Mikazuki

香港｜ 在這裡可以吃到好吃的鐵板燒之前都去下面吃sushi今次決定吃鐵板燒雙人午餐套餐 有波士頓龍蝦 🦞一下子被吸引住12:00開門直奔三日月澳洲龍蝦•美國Prime 肉眼薄燒9道菜午市套餐服務： 體驗感很好 全程都被照顧， 無論是板前師傅還是店員，進門到離開，每一個細節都做得好好。FreshLive Australian Lobster 鮮活澳洲龍蝦很新鮮配上靈魂醬汁 高端的食材只需要簡單的烹飪方式US Prime Ribeye Beef Roll 美國Prime肉眼薄燒卷這個是main course 驚艷我 是牛肉加菇類 肉汁滿滿 喜歡指數爆棚…Read More

鐵板燒大虎蝦夠大隻，啖啖肉，燒得啱啱好，咬落去仲有啲蝦汁滲出嚟。蝦頭都有特別處理，煎到好似蝦餅咁樣，香香脆脆幾好食。蘇格南聖子皇保持到嫩滑口感，而且d醬汁味道幾夾。美國Prime 肉眼薄燒卷同平時嘅有d唔同，三日月呢款係包咗雜菌，肉味濃郁但唔會太heavy。最後有豆乳味噌湯收尾，豆乳令味噌湯冇咁鹹，飲落去好舒服，啱晒清清地咁完結成餐。$398 夜晚竟然可以喺尖沙咀食到鐵板燒，呢個價講真係第二度見唔到呀。…Read More

今日去左食鐵板燒，第一次黎就嗌個一人餐試下，好似話而家呢個餐做緊優惠前菜：煙燻雞肉、味增茄子前菜一上枱就聞到陣陣煙燻味，雞肉切得唔厚唔薄，食落有口感又唔會嚡，煙燻味唔會搶晒雞味，啱啱好。木瓜柚子沙律柚子汁帶少少酸味，唔會太重手，整體幾清新，做開胃菜一流。茶碗蒸蒸蛋夠滑，入口即溶，蛋香味好突出。面頭仲痛啲鰹魚汁，味道好鮮，唔會死鹹青口青口上枱熱辣辣，青口本身冇腥味，肉質算爽彈，同個醬汁幾夾。大虎蝦外層燒到微微焦香，蝦肉夠厚身，彈牙多汁，蝦膏汁入晒味但又唔會蓋過蝦本身嘅鮮味。蝦殼都燒到好脆，成隻都食得😆燒得夠火喉，好似食蝦條咁炒雜菜炒雜菜都唔馬虎，唔係求其炒。有椰菜、紅蘿蔔、芽菜之類，炒到仲保持爽口，唔會焾晒水。調味簡單，主要靠啲蒜香同鐵板嗰陣焦香味美國Prime肉眼薄燒卷牛肉薄切但仲保持到肉汁，煎到邊位少少焦香，中間仲有啲粉嫩。包住蔥蒜一齊食，提升咗成個味道層次，唔會油膩之餘仲有啲牛脂香味，幾有驚喜。鐵板炒飯炒飯粒粒分明，炒得乾身但唔會太硬。入面有蛋香、蔥香，仲有啲脆米增添口感，食落唔單調。最尾嚟呢個炒飯收尾幾滿足，唔會覺得太heavy。…Read More

