁燒蟹籽丸 - 入面啲蟹籽涵好似唔係好夠熱籽然汁燒墨魚丸 - 無咩特別黑椒醬燒牛舌 - 係厚切牛舌嚟，好淋好好食，忍唔住嗌咗幾次麻辣蒜蓉燒茄子 - 麻辣唔夠而且略嫌多油，不過茄子愛好者嘅我都有再叫😂Menu有寫每次只限叫六款，不過我同朋友都無留意到有叫多咗，但可能少人，都有上哂俾我哋上串燒都叫快，可能因為少人想食串燒但又唔想燒，呢度都係一個唔錯嘅選擇

雖然好懶剝蝦但系佢地既任燒流水蝦真系好正🦐 夠新鮮仲要爆晒膏😋平均每5隻就有兩隻有膏🧡 呢間餐廳好得意淨系海鮮先系自己燒其他串燒同野食都系廚房煮比你😂😂 值得一提系佢個鹽燒牛舌😛大舊得來又夠軟身 吾似平時個啲咬到甩鉸😆—————————————————————————FOLLOW @foodie_queen_hk on IG & LIKE for more amazing food reviews from around the world 💖—————————————————————————

完全想像唔到可以咁難食尤其係加錢任食果6款海鮮生蠔🦪 螺 鮑魚 青口 蜆 蟶子真係要叫媽媽🥺🥺🥺除左蟶子仲勉強放得入口其他實在難食得過份 一啲都唔新鮮第一轉啲鮑魚好似橡筋 咬唔爛以為係自己燒耐左 第二次再試 嘩🤮🤮係有雪味既紙皮 毫無鮑魚的爽口、彈牙其他都係成陣雪味、腥味個螺肉「梅」到用竹籤一拮就爛晒 根本拉唔到出嚟好得人驚🤦🏻‍♀️🤦🏻‍♀️🤦🏻‍♀️ 我宜家先知平時食到嘅海鮮係幾咁新鮮🥶🥶😢所以試咗第二次我哋已經冇再叫海鮮其他任食串燒其實都還可以 正常囉😕唔好嗌牛丸 因為一啲牛味都冇 你會懷疑自己食緊啲咩其實舖頭啲員工服務態度唔錯但係食物咁嘅質素 黃店都搞唔掂從未食過咁難食 搞到我都要第一次上嚟寫負評希望店主快啲改善返 我唔介意俾貴啲 都想食返啲正常、新鮮的海鮮

地點方便，環境可以，食物新鮮，攞出黎每碟野都係熱呼呼，一啲都唔hea~服務一流!待應對客人細心又熱情，會關心客人既需要，簡直有5星級酒店服務水準!下次一定會再幫襯

真係好難食 我從來都未食過咁難食嘅海鮮啲蜆一上到黎已經打開晒口 擺到明就唔新鮮全部一入口即刻lur串燒都叫還可以但大部份都無味總之就好難食 啲撈丁都勁難食嗰個芝士醬食到你懷疑人生雖然係黃店 但都要改善即場同店員反映咗佢哋態度都好好既價錢超貴 勁唔抵食好食都話啦 問題係勁難食

與友人飯聚，選了近朋友屋企的銅鑼灣，網上預約了不串不散17:30時段吃early dinner。17:30前店舖會落閘做準備，早到的朋友可以在附近逛逛。準時17:30到逹，有訂位可以直接入座。現場有walk in的客人被吿知訂座已滿，想試的朋友記得預先訂位。店內空間不大，放了大概7張枱，另外有獨立間。環境寬敞，枱與枱距離充足，亦有隔板立在中間。下午茶限時90分鐘，我們選了$168的磯燒流水蝦+串燒放題(另有每人$28附加費)。小童、長者和學生有額外優惠，星期三至六醫護人員出示工作證件及HAEA會員證可享全單七折優惠。下午茶的點菜單，海鮮類要額外加錢。流水蝦很快上桌，看起來很新鮮。桌上有小型的燒爐，供客人自行燒蝦。蝦的體型較大，爐的火不大，要燒長一點時間。流水蝦的口感沒有想像中爽口，味道正常。最先來的芝心丸和牛舌，分量很多。芝心丸正常發揮，但一人吃一串有點膩。牛舌非常好吃，口感軟腍，孜然粉和黑椒調味得很香口。蔗蝦味道正常，如果有泰式辣醬伴碟會更開心。粟米香甜，司華力腸烤得香脆，好吃。牛柳很韌，黑椒味蓋過牛味。撈丁表現正常，吃到黑松露味道，但麵底有點腍亦不夠芝士味。菠蘿烤過後非常香甜多汁。

