Shanghai Po Po 336 (Closed)

在東港城經過上海婆婆336，同以往一樣，入去幫襯之前都諗住打開OpenRice 望下食評參考下，竟然發現寫住已結業字樣...心諗一定系網站搞錯了，店鋪正在營業中吖！中午時間推出午市套餐，超抵食，幾十蚊可以小菜套餐又可以麵點套餐。包埋酸辣湯，上海風味不容錯過，而豆漿就加6蚊，豆味十足。松子大黃魚套餐價比單點平好多，抵食！魚肉質鮮嫩，晤厚炸粉，好易入口，啖啖都是肉的感覺很令人滿足，上海口味酸酸咪咪又勁開胃，跟左一碗白飯，很好送飯。一場來到又想試下上海小吃，我地揀左桂花糖蓮藕，桂花味好出眾，甜絲絲甜而不膩的感覺要比佢一個贊。小食拼盤可以試多幾款上海菜，質素不俗。叧外值得一贊的系羽衣甘藍春卷，外脆內嫩，估唔到佢個餡系紫紫地色，好特別，菜絲入味散發咸香味。…Read More

門口位的衛生真係好差，一入座見到紙巾上面有舊塵，餐具都有塵，不過廢事調位就叫佢換晒啲餐具再自行清洗一次😥抬頭一望，天花的橫樑裝飾佈滿塵埃🤮間唔時會有隻類似飛蛾的物體飛過以前食過坐入面係無哩個問題🤷🏻‍♀️.黃金炒飯 $75黃金炒飯即係鹹蛋黃炒飯，蛋黃味非常濃郁，食得多會有啲漏份量係非常之多，完全超出預期雪菜炒粉皮 $63雖然雪菜唔係好多，但味道好香，可惜有啲油膩上海小籠包 (4隻) $36熱辣辣好好味😋湯汁唔會好鹹包皮略嫌少少厚，整體而言係好食嘅紅油抄手 (6隻) $48哩個紅油抄手無乜辣味，有少少甜味，就連唔食得辣嘅我都食到，正正因為咁唔夠香口餃子皮都算滑，肉質結實…Read More

中國菜中上海菜也頗受歡迎，而且很久沒有去找上海婆婆了， 所以今次專程來到這間店晚膳。首先点了皮蛋豆腐，流心的皮蛋加上滑滑的豆腐，先打開胃口。另外上海小籠包是上海菜必選的，薄薄的皮內包著很多的湯汁，非常好味。今次不点上海粗炒，而点了碟上海炒麵，麵質不錯，味道不太濃，剛剛好。還有露筍炒百合，清甜嫩嫩的露筍，不太老，非常嫩，加上鮮甜的百合，有益之餘又好吃。另外留意一下， 只要在 fd 內讚好， 店舖就會送一客蠔油炆筍小吃，這樣也不錯。…Read More

肚仔餓，但又想輕食。結果見到上海婆婆既午市餐牌有飯有麵、又有點心、酸辣湯咁樣。結果就忍唔住入去喇。麵餐跟一個點心！唔係好多餐廳既兩粒一粒，小籠包有四粒小籠包底有一片好薄既白蘿白，入面既湯汁熱，但未至於會淥親個咀。叫左野生椒牛肉撈麵，牛肉只係普通貨式。但d 辣椒真係唔講得小呀，有紅椒仲有一隻青色𠺢（青色果隻係酸味多d 既）。飯餐就叫左四季豆，無乜特別，但就跟一碗酸辣湯。酸辣湯唔夠酸，辣味唔算重，但就落足料。以上海餐廳黎講，有飯、有麵、有酸辣湯、有小籠包包括晒響個餐度。仲要係有水準既。真係要再黎。…Read More