今日去食鐵板燒，嗌左個一人鐵板餐，都只係$398😆🥢前菜比較印象深刻係煙燻雞同味噌茄子雞肉一入口就感受到煙燻嘅香味，但唔會太濃，啱啱帶出味道。肉質唔會太實，咬落仲保持到啲嫩滑感。🥢柚子木瓜沙律沙律食落爽口，木瓜帶少少甜味，配埋柚子醬汁，有啲似日式沙律嘅感覺。酸甜平衡得幾好，食完有提神嘅感覺，開餐前食真係幾啱。🥢茶碗蒸蛋滑之餘唔會水汪汪，質感細膩。入面仲有啲碗料，增添咗口感。面頭嗰層高湯帶少少鹹香，唔會搶味，反而令成品更有層次。🥢鐵板燒帶子帶子燒到表面微焦，有少少脆邊，入面仲保持到滑身同鮮味，一咬落去啖啖肉汁。唔會過熟，帶子食得出新鮮，幾正。仲有好多配菜食添🥢燒大虎蝦蝦燒得啱啱好，外層微微焦，但唔會乾蝦肉彈性十足，一咬落去啖啖肉，仲有啲蝦膏味道。成隻蝦連殼都處理得好，啲位燒到脆卜卜，鐘意食蝦嘅一定覺得滿足。🥢炒雜菜蔬菜種類唔少，炒得夠鑊氣。保留到啲蔬菜原本嘅鮮甜，調味簡單，食落清新，啱晒想平衡下油膩感。🥢鹿兒島黑毛豬肩豬肩肉唔會太薄，食落有咬口但又唔韌。燒到外層微焦，肉味濃郁，入面包住啲蔥，成件事好香口，加少少鹽已經好好食!🥢鐵板蛋炒飯炒飯炒得乾爽，粒粒分明，入面有蛋食落有啲焦香味，唔會重口味，啱啱好做個收尾。份量適中，唔會太飽滯。🥢甜品…Read More

这家铁板烧师傅不仅是厨艺大师，更像是艺术家每道菜上桌都像艺术品，给食客情绪价值💯摆盘艺术不见得需要多精美，但各色可食用干花点缀餐碟，不仅考验师傅的审美，更是种情绪表达师傅用黑醋酱汁在盘上勾勒出音符🎵互动感拉满▪️前菜三小点｜刺身｜沙律开场清新，刺身鲜甜，沙律爽口开胃～▪️茶碗蒸蛋香浓浓！加了鱼籽和木耳丝口感更丰富▪️铁板烧深海白鳕鱼炙烤的火候恰到好处，肉质细嫩，吃得出的好食材▪️帝王虎虾摆盘超精美🦐超大一只！用了虾膏汁和香草黑松茸汁调味鲜甜又Q弹～连虾头都烤得脆脆的可以吃！▪️鹅肝鹅肝外焦内嫩，搭配师傅绘制的18年黑醋酱汁，搭配的恰到好处▪️A4鹿儿岛和牛薄烧卷和牛卷着烤到软嫩的菇类和炸过的蒜片，油脂感混合多种香气，好满足▪️铁板炒饭一饭两吃太有创意！直接吃是满满鲜香的炒饭，还可以加入鲣鱼汤和芥末变成茶泡饭，好有创意🍚▪️味噌汤+甜品圆满收尾～味噌温润，甜品是抹茶红豆，清甜不腻师傅会贴心介绍每道菜的创作灵感味觉享受之外，情绪也被轻轻托起是惊喜、是治愈、也是味蕾与心灵的双重满足#food #香港 #香港探店 #香港美食 #香港美食打卡 #铁板烧 #尖沙咀 #香港探店 #香港攻略…Read More

