上海會館

Open Now

Now Closed

今晚元宵諗住高高興興食一餐上海菜，點咗小籠包、雞扒湯麵、雪菜肉絲炒年糕、同埋豆沙窩餅。 雞扒湯麵都算正常，係啲雞扒鹹啲。小籠包就直程係唔入流。 不過都算啦，我食咁多年上海菜，從未見過人雪菜肉絲炒年糕要加豉油去炒。 因為炒年糕太鹹，食唔落，同侍應講叫佢換過碟，侍應就同我講話雪菜係咸嘅。 咁你都明知雪菜係鹹，你仲落豉油。 好啦，叫佢取消咗個年糕，嗌嗰個雞火炒飯，一坐就半個鐘，見住隔籬枱遲過我嚟都食完走啦，咁就追下個侍應，嗰時仲好意思同我講話師傅未炒，叫我而家先落單😡😡😡😡。嬲得滯，個炒飯同埋豆沙鍋餅都取消。 到俾錢，個收銀仲要懵吓懵吓，收多我錢，張單改完又要再改。 俾錢都仲要唔講聲唔好意思。 真係到而家都未嬲完，嘥咗我一個元宵節嘅晚上。🤬🤬真係借劉德華所講，今時今日咁嘅服務態度，得唔得㗎？

一向都鍾意食上海菜，今次同朋友喺附近，見到個樣都幾靚，就行咗入去食，點知呢個係一個錯誤選擇。上海菜講求濃油赤醬，就算而家啲人要健康，食得冇咁濃味，但係都唔係去到咁冇味㗎。清炒萵筍絲，萵筍唔甜，冇乜調味，除咗生日切得幾幼之外，真係冇嘢出色。菜肉雲吞仲過分，呢度係上海菜館，唔係廣東粉面店，點解會加咗紫菜落去，上海雲吞要加嘅話，應該係加雪菜或者榨菜，而家變成三不像。三鮮炒年糕，味道又係奇奇怪怪，三鮮材料一啲都唔鮮，火腿唔靚，蝦冇味，我真係理解唔到喺咁多嘢食嘅東大街呢間嘢點解生存到。

又到左食大閘蟹嘅旺季，見到呢間上海會館有蟹粉餐牌🦀，去試下先😋🦀蟹粉小籠包一咬開勁多湯汁，食得出有唔少蟹粉，配上豬肉，非常鮮味。🦀蟹粉翡翠菜苗菜苗新鮮爽口，配上甘甜嘅蟹粉，好滋味。🥢生煎包 包皮鬆軟，底部脆卜卜， 餡料豐富。🥢紅油抄手辣辣地好開胃一口一粒，食唔停口。🥢水晶肴肉囡囡最愛，佢鍾意有啲似果凍嘅質感，係冰涼前菜。😍🥤野生黑杞子菊花茶 黑杞子非常有益，抗氧能力高， 配菊花明目👍🥤熱豆漿 少少甜，豆香濃郁。🍩甜品 ：紅糖糍粑 囡囡鍾意食，外層脆卜卜，內裏煙韌。擂沙湯圓芝麻餡料，香甜煙韌。

呢間💛上海會館位於出名多野食嘅筲箕灣東大街，琴日接完女放學去左食lunch🥢餐廳勁多人幫襯，店員做到無停手。 🥄酸辣湯少少辣好開胃，裏面嘅筍絲同木耳絲好爽口。🥢小籠包好多湯汁，女女勁讚👍點心都係師傅每日新鮮手工做，好新鮮💯🥢菜肉大餛飩 紫菜湯底，餛飩幾大隻，餡料新鮮。🥢雞絲粉皮 好鍾意呢個上海前菜，粉皮滑溜，加埋 麻醬勁香口。🥢鎮江肴肉 女女最愛，口感似啫喱，擺盤好似水晶咁靚，口感爽彈。🐔花雕醉雞 呢個菜式係我最愛，花雕酒味超香濃，夠入味，雞肉嫩滑🥰 ❤️甜品：桂花糕晶瑩剔透，甜度剛剛好。 

我竟然喺筲箕灣比我搵到一間隱世嘅上海麵館，真心正，因為我見到我最鍾意食嘅上海雞肉煨麵，我喺出面食左好多間上海店都搵唔到有，依家麵館終於滿足到我嘅需求，佢個雞肉煨麵啲肉質係彈牙，好有口感，除咗雞肉煨麵，當然唔少得我最鍾意嘅小籠包，呢度嘅小籠包拍得起出面大公司嘅味道，非常多肉汁，個皮又唔會太硬亦都唔會太淋，肉汁係王道，另外個炸雞扒菜飯，又係好符合我嘅口味，炸得夠脆，食落又唔會話好多油嘅感覺，另外嗌咗個桂花糕，唯獨認為桂花糕可以再改善，因為真心覺得一啲味都冇，如果可以前少少有返啲桂花香味就非常好，最緊要店員服務好，快啲去食啦食得推介

早幾日去完石澳遊水。就近近地係筲箕灣到搵野食 好耐無去東大街 好多舖都吾同左 行左一陣都無咩岩心水 見到呢間上海會館就決定坐低試下先 因為都好耐無食過小籠包點心類 坐低個環境都好舒服 就睇下有咩食 點心類形都比較多 睇完就叫左小籠包 鍋貼 蔥油餅 豆沙窩餅等左一陣都好快到食物 小籠包皮好薄好多汁 夾起都吾會穿鍋貼 肉汁鮮 個底煎到好香脆 蔥油餅 咬一啖個口感鬆脆 之前係出面食過都好硬 有心機👍🏻豆沙窩餅 上枱時已經聞到好香 個味道有啲似蛋糕味 外脆內軟個皮 今次點心小食餐總括很好9/10 希望小店味道要傳承下去

