三寶勝上海美食

上海粗炒甜咗少少濕咗少少不過味道都OK。小籠包係厚皮少少大隻少少嗰種上海style小籠包，見到有上海點心師傅所以估計係自家製唔係買雪藏貨或者工場交嚟嘅課。炒鱔糊味道幾好，份量都唔錯，都有好多鱔，好鍾意啲狗王，好香。炒年糕因為唔想食雪菜肉絲，所以喺三絲同埋三鮮之間去揀，其實我都唔係好知兩種有乜嘢分別，年糕幾好食，煙煙韌韌，味道幾正宗。鍋貼熱辣辣，皮好厚，個底少少窿，煎得幾唔錯。甜品揀咗雷沙湯丸，呢個真係好食，冇諗過啲湯圓竟然暖嘅，入面啲芝麻餡又唔會好甜，幾好。…查看更多

鋪頭唔大，座位唔算多呢度有客飯晚市客飯，包飯🍚、湯/豆漿其實有好多野想試，但喺揀食乜野期間，聽到隔離枱話個鱔糊幾好食聽到人地話好食一於照跟😂叫左個炒鱔糊客飯+湯湯都算幾咸下，如果下次再黎食，唔會再揀湯炒鱔糊味道其實唔錯，但啲特別幼嘅部位超級腥，不過好在大部份都粗啲嘅位置。張相望落好似係炒芽菜咁款🤣其實夾開啲芽菜，鱔嘅份量都有大約十幾塊。我都幾鍾意食芽菜，所以呢個份量比例對我個人黎講都接受。不過最衰就係咸，開頭第一啖覺得味道唔錯，係咸左少少，但越食越覺得咸食完餐飯勁口渴，勁辛苦，要狂灌水🫖🫖🫖🫖🫖🫖要改善嘅地方：食物偏咸，如果啲野食可以無咁咸就好喇白飯比較濕同淋左啲可能純粹今次調味重手左啫，都會想下次返轉頭試下佢其他野掂唔掂…查看更多

舊式上海舖一直係我的最愛，呢一間位於大埔墟的亦是我的心水之選。小籠包係由入門口右邊上海點心師傅專位入面嘅師傅即叫即蒸，等大約20分鐘左右，所以如果唔想等咁耐就一坐低就即刻叫咗先。衣家真係好少見到有呢D獨立點心小廚房的上海食店了。雪菜肉絲炒上海年糕味道唔錯，唔會好油，上海年糕煙韌，肉絲嘅肉質有彈性，雪菜又唔會太鹹。因為想食菜肉雲吞同時又想飲酸辣湯，不過叫晒兩樣野又驚食唔晒有D浪費，於是就叫咗酸辣雲吞，一次過滿足晒兩個願望。改良擔擔麵究竟改良咗喺邊呢？我嘅估計就係多咗D肉碎。重花生醬加麻醬配以上海幼麵加幾粒蒽花，當然有佢地自家嘅擔擔麵醬啦，味道都幾好。…查看更多

舊式上海小館特別有風味，點了小籠包一籠，上海粗炒麵一碟，菜肉雲吞一碗及凍豆漿兩杯，整體都很滿意，就是喜歡這舊式上海小館的味道。鮮肉小籠包一籠共有六隻，這店出品的小籠包Size比平常的大一點，似乎是自己師傅包的，並不是很別緻的那種，味道不錯。上海粗炒麵炒得比較濕，除了常見的椰菜外還加了菜芯，不算太油，而麵條亦將D汁吸得很均勻。不錯的菜肉雲吞，雲吞的皮略厚，有𡁻口。豆漿好飲，豆味香。…查看更多

舊式上海菜館值得支持，因為今天真係買少見少，好多老店都結業，所以有得食就真係要食多D。上海粗炒係食上海野時我必叫的，呢間味道都幾正宗，又唔會太甜，唯一缺點係份量好似細咗少少。雪菜肉絲炒年糕又係另一款我鍾意食嘅上海菜，呢度嘅雪菜肉絲煮得幾和味，而個炒年糕亦唔會太油。呢度嘅小籠包係傳統上海式而唔係台灣式，上海式就係大粒D皮厚身D，不過呢間嘅小籠包入面無乜湯。酸辣湯又係舊式傳統口味，唔會一味得個酸字，入面肉絲豬紅絲筍絲木耳絲等都幾足料，唔錯。…查看更多

