三新冰室 (Closed)

今日放工經過就入去食咗個下午茶之前都間唔中會去食下，但今日見到佢哋轉左新嘅餐牌，選擇比之前多咗好多可能已經就快五點所以唔算好多人，靜靜地食個下午茶都坐得幾舒服見到新出嘅特餐芝士鹹蛋黃撈出前一丁，身為一個鹹蛋黃怪嘅我就即刻喊咗嚟試吓芝士味都幾香同淡淡嘅鹹蛋黃味，如果鹹蛋黃味會再濃郁少少就更加好了仲有一塊大大塊嘅牛扒，表示十分滿足仲試咗新出嘅冬瓜薏米水，係稍甜咗少少以冰室嚟講，呢度嘅裝修都幾用心同特別，座位都十分闊落，同埋佢哋嘅招牌海南雞同青咖喱都十分之好食遲啲會再去試吓佢哋其他新出嘅餐！推介推介…Read More

沙律係新鮮生果整既，好好食雞脾中Size，炸到上台熱辣辣，脆卜卜，而家有陣陣既香茅味，而下午茶28蚊呢個價錢真係好抵朋友食左個冬蔭公粉，完全唔得，得個辣字，泰式野都係唔好係茶餐廳食…Read More

今日唔打唔撞唔小心行入咗呢一間冰室，裝修OK啊，但啲嘢食完全係中晒伏。睇咗個餐牌好耐都唔知食乜好，咁就叫個最安全嘅海南雞飯啦佢寫明無骨海南街，配油飯一上枱，u see what I saw,比着你見到係咪都覺得中咗伏海南雞飯用日式定食盤上菜，唔知做乜有一粒西蘭花做配菜定唔知襯托，我諗應該係襯托多，因為我一放落口，嘩，凍嘅？？？？？？？？立即吐返出嚟！雞係冇骨，不過佢俾咗啲雞胸肉我，有雪味，有雪味啊即係唔合格啦。油飯，完全冇味，只係一pat黃色嘅飯，我有啲擔心唔知佢溝左啲乜嘢。個汁,好稀，似係蒜蓉加酸甜汁我都唔知我今餐食咗啲乜嘢。最離譜嘅係呢餐咁嘅嘢收我成＄50！咁＄29都比多佢啦真係好差，食完心情極度唔好我聽到仲有兩三個人叫海南雞飯，我真係好想同佢哋講你睇吓我呢盆野你都仲想叫呀？？…Read More

三新冰室的裝修走東南亞風，座位闊落；用餐區中間有一棵會發光的樹，頗有特色。午餐主打的都是東南亞菜，另外還有天天新款的中菜及港式菜。午餐的餐牌有很多可以自選的項目，可以Fusion到咖喱配天使麵，或肉骨茶鮮牛米粉 聽落好似有啲伏，不過同行友人就偏向難度挑戰！選了咖喱牛腩天使麵；而我的選擇則比較平實：肉骨茶一字泡飯。餐飲兩杯凍檸樂～罐裝汽水連冰底，檸檬也很清新，雖然跟餐要加5蚊，但也算值得。咖哩牛腩天使麵：分量意想不到地多，估唔到連牛腩超過十舊！咖喱香濃又惹味，配天使麵食落口都唔會覺得騎呢。牛腩炆得夠腍，50蚊咁大碟真係抵到爛⋯⋯肉骨茶一字骨泡飯：一字骨長過我隻手指，仲要有成6、7條咁多，初時都驚會好似煲湯排骨咁鞋，但又再次估佢唔到咁腍，仲幾入味添！湯底仲有杞子、紅棗、豆卜，濃湯滲出淡淡的藥材味，泡飯啱啱好！不過白飯嘅份量真係超多，身為麻甩佬嘅我都食剩三份之一。兩個人都飽到裂，埋單先一百頭，真係非常超值！…Read More

放飯了 ↝ 咪叫到好似囚犯放吃飯甘啦！ 真係肚仔餓了。。。。又以9秒9的時速，跑去就近的三新冰室 試了這款 "肉骨茶 - 鮮牛肉泡飯" 好新穎特別的湯底 好補身， 有紅棗及杞子， 啱晒我口味，最緊要係"補"嘛！ 豆腐卜索滿了肉骨茶，超撘配! 牛肉鮮嫩滑滑，仍是紅紅的肉色，證明無過火喉，太好了朋友叫了 "板燒漢堡泡飯"， 特別在於隔離的綠草。。。哈哈，不是真的草，是配料呀！ 竟然有爽甜生果和我的摯愛牛角包 (是早餐餘下來的嗎) 出手又出口，立即偷吃！…Read More