雖然咁講一間餐廳真係唔係咁好，但係呢個真係真實嘅食評。今次我去到佢哋餐廳，食咗生煎鍋貼同埋佢哋嘅上海擔擔麵。1. 生煎鍋貼要$40得四隻，咬落去個皮好厚，而且豬肉比較乾，唔講以為去咗姐平民既小食店度買，感覺好差，極不推薦。2.佢嘅上海擔擔麵，味道都算OK, 但係麵條質地比較淋，一夾就難，真係一試難忘，唔想再食。好彩佢都係$45，如果唔係真係抌心口。講一講佢嘅服務先，上菜速度好慢，而且態度一般。總括而言，唔會再食呢間餐廳，希望食到一間餐廳可以對得住價錢嘅食物同埋服務。係我食咁多次中菜，比較失望嘅一次。

拎完野去醫院俾屋企人又係父親節懶得煮兩父女去食好些見到店外幾多人就無再考慮太多店有兩層都幾多座位話梅黑醋小排骨呢個餸好少見上海店有就決定叫來試試話梅甜甜又酸酸的幾開胃排骨吾會炸到過老肉質鮮甜酸辣湯麵 爸爸第一次食（覺得幾特別）我就覺得一般（辣味吾係好夠）偏酸鮮肉小籠包（4件）吾叫小籠包好做小甘d野吾太特別（好一般）凍檸檬茶凍檸檬意米水吾會太甜不錯的選擇ps:服務員態度好好（一般野上齊要求跟單都好快手幫忙跟）18：45廚房都幾忙，忙到出吾切小炒估計午餐時間應該都幾忙

6月4日友人放工後，一起到旺角午膳，再到太古廣場，我們沿著海濱步行至筲箕灣。友人喜歡吃上海菜，故與她重返這家上海餐館共用晚膳。這家上海餐館位於她家附近，方便友人經常前往光顧。雖然我已有一年時間沒有光顧，然而這裡的食物依然保持著超水準，遠超質素參差的王X沙和上海X婆。只可以說現在既傳統又保持到水準的上海菜館已買少見少。這間餐館環境舒適，最適合與友人聊天，而且侍應非常友善，令人賓至如歸。我們首先點了個小籠包，一籠有四隻，皮薄多汁，好juicy；第二道菜是燻魚，燻魚既可口又入味，而且份量不少；第三道是最值得讚賞的上海粗炒，這是小時候吃過的味道，那些年媽媽經常帶我和弟弟在紅磡369吃上海菜，369的上海菜是我吃過最美味難忘的，可惜多年前已結業，再也尋找不到這種味道，難得在上海會館重遇這份驚喜。最後一道是甜品：豆沙窩餅，記得襯熱食才能嘗到脆卜卜的外皮！總結，上海會館是一間很有誠意的食店，食物質素很平均，每道菜到很入味，沒有敷衍食客，會繼續幫襯。

如題，個侍應俾返張落單紙我地，正常人梗係以為落左單啦。點知坐左成20分鐘之後追單時，先發現個侍應原來冇落過單。佢仲好意思懵盛盛咁問返我地點解咁耐都唔「俾張單佢」。我地聽完之後立即走人。簡直係趕客。個侍應好似未瞓醒咁，喺間餐廳到游來游去。老闆，我都係想食嘢啫，但係你啲夥記單都唔落，咁啲食物幾好食都冇用啦。

週末本身是去東大街吃一家私房粵菜，結果沒有位置，發現東大街不少店都好多好多人，看了下這家，竟然有梅子排骨，是黑色的炸的酥脆那種，於是打算嘗試，味道不錯，份量也可以，還點了黃金蝦，蝦很大顆，鹹蛋黃也給的夠，另外點了一個三鮮鍋巴，也好可以

排骨炸到黑色嘅，硬到好似拖鞋，諗住講俾店主知，估唔到態度差到極限😨😨😨🥵🥵🥵價錢偏貴之余，態度十極差真的無辦法接受了….😤😤😤😤😤希望可以反省下

態度極度差劣 食物難以入口叫左糖醋排骨 排骨炸到過曬頭 咬都咬唔到要求換一碟飯 竟然比店家話係顧客自己嘅問題 完全不知悔改 無歉意 總之就係 差!!!!!!!!!!!!!!!!

今日第一次黎上海會館，入到黎店員即刻遞上餐牌，服務又幾好喎！我睇左一陣點左一個鮮肉小雲吞同排骨菜飯，無諗過都幾好食喎！小雲吞d皮都幾滑同d肉都食到鮮味，唔錯！唔錯！排骨菜飯，排骨係即叫即炸架！夠晒熱同夠晒脆，味道都好食😋菜飯啲菜都幾靚幾新鮮，起碼d菜嘅顏色係綠色，仲叫咗杯餐飲檸檬茶，啲茶味都幾好，冇澀味，我個嘴刁嘅仔！可以食晒碗小雲吞同d排骨，都幾岀奇，因為平時我仔係食好小野，食得晒，証明呢度啱佢食同好好食，所以總括嚟講下次會再幫襯👍🏻

這食店單張上，寫明（晚市-星期日及公眾假期，茗茶$3位）， 我假期下午茶時段，竟然可以收取$3茶位， 都不知已呃多少人。單張寫明是晚市時段，星期日及假期才能收，店員胡亂收取費用。