## 食評：尖沙咀鐵板燒今日同老婆去咗尖沙咀一間樓上舖食鐵板燒，選擇咗兩個398套餐，呢個係餐廳五周年出嘅優惠套餐，性價比唔錯。雖然食材冇其他套餐咁豐富，但食物質素對得住價錢。我地選擇左吧台，可以睇住師傅整鐵板燒。### 餐前小食- **小食**： - 餐前有一個小食拼盤同埋青木瓜沙律。木瓜沙律清新可口，三款小食有煙燻雞肉、茄子同茶漬山根，味道都幾好，開胃得黎唔會太飽。### 主菜1. **茶碗蒸**： - 裡面有三文魚子同木耳絲，味道幾特別，口感滑溜，十分好味。2. **蘇格蘭蟶子王**： - 蟶子王好大隻同彈牙。佢提供左檸檬牛油醬汁，可以先試下原味，再試下檸檬牛油醬汁，會有唔同嘅體驗。3. **大虎蝦**： - 虎蝦好大隻，肉質幾彈牙，蝦頭經過椒鹽酥炸，唔單止可以食，仲增添咗口感，擺盤都幾靚。4. **鹿兒島黑毛豬薄燒卷**/**美國prime肉眼薄燒卷** - 煎得幾香，雖然肉片薄啲，但味道唔錯，搭配裏面嘅磨菇十分合適。雖然佢有提供不同嘅醬料，但係都係建議直接食，因為本身調味已經好夠。5. **蛋炒飯**： - 蔬菜同蛋炒飯味道不過不失，飯粒分明，夠味，不過如果可以用多啲蛋黃包裹晒啲飯粒就會更好啦。6. **炒雜菜** - 好大份，有洋蔥、蘿蔔同椰菜。7. **麵豉湯**： - 湯亦夠熱，暖胃，不過有啲鹹。### 餐後甜品- **紅豆大福**： - 作為小小嘅餐後甜品，味道香濃，令人滿意。### 總結整體而言，398五周年套餐性價比高，食得好飽，到最後老婆要將佢嘅炒雜菜同炒飯都俾左一半我。另外餐廳環境舒適，服務亦好，店內人不算多，適合放鬆享受一餐。下次再嚟尖沙咀一定會再光顧！…Read More

## 食評：尖沙咀高性價比鐵板燒☺️今日去咗尖沙咀一間樓上舖食鐵板燒，選擇咗一個$398餐廳五週年紀念套餐，性價比唔錯。雖然食材冇其他套餐咁豐富，但食物質素絕對對得住價錢～ ### 餐前小食- **小食**： - 餐前有一份小食同埋木瓜沙律。木瓜沙律清新可口，三款小食味道都不過不失，開胃好味又唔會太重。### 主菜1. **茶碗蒸**： - 裡面有魚子同木耳絲，味道幾特別，口感滑溜，十分好味。2. **海鮮：大虎蝦同蘇格蘭蟶子王** - 虎蝦好大，肉質彈牙，蝦頭經過酥炸，唔單止可以食，仲增添咗口感，擺盤也幾靚。 - 蟶子王大隻煙靭，用鐵板燒去鎖住個汁，十分唔錯。3. **黑毛豬蔬菜卷**： - 煎得幾香，雖然肉片薄啲，但味道唔錯，搭配蔬菜十分合適。4. **蛋炒飯**： - 蔬菜同蛋炒飯味道不過不失，飯粒分明，夠味。5. **湯**： - 湯亦夠熱，暖胃，適合飯後一碗。### 餐後甜品- **綠茶蕨餅**： - 作為小小的餐後甜品，味道香濃，帶有清新的綠茶味，令人滿意。### 總結整體而言，$398餐廳五週年套餐性價比高，食得好飽。環境舒適，服務亦好，店內人不算多，適合放鬆享受一餐。下次再嚟尖沙咀一定會再光顧！…Read More

平時都有食開鐵板燒，第一次去一間有9佰幾個讚，但服務態度差、食物品質差、賣相不予置評，雖然價錢唔係高消費，但一定、絕對唔會去食。都唔明白嗰9佰幾個讚點得嚟。🤬🤬…Read More

