上海點匠滬點小廚

Open Now

Now Closed

最後一天假期後，逛得累了，路過這家上海菜館，有$280的二人套餐，性價比不錯，有小食、點心、主菜及甜品，而且差不多滿座，立即入座點餐吧！小食選了鎮江肴肉，是我們喜歡的上海菜式，喜歡高湯配合爽口咸肉，冷藏成結實的啫哩狀，入口即溶，又變回湯汁，混着肉在口腔內細味，不會太鹹，是開胃之選。點心選了小籠包，真的皮薄、多汁、餡多，上菜時熱氣騰騰，稍微等一等才夾起，一口一個，由於皮很薄，所以夾起來的時候要小心避免穿皮，考考自己的筷子功！主菜選了回鍋肉，腩片半肥瘦肥瘦，菜炒得爽口，帶微辣，還有青紅椒、乾辣椒幫助揮發香氣，大大碟份量足，吃得很爽！水煮魚有驚喜，賣相吸引，令人食慾大增，魚片口感嫩滑無骨，再加上芫荽、芽菜、薯粉、萵筍、雲耳，配料豐富！點了小辣，拌白飯吃，又香又麻痕過癮，很豐富很滋味啊！最後，甜品點了高力豆沙，上菜時還有一陣熱熱的霧氣。十分喜歡外層空氣感麵粉，一咬下，摧毀這個軟呼呼的麵團，超邪惡！豆沙蓉餡軟滑香甜，是口感與味蕾的享受！誤打誤撞的吃上一頓傳統上海美食，非常滿足，套餐$280，每位茶位$3，吃得好味又夠飽，超值了！

今日約咗好友飯聚，好友帶我去了她平時去開的上海小店晚飯，餐廳環境好有特色，入門即見溫暖嘅木質裝潢，牆上掛住一幅幅精緻嘅菜式畫，配上幾盆小花，感覺似入咗上海小巷嘅溫馨小店。我們叫了二人全日供應套餐，不但性價比高，而且菜式都非常豐富。花雕醉雞雞肉嫩滑入味，花雕酒香濃而不嗆，加了話梅浸泡住入口微甜，餘韻悠長，令人忍不住一口接一口。生煎湯包外皮煎得金黃酥脆，底香得像鍋巴，咬開湯汁四溢，鮮美得讓人眯眼偷笑，小心燙嘴喔！糖醋魚塊酸甜平衡，魚肉外酥內嫩，醬汁裹得均勻，甜中帶酸的滋味讓人胃口大開，配飯一流。花膠雲吞雞湯頭清甜，花膠軟糯，雲吞皮薄餡鮮，雞湯濃而不膩，暖胃又養顏。紅糖糍粑外皮Q彈，咬開紅糖如岩漿般流出，甜而不膩，暖心又滿足。環境舒適，菜式份量適中，適合小聚或二人世界。

😋依家食傳統嘅上海野真係買少見少嚕🥢有日經過佐敦無意之中見到呢間已經即刻bookmark左💯趁有時間就過嚟試吓🥳📍餐廳雖然無華麗嘅裝修❤️但就簡單企理👍仲多左份溫馨自然嘅感覺呢😍🥢麻醬雞絲水晶粉皮：啲芝麻醬好味好濃郁🫘雞絲粉量都唔少👍粉皮夠滑💯我哋係勁鍾意食麻醬❤️若果麻醬可以再加多啲就更加好喇😍🍲上海小籠包：呢個傳統小籠包😋皮薄餡靚☺️輕輕用筷子夾住個小籠包頂部🥢已經feel到小籠包入邊仲包住好多湯汁❤必食推介呀👍👍🐟糖醋魚塊：個汁酸酸甜甜好開胃🤤魚塊外酥內軟💯超惹味🥳🐤花膠雲吞雞：好大份花膠雲吞雞😍個湯底好甜又夠濃✅唔好睇佢哋嘅雲吞好似細細粒咁👍其實包住好多材料😍好實淨架😋🍧流心紅糖糍粑：即叫即做🔥皮薄薄又煙煙韌韌😋香醇嘅米味淋上濃濃嘅紅糖漿👍好特別✅幾好食😍

