三少冰室 (Closed)

第一次食口水雞，從未食過的做法，豆辯醬打生粉x，不麻不辣，鸡肉又冇味道又梅，不知所謂。個多月后比多次機會，食普通D才腩河，做了才牛河，算照拿回去。卻做到好像湯河一樣，不会再去第三次。

這是我常去的茶餐廳！今早我叫了份早餐，發覺鴛鴦不夠熱，所以叫女侍應要求來一杯熱水以增加鴛鴦溫度，她當時態度很差，身為一個客人是有權選擇自己食物嘅溫度，要求攞一杯熱水也不過份。我覺得公司的管理層除保持食物質素之餘，也要着重員工的服務態度。

諗住係附近搵下邊間餐廳有到會叫，🤔一經過般咸道見到哩間三少冰室就入去問下，就一於試下哩間，入到去問個員工有冇到會叫，個員工話有🤩跟住好詳細介紹佢地到會有咩套餐同有咩推介👍服務非常好，而家好多地方都好簡單講下就算！最終我地叫左個8～10人餐🤩好準時送到，我地一打開～嘩！好豐富!個個睇見都覺得好正😋熱盤都夠熱，係有d炸野有小小淋，不過正常既，因為到會有好多都係咁，不過大致上都好好食😋會有下次，🤭仲有一樣甜品唔記得影添🤪

 雖然是一般茶餐廳食品, 但室內裝修特別, 好襯附近香港大學的舊建築物, 食物也很好味, 新鮮!  樓面也很有禮貌!  我一向不喜對影食物相, 但下次去般咸道三少冰室一定要同大家分享!  

晨早流流過黎般咸道辦事，早餐都未食，沿路行下有咩岩，咦？茶記，入去試下沙嗲牛肉麵，牛油方包配腸仔炒蛋 ＄38，跟餐飲牛肉唔算腍，沙嗲汁超普通完全沒特別的麵。。。麵包的 size 像極了超市買的嘉x切皮方包，炒蛋份量剛好配方包，份量都較少了，炒蛋亦唔香口打開塊包，我嫌唔夠牛油火腿粟米奄列配丹麥多士 ＄34， 跟餐飲咁既份量先似樣牛油份量夠，包夠鬆軟，但四條邊都有燶味奄列中既火腿有幾組都排到好齊，未切開晒咁還記得之前在旺角找到了＄48蚊大碟好味既泰式午飯，但依家＄48蚊就只係食緊個早餐，我忘記了自己身處半山。。。如果我係呢區番工，生活指數真係高到嚇親

環顧現今市面，有人話茶餐廳買少見識少，取而代之冰室大行其道，睇落都不無道理。不過究其實，萬事都係一個循環，以前香港都有好多冰室（30年前）後來逐步轉型，茶餐廳興起。呢一日去堅道探朋友，之後獨自經過般咸道，見到呢間冰室，果然冰室當道，不過吸引我既係佢個名，三少冰室，頗有瀟灑風流既意味。而同一般冰室唔同，呢度食物種類涵蓋早午晚，頗為豐富，就入去試下。入面裝潢都係老香港情懷，食正近年集體回憶風潮，感覺係親切，舒服。師傅教落話，最基本既嘢最難做。一間餐廳基本嘢做得好，其他一定唔會差。而乾炒牛河簡直係港式食物經典，無人不曉，今次就試呢樣。賣相似模似樣，色香俱全，一睇都知道夠鑊氣，師傅水準有保證。河粉炒得算乾身，一般人可能覺得唔夠油光，但係現今普遍注重健康，少鹽油糖係大勢所趨。無礙。牛肉有咬口，感覺新鮮無雪味，整體而言滿意。見到餐牌有林林種種食物，包羅萬有，下次都可以回來再試。