三日月好耐之前有聽朋友介紹過幾好食，今次揾到機會過嚟慶祝。佢以其獨特的海鮮料理和創新風格聞名。這次的用餐體驗不僅讓人垂涎，還充滿了驚喜。首先上桌的前菜三小點，讓我眼前一亮。帶子裙帶的鮮美口感令人陶醉，搭配醬油漬茄子，鹹香與自然的甘甜交融，讓人胃口大開。而水果沙律中的木瓜，清新爽口，為整個開場增添了活力，讓人期待接下來的美味。魷魚片與赤身油甘魚野生鱈魚與燒大蝦野生鱈魚無疑是另一道令人讚嘆的佳品，使用膠羹輕輕潷晒，白汁魚與蕃茄的結合，帶來清新而不膩的口感。燒大蝦的工藝更是精緻，廚師小心翼翼地提取蝦膏，製作出的蝦膏汁香濃四溢，搭配煎脆的蝦鬍鬚，口感層次分明，令人陶醉。完成唔浪費，用曬蝦嘅所有精華，蝦味新鮮正👍🏻茶碗蒸與南非鮑魚高湯茶碗蒸是必點的經典，鰹魚湯與松露油的融合，底部的三文魚子和木耳絲更是為這道菜增添了獨特的風味。南非鮑魚高湯則是一大亮點，鮑魚的海水味與鰹魚湯的鮮味完美融合，每一口都像是海洋的擁抱，令人陶醉。主菜：牛肉與豬肉主菜方面，牛肉以岩鹽、黑椒和蒜片調味，香氣撲鼻，搭配燒蔬菜與蒜片，整體味道平衡而和諧。梅子醬、櫻花蝦白飯魚炒飯搭配，清新的口感令人驚喜，第一次試酸酸甜甜嘅炒飯，幾特別，飯粒粒分明。仲有仲有甜品🍨滿足…Read More

💯小食三點呢個小食拼盤好有驚喜！日式辣蒜頭醃得入味，微辣帶甜，非常開胃；自家製磯煮鮑魚煮得軟腍但唔失咬口，醬汁甜度剛好，完全帶出鮑魚鮮味；煙燻雞肉煙燻香氣突出，肉質嫩滑，層次感豐富。三款小食各有特色，展現師傅嘅心思。 💯海鮮盛宴：新鮮大虎蝦大虎蝦嘅size絕對對得住個「虎」字！蝦肉爽彈到極，師傅火候控制得宜，煎到剛剛熟，再配上自家製醬汁，仲有濃郁嘅蝦膏點綴，蝦膏甘香豐腴，同蝦肉一齊食，鮮味爆棚，鍾意海鮮嘅朋友一定唔可以錯過！ 💯肉類主菜：鹿兒島黑豚卷黑豚肉卷住金菇同香蔥，鐵板煎香後，豚肉油脂滲入金菇，香氣十足！黑豚肉肉質柔嫩，帶微微焦香，金菇吸收晒肉汁，咬落去juicy又爽口，香蔥更加提香，整體味道平衡得恰到好處。 💯鐵板炒飯 & 炒雜菜食到呢度已經好飽，但鐵板炒飯依然令人驚艷！飯粒炒到粒粒分明，加入蛋同少量醬油調味，簡單卻鑊氣十足，仲有少少飯焦，香口到停唔到口。炒雜菜爽脆清新，正好平衡返之前嘅肉類同海鮮。 💯暖胃結尾：豆乳味噌湯 & 茶碗蒸豆乳味噌湯豆香濃郁，味噌鹹度適中，飲落順滑暖胃；茶碗蒸蛋身滑溜到不得了，高湯味道濃郁，面頭仲有三文魚子點綴，魚子爆開時嘅鹹鮮同蒸蛋好夾，完美展現日式細膩。 餐廳位置方便，而且店員真係好nice! 有機會一定再同朋友返黎食！！💯…Read More