今日叫咗佢哋嘅晚市套餐一款冷盤 一款主食 一款點心 一款小菜 仲送甜品添❤️冷盤我揀咗醉雞啲肉非常之滑，而且甜甜地別有一番風味見到冷盤仲有雞絲粉皮餃自己又好想食，所以另外嗌咗 價錢都唔貴都係💰48花生醬味好濃郁 啖啖都有花生醬味但係又唔會漏點心我就揀咗小籠包 皮薄餡靚 啲湯多到流出嚟 但係又唔容易夾爛個皮都好，值得推介小菜揀咗回鍋肉 少少辣 炒到好乾身好香 最鍾意嘅水煮牛肉 起碼有20塊牛肉 配上咗芽菜薯粉豆卜 索晒啲味好正🤣佢唔會話好辣，但係就真係好香最後填方係送咗兩個糍粑俾我哋食比起平時嗰啲佢好特別，佢出邊係脆口嘅 佢係即刻整出嚟非常之熱，所以係好好特別 好好食另外叫咗兩杯大豆漿真係超級大杯 食到成枱都係日日都只係$360 不過下次兩個人淨係食個晚餐都好抵食🤣

行過佐敦，撞入「上海點匠」試佢哋嘅午市套餐，果然有驚喜！先嚟個蔥油拌麵，麵條夠彈牙，蔥油蝦米夠香，啖啖都掛住油香又唔膩，抵讚！跟住杯自製菊花蜜，甜度啱啱好，菊花味清新解燥，飲完成個人爽晒～ 香煎牛肉包一上枱就聞到香噴噴，外皮煎到金黃脆口，咬落去啲肉汁「咇」出嚟，牛肉餡醃得夠入味，啖啖肉唔會「鞋烚烚」。壓軸花雕醉雞真係一絕！雞肉滑到溜入口，酒香浸透每絲肉，而且加入話梅帶微微甘甜，食完真係想Encore！

是晚到了上海點匠食晚飯，店內客人不少，等左一陣店員便安排入坐。看看餐牌，選擇不少，仲有一人套餐、全日套餐等，價錢相當親民。點了一個全日供應的二人餐，包括冷盤、點心、小菜、主菜同甜品。冷盤點了⭐麻辣雞絲水晶粉皮，粉皮滑滑嫩嫩好好食，麻辣醬汁多香。小菜選了⭐蔥爆牛肉，牛肉嫩滑大蔥香口，正😋主菜則選了⭐自選乾鍋，點了麻辣口味配肥牛、肥腸、五花腩，店員話個鍋本身已經有素菜，建議我地選肉葷菜會豐富啲😆佢仲話個鍋好辣的，新手先試小小辣喎。上到枱又真係好豐富喎，除了自選三款餸，仲有蓮藕片、萵筍、土豆片、花菜等，滿滿一大鍋。小麻小辣口味啱啱好，越食越香好正🤤點心係⭐上海生煎湯包，賣相一盤點知有驚喜，個底煎得香脆，皮薄爆多湯汁，鮮味甘香，超好食‼️最後係甜品⭐流心紅糖糍粑，上枱時熱辣辣好流心，軟軟糯糯幾好食。兩個人食唔晒個餐，打包走左半個乾鍋同小菜，留返聽晚加餸先😆

