三多

Open Now

Now Closed

三多炸脾：香脆可口，想不到那麼的好吃，因為炸脾看似容易，其實製作並不容易，因為那隻脾那麼巨大，要炸得熟而不炸老是考技術的，尤其是雞肉，要拿捏它的生熟度是很困難的，過熟便會乾，不好吃，過生當然不能吃，會壞肚子和食物中毒，所以很佩服店家敢賣炸雞脾，而且還那麼好吃。首先質感很好，真的脆皮，索索聲，爽脆，皮薄，脂肪剛好炸掉，吃起來不油膩， 調味亦相當好，濃，但不死咸，少許辣香恰到好處。超濃味又超惹味，令人相當回味，是絕對會再光顧的好店。

平時同鄰居夜晚出嚟踩車，佢哋都好鍾意買宵夜食，佢哋最鍾意就係食沙嗲牛撈公，我就成日忍口唔食，但係今次實在太早食飯，夜晚11點幾出到嚟都幾肚餓。今次終於買咗滷水雞髀配西汁意粉。之前鄰居分享嗰啲炸髀俾我試，所以今次就嗌滷水髀。攞左外賣之後,就踩出去工業村嗰邊開餐。開餐！隻雞髀個汁有啲層次唔係單係瑞士汁係有調配過，同埋厚肉得黎，個肉質相當嫩滑。另外個細汁意粉，就係細個去餐廳食鐵板餐嘅時候，配嗰份茄汁意粉嘅味道。宵夜呢個價錢都尚算合理，食完超滿足。

係太和站附近既＂三多＂，行過去都好快，應該好多人都有聽過呢個名，除左最出名既生炸雞脾，仲有其他唔同既小食選擇！生炸雞脾即買即炸，都差唔多要等５～１０分鐘，雞脾尺寸差唔多手掌咁大隻，咬落去依然皮脆肉嫩，仲會流哂肉汁出黎，仲可以選擇辣唔辣，每次都會加埋辣粉，味道更加豐富！😋😋😋西多士三層西既西多士，每層夾花生醬，但比平時西多士入面多左火腿，外面加埋煉奶牛油， 好惹味！🥰🥰🥰＊六點後先會開門，宵夜之選＊

食過咁多間炸雞髀都係最鍾意大埔三多超級皮脆內嫩！咬落仲有勁多汁標出嚟今次仲要攞到返屋企食都保持到水準超級超級推介大家一定要食佢哋嘅招牌炸雞髀佢哋嗰度仲有好多小食！

夜麻麻諗住買個宵夜食就揀左三多，之前都食過雖然唔算特別好味都正正常常，我就揀左個炒腸粉諗住返屋企慢慢嘆。滿心期待點知返到屋企打開見到啲腸粉全部黑色，竟然正正常常都比多佢。極度失望，鼓起勇氣咬左一啖，食唔到其他味完全得燶味，成盒炒腸粉掉晒🤢真心唔明點解炒嗰個明知炒成咁都仲可以照賣比人，雖然你有落豉油炒姐，但黑成咁唔會唔知掛，就算睇唔到都聞到啦。😂 盒腸粉唔係少少燶咁簡單，係冇一條腸粉唔燶，差!!!!!

三多🍽️炸髀💰30炸到勁香口，勁脆，好味的炸雞髀，可以揀辣和不辣。滷水髀💰30比起炸髀，我更喜歡滷水髀，雞髀勁入味，輕輕一切，已經骨肉分離，好正😋小食拼盤(大)💰60入面有燒賣、魚蛋、墨丸、貢丸、蝦條同雞塊，炸物唔知揀邊款可以直接叫拼盤，種類多份量都夠，配上酸甜辣汁勁正。👍🏻味道 : 🤎🤎🤎🤎🤍環境 : 🤎🤎🤎🤍🤍服務 : 🤎🤎🤎🤍🤍CP值: 🤎🤎🤎🤍🤍餐廳名稱🍽️：三多📍：三多 (大埔)大埔北盛街29A號地舖