每次只可以落6款食物 但係呢個係有限時嘅放題勁快last order 野食黎得勁慢 未試唒已經要埋單 食物味道普通到不得了 街邊魚蛋檔質素 仲要每次落單都要問佢地拎menu 其實你唔限我時我都冇所謂嘅 但係.......

訂了下午5時半兩位枱，一到步便叫我們等，明明還有很多吉枱🙄等了5-10分鐘便安排入座，店內比較年輕的店員大多掛住傾計，舉手舉好耐都冇人理，選擇了每人$168的下午茶 -- 蝦+串燒放題，只有90分鐘用餐。每次下單都不會上齊，又不通知原因，而且每次都等好耐才上菜！串燒選擇其實不多，味道一般。最離譜係，5時半吃到7時，但等上菜等了30分鐘才上，7時才突然把last order的菜一次過上，然後7時05分店員便跟我們說有人在等枱，那我們問他們是不是想我們立刻走？他們說不是，只是希望我們吃快一點，我說你們7時才拿食物來，又要我們吃快點，究竟是誰有問題？🙄最後埋單$185一個人，雖說是放題，但上菜超慢，根本吃不到多少，以這價錢，寧願去其他串燒店比較化算。服務態度何其差，只可一，不可再！

朋友話想食串燒就搵到依間，見到下午茶幾抵。好彩有訂位，好快就full booking。位置又唔算好迫，不過都要搭檯～一張卡每次可以落6款，每款不限串數，其實個哥仔講太快我根本聽唔切，係隔離檯講我先知。下午茶就無晚餐咁多選擇，不過都夠食嘅！食蝦就自己燒，其他都係佢燒好比你。我仲以為係自己燒咁開心！不過真係寧願自己燒，佢地廚房出得好慢！下午茶限時90分鐘，我奉勸大家一次點多幾串或者一上菜就落第二次。我同朋友就係後者，唔知好唔好食又驚浪費，第一轉每款落1串，之後試左即落第二轉每樣2串～你食完第一轉差不多第二轉就會到！都唔建議大家落5串以上，因為佢都係會漏單。我地落5串韭菜上左3串。飲品就自己去拎，唔飲汽水甜飲嘅你可以揀一大支水下午茶價錢來講食物都算係咁，只係等得耐～

早排突然好想食串燒😝搵左銅鑼灣呢間「不串不散」來個串燒放題😍因為當晚朋友晏左收工，我哋去到個陣已經差唔多9點。我哋叫左「磯燒6款精選海鮮及磯燒流水蝦+串燒放題」～一開始店員送上精選海鮮🦞我哋即刻放上去燒，之後就開始點串燒😋但個爐個火唔太大加上可能附近開左把風扇吹住，D海鮮燒左好耐先食得😫初初以為串燒都係自己燒，原來落單後廚房會燒好晒拎出黎🤩所以一邊食住串燒一邊等D海鮮熟。每枱都有調味料（孜然粉、七味粉等）可以自己加👍🏻但可能我哋太晏去嘅關係，好多串燒或小食都無晒😟而且海鮮都係...連流水蝦都只食到一轉...感覺當日以呢個價錢食唔到好多款式嘅串燒同海鮮，有少少失色...

