Video
2-min walk from Exit B2, Shau Kei Wan MTR Station
continue reading
Telephone
66795166
Opening Hours
Today
11:30 - 22:30
Mon - Sun
11:30 - 22:30
Above information is for reference only. Please check details with the restaurant.
行過東大街想食個便飯就行左入嚟見到裝修都唔差圖片又吸引以為冇伏點知食完之後覺得非常一般雖然就話嗌嘅嘢都唔係特別算上海菜，但係都覺得唔算正宗首先我地兩個人嗌左三道餸埋單286，但係份量少到兩個人都食唔飽第一道：避風塘雞翼啲蒜頭未炸透完全唔入味第二道：小辣既酸菜魚大失所望份量唔多 剩係得一堆豆芽加咗$20寬粉，結果撈嚟撈去得嗰幾條第三道：小棠菜正正常常冇嘢好講但係份量實在太少重點係食到一半仲要聽到隔離顧客同個員工講話啲餸好難食🤨
continue reading
上星期日，本着留港消費，支持香港經濟💪🏻💪🏻💪🏻，所以開車去東大街食晏，過往主要食魚蛋粉，但係已食得太多！見到一間叫‘上海會館’嘅上海食店，就抱着一個喜悅嘅心情入去食嘢！入到去後，感覺不良好，每一個服務員，沒有第一點笑容及反應，但係已經坐低，唯有叫咗三碗麵、油伴春筍及小籠飽，點餐時間為2:45，大約半個小時之後，首先嚟嘅係油伴春筍，之後就係小籠包，首先要講嘅所謂春筍應該係‘ 老筍’ ，超過一半係咬唔開，本着體諒及包容嘅態度，沒有半點投訴嘅想法，之後小籠包到啦，一睇就知道係超級市場貨式，一咬落去全中，仲有一點油膱的味道！之後我哋足足等咗30分鐘，完全冇到過食物，期間其他枱嘅食客都不斷催促，有一台行山客，十分之生氣，話等咗一個鐘乜嘢都冇，咁我哋都去催促，侍應回覆話樓上好多訂單，你哋要等吓，有一啲老街坊食客，即刻就話你樓上根本都冇開，何來有訂單呢？侍應毫不理會，大約再過15分鐘後，只有兩碗麵到咗，我哋總共叫咗三碗，之後同服務員溝通，佢話再查吓，當然態度都係唔太好，先讓太太及兒子先進食，不竟已經3:30PM, 我哋點嘅係排骨擔擔麵，麵質係超腍🥶、湯完全冇擔擔嘅味道😓，只係有花生醬味道而巳，所謂嘅排骨，非常嚴重嘅雪藏味道，冇辦法，已經中伏！因為已經落單，費事俾人話我哋無賴，再三追問，第三碗幾時到，已經過一個多小時，服務員話再跟進！其實我最主要表達嘅唔係食物質素，因為完全冇質素可言，而係應該有嘅服務態度或經營者的良心，香港經濟已經不甚樂觀，作為香港人嘅一部份，我哋都支持本土經濟，但係有一啲食肆無論老闆及服務員，都係不求改進，依然故我，以為自己係救世主，你入嚟食嘢係求我施捨你，完全唔會反省，所以我哋奉勸各位消費者，都要支持一啲有責任、有良心嘅食肆！
continue reading
喺筲箕灣睇完戲，路經，俾佢嘅裝修吸引，就走入去試吓。我們叫了小碗酸辣湯，好味嘅，多料，不過就有啲鹹。小籠包就普通啦，好大嚿肉裏面冇乜湯汁😂 同埋叫咗特價乳鴿，一般。整體冇乜特別。
continue reading
點了一個二人套餐，兩湯兩食送，分別係蔥爆牛肉同糖醋魚塊，兩飯一甜品。 另外叫一個蒜蓉炒菜心。點餐後，侍應問我地要菜飯定白飯，咁我地話要菜飯。埋單後，發現每個菜飯收$12。 但餐牌冇講，侍應問我哋時候亦都冇話俾我聽有價格分別。我哋之後同侍應講，佢話佢哋菜飯係另外加錢，唔肯退錢。其實咁樣有冇違反商品說明條例？另外，所有餸都好鹹，尤其是個蒜蓉炒菜心好似食緊啲鹽落口咁…. 唉😮💨就係咁俾佢糟蹋咗一個難得可以輕鬆出外食下飯晚星期六晚上….最後埋單$406就係食咗啲咁既野……. 好鹹呀，要去飲番杯水先……
continue reading
我地叫咗4樣野食，1.三小樣小食:個鎮江肴肉好食，燻魚正常，個筍好鹹2.話梅黑醋排骨:鹹！3.鮮肉小籠包:比較一般，普普通通4.醃篤鮮:唔正宗，冇竹筍，淨系得少少金華火腿同d菜。(諮詢咗一個高高地嘅年紀稍微大嘅服務員阿姐，佢話醃篤鮮本身就系冇竹筍嘅，非常堅決肯定。希望個老闆可以再培訓員工對於菜色嘅瞭解，或者更改下個menu名稱，起碼英文唔好寫bamboo shoot soup with salt pork)5.會館炒飯:非常鹹！
continue reading