上古坊 (Closed)

好耐無過上水啦，今日去探朋友，經過聞到濃濃蛋糕味，原來有間古早味蛋糕，仲有無糖精、香精、奶精既酸奶，買黎今晚屋企Happy Friday 嘆下～店門空間大，一邊賣古早味蛋糕，一邊賣手調飲品，古早味蛋糕有9款，每款都有現貨。黑糖蛋糕高身，觸感柔軟，口感鬆軟，甜度不高，清香唔黏牙。紫菜肉鬆味蛋味濃郁，口質鬆軟，肉鬆鹹香，紫菜提升鹹味。草莓肉肉酸奶酸奶口感幼滑，香甜帶微酸，飲到新鮮草莓粒粒，香甜又少甜。上古酸奶紫米加酸奶原來咁夾，紫米味濃郁口感香滑，少甜好健康。好近火車站，交通方便，下次再嚟～…Read More

上古坊今日去開上水見到依間新開嘅餐廳，係咪最近好流行嘅古早味蛋糕同埋酸奶，鍾意食嘅我當然唔會少得，來到上水都要試一試抹茶古早味蛋糕佢哋嘅綠茶味都幾香，蛋糕軟綿綿好好味，比出邊嘅仲更加入味肉鬆古早味蛋糕唔好講笑佢哋肉鬆真係好好味肉鬆加古早味絕對係必食之選士多啤梨酸奶意想不到嘅咁多士多啤梨肉而且依度嘅酸奶唔會太甜味道啱啱好燕麥酸奶健康之選燕麥酸奶好食又好味又健康估唔到上水都有咁好味嘅酸奶同埋古早味蛋糕，下次經開上水都有手信啦…Read More

喺上水做完嘢，見到一間新開張小店，有好多唔同口味既古早味蛋糕呀!!!而且有8折添~~最方便係佢有埋QR CODE，知道哂幾點有咩新鮮出爐既蛋糕，極度細心呀！而且店內衛生意識極高，喺呢個疫情下，呢方面真係好重要！買咗2個口味~睇住厚厚既蛋糕，真係好治癒~~現場可以選擇切定唔切，我就選擇咗唔切，因為預咗要放雪櫃(可存放三天)，空氣接觸面越少越好~重點係佢仲有酸奶提供，口味超級多!!而且透明度極高，見到哂製作過程，師傳對於每種材料既份量都一絲不苟，真令人期待製成品~亦可以跟個人喜好而ORDER~非常貼心！我點了草莓同哈蜜瓜口味~由於酸奶係比一般飲品濃郁飽肚，所以SIZE唔會太大，呢個份量我認為係剛剛好~酸奶口感幼滑，酸味剛好，濃濃既奶香，令人有幸福感~用粗飲筒，可以吸埋果肉出嚟~抺茶($65)~抺茶香氣很強，唔會太甜亦沒有抺茶的苦澀味，口味調教得剛剛好，口感綿密同時充滿彈性~真心LIKE!!流心芝士($75)~芝士既咸香味係無其他嘢可以代替，非常足料，芝士餡料十分RICH!!係芝士控必點ITEM~…Read More

早排行開上水舊墟食早餐, 行過一間賣古式蛋糕既地方, 見到佢的價錢比其他舖平，而且有做8折，所以就買嚟試下。每件件蛋糕都好大舊，佢仲可以幫手切埋，真係好貼心 。佢另外仲有酸奶賣，除左原味上古酸奶，仲有撈埋新鮮水果既水果鮮奶。最後買左兩種味：一件核桃, 一件黑糖.我要左杯蜜瓜牛油果酸奶, 牛油果味唔重，但有清新味幾香, 酸奶似芝士奶蓋, 幾好味.朋友就要左燕麥酸奶, 燕麥都唔少，加埋酸奶咬下咬下，都幾正！核桃蛋糕, 非常軟熟既蛋糕, 焗完既核桃都好腍一啲都唔硬.黑糖蛋糕, 相對上比較香甜, 鍾意黑糖的朋友一定可以試下。…Read More

