三郎麵燒屋 (Closed)

今天和同事去蘇屋村做事，終於可以收工，就到醫肚時間。由於果頭不熟，見到三郎，見門面不錯，一於入去睇吓試吓。三郎主打車仔麵和燒烤，呢種配搭都好少見。燒原條蒜蓉茄子，燒烤常點的一款菜，就是普通，才值得一試。放心，餐廳並沒有令我倆失望，蒜蓉足，茄子入味。牛油果豬肉卷，車厘茄卷食得多，牛油果都係第一次。在燒烤的過程中，豬肉的油香已不自覺的入侵了牛油果內，令我們更珍惜每一口的味道。車仔麵（貢丸、滷水雞中翼、滷水撈丁），三郎推介的滷水撈丁，我們又點可以錯過，再加上滷水雞翼。滷水最緊要香，撈丁最緊要彈牙，食客最緊要清盤。車仔麵（咖哩豬皮、清甜羅白、魚皮餃、黑木耳、粗麵配藥膳汁），除了滷水，藥膳湯底也很吸引我，總之，就是清盤好了！

在蘇屋邨對面、近明愛醫院附近有一間頗為隱閉的小店。小店主攻車仔麵、串燒、啤酒飲料等。麵屋價錢實惠，走大眾化路線。車仔麵價錢由自選兩餸的$23起，其後可追加其他材料，價錢並以總數最低價錢計算。計算方法十分公道。自選四餸車仔麵（$34）👍👍👍👍我選了四餸車仔麵，除了自選的兩餸外，我還追加兩樣材料。四餸分別是咖喱魚蛋$6，咖哩豬皮$6，清甜蘿蔔$6，唐生菜$5。麵底選擇有八款，湯底辣度分大、中、小，還有腩汁、清湯、咖喱汁和藥膳汁可供選擇。油麵粉量很多，爽彈煙靭，蘿蔔清甜無渣，豬皮爽脆入味，魚蛋有三粒。店內的自家製蝦油，味道有點像 XO 醬，但還多了一重蝦油的味道，加入少許於車仔麵，蝦油散發的香味，令人胃口大開。***************************串燒-雞軟骨（$14）👍👍👍👍雞軟骨口感脆而不硬，加上適量的調味料和辣粉，味道惹味。串燒-牛舌 （$24）👍👍👍👍薄切的牛舌片，雖然是薄片，但入口爽彈，又不會太乾，還可選擇辣度。串燒-牛脷心（$25）👍👍👍👍👍牛脷心是厚切方塊，入口多汁！彈牙、有㬭勁，牛味香濃，高度推介。涷檸茶（+$8）👍👍👍👍麵餐加$8（涷飲），加$6 （熱飲。

係明愛醫院附近見到，好耐無食過車仔麵，所以就試下啦，見到鋪內有串燒食，見到串燒就好想飲啤酒，不過lunch就唔好咁任性，睇裝修夜晚係到食串燒，應該都幾好feel因為想食串燒，所以簡單要左個2餸車仔麵，魷魚同炸魚片頭，不得不說本身已經有落蝦米干，令碗麵更有風味，但佢的秘製蝦油，真係好香好惹味，一定要落之後串燒就一定要耐d,先黎蝦膠釀茄子，茄子仍然好新鮮juicy，而茄子面上有煎到卜卜脆的蝦膠，另外再叫左雞胸肉同牛油果牛肉卷，兩個都燒得岩岩好，肉嫩外少少脆有機會夜晚再黎食，嘆啤酒都幾舒服

本身見呢間門面望落唔錯，諗住夜晚簡簡單單食個車仔麵，仲加左串燒司華力腸同餃子。入去到完全無人招呼，廚房門長開，見有一台客飲酒食串燒，自己坐低後，寫低落order紙再遞單，過程都好順利。之後就一直坐等左好耐都未黎，催一催就答有落到單，問其他只叫等等，廚房製作中，出左個串燒又再等十年。最後等左成個鐘，由8點等到9點，決定起身取消order同埋單，呢個時候先送碗麵黎。其間亦無交待過要等咁耐同等既原因。水準就係同自己煮既無分別。