喺附近行緊街唔知食咩好 經過上海婆婆見唔洗等位就去左食 佢有午市套餐 呢個餐廳啲小菜最味 所以適合多人嗌黎share 可以試多啲唔同既餸 我同朋友三個人叫左雞絲粉皮 黑醋排骨 宮保雞丁 炸醬麵 個午市套餐包埋一碗飯同酸辣湯 個酸辣湯都真係幾辣 不過我個人鐘意食辣所以覺得幾好味 四樣餸入面宮保雞丁最好味 啲汁味道都幾濃 第二就黑醋排骨 都幾多肉 骨唔會好大 但啲肉有少少紅 至於炸醬麵同雞絲粉皮就冇咩特別 啲粉皮都幾乾 完全唔滑 啲醬仲有啲潔添…Read More

之前食過味道都可以，所以今日經過再次幫襯，由於假期沒有下午茶餐，最後點左小籠包，煎鍋貼同排骨拉麵。幾分鐘後，煎鍋貼先上，一咬之下，皮較硬，食到牙肉有小小痛，而且無乜味道，唯一可取係有小小汁。之後小籠包到，味道尚算正常，相比其他之下，已屬很高分。最後係排骨拉麵，試一口湯後，係無味，於是落左豆板醬先叫有番啲味，排骨炸得很乾，可能放得耐左，而且無味，最後食左3件，其他只好放棄。之後埋單$160，相信沒有下次了。…Read More

天寒地凍唔想煮飯， 於是就去咗336上海婆婆度買外賣返屋企食。 我哋兩個人， 叫咗一盒蟹粉小籠包， 川椒辣子雞，同埋銀芽炒鱔糊。 蟹粉小籠包皮薄餡靚，有蟹粉味， 美中不足嘅係 ，佢哋畀嘅醋裏面沒有薑絲， 呢度要扣少少分。 而炒鱔糊就好好味，不太鹹， 值得一試。 川椒辣子雞就非常辣，唔食得辣嘅朋友就千祈唔好試喇。 之前都已經食過336上海婆婆好多次， 質素一向都唔錯， 推薦嘅食物有：小籠包、炒鱔糊、鍋貼 、排骨擔擔麵，同埋炒黃魚。…Read More

昨天到東港城的上婆婆336外賣了兩份小菜後，今天再次來的時候，又看見排隊的人數很多，所以仍然選擇了外賣兩份小菜作為晚餐。今日點了一份紅燒獅子頭($75)和一份黃金四季豆($72)。外賣的份量依舊比堂食的較為少。紅燒獅子頭的肉質夠淋，沒有肥膏，不算太油膩，還有一些小棠菜，份量亦算足夠，味道不錯。黃金四季豆是極力推介的!!!黃金是指用咸蛋黃來炒四季豆，非常香口，很惹味。由於用咸蛋黃炒，膽固醇會比較高，所以高膽固醇的朋友要留意不可以吃過量啊!…Read More

今日晚上約七時，去了位於東港城的上海婆婆336。原本打算堂食，但估計需要等候約一小時才可以入座，所以便外賣了兩個小菜回家跟媽媽吃飯。單點了一份黑醋排骨($76)和一份紅燒煸尖豆腐($65)。外賣時間總比等候入座的時間快得多，大約等候二十分鐘，食物便準備好了。外賣的份量好像比堂食的較為少。黑醋排骨酸酸甜甜，味道有很濃的黑醋味，有種開胃的感覺。黑醋汁伴飯是必然的!! 有部份的排骨只有肥膏，太油膩了，不過有部份的排骨的肉質挺好的。紅燒煸尖豆腐雖然是清淡的小菜，但略為咸了些。豆腐新鮮，配料有尖豆，筍和香菇。一份酸酸甜甜的，一份清淡略咸的小菜配白飯，很豐富的一餐。…Read More

