最近因為整親隻腳搞到肌肉嚴重撕裂，所以醫生比咗個悠長假期我，日日喺屋企無所事事就睇吓屋企附近有咩新嘢食，搵搵下發現有間小店轉咗賣雞湯粉麵，一向鍾意雞湯嘅我就緊係要試吓啦！叫咗媽媽幫我落街買，買咗三碗唔同口味嘅雞湯米線，包括：- 雲耳勝瓜龍躉雞湯米線- 藥膳花膠雞湯米線- 桃膠椰子雞湯米線媽媽就揀咗雲耳勝瓜龍躉雞湯米線，未打開前以為得兩三片嘅龍躉魚片，點知一開發現一大嘅塊龍躉扒，少骨肉滑，媽媽一邊食一邊話好好味，仲即刻話自己變咗龍躉粉。哥哥就揀咗藥膳花膠雞湯米線，打開個蓋就即刻聞到濃濃嘅藥膳味道，果然足料！而雞件亦都好滑。而我就揀咗桃膠椰子雞湯米線，呢期氣管又唔多聽話，揀桃膠椰子潤一潤吓個肺，媽媽話睇到佢倒咗個椰皇嘅水落個湯底，而飲落仲有濃濃嘅椰香味道，果然真材實料！果然唔可以睇小一D小店，小店大驚喜！…Read More
