三才魚旦粉麵

Open Now

Now Closed

今日搵到間真材實料嘅米粉店，完全係街坊級數嘅驚喜！💥🥣 魚旦魚片 + 西洋菜餃 + 墨魚蝦條米粉（$75）料足又新鮮，每一啖都食到店家用心！墨魚蝦條超彈牙，魚蛋魚片手工製作 非常有魚味，而且彈牙。西洋菜餃皮薄餡靚，湯底清香又夠味～配料選擇超讚，唔怕食悶！🍋 凍檸茶（$8）茶香夠濃，檸檬切得靚，入口一陣清爽，正！🥬 蠔油菜心（$17）清炒得好靚，蠔油冇遮味反而提升咗菜嘅鮮味！爽脆又唔會油膩～🔥 自設工場，全人手製作，品牌保證！最驚喜係佢哋嘅「三才秘製辣椒油」，一開蓋就聞到香氣，小辣啱晒唔食得太辣嘅朋友～真係食完想買樽返屋企！📸 手打魚蛋＋自家辣椒＝地道之選！支持良心品牌 💛

和媽咪下午來了三才魚蛋粉麵，原來每天的下午二時半至六時，都是下午茶時段，叫一碗粉/麵，便加送油菜或熱飲，凍飲就加$3。我們叫了一碗牛筋魚蛋粉，及墨魚蝦條墨魚丸米粉，加送腐乳通菜，及凍咖啡。～ 牛筋魚蛋粉：牛筋入味，香濃可口，營養豐富，魚蛋口感彈牙，帶有魚鮮味，河粉柔軟滑順。～ 墨魚蝦條墨魚丸米粉：墨魚蝦條爽彈鮮味，墨魚丸口感豐富，外層爽脆，內裡彈牙，米粉靭而不硬。食物真材實料，風味傳統地道，份量十足，確是吃下午茶的首選👍🏻

魚蛋河 $34 ⭐️⭐️⭐️⭐️⭐️呢間魚蛋喺寶林區好出名，由細食到大😋。以前只係喺街市附近賣魚蛋，而家開埋舖頭賣粉麵🤩。魚蛋同魚片係手打，好爽口彈牙🍲，再加埋自家製嘅炸蒜同冬菜，令到個湯多咗香味🧄。$34大大碗，仲配咗兩條菜芯🥦，好抵食！佢地嘅辣椒油都好香，食得辣嘅朋友一定要加🌶️！

細細個就響新都城街市內食開嘅三才魚蛋粉，今日能夠響新都城有自己嘅堂食舖頭，貓奴見到三才嘅成功都好開心☺️🔸魚片牛雜粗魚片魚味香濃彈牙，牛雜入味香濃又夠腍。粗麵吸飽湯汁都仲好爽口。🔸淨西洋菜餃真正皮薄餡靚嘅西洋菜餃👍🏻 半透明嘅皮下見到翠綠色嘅餡料，菜同肉嘅比例甚至大小都剛剛好。西洋菜餃味道獨特貓奴最愛😻配埋冬菜炸蒜特別好味！🔸泰式鳳爪男友響銅鑼灣食過三才嘅泰式鳳爪後大讚， 酸甜爽脆嘅泰式鳳爪確實唔錯，好開胃👍🏻呢區宵夜選擇唔多，三才收夜晚十一點，啱晒收得夜或者想食個宵夜嘅夜貓子😋 餐廳乾淨企理坐得舒服，由細食到大嘅街坊小店絕對值得支持❤️🐾貓奴足跡🐾🌐三才魚旦粉麵 (將軍澳)📍將軍澳寶琳欣景路8號新都城中心二期地下G29號舖

中午去開將軍澳附近做野，天氣熱熱想食粉麵見到有間三才魚蛋粉麵店內燈光光猛，座位舒適闊落，冷氣非常充足三才有名氣是一間由家庭經營粉麵店有外賣火煱丸類、魚片粉麵店用上自家製真材實料手打魚蛋點了牛腩米粉 $37十分抵食一碗牛腩米約有5-6件牛腩牛腩肉質鮮美，咬落去口感軟腍夠入味米粉唔會咁易碎湯底加上有腩汁，帶有清甜味道了一碗粉麵跟餐凍飲+$8 凍檸茶泰式無骨鳳爪 $24很少粉麵店有泰式鳳爪小食點了一份泰式無骨鳳爪，味道酸酸甜甜好醒胃真的一個人要獨食一碟三才魚蛋粉麵新都城店將軍澳新都城2期地下G29 30鋪

