Agezen Shokudo (Closed)

某晚去了黃埔新天地同男朋友行街，行咗一陣我就叫肚餓🤖又想食日本野....好在比我遇到呢間...唔係我男朋友就有排煩😈入到去先知原來係比部平板電腦你自己睇餐牌同落單🤤每款都有圖有真相，啱晒我地！男朋友點的三文魚都幾新鮮，三塊都夠肥厚，魚子份量好多！另外跟餐的沙律ok, 茶碗蒸味道也不錯我的燒牛肉就正常啦，一般出街食的質素，沙律好多醬啱晒我！唔識埋單所以都係舉手話埋單算😂男朋友話刺身唔錯，下次可以再試…Read More

每次經過都好想入去試食, 今日終於有機會一試, 12點半左右, 唔駛等位, 呢到係自己點餐, 喺到TABLET到自己揀食物再落單, 食物種類都好多, 價錢有平有貴, 今次冇試刺身類, 試咗熟食同炸物鰻魚丼定食 - 價錢$138, 個人覺得係有啲貴, 但份量可以係二人份量, 因為有一碗鰻魚飯加一碗昆布湯麵, 仲有一碗日式蒸蛋, 凍豆腐, 如果一個人食確實係多, 反而叫呢個餐再加多小食同甜品就剛剛好鰻魚好新鮮, 加上用日本珍珠米飯, 豆腐配沙律醬汁食好清好鮮甜, 蒸蛋夠滑, 湯麵都好好味廣島吉列蠔 - 炸粉唔算太厚, 廣島蠔好肥美又鮮甜綠茶/豆腐/黑芝麻雪糕 - 綠茶味有啲甘苦味, 豆腐味唔算太濃都算清, 黑芝麻味都算濃緦結 - 食物質素係唔差, 有機會下次試其他食品…Read More

今日又來到黃埔食好西！這次試的是位於AEON內的日式餐廳『上膳食堂』～ 星期四晚上來到，客人並不多；餐廳格局四四方方，雖不算大但感覺寬敞，且有一種溫暖的日式住家感覺。餐廳主打定食套餐，主要使用平板電腦點餐，只有一些特別或期間張定的料理有寫在餐牌上，我和友人最後各點了一個定食套餐，5-10分鐘左右就有得吃了。首先來的是『海膽櫻花赤酢丼定食』，魚生飯中有海膽、三文魚、鰤魚、魚子和玉子，魚生都切得厚厚的，而且分量超！級！多！平時吃魚生飯吃到最尾時都只剩下飯，今次竟是剩下魚生！而除了大份，魚生味道也很鮮甜，三文魚和鰤魚尤其肥美～赤酢飯還是微暖的，吃得出是剛煮好不久。定食還配有麵豉湯、冷豆腐和蒸蛋，跟魚生飯配著吃很美味～ 『鹽燒鯖魚定食』包括半條鹽燒鯖魚、白飯、麵豉湯、冷豆腐和蒸蛋。鯖魚燒得很香，一點也不腥，魚肉也很嫩，簡單的鹽味更能突出魚本身的鮮味，愛魚人士一定會喜歡這道料理～ 『上膳食堂』勝在客人不多，不用排到天荒地老也可吃到大大份高質魚生飯，個人覺得這個價錢是蠻抵食的，絕對值得再來啊！ ------------------------------By alvahana…Read More

周日與家人午餐，見網上食評照不錯，故此一試。當時門口有數枱排隊，卻完全沒有人安排入座，只有其他食客提點到門口取票。入座後自行以電子pad下單，過程也沒有侍應來斟茶或招呼，好奇如果有老人家不懂用也真無奈。點了三份定食：汁燒牛肉定食汁燒並唔見有汁，件件牛都又乾又韌；沙律本來無問題，但係同牛肉放置同一盤，凍沙律醬溝埋牛肉乾，就更加奇怪…咖喱蛋包飯定食　$88蛋包飯亦失手，雞蛋無流心都算，仲要煎到一面燶，其實似奄列多過蛋包飯。蒲燒鰻魚丼定食  $98被受推薦的鰻魚丼算是合格，鰻魚份量中等，鰻魚燒汁建議加多，因為飯身比較硬，不知道是否真的用了新潟米，或是煮法有偏差？服務亦欠奉，一直都未有人斟茶，埋單亦無人理會，要親身到收銀處等經理出單，還要加一。光看表面的話，真的被騙來了……Read More

二人於非繁忙時段用餐 定食的素質不錯 但一個烏冬竟然要等半個鐘以上 追單時店員的態度愛理不理 亦沒有給出明確答覆 令等待時間更為煩厭！不知是非繁忙時間就是這樣還是這間店本來服務態度就不佳 但下次我亦不會再次選擇到這間餐廳用餐…Read More