用學生證加下午茶時間黎，每人$140(已加一)我地差唔多十個人，會預先安排間房俾我哋。分開兩張枱坐。一開頭會將菜單上面嘅所有食物燒定一轉俾我哋。之後我哋可以自由再加。所有食物都係佢燒俾我哋食多，除咗海鮮類之外要自己燒。90分鐘裏面都可以話係食盡左啲時間。不過要等下一次嘅食物就要等好耐啲炸物食得出好脆口，都幾好食。一條嗰個係甘蔗，我係阿婆牙咬唔開，但係啲朋友咬得開話幾好食。炸物嘅款式都有好多但係好可惜我去嗰陣時冇咗炸香蕉同埋炸紫芋。好可惜燒菠蘿都幾好食。好多汁好正👍🏻啲蝦好大隻但係其實係死蝦。梅晒一啲都唔好食😫😫😖😖👎🏻👎🏻👎🏻飲品係自己出去拎，罐裝汽水同埋支裝水多。仲有罐裝啤酒🍻

話海鮮要跟人頭沒得多，有一次加海鮮一樣一隻，到唔知他地想2個人點分，下下加海鮮單到要等10分鐘，等多過食，第一次食任食，食2個鐘先飽，環境又差，成個地下到係油，以為去左街市，如果地下有水的話，應該同街市沒分別，唔會再去

同朋友嚟到不串不散食磯燒海鮮&串燒120分鐘放題，揀咗收費HK$238嘅任食三款精選時令海鮮，當日供應嘅係生蠔元貝同海蜆，咁啱三款都好啱口味。本身抱住食串燒放題食物質素唔可以期望咁高嘅心態，所以結果又幾驚喜！海鮮係自己燒嘅，串燒就由餐廳燒埋。串燒調味做得幾好又燒得靚，枱上都有提供辣椒、蒜蓉、辣粉等嘅調味俾你自己加。海鮮幾新鮮，最滿意係元貝，鮮甜好味；生蠔燒完縮一縮水都仲有肉地。串燒就最鍾意燒蜜糖燒賣！邊估到最普通嘅燒賣加蜜糖燒起嚟又會咁好味，忍唔住再追加～燒蜜糖翠肉瓜都好正好多汁～另外燒芝心丸、蜜糖菠蘿、一口甜薯都唔錯。肉嘅話食過燒鴨胸、雞軟骨、牛舌、羊肉都可以。燒雞中翼就普通，始終都係傳統串燒舖嘅燒雞全翼吸引啲。另外仲試咗燒泰式豬頸肉，好大份食唔晒；仲有平時少機會食到嘅燒雞泡魚乾，有蛋黃醬點。最後叫埋邪惡嘅黑松露芝士撈丁同黃金鹹蛋黃撈丁，每碗都係原個公仔麵，放題嚟講份量真係好多呢～我地去個日仲有罐裝hoegaarden飲，幾過癮～整體用餐體驗同食物質素都唔錯，值得支持！

因為媽咪生日 佢又鍾意食海鮮 所以帶佢黎試！之前想食但係太多人所以大家記得要book枱啊 舖頭非常深黃 除左有一大連儂牆之外 WhatsApp確認訂座message中仲有好明確訊息😂 大家book枱可以留意下TLDR: 覺得價錢合理 適合一大班朋友聚餐開心下！一入門口就見到標示+好大陣既燒海鮮味貴d既set 就任叫6款海鮮！全部人頭份量 都幾新鮮 尤其留意第一次鮑魚洗得好乾淨！第二次就有少少黑色但都可以接受 每枱都可以自己燒海鮮 其他食先就係煮好送上黎叫既時候每次只可以叫六款食物，呢個措施都係好嘅可以限制自己唔好浪費食物！推介:海鮮 - 個人鍾意扇貝、煮蜆同埋象拔蚌仔芝士撈丁 (一人份量share岩岩好)芝士年糕但要小心丸類，份量比想像中多🤣🤣本身以為一串只有兩至三粒，點知每串都有四粒，芝士腸更加一串有六條 🤯🤯唔飲汽水好開心有OJ飲！最後每人340左右 其實以食串燒做晚餐 有海鮮 任飲任食 價錢尚算可以接受 不過短時間未必會再食 建議有慶祝飯/朋友聚會可以一齊去試下！

雖然係幫阿妹慶生，其實無論食咩都冇咩所謂，但依間野好迫，落單又麻煩，有d staff叫極都唔想yuk,所以唔會再有第二次😣D野飲款款飲落都好似飲水咁，冇咩味，明白係要控制成本，但質數都要維持下，所以其實依餐都幾失望😳😳