每個月都有鐵板燒日🫶🏻今次跟朋友來到三日月食晚飯🍽️來慶祝生日都會有labubu畫碟🥳·前菜·煙燻雞肉·茄子·牛蒡📌青木瓜沙律🥗配上柚子汁食，味道很清新開胃📌廣島蠔肉身滑嫩充滿海水味，所以師傅加入酸汁及黑松露，令到味道昇華不少🙂‍↕️·刺身·油甘魚、牡丹蝦及吞拿魚·海鮮·📌澳洲活龍蝦師傅用龍蝦膏煮成醬汁再加入香草汁令到味道更濃郁！而龍蝦本身肉質結實！口感爽彈！淋上醬汁食更好味！💯 📌蘇格蘭蟶子王用牛油香煎過既可以突出鮮味和，口感好結實彈牙！📌南非鮑魚配海帶昆布汁師傅已調味可以直接食！肉質爽口彈牙🤤最愛鮑魚！（可以加錢升級澳洲黑邊鮑會更正）·肉類·📌A4鹿兒島和牛薄燒卷肉味與脂肪比例很好！第一次見到係包金菇😻當然亦會提供炸蒜片，我就鍾意夾住一齊食😋📌日本豚薄燒卷朋友唔食牛！所以叫咗豬！亦都好味🤤唔夠味，可以點自家製燒汁😸📌茶碗蒸 蛋味香濃，入口順滑，師傅起面頭再加入鰹魚湯汁及三文魚籽！味道就更鮮味👍🏻📌龍蝦味噌湯超濃郁的麵豉湯！但用上龍蝦頭熬製而成，所以很加分‼️📌櫻花蝦炒飯呢個炒飯好特別！師傅加入櫻花蝦及白飯魚炒！再梅子汁所以食落會酸酸地！食到一半後可以加鰹魚湯同Wasabi做茶漬飯！勁好味！大家一定要食👍🏻·甜品·有奶凍及日本抹茶蛋糕🍰大家記得留位時講慶生先有Labubu畫碟‼️…Read More

Without Prejudice 1）圖片為二人牛柳，其中一塊有一半係肥膏，明顯是下欄2）也是二人份的薄燒，圖片清晰可見A4紙咁薄。恕我孤陋寡聞，暫時未試過鐵板燒薄燒只得一塊。芽菜頭明顯發黑3）$5xx一個午餐，茶餐廳一般的水準。匙羹，碗全濕。4）飲品9秒9秒殺，因食神上身啲冰有咁大粒得咁大粒。冰多過飲品。5）鐵板燒蒜片竟然是預製，最離譜已經益晒其他經歷a) 不停叫我哋嗌貴啲嗰個餐，話平嗰個唔夠食。咁你就唔好出呢個Menu啦b) 全場煙霧彌漫c) 廚師”應該”唔係做開鐵板燒，本人有信心技術比他還要好…Read More

今日我同朋友去咗尖沙咀食日本鐵板燒🍽️ 真係由日本大廚親自煮，我食咗A5宮崎和牛龍蝦鮑魚套餐$1240pp，朋友就食咗另一個超值套餐，依家就來講講我食嘅set。✨前菜三小點味噌茄子：茄子軟滑，味噌味道濃郁。蒜頭漬煙燻雞肉：雞肉煙燻得啱啱好，肉質滑嫩。柚子沙律：清新開胃，柚子嘅酸甜感好提神。✨ 極上刺身牡丹蝦：新鮮得嚟口感彈牙。赤身油甘魚：魚肉滑溜，油脂感十足。Torp：新鮮。✨ 生牡蠣廣島蠔：肉質鮮嫩，搭配黑魚子，味道更添層次。✨ 茶碗蒸滑滑嫩嫩。✨ 鐵板燒日本野菜新鮮嘅日本野菜炒得啱啱好，保持咗脆口感。✨ 伊勢海老肉質鮮甜，搭配蝦膏做嘅醬汁，真係令我驚喜，海鮮味超濃。✨ 鮮活龍蝦用龍蝦頭煲湯，湯底鮮味十足，肉質夠彈，真係好享受。✨ 鮮活南非鮑南非鮑魚煮得剛剛好，配上紫菜昆布汁，味道香濃。✨ A4鹿兒島和牛薄燒卷肉質軟滑，油花分佈均勻，煎至微焦，口感好極。✨ Teppan Fried Rice炒飯香噴噴，粒粒分明，食落去超過癮。✨ 伊勢海老味噌湯湯底甜美，配海鮮味道，飲落去暖心又暖胃。✨ 甜品-大福外層軟糯，內餡香甜，完美完結。…Read More