我地揀左個二人餐$280包一份冷盤、一份點心、一份小菜、一個主菜同埋兩個甜品。.冷盤：鎮江肴肉係上海菜一樣常見既前菜豬啼入口一絲絲，加埋冷凍成啫哩狀既高湯，中和肉的咸味，好平衡，雙重口感好特別！👍🏻.點心：小籠包呢度小籠包真係好出色😋好少食到咁有質感既外皮，皮唔算好薄，所以夾住唔會未食就爆開🤣但食落超級煙韌，入面既汁都好多，真係好正！.小菜：宮保雞丁份量都好大份，個醬汁調較得幾好，酸甜度適中，每一粒雞粒都比汁包住。.主菜：酸菜鱸魚入面超級足料，鱸魚份量好多，魚肉好滑，最重要係無骨！配料有芫荽、芽菜、薯粉、萵筍、雲耳等，好豐富啊，送飯一流。.甜品：紅糖糍粑因為係即叫即整，所以送上黎時仲係噴煙💨糍粑炸到外脆內軟，紅糖都煮到流心好正，一咬就爆哂出黎。

上海點匠滬點小廚餐廳以暖黃燈光和木色桌椅營造出老上海氛圍，牆上淡雅的畫更添韻味。空間雖不大，但瓷碗竹筷擺放整齊，透著家常小館的溫馨感。  招牌小籠包上桌時熱氣騰騰，薄透的麵皮裹著晃動的湯汁。輕咬一口，雞湯與豬肉鮮味立刻湧出，沾點鎮江醋更添層次。菜肉雲吞浸在清澈高湯中，餛飩皮透出內餡的翠綠菜末與粉嫩肉糜。白菜脆爽肉香，湯底點綴著金黃蛋絲，樸實溫暖的滋味喚起兒時回憶。  排骨拉麵湯頭琥珀色，浮著晶亮油花卻不膩。細麵勁道，炸排骨外酥內嫩，配湯麵十分過癮。  最後來杯冰涼蘆薈利賓納，黑加侖汁酸甜濃郁，咬到蘆薈果粒時迸發清爽，正好解膩。整體而言，這裡的料理樸實卻充滿細節，價格親民，是能讓人回味的好滋味。

上海點匠滬點小廚推薦揀套餐💕岩晒有選擇困難既朋友仔🤣二人餐只係$280就有齊以下咁多款野食！一定夠飽😝-🥢 鎮江肴肉開胃前菜，每次食上海菜都會點🤣冷藏成結實的啫哩狀，入口即溶，又變回湯汁，混着肉在口腔內細味，不會太鹹👍-🥢上海生煎湯包生煎包好多肉汁，底部煎到好香脆，只係略嫌包皮有d厚-🥢 糖醋魚塊依個比想像中出色🤤糖醋魚炸到好香脆💕炸粉唔會好厚，放耐左都唔會淋晒😝魚柳啖啖肉☺️-🥢 花膠雲吞雞雲吞雞份量好多🤣有花膠娃娃菜/小棠菜/雲吞/雞髀🥰湯底飲落好香，唔係味精湯👍好鐘意個雲吞，食落啖啖肉💕-🥢 紅糖糍粑即叫即做，上枱時仲熱辣辣，一咬d紅糖係口入面爆發🤤

佐敦上海街真係有間上海店，趁母親節同屋企人試下。Set dinner $280 有齊冷盤、點心、小菜、主菜同甜品，好豐富🤩🥢生煎湯包：即包即煎既湯包果然內有湯汁👍🏻，肉餡唔會太咸。🥢糖醋魚塊：糖醋汁調得幾好👍🏻，好開胃。大大塊魚肉索滿糖醋汁，這是我最愛😍。🥢花膠雲吞雞：有幾塊花膠、6粒雲吞同半隻雞，足夠4人share。🥢麻醬雞絲水晶粉皮：粉皮爽口，加埋麻醬好香花生🥜味，啱夏天食。🥢紅糖糍粑：有甜品作結太開心了😃

今日係佐敦見完客就搵野食,佐敦都有間上海菜小店，見到佢坐滿哂咁多人食，決定入去試下酸辣湯拉麵 $50👍🏻👍🏻呢個酸辣湯十分足料，有豬紅同肉絲，個味整得幾好，個拉麵好爽口彈牙，十分抵食乾鍋牛肉配白飯 $68👍🏻👍🏻呢個乾鍋牛肉好大份，配料都好多好豐富，有薯仔、萵荀、蓮藕片，牛肉夠林同埋好多，炒得夠辣好惹味，配飯一流高力豆沙 2件 $20👍🏻👍🏻加配小食甜品都好抵，揀左呢個高力豆沙，甜得黎唔油膩

