Agezen Shokudo (Closed)

日日都時晴畤雨，落雨好似倒水咁😢好彩紅磡 黃埔站有得食有得買，還可避避風雨，貪方便選了"上膳食堂"，中午竟然冇咩客人喎，連服務員都少得2、3個😑因為日本電腦板點餐。唉!……科技進步知是好是壞？😔重冷漠感，點了三個午市套餐 : 天婦羅、 睛魚和 豚肉溫泉蛋套餐，全配白飯加海帶蜆肉湯，湯甜而且蜆好多好大隻，可惜有少少沙，白飯不似日本珍珠米有點硬，適合喜歡有口感的朋友，天婦羅炸物款算多，睛魚味道也過不失，衹有豚肉不夠滑，但有溫泉蛋補救，普普通通啦！…Read More

由於天氣不穩定，所以選擇附近的餐廳食lunch,可能黃埔選擇太多，中午時份也不用等位！其實環境很舒服又寧靜，不像其他餐廳般嘈吵，因為天氣忽然轉涼，所以決定食稻庭烏冬暖一暖個胃，然後才慢慢談心！很難想像在吉之島內的餐廳竟然可以坐得咁舒服而且食物質素很好👍…Read More

睇戲前係附近食個飯，未食過呢間就試下佢，主推定食，選擇唔算多，分為煮物、魚生、烏冬、炸物各種定食。呢度係用iPad 點餐，都簡單易用。我同男友一人叫左一個定食，另加一份小食。我就叫左咖哩牛肉稻庭烏冬，放上枱出緊煙，好似幾吸引，但食落就...無咖哩味既或者可以用好淡黎形容。牛肉都多，夾晒出黎都有一碗，係燒汁煮既肥牛，都ok 既。另烏冬麵好幼身，麵質一般，似硬身一條條煮個種烏冬，快淋既。松葉蟹蛋卷，蟹味幾夠，不過唔夠嫩滑，但份量唔少。男友食燒牛肉定食，我食左一舊，可以接受，普普通通，跟一個白飯同味噌湯。另外，伴牛扒個d菜反而幾好幾新鮮，青瓜幾甜。…Read More

午餐set抵食，六十幾蚊一大份盤，餸同飯係分開上，雞排大大塊，飯又大碗，仲熱辣辣，我朋友另外叫左個全日供應既天婦羅飯就要百幾蚊，感覺比較貴，所以明顯lunch set真係抵好多~餐廳座位好夠闊落，職員亦會主動加茶，唔會俾人食完好快啲走既感覺，可以慢慢傾下計，唔錯…Read More

今次來到黃埔吉吉島同一地點的上膳食堂吃晚餐。價錢不屬於貴，但絕對不算抵食。餐廳在晚餐高峰時段也只有寥寥可數的食客......不過好處是不用等位和同人鬥逼。這次我點了咖哩牛肉烏冬，烏冬是稻庭烏冬，非常幼滑，不過略嫌煮得太久，導致烏冬更加腍身。咖哩汁超級稠，味道極為濃郁，而且烏冬完全吸收咖哩汁，因此每口也咖哩味十足。牛肉味普通，不過吸收咖哩汁後變得異常美味，這大概可以歸功於咖哩汁吧！可是份量比較少，只有零聲的三數塊。…Read More

平時好多人認為food court嘅食物質素都唔係咁好… 今次我就去咗黃埔Aeon~ food court 裏面嘅日式餐廳，openrice 晚飯 la 😁個人認為呢間日式餐廳質素唔錯，坐得都幾舒服 值得一試:)我哋叫咗個刺身飯 ，燒汁雞扒飯 同昆布蟹肉沙律……首先講下次個刺身飯，有诲胆，虎蝦，三文肉同油金魚！雖然份量係細d， 但勝在食材夠新鮮配上珍珠米買真係好好味㗎！而個燒汁雞扒飯，就份量夠大，味道也很好夠 juicy ！我仲試左個有昆布蟹肉的沙律，份量也是細d但味道也唔錯… 所以總結而言，呢間food court裹的日式餐廳 ……係可以一試！11…Read More

今天因機玄巧合下，與友人相約到黃埔食午餐，因為時間不多，所以只去了aeon 附近找尋餐廳，未到午餐時間已經頗多人，原來今天係特價天，很多人也一大早掃貨，幸好，我早了少少到，視察一下有什麼好吃，剛巧看見一間餐廳仔，人不太多，位子也舒服就坐下來了，店員介紹一些特價午餐，我選了鯖魚定食，友人選了壽司定食。等了一會，食物來了，鯖魚份量是一整條，好底呀！心想它只是特價午餐，但也很認真做，味道更不用說，只是鹹了一點，飯更用了日本米，好甜好味，下次一定再幫趁…Read More