流心芝士味蛋糕 $75肉鬆古早味蛋糕$75紫米上古酸奶 $28牛油果酸奶 $28去開上水，經過呢間新開嘅古早味蛋糕店，仲要啱啱新鮮出爐，叫左兩儲味試下。兩款蛋糕都好鬆軟，而且各有特色，肉鬆滿佈蛋糕表面好豐富，而流心芝士🧀🧀一睇條人龍就知係人氣之選，有街坊甚至話每餐前一定要食一舊，睇住員工將大大個枕頭般嘅蛋糕切成方塊特別治癒。另外我地都試左酸奶，牛油果酸奶好有驚喜🥑🥑真係用原個牛油果黎整，好fresh，朋友就試左三分糕嘅紫米酸奶，真係一啲都唔甜，keep緊fit嘅女仔飲都冇負擔😏…Read More

趁住今日休息，約埋朋友去上水墟食午餐兼辦年貨。Shopping 之際聞到陣陣香氣，尋覓之下，原來係符興街開咗一間蛋糕店，賣的是現在火紅的古早味蛋糕，因蛋糕剛剛出爐，所以附近都瀰漫着蛋糕香味。除咗剛出爐的流心芝士蛋糕外，還有多款味道：朱古力、抹茶、黑糖、紫菜肉鬆⋯⋯😄心大心細諗左陣，揀左2款蛋糕。流心芝士當然唔少得，爆漿芝士咸咸地仲會拉絲😍蛋糕質地鬆軟，入口濕潤😋。另一款係肉鬆味✌️蛋糕面及夾層鋪滿肉鬆，蛋糕屬於少甜配方😘家人嚐過後表示十分喜歡👍店舖除咗蛋糕之外，店員推介仲有自家發酵的酸奶，配以新鮮水果即製，亦可以揀冰量和甜度，咁又試吓新嘢先😄小時候紅豆燕麥酸奶一個好特別的名稱，以酸奶為基礎，加入紅豆及燕麥，既是一杯飲品，用嚟當作早餐或下午茶都幾健康👍芒裏偷閑酸奶店員從雪櫃拎出芒果，即時去皮切粒，再加入酸奶調配而成，味道可口。…Read More

大熱的古早蛋糕終於嚟到上水喇。今日來到石湖墟的《上古坊》。古早蛋糕的專門店。9款古早蛋糕每天在不同時間新鮮出爐。今日就遇上核桃味和流心芝士味古早蛋糕。熱烘烘的古早蛋糕質地鬆軟，濕潤。蛋味香濃，這就是外表平凡的古早蛋糕吸引人之處。優質原料，無香精、無糖精、無奶精完全係新鮮蛋黃的香氣和味道。店舖另一邊係賣上古酸奶，款式組合很多，好吸引。不過今日天氣太寒冷，都係飲返健康又䁔胃的穀麥熱飲。下次再試。未飲顏值已經取勝。粉紅色的杯，配粉色的熱飲，點可以唔俾like 👍🏻杯杯都用足材料。玫瑰紫薯臟臟茶紅豆燕麥黑芝麻綠豆百合糖水堅果大滿貫…Read More

近期新寵古早味蛋糕，全家都好鍾意食，見到上水新開 上古坊 早味蛋糕店，就忍唔住入去買來食，朱古力味同合桃味新鮮出爐，店員都推介😬😬好香👍👍試左朱古力味同埋合桃味，另外見到好少有嘅酸奶，就買咗兩杯返去俾小朋友飲，小朋友就飲小時候紅豆紫米酸奶，佢哋就話好香濃奶味，兩個爭住飲，擰轉頭就冇晒元氣紅棗紫米酸奶幾特別，好適合冬天飲，紅棗嘅香味配合紫米糯香，這個配搭不錯，配酸奶更加健康呢🤣🤣蛋糕方面，唔會太甜，好啱我一家人口味，蛋糕非常鬆軟，係濕潤嗰種蛋糕嚟嘅，就算放到第二日做早餐，都一樣咁鬆軟，下次經過一定要試埋其他味😍…Read More