朋友生日甘當然係要慶祝下，尖沙咀有間鐵板燒聽講唔錯，今日就黎試下佢。 見到A5宮崎和牛龍蝦鮑魚套餐，一個價錢有龍蝦和牛真係幾正。每道菜侍應都會主動介紹，服務好好。 前菜三小點-煙燻雞肉，茄子，牛蒡加埋柚子汁青瓜沙律，清爽得黎又幾開胃，唔錯。刺身今日有 油甘魚，赤身，大蝦。比得幾厚身，加上新鮮真係好好味。而廣島蠔配 魚子醬就真係喜出望外，本身加左酸汁魚子醬調味，食落爽口鮮滑。 茶碗蒸 - 面頭有三文魚籽 ，個底有木耳絲增加口感，堅魚汁味道較出，唔錯。幾中意鐵板燒日本野菜，多款雜菜同埋口感爽口。 伊勢海老活龍蝦 - 依個真係賣點，龍蝦肉已經幫你起左，口感好彈牙。面頭淋上龍蝦醬，香到不得了。個人都好中意佢個青醬汁，畫龍點睛。店員提到個蝦頭會用黎做湯，聽落唔錯。 鮮活南非鮑魚 已經幫你切到一片片，隻汁係海草汁，比較淡味但又突出到鮑魚既鮮味。 日本和牛薄燒卷 - 和牛肉包住多汁厩菇菌，吃落口係滿清既牛脂香味，肉汁同蔬菜汁，個人中意配埋脆蒜片吃，香到爆，好味。 伊勢海老味噌湯，加左頭先個龍蝦頭煮成既湯。 鐵板炒飯有驚喜，用左梅子醬黎炒好開胃。而第二種食法係加 wasabi，再加多左一種辣味。最後可以淋埋茶做成茶漬飯。估唔到連炒飯都甘有誠意。 知道我地生日店員仲特別幫我地整左labubu既生日碟，真係好好服務。下次一定再黎試埋其他set！…Read More

前幾日先知道朋友就快生日誤打誤撞book咗間鐵板燒 都幾好味😋 我同朋友都點咗A5宮崎和牛龍蝦鮑魚套餐份量都多 可以望到廚師喺鐵板煮嘢食前菜·青木瓜沙律配柚子汁有豌豆🫛係裡面 比較特別 好清新！·煙燻雞肉 有啲脆度·茄子·牛蒡主菜·廣島蠔配酸汁 上面仲有少少魚子醬！超級鮮甜又美味極上刺身·油甘魚、吞拿魚、牡丹蝦同樣都好鮮甜 而且刺身厚度好🆗🆗！·鮮活龍蝦在鐵板上煎香 配上龍蝦汁加香草汁的組合極度惹味 超好味😍😍😍 ·茶碗蒸配三文魚籽添加鰹魚湯汁在蒸蛋上面，增加鮮甜度！又香又滑！·南非鮑魚配海帶昆布汁 完全無額外無落鹽但加咗少少胡椒調味！爽口又彈牙！·蘇格蘭蟶子 師傅用牛油煎香調味、蟶子鮮味十足好香！·鹿兒島黑豚卷 配燒汁 ·A4鹿兒島和牛卷 呢兩個內餡都加入金針菇跟蔥絲 中和咗啲油膩感✨✨✨啲配菜用過黑松露油煮過脆身又香可以配酸汁、味噌醬、芝麻醬食用蒜片係師傅親自炸出來！配和牛卷同黑豚卷都好味！·龍蝦麵豉湯傳統麵豉湯底！偏咸！·櫻花蝦白飯魚炒飯 師傅加咗梅汁 口感上就會有少少酸酸哋！感覺比較開胃！櫻花蝦白飯魚都好香口食到一半仲可以落鰹魚湯加Wasabi變茶漬飯我自己就覺得茶漬飯比較好食啲！🤣甜品·自家製牛奶奶凍 又滑溜又重牛奶香！·迷你抹茶蛋捲 每個客人生日都會送上！碟上面嘅圖案個個都唔一樣咁啱我哋呢一個係Labubu 好靚啊！！因為我朋友好鍾意Labubu 🤣🤣 個蠟燭仲要係星光蠟燭！比較特別啲！😍如果大家有朋友生日可以考慮呢一間餐廳呀！三日月 (尖沙咀)📍：尖沙咀金馬倫道23號金馬倫廣場2樓B號舖…Read More