咁事源我陪我屋企人嚟到呢間上膳食堂試下。咁我地就叫左3個雜錦刺身丼嚟食,因為佢係menu個樣都係幾吸引,所以我地叫左嚟食。咁一開始食第一啖之後,我"哇"左一聲,因為真係幾好食,而且材料都幾新鮮,所以我食完第一啖之後都停唔到…Read More

夏日炎炎去食返個冷烏冬最合適不過，感覺好清新，配上蔥絲又開胃，食完成碟個湯都想飲埋。晚市個場唔算太多人，坐得舒服，周圍唔算嘈。同服務員有要求都好快有回應，唔會黑面，今時今日既香港算難得架啦。…Read More

星期四啦，做野攰到痴左線，可能坐太耐，坐姿唔啱，腰好痛，坐又痛，訓又痛，愈痛愈唔想郁，於是去最近既Aeon food court. 見到呢間，日本野就儘管試下，點知... 中伏。同另一位同事一樣，嗌左天婦羅餐。難食到不得了，材料唔新鮮，蝦呀蔬菜呀可以零味道，仲炸到勁乾又硬。蝦肉仲有D霉😖 天婦羅沾粉炸都竟然可以咁難食... 同事口味要求比我低，佢都覺得好乾無味好難食，所以完全唔係我太主觀。飯又求其用下等米，麵豉湯又咸似味精。唯一好食只有麻醬豆腐。哇...日本菜係咁架咩？ 我返屋企自己是但煮都好食過佢。真係好失望，呢間我black list，以後唔會再黎，好伏。…Read More

夏天好想食日本野，特別係魚生😝這裡價錢選擇有很多（$58-188） 最平既煎魚餐 都有幾款唔同既魚揀。小食連龍蝦都有架！不過我今次就食- 魚生丼揀了一個四色魚生丼 $158眼見款款刺身都大件夾抵食，蝦頭有膏，好肥美。帶子比想像中大粒，可惜 海膽 有點唔新鮮，影響了整個感覺😫相反平平的魚生丼$78有2-3款魚款，仲有隻大蝦。頹食黎講算係唔錯！每一款魚生飯都有一碗麵鼓湯。但佢既小店- 炸薯餅 係淋淋的，可以唔洗浪費錢 換購。…Read More

大家經常說，"行街睇戲食飯直落"，在黃埔不大的活動範圍內便可以滿足以上條件！今次我們選擇了位於黃埔那隻船裏Aeon旁邊的一間食店，上膳食堂晚飯。餐廳位於Aeon超市收銀處後面，在轉角位的她不難發現。店鋪要等位，我們便先取飛。雖然負責店員說話有點"掘"，但對客人都是細心的。同行有位長者，等位時店員細心地請老人家坐著等不會累，我們還沒有要求已經自動offer，很好坐下以後老人家覺得座位燈光很刺眼令眼睛不舒服，我們還沒有要求店員已經在旁邊聽到我們的對話，主動協助我們轉檯餐廳電子化落單，店員為我們送上熱茶放下tablet便走開。我發覺有個好處，就是即使你有選擇困難症選不到吃甚麼好，店員也不會不斷在你附近徘徊，給你壓力催促你快點下單，反而樣你慢慢選擇。不過，若有些老人家不太懂得使用tablet，不知道會不會有傳統書狀的餐牌呢？黑豚肉生薑燒定食先來。很可惜，這個豚肉很鹹，破壞了味道，如是正常的鹹度配飯吃應該會不錯的 菠蘿也很酸，那證明不是罐頭菠蘿了😂如題目所寫，推介這個比目魚西京燒定食！比目魚肉質嫩滑，表面稍微燒過更能帶出魚的香味，加上比目魚油脂較重，放在飯面吃魚油流到飯裏很好吃！ 如果你喜歡的話，也可以沾著旁邊的蛋黃醬吃。燉蛋質地夠滑，但如果有蓋子蓋著會比較好，可以保溫。:) 麵豉湯味道正常，裡面有冬瓜粒，三文魚碎等，但湯的表面很多油，是因為三文魚嗎？我們正在吃前兩個套餐，還有一個汁燒雞扒定食還未有來。查詢店員後，另一店員馬上捧著餐抱歉地送到我們面前。由於餐來得有點遲我們都在吃，所以沒有拍照了。可能是燒的關係，雞扒的邊位較乾，令食物質感偏硬難咬，不過味道還是可以的。店員很勤力為我們加水，吃完後可以坐著聊天，環境也舒服的。曾經吃過這裡的牛尾蛋包飯，牛尾不夠淋有點硬，加上今次的豚肉很鹹，水準有點飄忽，理應給"OK"的評價。可是，由於是次用餐我吃的是我認為好吃的比目魚，所以會給好評，也希望餐廳可以改善一下食物質素，保證食物不會那麼飄忽。:)推介燒比目魚，上至老人家下至小朋友也適合吃，魚油重好香好吃吃完日式晚飯後，可以到旁邊的日式超市逛一下啊！…Read More

