Samjim Claypot Rice Takeaway (Moved)

先說結論，三尖煲仔飯整體性價比高，是冬日不錯的選擇價錢首先最令人關注嘅第一點，理所當然就係價格。於我個而人而言，價格比實惠。煲仔飯最為經典嘅排頭/雞腿肉拼臘腸煲仔飯都係59，比起平時見開茶記嘅煲仔飯平，而其他款式價錢大部分都係一樣。(可能因為冇堂食，只做外賣，成本就低啲)而我叫嘅係滑雞臘腸煲仔飯，飯入面有一條完整嘅臘腸，雞就有7,8件，而佢哋嘅飯量都算多，我空肚食的話，大約有七成飽。味道 質量雞應該係雞腿肉，所以食落比較滑嫩，並且係無骨，每一口都係肉，亦無怕食到碎骨。臘腸腸衣是爽口，7分瘦3分肥，偏甜口，反覆咀嚼會有娓娓道來嘅淡酒香。飯尚算飽滿，有飯焦，並且香脆。混和甜豉油後更具層次感，而飯素則略有驚喜，係原來固有黄金組合(雞+臘腸+蔥花+豉油)加入咗共融嘅新分子，可以值得一試。然而，飯內唯缺乏蔬菜，整體色彩相對沒有那麽鮮明，店舖亦都冇啲咩小食，小菜販賣。所以以家庭作單位或多人購買，想分享嚟食就會相對冇咁好，但一兩個人買飯盒嚟食，我就非常推薦，尤其係最近比較冷嘅天氣食，就更適合。温度在保温方面頗為理想，取飯後約莫40分鐘，飯依然微熱，且仍保留少量熱煙。達到我個人對煲仔飯的温度係需要較熱嘅要求。包裝 結構整體簡潔，乾淨。成個外賣組成就有個鋁錫兜裝住啲飯，另外又有個紙盒裝住個鋁錫兜做隔熱，最後有個單獨嘅杯裝住蔥花，豉油同飯素。值得一提嘅係，我比較欣賞蔥花，豉油同飯分開裝，咁樣可以避免豉油浸度個飯濕曬，淹滅飯焦嘅焦脆，同時亦唔怕會焗淋同焗黃啲蔥。而係臨食煲仔飯前淋鼓油同曬上蔥花，我覺得係最為理想。然煲仔飯並非像傳統般用瓦煲煮，雖然一開始覺得好似缺少咗啲嘢，但我個人食落並沒有太大差異。而且因爲冇煮嘅食習慣，所以冇個瓦煲連飯送埋，都冇咩所謂，亦唔怕話掉咗可惜，唔掉又要揾位擺。速度可以接受，我walk-in 行去，就要等15分鐘左右，但餐廳可以提前WhatsApp 或者電話落單，咁夾返時間去鋪頭拎，可能會更有效率。結論價錢同質量係掛勾，個人認為性價比算高，且岀餐頗具效率，唯美中不足的是店鋪缺少小食或小菜供作如家庭單位分享。…Read More

小弟第一次嚟食呢間煲仔飯，有少少被驚艷到，因為唔單止有好多種落單方法，同埋身為煲仔飯嚟講，15分鐘好快咁攞得 已經係一個好可觀嘅數字，兼且攞到返屋企果陣，個飯仲係熱既，個保溫程度真係好，同埋有好多款選擇同配搭，但唯一可惜既係對於讀緊書嘅學生嚟講，呢個份量稍為不足，如果個飯會多啲就會更加好！…Read More

放工突然好想食煲仔飯，諗起之前有一間食過好好食既煲仔飯，就決定wts落單要一個黃金流沙肉餅煲仔飯， 仲加咗個辣菜脯。番到屋企啱啱好過左一個鐘，個飯仲熱辣辣，有飯焦 ，仲有飯素，肉餅好厚，撈埋一齊食好正，如果可以多啲飯會開心啲🤣🤣🤣外賣煲仔飯做到呢個質素其實已經好好，而且價錢一啲都唔貴💜…Read More

以前都成日食過味道口感同埋個飯焦都好好食，但係今次食呢就真係完全冇咗飯嘅香味啦，跟住飯焦係淋晒，然後冬菜又轉咗一包包嘅飯素，豉油又轉左由盒裝轉咗做包一包包袋裝，真係以為食緊第二間。重點係價錢又貴咗，記得之前係$78而家就已經加價加到$83但係味道同埋質素又差咗！其實一間店嘅質素如果係咁樣好難叫人哋再去食，啲飯唔知係廚師佢嘅蒸煮時間唔夠定係錯誤？還是係啲米係轉左唔同牌子變到冇晒飯香味又冇飯焦脆脆嘅感覺！今次真係大為失望。…Read More

光顧了無數次老顧客~包裝用鋁錫煲配紙盒，保温足一小時，冬天買完拎到翻屋企都你熱辣辣，估唔到照有飯焦既香脆！秘製辣菜脯秧香蒽分開獨立兜上，煲仔飯豉油仲係獨家調配。食物👍🏻黃金流沙肉餅煲仔飯肉餅好厚身好好味，依款最特別有埋蛋黃流沙，值得一試，建議再加多一個餸。👍🏻滑雞煲仔飯采用全去骨既雞髀肉，好滑身啖啖都係肉，賣相不討好但好吃。👍🏻臘腸潤腸同煲仔飯係最佳組合，好啱加既配菜之一。👎🏻元貝仔太過乾身不好吃，有一半直頭係硬身。…Read More