三姐松記糖水 (Closed)

今次係第2次光顧，上次係誤打誤撞來到的，但一試之下又不俗喎！蛋白杏仁皇 - 店方稱皇牌，可能放耐咗，變得杰身，但仍可吃到好香嘅杏仁味，但個蛋白真係做得好好，好滑，我仲以為自己食梗雪蛤膏！雜果芒果撈 - 其實我成日覺得呢個甜品無難度，最緊要個芒汁夠濃，千祈唔好淡戊戊，呢個係合格的，因我只吃了一啖和一舊芒果肉，但芒果肉幾甜，不錯！芒果涼粉撈 - 無食總括黎講，我覺得呢間糖水鋪係好味的。

今日年初四, 天寒地凍想食糖水滋潤一下, 因為冇得選擇關係, 松記未開工, 只好走入三姐松記, 入到去想食花生湯丸, 冇花生只有芝麻湯丸 (舊年已經係咁), 算...想食馬啼露, 佢又話馬啼露OUT咗好耐喎....唔怪之得D人多數去松記食都唔去你度食啦, 咁想食嘅兩樣都冇, 咁咪起身走人囉, 好彩行行吓入咗福華街石磨坊食日式焦糖燉蛋, 人地餐牌有嘅嘢就有得供應, 唔似三姐松記, 餐牌明明有寫花生湯圓但年年過年都冇得食, 以後都唔會入去幫襯!!!!!!!

食完飯點可以唔食糖水呀~以前食過彩珠，一再回味，今次le度試下先~雜果明珠...1. 生果唔夠甜2. 珠唔夠韌，唔夠多款，無水晶珠，所以一咬落去，所有野化為碎粒，完全無口怠上既變化。無驚喜....不過擺得幾靚，友人就不停影相囉唔要求高既都ok既

叫了雪糕豆腐花,幻彩明珠幻彩明珠: 同真正既''松記''差得遠!1.生果吾新鮮2.份量吾夠''松記''多但係D奶就比教杰身用濃味雪糕豆腐花: 只能說千萬不要吃豆腐花! 口感負分,味道零分'''了'' 2下已經散晒..好粉,..仲出水TIM..雪糕應該現成既,所以幾好味PS: 現在至1月, 所有糖水買第2個半價 , 得個抵字

自從從台灣嚐過雪花冰…回港後好想尋回當日的味道，可惜…試過筲箕灣的、油麻地的…甚至阿蘇介紹的旺角某店，味道份量不錯，但冰的質感還相差很遠今日就試試三姐的雪花冰。招呼我時三姐已表明：份量較少，不是相中的這麼多。選擇方面只有6款，及不設自選配料。(簡單D講即是幫你配搭好)點了牛奶冰底的富士雪山，上檯時發現…真的比其他店少一半，無生果，只有花生碎、朱古力醬等等吃了第一啖，係啦! 係台灣的感覺啦!!!味道質地都一樣…好好食。比其他店的 更棉 & 濃厚配料令整件事錦上添花，沒有因錯配產生怪味。...是平凡的好味。食完富士雪山仲即刻 Order 多個 黃金海岸 (芒果冰底)…食左 六十幾蚊…但心甘情願，因為真係好食。

星期六晚起朋友屋企整完一輪野, 都12點幾, 話去食糖水, 其實果頭有2間松記, 我朋友話呢間之前食過都ok, 但我覺得就麻麻囉唔知係咪夜既關係 (不過起星期六呢d先叫黃金時間嘛) 入到去唔係滿座, 坐低後, 睇左一輪menu, 因為都幾多選擇, 諗緊食爆珠定水晶粉期間, 有個侍應走黎話呢2樣都無, 芒果又無, 想食河粉又話無, 清心丸無 (話政府已經禁制左, 全港都無, 但我唔明點解menu唔改左佢)....咁多野無...咁我地唯有點左個summer, 即係有2球自選口味既雪榚, 同埋d大西米, 仲有雜果, 仲有2枝朱古力脆脆棒, 雪榚揀左芋頭+曲奇, 可能生果無左芒果, 好似差咁d野, 味道一般另外再叫左個雜果水晶粉 (好彩我地叫得快, 第二班客人黎到, 都話無哂水晶粉) 呢個話係用海藻粉黎整, 有d似jelly, 生果又係欠芒果囉, 味道好過summer, 可能我麻麻地大西米喇下次唔會再黎囉, 百無~ 只此一次

啱啱同朋友去完松記食，唔算太多人等咗一陣就有位喇。我地叫咗 ...芝麻糊: 好香，好有芝麻味紫糯米: 啲紫糯米好"林"，好杰蘆薈清涼爽: 呢個好呀, 低卡路里，有蘆薈同水晶絲都係我鍾意食嘅芒果雪花冰: 呢個就真係要鬧下喇，個冰黎到個個都呆晒... 乜咁少嘅，同出面街食果啲少咗有三, 四陪... 再問番待應，佢答我地: 呢個應該係半份 ... 後來又改口話，因為個重量關係，所以黎到會扁咗。因為我地唔滿意呢個答案，個待應先再補多少少俾我地。雖然係好食，topping 嘅花生亦都好香，但係呢個價錢，呢個份量就好貴喇 ...