話咁快又到年三十，同同事決定出去食餐好既，經過一番商討後，我地又黎到上膳食堂食我地最鐘意既櫻花丼定食。午市時段亦因為係年三十，所以客人比平時多，但因為我地早到，所以唔駛排隊就可以入座，侍應帶我地到卡位就坐，環境同座位依舊舒適。 上膳食堂依舊採用電子點餐，用平板電腦點餐真係方便又快捷，午餐時段提供特價午餐，定食配有沙律同麵豉湯。櫻花丼定食 $68 (三文魚、劍魚、三文魚籽、玉子粒、青瓜粒) 整體賣相好好，配上子薑，刺身切成一粒粒，份量多又肥美，有好多魚腩部位，但米飯比上次較為軟身，嚐不到有壽司醋味，飯量適中，另外沙律同麵豉湯味道正常，麵豉湯裡面有海帶同冬瓜，熱辣辣。服務依舊都係好好，就算出面有人等，都完全唔會趕你走，而且侍應仲經常主動加茶。午市套餐價錢都算便宜，但需另加一服務費，上年Aeon Card 有95折優惠，但今年已經無左啦。…Read More

星期五，要返工，lunch time同班同事去搵間好野食，之前見到位於Aeon入面嘅日本野好似幾抵食，今日就趁Happy Friday去會一會佢。特價午餐嘅選擇都幾多，魚生飯、天婦羅丼同燒魚定食都有，我就揀左天丼定食。成個set跟埋味噌湯同沙律，味噌湯唔算太鹹，味道OK，沙律入面有青瓜同紫生菜，配以日式麻醬，麻醬份量啱啱好，基本上每一片菜都可以沾到醬汁。天婦羅丼都算幾足料，有兩隻蝦、一條蟹柳 (分兩半)、兩片南瓜同一片冬菇。除左蟹柳稍為有少少雪味，另外幾件都炸得唔錯，飯底亦都幾軟熟，粒粒分明，只係略為dry左少少，食到最後都要撈埋天婦羅汁一齊食。見到同事食既魚生飯，好似唔錯，下次再黎可以考慮下。68蚊另外再加一，呢個價錢食到日本野，唔可以話好抵，但都算不過不失啦。…Read More

又到AEON超級星期三，決定外出逛逛兼同朋友午餐，經過一番商討後，於拉麵及日本餐之間，我選擇了後者，於是便向上膳食堂進發。午市繁忙時段，但客人並不多，所以不用排隊便可入座，侍應帶我們到卡位就坐，環境舒適，座位舒適，方便聊聊公司人和事，盡情gossip一番。上膳食堂採用電子點餐，所有菜式於平板電腦上一目了然，午餐時段提供特價午餐，我和友人不約而同選擇了櫻花丼定食，定食配有沙律及麵豉湯。櫻花丼定食 $68 (三文魚、劍魚、三文魚籽、玉子粒、青瓜粒) 整體賣相不錯，雖然刺身切成一粒粒，但份量頗多亦新鮮，刺身中亦見有魚腩部位，刺身肥美，而三文魚籽份量頗多，可見餐廳並不吝嗇，米飯軟硬適中，但嚐不到有壽司醋味，飯量適中，而且還有我最喜歡的子薑。定食來到時，沙律變了冷豆腐，但無所謂吧。冷豆腐味道正常，配上芝麻醬，不是十分滑但可以接受。麵豉湯味道正常，內裡有海帶及冬瓜，吃過冰凍刺身後喝一碗熱湯，完美。服務好，侍應經常加茶，當我和友人吃完定食後，侍應亦主動前來加茶，完全沒有被趕的感覺，值得一讚。午市套餐價錢便宜，絕對值得再來，如無意外，上膳食堂將會是我的食堂。 (需另加一服務費，如有Aeon Card有95折優惠。)…Read More