繼邪惡既Aeon Style康怡店后，琴晚我地勇闖Aeon Style 黃埔店，結論係冇康怡店咁邪惡😅但超市仍然有bb購物手推車，我個囝推到吾肯走，又不斷放野落bb購物手推車，邪惡😈行完要醫肚，當然就近就算啦，最后簡左上膳食堂，貪佢坐位寬闊👍出入口夠大，吾怪得之客似雲來店內亦都好寬敞，裝修簡約，好舒服店內有一幅特式牆又有呢個邪惡電子menu,我個囝最愛😂部份其他食品我地叫左蒲燒鰻魚丼定食，有麵豉湯，茶碗蒸(大碗同足料)，帶子裙帶前菜(野味),鰻魚飯(真係肥美而多汁，撈飯正呀👍)另一份係汁燒雞扒定食，配有少少日式沙律，雞扒皮薄而整得香脆，味道ok我覺得呢間舖既服務員都超有禮貌，要讚下👍…Read More

啟用黃埔站的第一天，好奇去了一轉，順便到AEON行街食飯。 當日好多人，到到都要等位，見呢間日本店子好像不俗，於是等呢間，約半小時有位。 日式餐廳的設計。 有刺身及咖喱飯日食。 當日有雪糕送。 點餐好方便。 刺身丼便當，$118，套餐有漬物、果物、蒸蛋、沙律及麵豉湯。 刺身多種類，有三文魚，甜蝦、帶子及油甘魚等，份量不少， ，味道正常水準，比較好味的是甜蝦。 蒸蛋夠滑，漬物、果物及沙律普通。 麵豉湯。 抹茶雪糕，當日送的，濃抹茶味，都不俗呀。 豆腐味雪糕，友人的，都幾濃豆腐味。 食物正常水準，價格合理，服務態度幾好。…Read More

黃埔Aeon Style 新開張，內裏有不少新食肆。當中上膳食堂主打日式定食。我當日中午12點之前光顧，店內並不多人。menu 設置在平板電腦內，客人可以直接用來點菜。我order了蒲燒鰻魚飯定食，配有沙律前菜同埋日式蒸蛋。鰻魚飯嘅份量不少，鰻魚可以蓋過下面的飯。鰻魚同埋飯之間鋪也滿了蛋絲。蒲燒鰻魚整得十分好味，鰻魚表面有點焦，十分香口，如果再燒焦一點也更好！餐後還有驚喜，原來是新店開張，凡光顧定食就有雪糕送，而且仲有三款口味選擇包括豆腐丶綠茶同埋芝麻。…Read More

第一次試呢一間餐廳，鰻魚飯肥美多汁，我點嘅比目魚有三塊，香口嫩滑，蒸蛋味道不錯，新張期間送雪糕，我選了芝麻味的，不太甜，好味！店員非常有禮，不時加茶，值得一再encore的餐廳！…Read More

我地平日星期一晚去，人唔多，完全唔使等位。tablet自助點菜，簡單清楚。我地四個人坐卡位；卡位寬闊，坐得好舒服。叫咗一個三色海膽定食：小妹不食生嘢／刺身的，但望落色澤新鮮；跟餐的四小碗放喺一個劃分四格既大盒內，別緻吸引：包括沙律、辣薑、炖蛋同生果。雜菌牛肉卷定食：內面包住金菇同冬菇，有別於一般金菇牛肉卷；牛肉切得薄，又一啲都唔韌；難得的是裏面啲金菇好爽，容易咬開，唔會話咬嚟咬去都咬唔開啲牛肉同金菇搞到散哂；醬汁鹹得嚟又甜甜地，好味。牛肉稻庭烏冬：配菜有蘿蔔同海帶；呢度既牛肉比較韌，但味道都可以；烏冬好薄好滑，不過略為腍咗少少。鰻魚飯定食：有三塊鰻魚，飯面舖咗蛋絲；啲鰻魚燒得剛剛好，唔會太乾亦冇太燶，而且好肥美。特別介紹：炖蛋面頭舖咗唔少冬菇；裏面亦有鳴門卷、大大粒蟹柳；寶物沉歸底，食到底仲有少少雞粒，有驚喜；蛋好滑，鹹淡適中，係有心的製作。面豉湯略為鹹了點。用餐後侍應遞上排得好美的牙籤。更別緻的是牙籤筒，原來跟盛辣椒粉的器皿是一套的。侍應告訴我們，是老闆從日本購入。侍應幾有禮貌，服務態度佳；上湯烏冬時唔小心整寫咗少少，但隨後已經用布抹乾，前後講咗四、五次唔好意思。後來他主動問我地系咪share食，並攞啲碗俾我地。呢啲看似小事，似乎不難，但又系咪人人做到呢......…Read More

黃埔Aeon 新開無耐，發現入面真係開咗好多新餐廳，而行完超級市場就見到呢間日本餐廳就試下咩料啦。每枱都有部平板電腦可以用嚟即時點菜，但如果要加水或者埋單就都係要叫職員。咖哩芝士牛尾飯上到枱見到份量都好多，而且仲有好多配菜，例如生果、沙律、麵豉湯等等，但生果就唔夠甜但都還可以，而咖哩芝士牛尾飯味道都唔錯，日式咖哩甜甜地唔會辣，而牛尾都算淋身，整體都唔錯。…Read More