今日突然想食串燒，返學附近有間串燒店，價錢幾平，好啦～就決定食尼間啦。間店都幾難搵，咁岩隔離係車房，d維修人員遮住左，幸好見到佢個易拉架先知間店既方向。燒雞皮勁正香脆入味，必試。雞軟骨有d失色，好細，不過都好食。另外，雞脾肉？黑椒豬頸肉？（最上果款）？唔確定，尼個都唔錯，好淋好好食呀一見鍾情。金菇肥牛，一口食左第一個，算ok，但可能見到太多油了，有些卻步。食第二個時，無咁好食。邊個話燒茄子細架，我信左所以點左好多串燒。黎到時，我見到好大條，嚇左跳。。。心知大鑊了，可能食唔晒。蒜頭好重味。。。食完飲好多水，佢仲係度。咁即係好足料，唔錯。同埋茄子口感一流，一夾成條起，食落去，入口即溶，超好食，值得一試。燒冬菇好食，比較軟淋淋但有口感，好香冬菇味，值得推薦不錯。燒四寶丸都值得推薦，每粒都燒得好香口，就算咩都唔落，但每粒都好入味尼個唔建議食，雖然外層燒到好脆口，但我咬唔到d肉，覺得好“un”。。。麻麻地。據說係燒爽五花腩肉，可能本身好食，但咁岩廚師失左手。整體，咁既價錢都幾抵，感覺唔錯，值得推介。不知不覺點左咁多。。。飽到我食唔晒。

放工後身體疲憊，隨便就找了間餐廳吃個飯再回家，看到這間麵店新開又平，於是決定試試果然好平！$23有兩餸麵，點了個米線，牛腩加蛙蛙菜。份量不算少，米線，牛腩相當稔，有一般麵店水準。除了蛙蛙菜竟有菜心送？我受寵若驚，菜心比蛙蛙菜還多，有些驚喜串燒不算貴，$18一串左右，又點了幾條，牛豬雞各一，各自都經醃製，味道好濃，食水不深。價格不貴，食完都那麼多肉同米線，都只是60大元，出面食個飯都要這價錢，淺嘗或荷包乾枯不妨一試

過深水埗買嘢，晚上嘅時候想起之前來過食嘢唔錯的，今晚又再來幫襯。加左啲燈燈，好青春喎！自選三餸車仔麵 （娃娃菜、滷水豬大腸、肥牛）真係唔可以相信眼前呢碗係20幾蚊搞得掂嘅車仔麵，食到佢用嘅材料都唔係渣野，仲有嗰個豬大腸，真係林過香口膠，肥脂位簡直係入口即溶，幼麵嘅麵身都好彈牙。豬肉牛油果卷真係想不到$18一串的串燒，竟然可以係咁高質！或者我應該用埋高檔次來形容!用上牛油果同豬肉呢個配搭，牛油果滑溜之中帶少少鮮味，配合埋豬肉的肉香,好Rich。牛肉爆茄卷爆茄呢個名真係唔誇張,飽滿嘅車厘茄外面用燒得香香嘅肥牛包住，咬落去首先係肥牛上面嘅燒汁的滋味，接住爆出來嘅茄汁一同食,係別一番風味，茄汁嘅酸味同埋燒汁嘅甜出奇地配合。然後一個chewy ，一個juicy 的口感接續呢個味道。腩肉串店員大力推介我試吓個豬腩肉，反正我都唔怕肥㗎啦，多塊腩肉有咩所謂（總共多三塊 ) ,點知出來效果係令人喜出望外，我仲以為會係三件肥淋淋的腩肉，但經佢地燒過或者嚴選食材的關係，望落去呢三塊肉都唔似太肥，食落味道好香添，似韓式燒五花腩嘅level。

位置雖然有點偏僻, 走左一個圈, 原來係車房隔離, 但這店的車仔面水準真的不錯同朋友每人叫左一個3送GE車仔面再一人一杯野飲,埋單都係$64 total推介推介

一個人唔知食咩好，見附近呢間車仔麵幾特別，又高評分，心諗唔會差得去邊呀。去到見到環境幾特別，同一般車仔麵有好大分別，仲見到大大隻字寫住23蚊兩餸車仔麵， 好似幾抵咁。 坐低叫咗碗粗麵加底加 豬紅， 鹵水大腸， 柱侯牛腩， 鹵水雞翼尖， 再加多個蒜蓉燒茄子我前面有三個人未有嘢食，最後我等咗15分鐘左右先有個面，上餐速度一般，但最緊要係啲嘢食ok，點知一試真係幾失望。 個牛腩唔夠淋，而且冇乜味,牛筋就好少少； 鹵水大腸亦都好唔夠淋,好煙韌,味道就正常； 之後個雞翼尖就好夠淋，但完全冇味個面都好失望，煮得太淋之餘麵質好差。唯一最好嘅就係個豬紅，味道幾好。再等多十分鐘左右，個燒茄子上埋。見到賣相已經一般，好細條，個樣好乾,一食落去真係乾。雖然個茄子本身夠甜，味道都算夠， 但係真係幾乾同埋佢燒燶咗好多，個底同邊嗰啲基本上食唔到。整體嚟講價錢雖然唔貴但食物質素真係強差人意，應該唔會再黎試其他嘢。