呢間嘅湯底令我最深刻記憶清清地魚湯令你唔口渴河粉吸哂啲味好惹味魚蛋魚片都算彈牙墨魚蝦條都算彈牙，有啲粒粒墨魚/蝦河粉嘅量都好多如果鐘意食辣辣椒油都幾吊到味，提鮮

三才的總店早早就在寶琳新都城，但一直都是賣火鍋食品的店，而不是粉麵店，所以想食粉麵就要去到銅鑼灣。早幾個月，三才終於在火鍋食品店隔幾個舖位開設了堂食粉麵店。星期六晚飯時段來到三才，店內食客不多，不用等位便能入座。店舖比起銅鑼灣分店寬闊得多，用餐環境較為舒適。和伴侶分別點了紫菜四寶河及牛腩粗麵。牛腩河配炸蒜，牛腩軟稔得來又帶點嚼勁，好入味。河粉順滑，不會煮得過火而變稔，配炸蒜增添了香氣。紫菜四寶河有魚蛋、豬肉丸、魚皮餃及貢丸，有大量紫菜之餘，丸類粒粒都好大粒，還要每款有2粒！真材實料手打的丸，粒粒彈牙，尤其喜歡吃魚蛋及貢丸，魚蛋有魚味，貢丸充滿香菇味又夠多汁。紫菜柔軟而不會散碎，吃每啖河粉都帶有紫菜香氣。能夠在寶琳直接堂食吃到三才的粉麵，好滿足！ 三才是區內吃魚蛋粉的不二之選。

「三才」本身在寶琳外賣火煱丸類、魚片出名，近來發現開埋粉麵店，地點就係佢哋而家舖頭嘅附近，雖然有點隱蔽，但一眾為食友又點會唔知，就好似我咁見到就即刻入去食。舖頭係冇乜裝修，但就空間大而且整潔，坐得一啲都唔侷促。我叫了牛雜拼雲吞河粉，牛雜入味，雲吞爽口，牛腩汁唔會好濃恰到好處。芥蘭17蚊一碟，用個碗裝都幾大碗，份量ok！泰式鳳爪~比較少見粉麵店有這類小食，所以就嗌了一份，鳳爪無骨夠入味，酸酸甜甜好醒神，我自己一個人食，食下一隻食下又一隻，不知不覺就清了。值得一提係佢哋嘅辣椒油，用咗指天椒同埋炸蒜蓉，遠遠都聞到辣油香，點會唔流口水。而我最鍾意嘅食法就係落辣椒油再加醋，刺激得嚟又惹味。

之前睇過關於銅鑼灣三才嘅片段📹關於佢哋一家人一齊營運魚蛋檔嘅堅持但係次次出親銅鑼灣都係食其他嘢一路都未試過🙈佢開咗喺將軍澳即刻去試呀！天氣開始轉涼適合食魚蛋粉麵😍點左:☝🏻鮮炸魚皮 $17🥰味道香濃，炸到脆卜卜好有口感 比坊間用少左炸粉 都保持到好脆身👍✌🏻魚旦魚片河 （雙拼推介） $41湯底比較清淡～唔會搶咗主角魚旦同魚片嘅鮮味同風頭🤟🏻紫菜四寶粗面 （魚旦、豬肉丸、魚皮餃、貢丸） $47湯底比較濃郁～仲加咗大量嘅紫菜湯頭好鮮甜 風味十足🍜兩碗麵上枱嘅時候都配咗一大羹炸蒜同青蔥同乾蔥一撈落個湯度惹味十足❤️香氣撲鼻 即刻提鮮到成個湯～一直都好想試佢地啲丸丸～因為佢地自設工場丸類：爽口彈牙，調味適宜，食完唔會好口渴 感覺冇落味精 比較輕盈同健康📝 特別一讚: 貢丸 好特別 平時街買啲貢丸剩係得香菇 但呢個好似加左啲芹菜入去～味道昇華咗！香得黎又清新～魚皮餃都好正 個皮唔會特別粉 厚薄適中 煙煙韌韌入面嘅餡都唔似坊間一般咁油膩 啖啖都有魚肉嘅鮮味好食到我直程想黎緊打邊爐過嚟買料🥰想encore 魚皮餃同貢丸～ 同試今次冇叫既炸魚旦！！都想試埋佢哋嘅餃子～我哋嚟搵呢間試嘅時候初頭搵到係火鍋食

之前在港島上班偶爾都會去銅鑼灣三才吃碗魚蛋粉、最近發現將軍澳寶琳都開了三才嘅分店、放假去新都城買嘢順便去吃～牛腩韭菜餃、牛腩炆得好淋好入味！韭菜餃脹卜卜好足料、河粉好滑溜、配埋腩汁好味～牛筋菠菜餃 菠菜餃系我每次去三才都會吃、大大只裡面有新鮮菠菜和豬肉、好滿足！牛筋都系非常腍另外佢嘅魚蛋同墨魚蝦條都好好味、有時我地會經過外賣一打拎返屋企煮～將軍澳的分店更大更闊落、仲開到夜晚11點、下次宵夜可以再去食。