經素會員介紹知道三多炸脾很高名氣所以就去會一會它🍗地點近太和站非常便利老闆服務很好招牌炸雞脾 $30-生炸雞脾，即買即炸，需時約10分鐘，即使外賣回家30分鐘後進食，仍然皮脆肉嫩，仲有肉汁流出，雞脾如手掌般大，而且肉厚，想吃辣的話還可以選辣味。$30雖然略貴，但想食炸脾時絕對能滿足到。西多士 $28-雙層西多士，每層塗上花生醬，中間夾有火腿，再配上煉奶牛油，整件西多士都沾滿煉奶，毫不吝嗇椰汁荳邊露 $18-好奇心作祟，問老闆邊露的意味，老闆保持神秘叫我們買來試試，其實是椰汁綠豆仁西米露，香甜柔滑，西米不黏糊，但帶微爛

嗱嗱嗱，行過三多，係時候嚟個夜晚加餐🌜。呢家店炸物出名，多得滋味呀！招牌炸脾真係惹味到不得了，外皮脆得嚟，啖啖肉咬落juicy得滯，啲肉汁真係流晒出嚟，夠晒香口。食完隻雞，唔覺得太過油膩，脾皮炸得金黃色，啖啖都係滿足感。炸菠蘿角個個小小，但香甜得嚟唔會太膩，芯內嘅菠蘿肉腍得黎又帶微微酸香，筷子根本停唔到。講到三層西多士，塊麵包真係應該要厚啲先得，夾落嘅火腿都算ok，但就算係宵夜，都想佢炸得香啲，下次可以試試改良下。不過，炸芝心丸就真係正到出汁，入口即溶，那芝士的牽絲效果，簡直每個都似藝術品咁吸引！行過三多宜家唔單止係炸脾既地方，每樣小食都值得一試。整體黎講，實在係味美價廉，仲可以深宵食到，真係夜貓子嘅福音🥳！夜晚搵嘢食，真係要記住呢家，實試佢啲招牌出品👍🏻。

Hello 大家好👋🏻！今日我嚟到位於大埔嘅「三多炸髀」， 一間香港出名嘅炸雞髀。 正所謂： 閑時去踩下單車，肚餓都唔洗驚青！ 同朋友一齊踩單車入大埔， 一定要去朝一朝聖。美食攻略：今次同大家分享一下佢哋嘅生炸大雞髀， 我知！已經好多人分享過呀嘛，但係好嘢怕咩講得多。 日日提住都唔會厭啦。 話明生炸時間上真係要等，明知係好嘢又怕咩等， 熱辣辣脆卜卜嘅大雞髀，炸完之後又肉汁，配上調味粉，如果怕熱氣又有滷水雞髀任君選擇。 大埔嘅居民何其幸福呢🥰🥰🥰。美食指數：5🌝最高味道：🌝🌝🌝🌝🌚環境：🌝🌝🌜🌚🌚服務：🌝🌝🌜🌚🌚賣相：🌝🌝🌝🌜🌚

行開鐵路博物館經過三多但係佢未開門去完鐵路博物館一直念念不忘好想食結果都係未開鼓起勇氣問下佢可唔可以賣隻雞髀畀我可以好開心呀終於食到好出名嘅三多炸肶本身驚中伏但覺得好好食好香口又唔會太鹹好多肉汁好正唔駛五分鐘就ko咗成隻比真係幾好食有機會經過呢間鋪頭都想再買多次唯一就係企喺度食緊附近好多蟻

食炸髀🍗唔食皮係對雞的唔尊重炸到好似薯片咁脆，肉嫩多汁的雞腿肉，見到都令人食指大動😍必食推介有炸髀同油髀呢2個邪惡孖寶，炸髀脆，油髀嫩，2個人一齊黎食，我就會話why not both小朋友才做選擇🤗