又係老公帶我搵食黎到三寶勝食傳統上海菜，選擇超級多，多到唔知點揀最後好花心咁叫咗勁多嘢本身叫咗排骨擔擔麵，點知又見到改良擔擔麵，就順手問咗句係咩，侍應答加咗肉碎我以為係排骨麵加咗肉碎（因為比排骨麵都貴差唔多$10），所以就轉咗做改良擔擔麵點知一上枱，我塊豬扒呢？😧侍應話呢個就係改良擔擔麵，於是我就唯有再加排骨，$8貴成$20 先得到我嘅肉碎+排骨擔擔麵，真係有點失望🥲講返個麵，麵好煙韌，好有口感，可惜花生醬味唔夠香、濃點撈都好，都要食到有花生醬嗰啖先有花生味，完全掛唔到喺啲麵度，呢一part 有啲遜色排骨炸得酥脆，但係入口有少少苦，唔知係咪油嘅問題？🤔🤔🤔唔計呢一點，個排骨係唔錯嘅但下次黎，我只係會叫排骨擔擔麵，唔會加佢個肉碎🥲小籠包師傅就喺我哋旁邊搓，見到都覺得好食個皮夠薄夠煙韌可惜做唔到可以喺中間吸啲湯汁出黎同埋湯汁都冇乜，勉強合格酸辣湯雲吞上枱好夠熱，睇張相就知道，連蒸氣都影埋出嚟個雲吞皮夠煙韌、厚薄均勻，餡料都算充足，size 正常可惜個湯偏酸唔夠辣，對於我咁鍾意飲酸辣湯，呢碗差咗少少🥲湯料好足，好夠飽👍🏻豆沙窩餅去食上海菜必點餡料充足，外皮煙韌可惜太油同唔算好脆但餡夠多都叫做抵過其他缺點😂同埋叫咗後上，偏偏佢上齊所有嘢食就即刻上咗呢個豆沙窩餅，我仲食緊酸辣湯，邊有時間食呢一個窩餅呢？😩總結呢一餐二百幾蚊，CP值正常，中規中矩返轉頭再食應該都係食佢啲麵😛…查看更多

這是一家位於大埔舊墟的舊式上海店，味道不錯，所以間中都會專登去幫襯，因為衣家真係好少見呢一種舊式的上海小餐館。一坐低即刻叫咗個小籠包先，因為佢地即叫即蒸，所以如果想食就叫咗先，然後先至慢慢揀其他野食。另外叫咗個上海粗炒麵，都幾好食，唔太油，係舊式上海舖的味道，佢個汁、菜絲、肉絲再加埋個粗麵都真係無得頂呀。最後叫了一杯豆漿，唔會好甜，真係幾好。…查看更多

就係鍾意舊式上海舖嘅懷舊味道所以呢間店啱晒口味同心水，加上衣家呢種舊店真係買少見少，所以見到有就真係要幫襯一下。兩個人唔係食到好多野，叫咗以下三樣野食：上海粗炒麵甜鹹適中，唔會太油，啲肉絲同埋菜都算新鮮，都幾多菜，肉絲的肉質幾好。小籠包一籠五隻，即叫即蒸，好大個口嘅我可以一啖一個，女士們可能要兩啖，啲餡都幾好食幾新鮮，入面D湯唔算多，不過食嘅時候都要小心。雪菜肉絲炒年糕啲年糕比較淋，有啲黐牙，雪菜絲肉絲同埋筍絲都唔錯，幾好食。…查看更多

一班朋友大埔相聚當然要試下大埔名物啦講緊嘅唔係劣食/偽名物而係呢間Hidden gem嘅上海菜館家庭式嘅上海菜館近年買少見少區內呢間真係非常高質強烈推薦大家入開嚟可以試下- 酸辣湯- 鮮肉小籠包- 生煎包- 棒棒雞- 回鍋肉 (客飯)- 糖醋班腩 (客飯)- 菜飯 (客飯)- 豆沙鍋餅- 擂沙湯圓…查看更多