小時候喺港島區讀書嘅 #小秘書，放咗學好多時都會同啲同學仔走去 #銅鑼灣 醫飽個肚先返屋企🤭 「三才魚旦粉麵」嘅 #西洋菜餃 同 #墨魚蝦條 可為我成長路上嘅 comfort food😅 就算出咗嚟做嘢，#小秘書 周不時都會心癢癢走去食碗麵🍜滿足吓味蕾😉 估唔到老細竟然過咗嚟 #寶琳 開分店，我以後都唔使長途跋涉去探班喇！不過呢個大發現，都係住喺附近嘅朋友仔帶我過嚟，估唔到太子女又咁啱都過咗嚟呢邊，真係預約都無咁準呀😉 嚟得幫襯，當然要叫我至愛嘅墨魚蝦條，不過今日唔食西洋菜餃，換咗 #牛雜粗 做主食🥢 用 #特製滷水汁 醃製過嘅 #牛雜 零舍入味，肥美嘅牛腸配上薄切嘅牛肚，味道濃郁🤤 真材實料嘅墨魚蝦條入口爽彈，墨魚滑加蝦肉混埋一齊特別鮮味🤤 另外我哋仲叫咗佢哋自家製嘅 #泰式鳳爪，酸酸甜甜嘅口味，令無骨鳳爪顯得味道特別出色🤤 而最難得嘅係價錢夠晒貼地，十七蚊碟嘅芥蘭兩個人都夠晒食🤭 最後梗係要整杯 #凍檸茶 🍋 先至夠完美啦🤤🤤📍 三才魚旦粉麵 (將軍澳) 寶琳欣景路8號新都城中心二期地下G29號舖

三才終於在將軍澳開了分店，雖然牛什也是很可口，但是味道跟以往相比確實差很多。麵比以往較細，牛什和雲吞份量也很細。雖然湯頭有功力 好味，但是對比以往在街市時鋪頭，明顯有很大分別。味道較淡口，而且雲吞的鮮味卻不足。期待再進步

銅鑼灣的三才魚蛋粉麵一直都很有名，現在將軍澳也開了一家！一定要去試試看！牛筋魚蛋粗麵一碗牛筋麵本來要$37，加多$7就能雙併，真的很划算！所以我想再加點魚蛋。店員把麵送上來的時候，湯麵熱氣騰騰，湯底散發著誘人的香味。我覺得牛筋一定要吃，口感軟糯又新鮮，配上Q彈的手打魚蛋和有嚼勁的粗麵，真的超好吃！牛筋墨魚蝦條河墨魚蝦條的粉量不算多，但吃下去還能嚐到粒粒的蝦肉、墨魚肉和玉米粒，牛筋的口感既有嚼勁又不失柔軟，讓人非常滿意！👍🏻另外食麵仲可以價錢飲凍飲或者熱飲，每人只不過$50！

昨晚去食魚蛋麵,牛雜麺,牛腩麵, 蠔油芥蘭,檸檬茶,奶茶,全部沒有一樣野掂, 首先湯無味, 似雞粉撞沸水咁, 完全沒有牛腩湯味.食物方面： 牛肚淋到不得了, 牛腩用邊位做牛腩,就算降低成本也至於可以咁差比人食. 另外, 魚旦沒有魚味又不彈牙, 麵也是淋的, 芥蘭也煮得好差, 還可以收17蚊.麻煩老闆改善一下食物質素, 雖然開鋪開到晚上十一點鐘增加競爭力, 但係咁嘅食物質素點樣可以畀人食呢？ 開業只有數月已經是這樣的, 怎可以再經營下去. 我就一定不會再去.

我和媽媽在下午茶時段，來了三才魚蛋粉麵醫肚。原來每碗粉麵，可免費跟熱飲或油菜，凍飲+$3，特飲+$5，非常抵食😋我們叫了墨魚蝦條米線，及紫菜四寶湯，飲品叫了凍檸茶，及凍檸樂。～ 墨魚蝦條米線：墨魚蝦條彈牙，口感煙靱，份量十足，非常喜歡。～ 紫菜四寶湯：四寶是魚蛋、魚皮鮫、豬肉丸及貢丸，味道濃郁，口感極佳，加埋紫菜，營養豐富，確是推介之選！整體來說，這裡的粉麵選擇多，除了傳統的魚蛋、魚片、雲吞、牛腩、牛筋外，亦有墨魚蝦條、菠菜餃、西洋菜餃、豬肉片等，有特色的粉麵，而紫菜四寶粉更是不錯的選擇👍🏻