🍗🍗🍗之前去咗踩夜車～發現夜麻麻踩單車感覺都唔錯～冇烈日當空嘅陽光、又冇擠擁住人嘅單車徑，換來嘅係自由自在嘅感覺，又有一種黑夜遊歷嘅奇妙～🚴🏻‍♀️🚴🏼🚴🏻‍♂️俾我發現到一間好岩踩單車去食嘅小食店～➿➿➿🔸🔸🔸三多 (大埔)🔸🔸🔸大埔北盛街29A號地下➿➿➿呢間小食店都幾出名㗎～佢已經開咗幾間分店添㗎喇～究竟依間手小息食店點解咁出名呢？➿➿➿豬扒炒公仔麵🍝🍝🍝星星平時超級鍾意食豬扒炒公仔麵～基本上去茶餐廳必點的～個麵好夠鑊氣，食落真係香口～乾麵夠晒乾身加上唔油膩，保留到公仔麵嘅煙靭，襯埋個煎得恰到好處嘅豬扒～令星星食過返尋味～➿➿➿豉油皇炒腸粉🍲🍲🍲呢個炒腸粉真係超級好食～甜醬加豉油拎去炒真係一絕～有鑊氣得來又有少少趣脆口～而家打字諗返起都有啲掛住～➿➿➿豉油皇雞脾🍗🍗🍗雞髀夠晒入味，啖啖肉嘅豉油王雞髀，都係廿幾蚊，超適合用嚟充飢，食完即刻有力繼續踩落去～➿➿➿整體分數：7/10 🌟🌟🌟🌟🌟🌟🌟➿➿➿唔知大家有冇食過好味嘅小食店？留言話俾星星知～

係大埔行完山搵下有冇街頭小食🙈🙈 咁岩見到三多就係眼前🤩🤩 聽得就得多三多既大名 一直都無緣食到今次就試吓呢度的生炸雞髀🍗 由於疫情嚴重 唔敢周街食野決定買返屋企食😋😋 （安全為上🙌🏻）買左一辣一唔辣🙈 過下口癮-生炸雞髀 $32 呢度係即叫即炸 有得揀辣定唔辣我地等左大約10-15分鐘 就拎得😎 拎到返屋企 用氣炸鍋 翻一翻熱就食得雞髀用上麵包糠去炸 唔會好厚皮😆😆外皮酥脆 雞肉肉質多汁 唔會炸到骨肉分離 -👇🏻 原味雞髀 味道偏淡 唔會太鹹👍🏻-👇🏻而少辣口味都有啲辣🙈 但又能為雞髀口味更豐富🤤🤤🤤-🍽🍴總結 🍽🍴香脆可口的生炸雞髀確實係吸引 但個size 好似有啲細🙈 $32… 不太抵食 過下口癮都得既🙈店鋪仲有售賣其他的小炒小食

三多大家好呀，如果大家細個有睇過電視劇《真情》，應該聽過三多呢個名，但果個就係燒臘店😂😂，呢個係一間港式小食店黎既。位於太和既呢間食店係區內什至大埔及北區果邊都好有名，因為分店已經開至北區，但係總店就係呢間。今日乳豬就帶大家睇睇有咩咁出名又有咩驚喜比到大家🤗🤗今次乳豬我就叫左三樣野食，分別係豬扒炒公仔麵、豉油雞脾、同豉油皇炒腸粉。豬扒炒公仔麵先講炒公仔麵，絕對係呢到既皇牌之一，無論你叫肥牛定豬扒都無問題，因為個主角係個麵！！個麵同外面食到既最大分別就係個鑊氣，礙於現時社會環境，夜晚只好叫外賣食，當日乳豬同一班朋友踩單車，買完後踩車到公園坐低先開餐，中間都過左十分鐘左右，但個麵完全無影響，一打開個盒濃濃既香氣鑊氣滲入鼻哥，個麵十分乾身且唔油膩，同一般茶記既真係唔同，因為有好多間都用好多油去炒，出黎就食到成口油，但三多就唔係，完全乾身，口感「煙靭」唔係「林」既，咬落去有唔漿口。而豬扒煎得金香，咬落去鬆化唔痴牙，一流。絕對平凡菜式中不平凡。推介指數：🐽🐽🐽🐽豉油皇雞脾因為乳豬牙齒近來有啲問題，所以無叫到必食名物炸雞脾😂😂😂😅😅，取而代之叫左油脾，呢隻脾絕對係抵食，性價比係好底，大大隻脾都只不

呢間相信大家都唔陌生嫁啦，我就第一次食….😐我就覺得名過於實啦，可能係期望太高啦。🐒招牌炸雞髀💰$30叫完之後等左5分鐘左右就拎得，有得揀辣度，我地揀左小辣🌶熱辣辣食啲肉汁都好多，但係就唔係好入味同埋都偏肥，咬左皮既話肉既份量都唔係話好多，試過一次就夠啦！