今天試了一家家庭式上海菜，價錢超值，味道也不錯。小籠包一籠有5粒，入面嘅湯唔算多，皮算係薄嘅。什錦炒年糕的什錦包括有雞、雞腎、黃牙白、肉絲及火腿等，年糕好食，係覺得太多汁。酸辣湯好足料，入面有豬紅、肉絲、菇絲、筍絲等，是舊式上海店的味道，用嚟點銀絲卷食好正。菜肉雲吞是厚皮的北方雲吞，好食。排骨擔擔麵的麵很彈牙，個湯的花生很香，排骨(即炸豬扒)沒有油益味。甜味叫了豆沙鍋餅及擂沙湯丸，兩款都好食。另外想講嘅就係杯豆漿都好好味。…查看更多

是日光臨大埔墟，經友人推介下光顧了一家在地上海老店，物超所值。上海菜中特別喜歡上海粗炒麵和小籠包，是必點項目，然後再加了酸辣湯與及上海菜肉雲吞，很是豐富。這店的上海粗炒麵有很多菜，很喜歡，其汁也很好，不會太甜。小籠包的味道則只屬於一般水平，一籠有五個，皮很薄，屬於大粒的小籠包。酸辣湯很好，顏色是啡色的舊式上海風味，酸和辣達恰到好處，湯料十足，有肉絲豬紅絲及豬肚絲等，如配蒸銀絲卷理應更美味。菜肉雲吞也不錯，餡料新鮮，沒有雪藏的味道，很好。…查看更多

地道小店風味加人情味等如好好味。聽講此店已經開了很久很久，支持者亦非常多，時常要排隊等位，今天幸運地等了才五分鐘就有位，真開心。到上海食店特別喜歡點上海粗炒和小籠包，因為總覺得如果這兩款地道食物如果都做得不好，便不應該做上海菜館。這家的很好吃，不過上海粗炒似乎偏甜了一點，不過亦好味道。至於小籠包有點大顆，它的皮很薄，而湯汁亦美味非常，配上凍豆漿就完美展現一餐很好吃的上海午餐，如果下次再去，想試一試它的酸辣湯和炒年糕。…查看更多

很久沒有吃上海菜，因往時去的上海飯店已經沒有經營及因區內比較少，現在找到一間不錯的。午後時間，來到了這店，因疫情關係，人不會很多，很快就進去了，一行二人點了：—小籠包—時菜獅子頭 —炒鱔糊 一來店員給了兩碗湯，湯份量不少，湯頭濃但不是味精水，不錯的。小籠包皮有一點厚，但又不會影響口感，湯汁夠味，可吃！時菜獅子頭（客飯）有兩碗飯的，菜量和肉量很多，肉可以一大口吃，吃得過癮，炒鱔糊性價比很高，鱔多芽菜爽口，醬汁很好下飯，兩大碗白飯也吃光，值得一吃。這個價格有這樣質素真的很不錯！推介！ …查看更多

每人平均消費50元以下是不對的，但食物水準是可以，種類也多選擇，不過四隻鍋貼已收37，抄麵一碟接近70，客飯價錢也差不多，格局只是親民且偏向殘舊，整體價格是偏高。…查看更多

肥沈我住大埔十多年，竟然依家先來幫襯這間上海小店，一試之下，覺得美味可口，可以再來！但大前提是，肥沈我建議大家為了健康著想，請於落單同時要求廚師少油少鹽啊！因為肥沈一族第一次來吃午飯時，就是覺得『很有上海小菜風味』，即是重鹽多油啊！但第二次再來吃午飯時，因要求少油少鹽，結果不失其美味之外又更加吃得健康啊！肥沈我個人好喜歡吃上海小菜，尤其是小籠湯包、紅油抄手、炒鱔糊等等等等⋯⋯，再加一杯不太甜又不太凍的美味豆漿，就是一餐超正的午飯了！最後，希望疫症早日消除，香港回復原狀！…查看更多