三小姐海鮮小菜

Open Now

Now Closed

冇咩野做. 入咗大埔行街, 之後就上咗大埔墟街市及熟食中心搵野食....我地就揀咗 "三小姐海鮮小菜"京都骨 - 呢個好好味. 而家啲骨唔太肥. so goodXO 炒什菜 - 呢個就太淡了...no good 咖哩雞煲 - 呢個就冇咩野咖哩味 & 太水了

今天晚上ORDER左一碗豆腐青菜魚湯, 豉椒炒蜆, 一隻乳鴿, 魚湯很夠味夠料, 乳鴿皮夠脆而且好入味, 唯獨個豉椒炒蜆唔係好得-有D沙, 而且個汁太稠太濃味。

聽住在大埔的親友推介，嚟大埔探親之剩，晚上和兩位親友大約 7:00 PM 嚟到熟食中心食飯。可能係星期五晚的關係，:嚟嚟到呢喥，三小姐呢邊有啲迫爆的場面... 好彩等咗一陣都有位..我哋三個人食了： 沙拉骨：親友極力推薦，話好好食... 點知我一落去， 無沙拉味，得一陣燶味... 連親友都落哂眼鏡，話今次呢碟大失水準，啲骨炸到濃咗，好大陣燶味...椒鹽魚：呢個 OK！好爽口！但係... 點解只有微熱... @@" 唔通係一早炸起？豬大腸：呢碟我無食到，不過親友話好正... 豉椒炒硯：惹味就好惹味， 但一上碟，用筷夾幾隻食，真係想喊... 差不多有三四成係吉殼... 隻硯去咗邊？ 燉湯：激讚！正！魚香茄子：好味道！環境好嘈，座位之間好迫，侍應亦無時間招呼... 可能係期望過高... 食物質素幾好，但環境同服務真係差咗啲... : p 幸好今餐親友請食飯，咁都開心啲.

7點來到, 勁多人!多人到, 唔齊人, 唔俾枱!真係咁勁?我同大豬女友, 即兩人, 易揾位多好多,好快有兩人摺枱, 坐下了.看menu, 有"勁爆推介", 好喇, 叫d 試吓先; 叫了:蒜蝦陳村粉, 炸雞軟骨, 及個蟶子.蒜蝦陳村粉好多人都食, 枱枱都有個籠, 見也好特別, 所以又叫左了.上面幾隻中蝦係已開邊的, 加上大量的蒜, 蝦在蒸的時候d 蝦膏蝦汁已落晒d 粉,再落少少油, 勁爆香!d 粉用筷子撈一撈, 一人一碗好快清左了.係食到落底略油...炸雞骨, 比想像中油, 好熱好香口, 飲啤酒一流, 就咁食卻好滯, 送飯又唔係咁o岩...最後食唔晒, 真係包走了去朋友度睇波食!蟶子好食, 咁新鮮落豉椒好似蹝左d, 可粉絲蒸就無敵好食, 送左大半碗飯呢.兩味海鮮都新鮮, 可能係坐鎮街市的關係吧.推介: 蒜蝦陳村粉!雞軟骨都係叫外賣睇波食最好! (班友對啤對到口淡淡, d 雞軟骨一到, 簡直係恩物~)

我唔係話佢食物好唔好食, 係對人既態度話說我地無坐下食飯,只不過走過去問可唔可以外賣椰王, 佢好串咁話"唔係到食飯, 無得外賣喎"都唔緊要, 當我地要走, 行錯路( 往三小姐海鮮小菜) 的方向, 竟有個女staff話"你地唔係行呢邊架, 行返出去啦”（語氣超差）>< crazy staff~~

同honey食左:籠仔羔蟹lo 米飯-->有兩隻小蟹仔但係有羔ge~又有d蒜頭一齊蒸好惹味~d lo 米飯幾軟熟, 唔硬又好多蝦米同瑤柱~ 食完好飽肚椒鹽九肚魚-->d粉漿好薄, 九肚魚肥do do, 新鮮炸得好脆, 連骨都食埋!!!千島骨-->即係沙拉骨, d豬扒炸都有d脆, 加埋沙拉醬酸酸甜甜好好味~椰皇燉奶-->要左大ge, d燉奶好清, 但稍為唔夠甜, 一個人食都好多下~7點已經好多人, 係就要早d黎食la~

