上海坊

Open Now

Now Closed

穩世上海食店，上海坊，位於大窩口邨旁的一間小店，裝修簡約，但食物質素就不得了。今次因為突然好想食擔擔麵，小籠包子，酸辣湯，所以上嚟找找附近食店。擔擔麵，湯濃花生味香，最重要份量可足夠2個人，所以大家要睇住嚟叫餐。一般上海店要食酸辣湯都一要叫一個order。好多時就怕食唔晒，就叫唔到，這間好在跟餐+$9就有一碗，最啱我呢啲想食，但又唔係食佢為主。再嚟一個上海粗炒加排骨(即係豬扒)，這間的粗麵麵質非常之彈牙。然之後再嚟一個order.小籠包子，皮薄有湯汁，薑絲在枱上預備好，任你加，這個就真係要豆漿需然係支裝，但店主叫的這個品牌，甜度適中，適合現時大部份人的口味。

今次lunch time同同事去呢間上海坊，試吓上海嘢，我叫咗鎮江骨菜飯，整體都好好味，不過以健康來講，如果可以加啲菜就好，不過+$有菜飯都ok ge，如果大家想食健康啲可以加$9叫多碟菜。另外佢呢個餐仲送熱豆漿，佢嘅豆漿係一大支，真係好鬼抵，加埋都係$49 ，會再幫襯。而我個同事就揀咗口水雞，佢俾咗啲我試，有啲辣，好惹味，個雞肉夠淋，整體好好食😋呢間鋪仲有一點都好值得讚揚，就係店員嘅服務態度都唔錯。

🍜食物都是熱騰騰的，上海排骨麪的麪條很滑，不過像加了味精，吃完嘴巴有點乾。小籠包有大餐廳水準，咬破了外皮，鮮濃湯汁湧入，很是暖胃，抗抗外面的勁風。👊有空閒的可以看看中英對照的餐牌，有電腦創意翻譯。外國人看了蛋香手抓餅的譯名應該會非常困惑，蛋內不只有骨頭，還有整個拳頭？

經常喺呢個地區出沒，都冇留意有呢嚇間舖頭，之前抱住試伏心態，嗌咗醉雞拌麵、水煮牛肉麵同小籠包，點知有驚喜，可惜冇影相冇得同大家分享，所以今次再戰一次！環境好一般，舖頭好窄，不過都企理嘅，當日好多人，我地坐門口位，好多人叫外賣出出入入，店員又唔會閂門。酸菜魚麵配料有魚、金菇、芽菜、仲見到有啲香料魚嘅份量好多，好滑唔腥，可惜好多骨我好欣賞個湯，我嗌小辣，麻酸辣齊晒，好有驚喜，金菇勁索湯好正！不過上次試過佢嘅湯麵好淋，淋到唔想食，所以我今次叫佢爽口啲，真係好食好好好多，麵條爽彈仲有啲掛湯！豬軟骨拌麵配料有豬軟骨、炸蔥、青瓜、醃蘿蔔同辣椒我朋友好欣賞佢個醃蘿蔔，問個店員有冇得買😂豬軟骨偏鞋，份量唔多，建議嗌其他餸伴麵醬汁微酸，加埋其他配料好惹味，麵條彈牙，即使冇餸就咁淨麵加配料已經好好食唔記得影餐牌同單，賣單唔洗$100，下次再試其他！

晚飯時段行過見到menu幾吸引 嗌咗個鎮江骨加菜飯比咗錢先但冇單比我 諗住個阿姐記得 點知兩三個字後再問我叫咗咩飯😓 原來係唔記得拎到外賣打開見到個賣相有啲失望😞味道尚可 但個樣唔係好吸引

之前睇到有好多網友介紹呢間上海小店好味今日放工就去買外賣返屋企試試其實上海野黎講我最鐘意食上海粗炒，小籠包，酸辣湯今日唔係太肚餓所以只係試下佢個酸辣湯加鮮蝦水餃不過佢係呢區黎講價錢唔算平要$45而份量就係個外賣碗既一半多少少對於大食d既人黎講份量係少咁味道方面，無諗過一試會咁咸又咁酸🤮食左幾啖真係食唔到改為食幾粒水餃🥟因為個湯太咸既關係 水餃既味道一d都食唔出亦食唔到有蝦🤔最後個湯唯有倒左佢😓