由上水回復平靜，唔再一街都水貨客之後，我都多左係上水行街買野，今日路過舊墟，見到新開個古早味蛋糕做緊優惠，我就街去睇下，見到蛋糕同野飲都有折，咁緊係要買來開心下啦，我自己同媽咪都鍾意食肉鬆，所以叫咗肉鬆古早味蛋糕，另外叫咗個芝士流心古早味蛋糕俾小朋友食，但其實最後食得最多嗰個好似係我，因為啲芝士會拉芝，仲鹹鹹香香加上蛋糕嘅鬆軟可口，真係忍唔住食完一舊又一舊，肉鬆味我媽咪就好鍾意食，我食咗一舊都覺得好好味😋飲品方面我哋就叫咗酸奶，我見有個好特別嘅小時候紅豆紫米酸奶同埋元氣燕麥酸奶，兩款都好似好養生健康咁，飲落又幾好味，好香奶味，甜味剛剛👍🏻…Read More

今日去上水食午餐，行過上古坊 門口見到朱古力味古早蛋糕仲有3分鐘出爐，想試朱古力味好內，期待出爐🥰🥰等緊之際，就點兩杯酸奶來飲住等🤣🤣新出的熱玫瑰紫薯臟臟茶，味道好特別，玫瑰味好出，加上紫薯既香味，少少甜好順滑凍酸奶楊枝甘露，酸奶既味好好飲，好似飲緊希臘乳酪咁，因為叫左走甜，楊枝甘露酸酸地好開胃，水果好新鮮，一食就知係靚貨。飲左一陣朱古力味古早蛋糕出爐啦，我見有8折就忍唔住一次買左兩件朱古力味😬😬返到屋企立即會冇左大半盒，想留來第二日做早餐都冇機會🤣🤣第二日食都非常鬆軟，佢嘅蛋糕係比較濕潤，唔會乾爭爭，隔一日兩日食都仲係咁好味，最緊要唔會太甜，早上配返杯熱茶來食就一流👍…Read More

每次行過都好想買來食，但次次都冇買，但今日見到全場8折！！😍😍全場8折😍😍全場8折😍😍全場8折😍重要的直說3次！！！我同自己講今次一定要買買買，爆買一下。我見到現場有流心芝士味、原味、抹茶味、肉鬆味，我本身想食肉鬆味，但排到我個時肉鬆味俾人買哂😭，但好在仲有流心芝士味，我最後就買左流心芝士同原味，因為媽咪唔食芝士，所以我可以一個人食哂成個🤣🤣，媽咪都話個蛋糕好好味，就算放多一兩都食一樣咁好食，叫我多d買返來👍🏻最緊要個流心芝士係有拉芝效果，咸咸地既芝士加上唔太甜既蛋糕，真係好夾😋我見8折咁底都要買埋野飲試下架，凍小時候紅豆紫米酸奶 $28同熱綠豆百合糖水 $20，兩杯都好好飲，酸奶好對味，係我目前飲過最好飲的酸奶飲品👍🏻…Read More

有一排冇黎行上水舊墟，今日去上水舊墟買野，經過見到新開張賣古早蛋糕，剛剛見到新鮮出爐，即排隊買黎食，而且仲有8折優惠，好抵食店鋪除了有古早蛋糕，原來仲有酸奶買，古早蛋糕有9款口味，原味、黑糖、茉茶、核桃、朱古力、杏仁、肉鬆、流心芝士、紫菜肉鬆。原味-剛剛新鮮出爐，一陣陣蛋香撲鼻，好吸引，第一啖咬落去口感非常綿密鬆軟，濕潤而不黏口，蛋香非常濃郁，大大件，做早餐，下午茶最適合不過。流心芝士-芝士味非常濃厚，蛋糕與蛋糕之間夾著一層厚厚的芝士，仲有流心效果，十分吸引，食落有點似鹹蛋黃味道，一點都不膩，估唔到與蛋糕非常之夾。燕麥酸奶-酸奶加了燕麥，有咬口，不會太甜，好健康，幫助腸道蠕動。草莓肉肉酸奶-酸甜多汁的草莓打成粒粒，酸酸甜甜，口感順滑…Read More