聽朋友講話里度唔錯, 所以山長水遠由筲箕灣走到去大埔食哩餐飯; 由於咩都想試, 6個人總共叫咗9個餸 (其實唔多), 菜單如下- 椒鹽腰果雞軟骨: 好有避風唐炒蟹feel, 唔錯。- 芝麻雞 : 本以為是炸子雞樣, 點知係白切雞加麻辣汁, 雞都算滑, 不過冇汁個邊冇乜味- 豉椒炒蟶子 : 一般菜式, 一般表現- 蟹蒸糯米飯 : 味道可以, 但蟹唔得, 有d霉- 炸菜肥牛陳村粉: 埋個正, 粉好入味好滑, 反而d肥牛冇乜味, 重成疊咁, 所以結果只食粉-炸花枝丸: 幾彈牙, 不過好油-咸肉蝦乾炒娃娃菜: 不過不失-薑蔥生蠔: 好入味(d蔥), 蠔大隻d重好-金銀旦荳苗: 不過不失要去的話記得訂位, 7:00pm後真係好多人。

之前打過一篇食評係食三小姐今次再去食....真係好想delete之前果個好~!!今次星期一去食,人流唔多位都唔駛等食番上次好好味既炸花枝丸,再加煎倉魚,豆腐海皇羹同埋西蘭花鮮鱿炸花枝丸好多油食都個人好膩,我本人覺得佢煮好左好耐,不過無比到我地等都黎到凍曬又出曬油可能我地係尖咀間華苑食既煎倉魚太好食三小姐既倉魚令我地大失所望,最差就係....佢連條尾都唔係脆既....~!!碟西蘭花鮮鱿最令人氣憤....成碟西蘭花都係黃黃爛爛唉...比錢果下都嬲嬲地最重要既係.....我同亞b都食到腸胃炎又痾又嘔唔比個佢都對唔住自己

行完一日地質公園，認識下香港既自然生態後，我地又同兩位美國來既朋友去試下大埔既地道既。久聞此店係前歌手黃翊退出娛圈後所開既店舖，而且搞得幾成功(當晚真係好多人等位)，所以介紹下俾外國試下港式大排檔美食。當晚唔知點解，叫左好多炸野︰炸雞軟骨 (夠香口，老外至愛)炸九肚魚 (辣辣地、魚又滑，全餐最好食既)魚湯瑤柱浸菜 (清清地幾好)鮑汁什菌 (味道適中)椒鹽蝦 (普通，d蝦唔係好大隻)豬肉陳村粉 (個粉好滑，正!)老闆熱情招呼，仲問老外朋友好唔好食添! D食物夠鑊氣，人又多，氣氛真係幾好! 成晚食左好多熱氣野，好在第二日都冇喉嚨痛!

食物一般,服務一般,同價錢成正比。1) 芝心丸 - 我同友人都覺得吾抵,十粒吾夠收$68,係一個冇技巧既餸菜,不過既然咁出名都要一試,味道okay2) 金牌雞 - 好普通既冰鮮雞3) 海皇粉絲煲 4) 糯米正羔蟹 - 蟹冇咩味,糯米飯好濕好油5) 芝士蝦面底 - 好重奶味,吾好食6) 蒸烏頭 - 全晚最好食既一樣餸,魚好新鮮7) 蒸聖子總體黎講都幾抵食。

星期日同左屋企人去大補個鳳園睇蝴蝶...夜晚黎左依度食dinner...食完就覺得冇乜特別...我地食左...雜菌魚腐魚湯...金牌雞...過晒火...D肉好鬼"鞋"...o趙極都o趙唔爛...肥牛陳村粉...之前見個個都話好食...但好普通喎...D肥牛一D都唔嫰...陳村粉同D汁撈唔允...豉汁蒸白鱔...再蒸耐2~3mins好d~難食就唔難食~不過冇D人講到咁好食~