午餐食菜肉雲吞擔擔麵+西洋菜水餃擔擔麵+$6有凍豆漿擔擔麵湯底好濃厚，麵嘅口感都不錯，而且辣度適中，好味雲吞咬開入麵有湯咇出黎，意想不到。水餃菜味都好香，意想不到

在香港找出來正宗上海菜是不容易的。連鎖店的上海菜不是正宗的。連鎖店的服務員都機器人🤖️機器人🤖️都沒有關心客人的客人為什麼花錢過來餐廳🍴食飯？客人希望感受到好食😋。好舒服😌。很滿足。這次我找到了性價比高的小店。這些小店真的需要保護。『擔擔麵』『小籠包』『酸辣湯』『手抓餅』『炸饅頭』『豬軟骨』『酸菜魚』『鎮江骨』『口水雞』『生煎包』『喝醉雞』『上海排骨』 (*´ω`*)加油💪⛽️💪⛽️💪⋯⋯

今日等先生收工都十點，不少地方開始都關門，見到有間叫上海坊的餐廳沒有關門就入去試一試，入到去見到有客餐選擇，我地就叫了醉雞和2個客飯共一百四十九元，上海排骨，水煮牛肉配菜飯飲奶茶和檸檬茶。沒想到有水煮牛肉而且味道都幾辣又香，牛肉都可以夠軟熟，飲品就味道普通不太難飲，排骨都夠熱同帶微脆，菜飯好味夠新鮮又夠多菜好味道，忍不住食了一碗，醉雞份量都可以，多汁但不夠味，雞都夠嫩但不夠酒香入味就差點，這價錢都可以而且又收得比較夜，下次可以再來吃其他。

今日午餐時間,路經這店,見有位同幾多人食,所以試下呢度的上海食物店舖細細,坐位唔多,食物選擇都幾多,中午有套飯餐,同麵餐,飯餐仲有白飯或菜飯選擇今日叫咗上海排骨酸辣麵,賣相唔錯,個湯酸辣味剛好,唔會太酸或太辣,裏面有荀絲,豬肉絲,蛋絲,仲有少少豆腐,入口有點稠,但唔錯黏口,個麵麵質都幾爽口,散開都幾多排骨另上,排骨用上脆粉炸成,都幾粉薄脆口,但味道較淡,似冇醃過一樣總括嚟講,排骨酸辣湯麵都只係$40,都真係幾抵食

大廈街的小店開了關了, 這個位置今次開了一間上海店, 今次與朋友到來, 一入店內, 見幾位也食這個, 於是問服務員, 她說是套餐的荔枝白肉, 正, 就黎一個試試, 57蚊連支裝豆漿, 算唔錯的, 如果唔係菜飯會平少少。朋友叫了口水雞米線, 口水雞不錯, 份量亦多, 米線就看似水一般, 朋友說加了鹽的湯。我的荔枝白肉來了, wow, 裡面除了有肉之外, 還有薯仔粒, 是一起炸的, 所以很香口, 很脆。至於白肉, 有點肥肥的, 講真, 好好味, 送飯一流, 加上佢新鮮炸起, 不過, 亦因為惹味, 所以亦比較咸, 我所說的重口味。間中食是不錯的, 看最後碟上剩下不少油的。小店可以繼續支持。下次再試其他先。

朋友介紹話呢間好好味抵試，仲話雞經常好快賣嗮，假期就特意搭車去大窩口試，結果爆場~~~好彩好快有位，到我們剛剛落完單就聽見叫到雞沽清賣嗮好彩快一步有last 一份！今次試佐 花雕醉雞，濃香入味！份量又足，真係抵食！只不過後來飯都唔夠我食老闆好好人仲免費幫我再加些飯下次再試埋口水雞！推薦招牌小籠包，皮薄多汁，又唔膩，原來全店包點係師傅全手工即包即整！手藝唔錯,卑個Like 絕對抵試！仲另外叫佐些包點同小食，我們幾個人叫佐整枱野，埋單人均得$40！整間店加野出野都有水準，人又nice,一定會再幫襯！

好喜歡上海菜，原本想新開試下，點知店員態度勁差，又唔知頭唔知路，數又計錯，得嗰幾個客都可以轉頭就唔記得D人落左咩食。。。。野食又唔好食，酸辣湯勁淡又無味，小籠包一夾就穿，三個字食完，唔會再幫襯！好耐未試過食野食到咁嬲。。。。