週末中午好少人。叫左個咖哩粗麵, 中辣, 辣就夠辣喇, 但遮哂D 咖哩味, 佢地落得太多辣油, 中間D辣又有D 似老干媽/XO醬, 如果你就咁話辣麵, 咁我覺得合格, 但我叫我是咖哩呀, 完全無咖哩味就是敗筆。紅油炒手有成5大舊, 都幾豐富, 我仲以為係辣, 點知係甜甜地, 有D 似口水雞, 中和番辣麵D 辣, 入面係椰菜豬肉, 味道OK 

今日嚟到呢度叫咗兩碗「車仔麵」，呢度嘅車仔麵好特別， 我哋叫咗油麵做面底， 配料有咖哩牛筋腩，秘製豬頸腩肉，松葉蟹棒，豬大腸， 大大粒墨魚丸，新鮮生菜等等，可以任你配搭嘅車仔麵。不得不提嘅就係「秘製豬頸腩肉」，食落口相當肥美，而且爽口彈牙，廚師醃制得相當入味，「鹵水豬大腸」一啲都唔煙韌，幾好食。除此之外，兩大條嘅「松葉蟹」相當鮮甜，再加埋佢新鮮手打彈牙口感嘅「墨魚丸」，特製嘅「咖哩牛筋腩」，牛筋腩半肥瘦好林，是一碗有充足又滿足嘅車仔麵。我朋友就叫咗一碗用米粉做麵底嘅車仔麵， 配料有魚皮餃，肥牛，炸魚片頭，特製滷水雞翼， 豆卜同埋蝦香卷。呢碗車仔麵用腩汁做湯底，米粉已經索曬腩汁嘅味道， 「特製滷水雞翼」滷得非常入味，「魚片頭」炸得恰到好處，新鮮大大塊嘅「肥牛」入口好有牛味，而且好爽口。還有佢呢間舖頭最出色嘅「蝦肉卷」，裏面用咗蝦肉製成，炸得脆卜卜，相當滋味。食完呢碗車仔麵，再飲埋佢啲腩汁湯，真係非常一流。還有好多車仔麵嘅「配料」，分別有黑木耳、唐生菜、娃娃菜、菜心、金菇、芝士腸、豬紅、花之丸、貢丸、牛丸、咖哩豬皮、爽甜蘿蔔同埋鹵水蛋等等，多不勝數，任君選擇。除此之外，還有唔同種類很惹味嘅

最近，晌元朗賣車仔麵賣到成名嘅「永年士多」衝出咗元朗，晌尖沙咀插旗，引嚟少少話題，不過，小弟甚少慕名去幫襯，因為怕人多又要排。最近，誤打誤撞嚟到晌長沙灣保安道尾嘅「三郎麵燒屋」食車仔麵，唔喺話好食到驚為天人嗰種，但就非常抵食。小店地方唔大，左右兩排高脚吧枱位，中間再兩排枱櫈，裝修簡單，但就勝在乾淨企理。咁嚟食車仔麵，都唔會對環境有咩要求，但求坐得舒服就算。話就話喺車仔麵店，但另一特色喺佢哋做埋串燒，所以，店名叫麵燒屋。雖然，格局較街坊，唔可以跟居酒屋一類餐廳相提並論，但串燒嘅款式之多都足見店主嘅誠意。此外，牆上有塊黑板，列出多款燒烤推介，喜歡串燒嘅客人不妨多向此等推介考慮。講番個抵食車仔麵，$23包兩餸，其後加餸又以總數最低嘅價錢計算，另點冷熱飲品又有優惠。淨餸菜底（貢丸、豬潤、柱侯牛腩）$29菜底可以揀菜芯、生菜，配腩汁，3款餸夾埋都唔少，除咗啲豬潤稍為韌身啲又唔起沙，貢丸同牛腩都好食，前者爽彈咬落有菇香，而後者鬆化有肉味。凍檸茶 +$8親友話個茶底唔錯，唔會淡而無味，只喺加$8，大大杯，清爽抵飲。油麵（花枝丸、脆豬頸肉、蝦香卷）$29小弟就鍾意油麵多啲，配咖喱汁，貪佢夠惹味。睇勻咁