是日約了朋友食飯，唔係假日關係，而且成九點先食飯，所以搵位冇難度，如果係假日的話，我就唔會同其他人掙喇，反正住得超近！四人點了：沙薑雞腳：雞腳煮到很林，而且沙薑味不足，下次應該不會再試。酥炸花枝丸：熱辣辣，味道很好，夠彈牙，強烈推介。西檸煎軟雞：夠酸甜，醒胃，雞排炸得不錯！蝦乾咸肉煮娃娃菜：很清，蝦乾配上咸肉，很不錯，配上娃娃菜，很清甜。排骨陳村粉：陳村粉很滑，反而排骨略遜，蒜蓉味蓋過所有東西。加上三個白飯及一罐可愛，輕輕鬆鬆，一路食一路笑足兩個鐘。很好的一餐晚飯。仲見到前歌星黃翊添，很有禮替我們結賬！

第一次幫襯,都係睇到openrice D評語去試吓,4人昨晚7:15左右去到已經好多人,有D枱留位,好彩4人枱仲有唔駛等.叫咗5個餸.沙薑雞腳~不過不失,雞腳好大隻,但唔係好入味,只靠點吓個汁.涼瓜班腩煲~涼瓜少D,但班腩就好多,沒有加其他如燒肉,支竹等左住晒.豉骨陳村粉~48元都幾大份,D粉OK滑,當然唔係最完美個隻滑,但都幾好食,個汁唔會太鹹.金銀蛋蜆菜~份量都幾大碟,好多金銀蛋,味道的確少少偏鹹(因之前有評論話好鹹)最後細佬叫咗個蒜茸蒸茄子~$28好大份,超多蒜茸,但如果可以蒸耐少少就更好,因茄子比較硬.總括來說: 下次可以再幫襯,D侍應阿姐都幾有禮貌,雖然唔係樣樣都好味,但食得舒服係最重要,今次因細佬食梗中藥唔食得海鮮,下次會叫海鮮試吓...

前一排,見到facebook有朋友登了一些到三小姐晚飯的美食食物相,之後便立即上openrice看看,原來也有很多食家也讚好,所以幾個星期前便約了一班朋友,專登由九龍搭車到大埔來大吃一番.以下便是我們今晚order了的小菜.1) 籠仔糯米蒸蟹-$68很多時,糯米總給我的感覺是很硬,但今次這一個糯米飯咬起來完全不硬而且很煙韌,加上這個很香的荷葉味使到整個飯也香嘖嘖,而且完全詁不到蟹是有羔的,食起來也特別開心.2)醬爆芝士丸-$68本人很喜歡吃芝士頪的東西,不知是否我要求高,總覺得今次的芝士丸少了一點芝士,感覺上不是太重芝士味而且也不太彈牙,不過這個食法也是我第一次品嚐到,感覺很新穎.3)沙拉骨-$42這個醬汁好好味. 而所謂的骨也只是豬扒,不過豬扒也不錯,加上這個特別的醬汁是一種新的食法,不是一些吉列豬扒,咖哩豬扒的食法.4) 脆皮炸大腸-$42和沙拉骨同一價錢,但反而這個比較輸了一點分數. 其實炸是炸得很脆的,只不過大腸的腸很少,給我感覺有點dry,可能我吃過一些街邊的炸大腸,腸是很肥沃,所以便有這種dry dry地的感覺.5)炸菜肥牛陳村粉-$48這一個,是我朋友的勁力推介,又真是好

尋晚入左大埔同朋友食飯...朋友介紹伍仔記同三小姐二選一,我就選左三小姐,四大一小嗌左炸大腸,椒鹽豆腐,籠仔糯米蒸羔蟹,芝心丸,勝瓜浸魚肚,排骨陳村粉共六樣野 !炸大腸幾好,夠厚身,不過略嫌少左D !椒鹽豆腐不過不失 !籠仔糯米蒸羔蟹個糯米飯我覺得好好食...如果D蟹大隻D仲好 !芝心丸都好正,幾彈牙,不過D芝士太少喇 ! ( 都幾熱氣 !)勝瓜浸魚肚價錢唔算貴同埋幾多魚肚 !排骨陳村粉都唔錯,份量都唔少 ! 每人一個白飯加一罐汽水埋單$376應該會再去 !