細佬因為意外而觸發右肩舊患，隨着病歷個案由私家醫院，被轉介回到政府醫管局的「將軍澳醫院」，由「將軍澳醫院」的矯形及創傷骨科醫生接手跟進過後，終於都來到需要進行手術的時間。阿媽在早上，陪伴細佬入住「將軍澳醫院」裡面的病房，然後細佬正式在醫護人員協助下送上病床，送入手術室，再接受醫院裡面骨科醫生進行的微創手術。細佬接受「將軍澳醫院」的骨科手術後，右肩的骨骼骹位終於都成功駁回，之後就一直需要繃帶以及紗布等等醫療用具，去維繫右肩的骹位固定，然後長期接受物理治療，直至右肩完全康復為止。晚上我跟阿媽、細妹，再次從西貢來到「將軍澳醫院」，來到病房發現細佬，在進行手術之後，一直躺在病房上面昏昏欲睡，對我們的呼喚都沒有太大反應，直至護士又要替他進行檢查，我們要離開病房為止。不過阿媽缺乏常識的表現，結果害我在「將軍澳醫院」，被病房裡面的護士阻止。那件事就是阿媽忽然在便利商店，購買了四支樽裝的「葡萄適」，還叫我拿着「葡萄適」送上病房。我在護士阻止之後，才知道原來「葡萄適」含有「咖啡因」成份。「葡萄適」原來有咖啡因，這是我以前一直都不知道的事，我以前大病入醫院，阿媽還送「葡萄適」給我，我到現在才如夢初醒。我無辜辜慘被病房裡面的護士告誡阻止之後，滿懷對無知阿媽的怨恨，一個人回到醫院樓下，將事情都一五一十告訴給阿媽跟細妹知道。然後我們三人，就回到坑口商場區食晚飯。我們三人到達「東港城」，結果在行人天橋通道入口位置，找到了「上海婆婆336」這一間上海菜餐廳。「上海婆婆336」其實跟我上次，在寶琳幫襯過港式餐廳「羅X記」有關係。要數「上海婆婆336」跟上海菜的招牌菜式，當然非「小籠包」莫屬。不過「小籠包」裡面的餡料是豬肉，所以我今次就遺憾地，嘆息自己與「小籠包」有緣無分了。反而「上海婆婆336」其他的招牌上海菜菜式，例如「韭黃炒鱔糊」、「松子黃魚」、「黃金炒飯」我都勉強還可以試食享用。反而我最緊張的是，「上海婆婆336」有沒有雞肉菜式提供？結果我發現了一件有點不幸的事情，就是原來「上海婆婆336」，大部分含雞肉在內的菜式裡面，大多都是味道比較偏辣的菜式，例如「宮保雞丁」或者「川椒辣子雞」。結果我們詢問過「上海婆婆336」的侍應，好不容易才能叫到一客，可以走辣的「川椒辣子雞」，我才倖免於難，還能吃到一餐有雞肉的晚飯。至於我們在「上海婆婆336」裡面，為了找到可以讓「川椒辣子雞」好能夠送飯的飯類菜式，又不想只是一碗平凡的「絲苗白飯」，又要在「上海婆婆336」的餐牌裡面苦苦搜查。直到我終於成功，在「上海婆婆336」的餐牌裡面，找到了一客以鹹鴨蛋為材料，成功炒出來的鹹鴨蛋炒飯，炒飯的名稱則叫做「黃金炒飯」。跟著阿媽又點了一客濃油赤醬的「醬燒茄子」，我們三人在坑口「上海婆婆336」裡面的菜式，總算都成功叫齊完成了。對我來說，坑口分店「上海婆婆336」餐牌最令我有點感到不足的地方，肯定是「上海婆婆336」餐牌，欠缺了一些非辣味雞肉類型的菜式。反而其他的「上海婆婆336」非豬肉類菜式，沒有我最初預期那麼多，如果不是因為「上海婆婆336」還有無骨「松子黃魚」的話，我在「上海婆婆336」吃的飯，其實稱不上很如意。我之所以喜歡「上海婆婆336」的「松子黃魚」，是因為「上海婆婆336」的廚房，在「松子黃魚」的魚身上淋灑大量滾油，令到黃魚魚骨口感鬆脆到，可以直接咀嚼吞掉落肚子裡面。而且「上海婆婆336」的廚房師傅，還為「松子黃魚」的表面，煮了一大片的甜酸味道醬汁，醬汁令到黃魚魚肉幾乎完全熟透，把黃魚魚肉撈勻甜酸醬汁一起食，才能吃到黃魚魚肉的滋味效果。而且「松子黃魚」黃魚的魚骨，被「上海婆婆336」的廚房，以滾油淥到接近完全熟透的程度，魚骨實際上的口感，已經是鬆脆到可以咬碎，完全不用擔心有魚骨哽塞咽喉的意外發生。至於「上海婆婆336」另一道菜式「韭黃炒鱔糊」，「韭黃炒鱔糊」的味道又是甜味加鹹味，是名副其實的「濃油赤醬」，「韭黃炒鱔糊」的味道，是很適合配飯享用的菜式。「韭黃炒鱔糊」裡面的黃鱔，被「上海婆婆336」的廚房伙計，拆到近乎完全無骨，所以「韭黃炒鱔糊」裡面的鱔糊味道又有醬油的甜味，鱔肉口感又屬於很軟腍，是很易吞嚥的魚肉。再加上被完全炒熟的韭黃，所以「上海婆婆336」的「韭黃炒鱔糊」口感很軟腍，味道很甜很濃，符合了上海菜「濃油赤醬」，大甜大鹹的味道作風。至於我們臨時拜託「上海婆婆336」侍應廚房，臨時為我們「減辣」的菜式「川椒辣子雞」，「川椒辣子雞」味道果然造到無辣味的感覺。取而代之的「川椒辣子雞」味道，則變成了鹹味，因為「上海婆婆336」的廚房師傅，應該有加入鹽去為雞件調味，造到「走辣」版本「川椒辣子雞」，味道由辣味變成了鹹味，這味道我感覺可以接受。「醬燒茄子」雖然有夾雜了少許豬肉肉碎，不過我還可以勉強把肉碎剔除，剩下的醬燒茄子口感被煮得十分軟腍，茄子裡面的醬汁味道十分之濃厚，甜醬汁味道頗為足夠。至於「黃金炒飯」，由於「上海婆婆336」有加入鹹鴨蛋去炒飯，所以「黃金炒飯」實際的味道，是偏向有點像「黃金鹹蛋炸雞」一般的鹹甜味道。「黃金炒飯」裡面的口感，除了有鹹鴨蛋的蛋碎之外，還隱約夾雜了一些蝦肉，蝦肉的口感尚算彈牙，加上鹹味的鹹蛋碎粒，所以「黃金炒飯」的實際味道十分香口，味道包括了鹹蛋的鹹味跟甜味。雖然「黃金炒飯」還有蝦肉夾雜在裡面，然而蝦肉始終不是大蝦中蝦蝦肉，所以食客不細心搜索的話，隨時食也未必發現得到，實際鮮蝦的蝦肉。至於「減辣版」的「川椒辣子雞」，「川椒辣子雞」雖然已經被完全炒熟，而且雞肉味道吸引了大量鹹味跟辣味，但是雞肉肉質口感稍嫌被炒得過老，雞肉入口口感變得稍硬。不過，既然「上海婆婆336」的廚房，也有依照我們臨時的要求「減辣」，所以即使「川椒辣子雞」製成品味道由辣轉鹹，我也沒有對「上海婆婆336」的「川椒辣子雞」味道有不滿。「上海婆婆336」始終屬於，適合大夥人一起幫襯的食肆。所以即使「上海婆婆336」味道不算差，侍應又是有求必應的理想服務水平，我就算再喜歡「上海婆婆336」，現實我也很難一個人幫襯「上海婆婆336」，下次何時有機會食「上海婆婆336」也成問題。…Read More