點了一份黑椒牛柳配飯，牛肉全是牛排一樣的大片肉，完全就是用做下午茶鐵盤牛扒的肉，而且不切，很難咬。這家店都開了一段時間了，可是做菜還是這麼不用心。不知道能撐多久

般咸道以前的飯廳， 現在變成了另一食肆叫三少冰室。 餐廳沒有特別改動，只是牆上的壁畫變成了舊香港主題， 都算幾特別。今天是了他們的下午茶餐。 下午茶的款式都不少價錢由$30至$50元不等。首先點了一個照燒雞扒包配薯條 ($42)賣相不錯，雞扒包分量也可大。 雞扒味道不過不失，可惜加了太多照燒醬，令麵包變冧了。 薯條是粗薯條，炸得很脆但很油膩。 整體來說這個雞扒包還可以。另一半下午茶餐點了乾炒牛河($48)這個賣相一般，牛河炒得太乾身， 不夠鑊氣，又沒有光澤。 牛肉味道非常淡， 近乎沒有味道。不推介！最後點了一份海南雞飯 ($58)海南雞飯也是賣相不錯。 黃飯帶點椰汁味，但沒有黃薑粉的香味， 而且味道很淡。 雞的肉質頗滑， 但又是味道很淡。 這個海南雞飯不算太差， 但下次不會再點。整體來說，食物的賣相不錯，但味道很一般。 在般咸道或附近應該有其他更好的選擇。

門口擺放一張餐桌，可供吸煙者使用，每當冰室的自動門開啟，所有二手煙同時會湧入室內的範圍，把整個餐廳範圍充滿二手煙味，確實難以忍耐，立刻把早餐吃完就立刻離開，很不欣賞這樣的餐桌擺位。

滿心歡喜屋企附近開咗間冰室，諗住可以成日黎啦…點知...好失望。佢開張無幾耐我地已經黎過2次，但係每次都落錯單第一次叫茶餐，跟茶走，最後黎咗杯鴛鴦。 啲侍應仲好求其咁放低啲嘢食嘢飲，搞到倒哂 😔嘢食味道都正常嘅，不過呢啲冰室，奶茶好重要囉第二次諗住俾多次機會佢啦，叫午餐肉醬意粉/飯，可以自選。我選咗肉醬意粉啦，點知黎到變咗飯 🤦‍♀️ 求命... 啲人有無認真聽架. . 因為趕時間，照食啦，汁係夠嘅，只係食得唔開心強烈建議真係要train 吓啲侍應，客人黎到唔係要食你地落錯嘅單架

因為亞仔要喺西營盤上堂，就有一個鐘時間唔知做乜嘢，所以就去食咗一個豐富嘅早餐。坐低之後，有叫咗一碗五香肉丁公仔麵，腸仔蛋轉多士，再加杯熱華田。依家餐廳嘅職員我好nice，同埋好快。但唔知係唔係因為多人關係，我個早餐相對地比較遲出黎，起碼等左10至15分鐘先到，搞到我用勁短時間要食晒成個早餐。講番個早餐，五香肉丁公仔麵過硬度啱啱好，好味。跟住就食腸仔加蛋，同埋件多士，見多事我一拎起就發現冇牛油，就同職員講，職員都好爽快地叫同事俾返大碟我，所以我好欣賞呢位職員夠爽快。呢間早餐算係唔錯，同埋佢都唔會趕人走，可以慢慢坐低嚟食。

係西營盤站附近想買個豐富早餐外賣，未幫襯過呢間茶餐廳，不過見門面好乾淨企理，起碼覺得衛生d先。叫左個雪菜肉絲米餐配腸仔、煎蛋、多士、熱檸水，味道不過不失,職員好細心將湯同麵分開，返到公司d麵唔會索晒d湯。將來應該會再幫襯

點了生炸珍寳雞脾餐配薯條、再加一杯凍奶茶、落單后两、三分鐘便上奶茶、茶味夠濃、好有傳統港式奶茶味道不错、再等十五分钟、终于上大雞脾、嘩真的好大隻、皮脆有肉汁、味道亦夠晒、好耐未試過咁好味的雞肶、薯條用扭紋的炸落亦好味、熱到辣咀！正！！已经好耐好耐無食過這種味道、以前讀書年代放學最愛在屋邨的舊式快餐店才有的感觉，最難得這間冰室也用懷舊装修。幤忘记了試店裡推介的北海道十勝紅豆冰、剛看到對面枱一對母子點了、外表十分美味！小朋友也說好味、可惜我已經飲了奶茶、只有下次再来！

當日吃早餐，店内己有八成客人，很快落了單，等了很久，未送上食物，但見其他遲下單的客人也有得吃，再追問是否漏單，侍應回覆明明落了單但找不到單，叫我等10分鐘馬上做給我，咁我唯有等，三分鐘後先來飲料，放在枱面時己瀉了小半，杯邊還在滴着飲料，枱面也被弄髒，但侍應沒有意識去清潔枱面，當時己不想喝，食慾也没有一半，其餘再來的食物不用我說，真係差過大XX，方飽被压偏，炒蛋不熱，通粉太霖，咁既價錢，絕對不是這些水平，我不會再光顧了。