疫情又沒得去旅行唯有吃當地美食解決心癮台灣出名美食多所以今天決定吃台灣原味道最近在香港古早味蛋糕大熱但並不是每一家都好吃上水這家就能做到跟台灣古早味蛋糕一樣能入口即化還有軟軟綿綿的感覺還未到店已經有很多人在排隊原來最近做活動有八折優惠我到的時候隊尾已經在門口外他們每一種口味都有相對的出爐時間如果想吃到最熱辣辣的出爐蛋糕可以用qr code下載看看今天試了流心芝士和原味兩種流心芝士真的好香芝士香濃一切開滿滿的芝士溶漿就爆滿芝士有點咸香類似咸蛋黃的咸香味蛋糕鬆軟而且很滑吃起來有濕潤感不會太乾原味就能吃到香香的雞蛋味用料十足另外買了兩款飲料包括小時候紅豆紫米酸奶和紅豆燕麥黑芝麻酸奶是自己發酸吃到酸味重不會太甜我喜歡這酸味黑芝麻那款十分養生都是健康的紅豆、燕麥和黑芝麻有點像芝麻糊要吃就要吃台灣原味道我下次想試紫菜肉鬆味蛋糕…Read More

近年古早味蛋糕 人氣高企，宜家終於到上水都有得食古早味蛋糕啦！呢間古早味蛋糕店喺符興街，都好近街市㗎，買完餸過去買盒古早味蛋糕就啱晒。店內有足足9款口味嘅古早味蛋糕可以選擇，包括有原味、黑糖、抹茶、核桃、朱古力、杏仁、肉鬆、流心芝士同紫菜肉鬆 味，不使用香精、糖精、奶精，新鮮又健康。流心芝士古早味蛋糕買個陣剛剛出爐，就算返到屋企啲芝士仲流緊，而且味道好濃，濃到有啲似蛋黃醬嘅味道，好好食！紫菜肉鬆古早味蛋糕食完鹹鹹地嘅流心芝士，再食個甜甜紫菜肉鬆味試吓。紫菜同肉鬆都好足料。蛋糕質地鬆軟又濕潤，蛋味香濃，.無論配上芝士或紫菜肉鬆都係perfect match，鹹甜味都咁好食！食完蛋糕當然要配返杯飲品啦，店主好有心思，提供自家製酸奶，100％即切即釀，啖啖都係果肉，同古早蛋糕都襯呢。草莓肉肉酸奶新鮮士多啤梨再加Yogurt，唔會好酸，yogurt比奶昔杰少少，又綿綿地好特別，兩位公子爭住飲呢。元氣燕麥紫米酸奶平時喵奴食糖水最鍾意叫紫米露，原來放落yogurt酸酸地又幾開胃喎！燕麥可以改善血糖、血脂偏高等問題，又可以改善便秘，再加埋紫米同yogurt真係非常健康，啱晒想好味又健康嘅我啦。…Read More

區區都有古早蛋糕~終於開到去偏遠地區😆行過見到有大窗口放出黎嘅蛋糕即時心心眼😍仲要岩岩出爐~好熱架~我因為選擇困難症揀唔到食咩味好，左諗右諗，加上做緊折，最後揀左兩個味買多啲同朋友分享一下😆又可以試哂兩個最想食嘅味👍🥢咸蛋流心芝士蛋糕切出黎啲芝士仲係圖上嘅狀態，加上鬆軟嘅蛋糕，真係好滿足！蛋糕嘅蛋味香濃，結構綿密，又有彈性，質素很不錯😉咸蛋嘅味也保持得幾好👍🥢紫菜肉鬆味呢個就咸香之選，又有紫菜，又有肉鬆，加埋原本就唔錯嘅蛋糕，可以一次食好多！😆 我貪心，如果可以多啲肉鬆就更好！啖啖都有~😉🥢古早手工乳酪紅豆燕麥芝麻味~熱食幾有趣，唔算好甜，芝麻味會多過紅豆~但有紅豆同燕麥幾好咬口。真心，作為早餐嘅話係幾好~又飽又有營養😆…Read More