因為媽媽喜歡吃上海菜， 晚上專程到東港城的上海婆婆336用膳。我們大約六點半入座，點了四小拼$102，鱔糊粗炒$92，生煎鍋貼$36，雪菜肉絲炒年糕$75，香蕉高力豆沙$48。四小拼有鎮江肴肉，小排骨，脆鱔，烤麩。鎮江肴肉晶瑩通透，但啫喱部分比較多。小排骨有點似糖醋排骨，甜甜酸酸的和肉質鬆化。 脆鱔入口卜卜脆，食到停唔到口。烤麩口感煙韌， 味道唔錯。 生煎鍋貼 一碟有三個， 可惜唔夠熱，還好肉餡鬆軟爆肉汁。雪菜肉絲炒年糕， 年糕煙韌有咬口，配上雪菜肉絲不油膩。香蕉高力豆沙一碟四個， 送上枱的時候香噴噴脹卜卜， 裏面還有香蕉和豆沙，面層布滿糖粉， 入口綿滑香軟。鱔糊粗炒是我最喜歡的上海菜，麵條炒得夠韌性，味道剛剛好不會太鹹，唯一感覺鱔的質感比較軟身。整體上來說上海婆婆336是一間性價比高的上海菜，價錢便宜和質素唔錯。店員服務態度可以。…Read More