專程坐小巴同妹妹來食三郎~~車仔麵麵底有得揀米炒，油麵、河粉，一丁……連汁，辣嘅程度都可以自決餸方面好多選擇，令人花多眼亂。$23兩餸好抵呀！但難得來到，我地要試多啲野，esp 串燒!!!主食車仔麵-選了鹵大腸&魷魚。大腸鹵水味好入味，魷魚爽口-麵身淋左少少(可能本身我鍾意硬)-腩汁味唔夠突出。辣醬惹味，有小蝦乾鋪面有驚喜串燒&小食 :-釀茄子唔係出面嘅鯪魚肉，配搭自家汁料好好味-牛舌燒得剛剛好，正-四寶丸鮮甜彈牙-蒜蓉金菇簡單好味改善:筷子好污糟…唔用紙巾抹都唔知咁多塵…如果可以裝番扇門更好，可以隔塵隔蚊隔熱欣賞三郎落手落腳經營，會再幫襯

之前聽朋友提過呢間食店又平又特別，今夜嚟開呢區，便打算嚟填下肚，順便探過究竟。食店位置有啲隱蔽，九時多，週邊的店都好像關了，只有這還燈火通明。店鋪不算大，但四四方方，也坐得舒適。兩旁是吧枱，我哋揀咗中間嘅方形長枱坐。兩邊牆身掛著精美的食物畫，有點日式風情。晚上九時許仍有不少食客。一進店，全店彌漫好香串燒味，本來只係諗住食碗麵，見隔離枱啲串燒成品又香又精美，忍不住點了幾款串燒食下。枱上放了點食物的紙張及筆，自行填好交給店員落單便可。先來一碗麵！自選兩餸麵都係＄23一碗，呢個價錢實在係久違了。蝦香卷+滷水雞中翼大辣咖喱汁米線$23賣相不錯。雞翼大隻肥美又夠入味，肉質嫩滑。蝦香卷外層脆脆的，包著鮮甜蝦肉，第一次見車仔麵有呢個選擇，值得一試。大辣有好多辣醬，配埋咖喱汁湯底，雙重滋味。$23有這個食物質素，實在係無可挑剔。串燒方面，先來了一客燒茄子。燒原條蒜蓉茄子$24一上桌已香氣撲鼻，除了外表有睇頭，還十分有内涵 。全條熟度均勻，茄肉好juicy。一問下原來燒茄子技術傳自酒店五星級大廚，用少油都燒到呢個效果。平民價錢，五星級質素。金菇肥牛卷$18一客有3件，燒香了的肥牛包裹著好大扎金菇，鋪上香

在Facebook得知這間車仔麵店食物不錯，所以這天放工後就到來一試。在車仔麵店當然要先來一份車仔麵，我點了豬頸肉、魚皮餃和蝦春卷，麵底則點了鹵水撈丁。麵底瀝好水變乾身，不會過濕，充份為撈麵做好準備。豬頸肉香脆不太肥，肉質不錯；蝦春卷外層相當脆口，餡料亦豐富，啖啖滿足的感覺；魚皮餃外皮薄，配上肉餡厚肉之餘又美味。至於撈麵的醬汁有點像XO醬的味道，又香又濃味。麵內亦有小量蝦乾作調味，令到香味更豐富。餐廳除了供應車仔麵外，也有些美味的串燒，這兩串是雞腎和雞軟骨。雞腎爽口，雞軟骨帶點硬度亦易咬開，加上孜然粉更香口。司華力腸絕對重量級之選，厚實的肉質配以燒的香脆的外層再加上調味粉，令味道層次更多。燒韮菜絕對是我的最愛，這裡的燒韮菜香味十足，配上調味粉更覺惹味，只是有點燒得久，令菜汁減少了，最後點了一份扇貝去完整所有的燒物，扇貝搭配了蒜香，令扇貝肉的味道更突出，更可品嚐到陣陣蒜香味。口感帶點彈牙，過過口癮的必備品呢！凍檸茶調味不錯，不會過甜且茶味挺足夠，一杯好的凍檸茶為我這餐畫上完美的句號