朋友介紹嘅一間上海菜正宗上海風味環境舒服😌夠闊落見到佢個全日套餐都幾抵食2人餐$280 包括1款冷盤。點心。小菜。主菜及2件甜品🍀四川口水雞麻麻辣辣 夠哂開胃🤤🍀上海小籠包（4隻）皮薄餡靚 每隻都好飽滿啖啖湯汁 勁滿足😌🍀糖醋魚塊酸甜酸甜 而且夠大塊配飯一流☺️🍀酸菜牛肉既有滿滿牛肉 配料份量十足 酸菜控表示驚喜🍀流心紅糖糍粑炸到香軟既糍粑 配搭流心紅糖唔會太甜整體來說 味道👅好 份量十足抵食推介 朋友冇介紹錯

超豐富！由前菜點心主菜小菜甜品，滿足哂💕仲要有得俾你揀添㗎！2人全日供應套餐 $280四川口水雞竟然全部都係雞髀肉，好嫩好滑！仲有層啫喱凍係雞皮下面，好好味嘅🥹食落唔會太辣添呀！啱哂我里啲怕辣嘅人！上湯小籠包（4隻）皮就略略厚咗啲，但係入面好多肉汁☺️肉嘅調味都非常夠，唔會太咸！！糖醋魚塊最欣賞呢個小菜👍🏻👍🏻真係一百分！糖醋魚非常之多，炸粉唔會好厚，亦都唔會淋晒，好新鮮明顯係即叫即整！魚柳啖啖肉，仲有好多配菜，菠蘿都好甜👍🏻食過數一數二好食🤤必嗌！！花膠雲吞雞（例）二人套餐，所以係例牌！但係份量都好多🤓一大個湯煲，入面有花膠娃娃菜小棠菜，雲吞，雞髀一隻！湯係奶白色，非常吸引，飲咗勁多舊！！娃娃菜索哂啲湯，每啖好似飲緊湯一樣，超正！！流心紅糖糍粑上面有黃豆粉，脆卜卜，熱辣辣！！作為晚餐嘅句號好完滿😍佢係有茶芥，係蕎麥茶，幫助消化😆👍🏻食飽飲番兩杯舒服晒💕

廟街平時都想找平靚正餐廳，剛行經有間 「上海點匠滬點小廚」人情味小店，環境乾淨企理，而上海菜式食物地道有水準， 我覺得價錢方面都唔貴，值得支持🧡蕎麥茶每張枱均有壺蕎麥茶，啖啖蕎麥香夠健康，而且只是$3 茶位呢！飲多杯茶有益上海小籠包上海菜最愛小籠包，皮薄多汁落湯汁爆滿好滋味酸菜爐魚片 可選不辣口味，酸菜魚開胃美味，爐魚肉夠鮮嫩鮮甜，配埋配料芽菜，豆卜等惹味十足！上海點匠滬點小廚地址: 香港佐敦上海街62號地下1號舖

性價比極高嘅上海菜二人餐！星期一至日都有。🔸2人全日套餐$280自選冷盤1款，點心1款，小菜1款，主菜1款及甜品2件🔹花雕醉雞雞肉瘦但唔嚡，吸收晒清爽開胃嘅話梅花雕汁。🔹上海小籠包（4隻）包薄到透光，湯汁多到誇張。🔹蔥爆牛肉大大片嘅牛肉口感鮮嫩。京蔥經過爆炒，香味逼晒出嚟。🔹花膠雲吞雞雞湯濃郁鮮味，雲腿味道好突出！例牌份量大概係¼隻雞，雞髀好大隻，兩個人都夠食。雲吞粒粒大隻飽滿。🔹流心紅糖糍粑糍粑煙煙韌韌，紅糖餡唔會過甜。