👉🏻百葉結紅燒肉💲85 望落去好多色水但食落好淡味 一啲都唔濃🙄不過舊肉都ok嘅半肥瘦得嚟瘦個part又唔會好乾好硬🤔〰〰〰〰〰〰〰〰〰〰👉🏻黃金炒飯💲72又係望落好黃但冇味🤦🏻‍♀️完全唔夠鹹蛋黃又唔夠香 好淡🙄但又係得啲蝦煮得幾爽口🦐〰〰〰〰〰〰〰〰〰〰👉🏻336上海小籠包(4隻)💲36好大粒!勁多湯👍🏻(不過可能因為皮都比較厚🤔)但都係個句: 好淡味🙄〰〰〰〰〰〰〰〰〰〰Search過呢間好似係「上海婆婆」嘅副線，裝修同食物都針對年輕人，味道上略作調校嚟變得健康一啲，所以所有嘢都好淡味🙂我下次就去試下丄海婆婆會唔會直係重口味啲🙃…Read More

我跟女朋友都是喜歡吃上海小籠包，可以說是上海小籠包的忠實粉絲。雖然香港並不是有很多地方可以吃到好吃的上海小籠包，但是亦有一些餐廳是值得推介的。就好像我今天要介紹的上海婆婆336！上菜的蒸籠在小籠包下放了一塊可以令小籠包不會癡底的，十分貼心。小籠包的皮很薄，而且他的湯也十分甜☺️令人有一種好滿足的感覺。本人十分喜歡咬開他的皮，再慢慢感受他的湯，看到入面滿滿的湯就知道他十分用心炮製這個小籠包！再加上肉的質感同埋味道嘅配合。最後，我和女朋友叫了12個小籠包，每人六件！真的滿足☺️…Read More

琴晚晚飯突然想食小籠包，將軍澳區上海菜餐廳選擇唔多，所以就同屋企人去咗上海婆婆食，雖然係晚飯時間，但係都唔需要等位好耐。本來想點蟹粉小籠包，但係原來上海婆婆無，所以就叫咗普通小籠包，一籠有四個，餡皮唔會好厚，裏面肉汁都幾多，一啖一個好滿足。👍🏻個黃金炒飯都好好味，炒飯夠乾身夠火喉，充滿鹹蛋黃香味，粒粒分明，份量都幾多，可以分到3-4碗。蒜泥白肉就一般般，有點太乾。餐廳上菜速度非常快，值得一讚。…Read More

同朋友相聚，佢地話想食上海菜，於是就搵咗最近嘅上海菜餐廳-上海婆婆。好彩人唔算多，所以即刻有位。前菜揀咗蒜泥白肉，但係有少少失望。醬汁好濃，但係肉太乾身所以冇辦法完全吸收d醬汁。平時食小籠包最怕遇到外皮好厚，但係呢間既小籠包外皮做得好薄，皮入面湯汁同餡料都好多好juicy，必點之選！川椒辣子雞相比之下一般般，辣度夠，但係雞肉整得稍為太乾唔夠滑，同埋會越食越覺得鹹，要係咁飲水。整體來講都算唔錯，但未至於會好食到想係咁翻單去食～…Read More