早晨, 早晨, 起床了, 又是揾吃的時間了! ＂冰室", 一個帶有懷舊 feel 的名詞, 是從前剛有冷氣的年代而出現的, 現在全都以 乜乜餐廳或 Cafe 為名吧! 看見這草綠的設計, 心情豁然開放 :) 綠色對眼晴是最好的, 坐在這兒, 令心情放輕鬆呢！ 就是簡單整潔的怖置.早餐有不同配搭, 包有一款啱你吧！ 看看收據, 價錢十分實惠!.兩款不同口味, 榨菜玉絲米粉 榨菜不會太咸或太淡, 與米粉是最佳拍擋!另一款豬扒腸仔出前一丁麵, 坦白說, 我不愛豬扒的 怕多吃變"豬扒＂,呵呵! 但友人俾 Like, 甘你知点選擇啦…Read More

今日個客係觀塘，見完客太約12:00，本來想行去搭地鐵回公司，途中見到這間店中間有棵樹，幾特别，就和同事入去食個lunch。環境乾淨，都好舒服，只是有點隔徙，近觀塘碼頭，70分。招呼都好，送餐都快，80分。午餐A泰式無骨海南雞配油飯$48，好味嘅，70分。+$5有椰汁紅豆冰，好飲，80分。午餐C泰式青咖哩雞柳飯$48，+$5凍檸樂，青咖哩好味，飯好多夠飽，雞柳有D老，70分。埋單$1O6 (免加一)，平均每人$53食個lunch，好合理。整體75分，有機會會再去。…Read More

2018年第一日開工，專登早D出門口去公司附近食個早餐先返工。今次係第二次食呢個鮮牛肉烚蛋肉骨茶米粉，覺得用肉骨茶做湯幾得意。一放上枱聞到有輕微藥材味，食就會濃少少。肉骨茶配搭紅棗同杞子，聽落好似好補咁。…Read More

開左一段時間都未食過，今日去試試～一入門口見到棵樹已覺有趣，上面木牌字句更覺玩味同事即時諗起「三新三世」，笑左～回到正題，看餐牌才發覺這間冰室是做東南亞菜式，我腦海中「冰室」=「港式茶餐廳」。不過名字其次，味道最緊要～因為一字骨賣晒，只有鮮牛肉，這配搭未試過，感覺港式。上枱時聞唔到藥材味，牛肉及米粉份量多，配料有芽菜、紅棗、杞子及蛋。味道獨特，清而不油，帶甜味，唯獨藥材及香料味不夠濃，鮮牛肉嫩，紅棗已去核。吃了三份二，身體慢慢覺得熱，有些功效喎需然與正宗肉骨茶感覺有些差距，但味道其實不錯的，這個價錢別太高要求嘞…Read More

由新開張幫襯到而家，越來越難食。之前有次叫了咖哩牛腩飯，得一舊牛腩同兩舊牛根，其餘十幾舊全部薯仔。今日幫襯叫咗黑椒焗牛柳帶子意粉，一上枱見到成碟野黑色，牛扒同帶子個面燶唒。有得揀唔會再去。…Read More

同事話觀塘開左間食泰菜的餐廳，愛試新野的我又怎會放過這機會呢！ 中午12:30到達，不用等位。 3位被安排坐卡位，內裡裝修是不錯的，有幾張4坐卡位及多張長枱。 午餐選擇不多。今天試了C餐：冬蔭公肥牛金邊粉 (HK$43) 凍飲加$3一般正宗冬蔭公都會有南薑、辣椒、青檸、泰國洋葱、檸檬葉、香茅、芫荽這六七款香料。 但這碗冬蔭公用的香料應該有限，因為完全沒有香料的味道。  而這個湯底亦沒有蝦殼熬成的味道。  配料只有洋葱，草菇也是沒有，整體話，就是淡而不夠香。 有待改善。…Read More