Shanghai Chun Chun Restaurant (Closed)

入去座，D筷子又（痴）立立，嘩台上D野好似無抹過好立，好恐怖，店員阿姐又求其，食物又一搬，諗住叫罐可樂乾淨D，點知面頭勁立。食完比錢，仲鬧我無單，佢自己無寫還鬧人！！…Read More

未食過咁難食的上海粗炒，冇料到連椰菜絲肉絲都冇，夠膽給客人食🤬，仲要收原價，同果個店員亞婆溝通，竟然話冇曬椰菜同肉絲，竟然夠膽照出，真係好野，另外仲要送漏另外一盒上海排骨粗炒及兩盒餃子，唔劣評都對唔住自己，請問食店冇材料係唔係應該如實講售完停售呢？既然接得單是否應該有足夠食材才接單呢？至於味道方面一樣冇味，要自己加豉油同埋辣椒油，才勉強食，真係貼錢買難受，總之劣評，10個差…Read More

今晚過來屯門, 唔想去連鎖店, 想食d熱野, 之後㨂左來依度, 其實好耐之前食過一次, 始終食飯時間, 都坐滿晒人客, 比安排坐近門口的圓枱, 望下餐牌有d選擇困難😆但唔想食好多肉又唔想食炸野, 最後揀左最清的🥬菜膽🥬菜肉雲吞配上海麵加凍豆漿, d野未到, 有張卡位走左, 姐姐叫我坐過去, 真係感受到乜嘢叫人情味的服務🥰👍, 好有愛🫶 之後送來湯麵和凍豆漿, 見到枱上有辣椒🌶️粉同🌶️辣椒醬😀我二樣都落左少少, 飲啖湯先, 淡淡地有d味, 再食啖麵, 一般上海麵的味道, 但唔會食落好硬好多粉的感覺, 而且份量都唔少😁, 再食舊菜肉雲吞, 個皮好滑又薄, 食到入面d餡好豐富好香🤩都比左好多舊👍👍菜膽係白菜膽🥬都好多棵😅加少少辣帶出更好味, 豆漿夠凍唔算太甜好飲😘🥰60元晚餐算係好抵食, 下次過來再食過😆…Read More

今日嚟到介紹平靚正之選，呢一間坐落喺屯門華都商場地舖嘅上海麵店，相信好多屯門人都係嗰度食過，佢喺屯門嘅歷史超過30年，今日我點嘅就係雲吞排骨麵，大大粒雲吞仲要有四粒再加一份豬扒，基本上一定飽肚如果食量唔多嘅朋友記得唔好叫雙拼唔好浪費食物，連埋杯嘢飲都係$60，佢嘅雲吞係豬肉裏面有冬菇厚厚嘅麵粉皮包住，係最傳統嗰隻上海雲吞，至於排骨喺我小時候成日覺得阿媽蒸餸啲排骨有骨㗎喎，但上海菜嘅排骨其實即係炸豬扒，啖啖肉嗰隻，以前小時候喺度食佢嘅炸豬扒係會另上有個碟仔裝住，不過可能要洗多個碟，增加咗營運成本啦，佢而家就放埋落去失咗少少脆卜卜嘅風味，不過都可以理解，小店就係要咁樣盡辦法降低成本係佢哋唯一嘅生存之道，至於點解要特別推介呢一間，其實食開上海麵嘅人都知道，當一啲有返咁上下年紀嘅上海麵舖裏就係一定有嘅精髓”辣椒乾” 。今時今日你出去食已經好難見到有辣椒乾擺喺枱面任你添加，而上海嘢喎梗係要有豆瓣醬啦，豆瓣醬主要嘅材料都係蒜粒同埋辣椒，咁至於其他嘅配料就每一間都會有少少分別點都好，嚟呢度食嘅記得落齊兩個調味料，咁樣成個面嘅風味即刻唔同晒，至於飲品我都係會點我最愛嘅凍鴛鴦，呢個真係情意結！…Read More

這間上海珍珍排骨麵已經在屯門華都商場開業很多年。雖是如此，我今天才是第二次吃。記得第一次吃時，覺得出餐有點馬虎，麵份量少，湯無味，雲吞皮是穿的，經歷了這次體驗後就已完全沒有再來的打算。過了十多廿十年再返來2刷，上次的進食體驗竟可保留到原汁原味。丁點改變都沒有，改的就只有價錢與我的口味。雲吞依然是穿皮，湯依然很淡。但現在對這個雲吞有點改觀，味道覺得很對版，是正常的味道，上海麵份量足夠，這點可能基於人大了，食量少了。麵質是少有點滑身，帶點煙韌。招牌炸排骨反而最無存在感，很一般。這個2餸上海麵+凍飲=$60都不平。經歷了這次後又不知幾多年後再來了。阿偉食價：很一般的上海麵店，就算是招牌炸排骨都說不上招牌。推介指數：5.5/10…Read More