放左工同朋友仔去長沙灣交野,佢請我食糖水答謝,行左成條街都搵唔到有位既糖水店,上Openrice覓食一會,發現有呢間三姐松記糖水都幾高食評,用nanonavi locate一下個位置,原來都係0係元州街~~~~~~好近~!!!order一個summer試下,發覺又幾足料,生果畀好多同埋好fresh~~~~d雪糕都整到圓圓一個球咁,又幾抵食啵,下次黎深水埗又多左一間糖水店揀 = )

d 人成日話呢間三姐松記係假野，計話我有乜問題，好味就得la呢間人少d，傾計吹水都開心d 叫了一杯summer 和 杏仁燉蛋，杏仁燉蛋好一般，d 蛋同d 杏汁分開左~ 溝唔埋summer 就芒果汁比以前多但出奇地酸酸地甜甜地勁爆好味!!!!!特別喜歡坐佢地既對牆位，同朋友傾計一流，又唔會比人趕走而且冷氣夠 ~~ 三五知己吹水好地方 至於價錢~ 1x 蚊既糖水，都算係咁la ~~~~

打完牌同朋友去佢樓下間糖水店食糖水,成條街有幾間同名既鋪,間間都爆晒,最後去左呢一間我叫左士多啤梨雪花冰,係我第一次食,佢黎得都好快,唔洗等,幾好.味道方面就太sweet,可能係上面d朱古力碎攪到咁,但整體都ok既,食完一消暑氣,但有d貴

這天經過深水埗決定入去松記食糖水,但係好多間都full左最後入左呢間"疑似"松記既糖水店,Order左一人一個summer,我覺得都幾好食呀,個size同quality都跟得幾足,同埋個雪糕球有得揀味,(是日記得係曲奇+紅豆+香芋+石版街)其實唔駛特登改個咁既名混淆視聽,何不自立門戶改個屬於自己既名呢~anyway,下次松記冇位我會再黎~

一心想去食松記，0係元洲街行左好耐，終於搵到一間松記，入左去先知唔係真正的松記，早知就唔好懶行多幾步去天悅廣場啦！去到，既來之則食之，見都有松記招牌，就試下啦！summer：有四款雪糕揀，媽咪揀左taro同紅豆，無人地話咁大碗喎（難道因為係冒牌店？），西米夠煙韌，ok 0既～雪山：既然試左taro同紅豆，我當然揀cookie啦！椰汁糕條ok多，又夠西米，不過無我想像中咁好味榴槤布甸：我覺得榴槤唔夠新鮮，有D苦唔係差，但係唔係人地講到咁好味囉，唔知係咪因為係冒牌的關係呢？下次都係要去返總店啊！

下午同妻子經過三姐松記，入去搵d嘢食，一於飽食之後又行街。叫咗杏汁燉蛋及合桃糊，加多一個糖不甩，共約40元。熱杏汁燉蛋上嚟時是用一個膠碗，先輸賣相。(最近去澳牛食同樣甜品係用傳統碗上)一試之下，感覺差不多所有嘢都差小小。蛋味淡咗小小，蛋香薄咗一d，杏香極薄，不過夠滑，孚回一些分數。合桃糊入口粉粉的，合桃味淡，不與置評。糖不甩有5粒，有麻芯，外加芝麻花生碎，不太甜，糯米粉夠滑，整體不俗。綜合來算，有得有失，ok喇，可能下次試d非傳統糖水會好d啩。

第一次食松記，總店同分店太多人等，黎左呢間人都唔少，但都唔洗等，不過地方就比較污糟，ｍｅｎｕ都係叫左一個幻彩明珠同芒果水晶絲幻彩明珠好好食，乜都有，但蜜瓜同哈密瓜就唔係咁夠甜，不過始終現成生果係咁芒果水晶絲好重芒果味，果三舊芒果都唔錯，但就成個都甜左ｄ

16 Jan,20099pm多來到,好多人係門外,不過我們五個人,都係等左3張枱..隨便點了幾樣,沒有什麼驚喜...(左上)芒果腸粉: 基本上得芒果汁d味同芝麻味..(右上)幻彩明珠: 冇咩特別(左中)唔記得叫咩: 同幻彩明珠差不多(右中)雪山: 個雪糕咪好食囉...(右下)什果棷汁河粉(?): 冇咩特別