三叔公牛骨湯粉粥麵館 (Closed)

很久沒有過來街市街，原來從前的標記位置變成咗一間新食店，光猛招牌，大大隻字寫著”三叔公”, 名字相當有趣，吸引了筆者走進一試。晚市乳鴿$48, 決定一試。即點即叫，乳鴿除即飛進㕑房。紅燒BB乳鴿$48~熱騰騰，樣子吸引，奈何底味未夠。鎮店水餃$48/~店員推介，於是試吓佢點鎮點先⋯⋯原來一大湯碗，有四大隻水餃，還有生菜底，胡椒粉味甚濃。苦瓜炒牛肉$88~端上枱熱騰騰，份量足，一讚。牛肉爽口，由於太多豆豉，頗咸。潮式炸𧐢餅$118-整體來說大部分的菜色都很咸，濃味者喜。…Read More

夜晚落街諗住搵下宵夜食，見到尼間新開，門面夠光猛，環境裝修都ok，即管試下，一入去坐底叫碗牛腩水餃河，唔洗等好耐好快就送上，食落質素一般，味道偏淡，咬口唔算好淋,但size 都算大碗，，性價比較低，唔知係咪“崩沙“尼兩個字貴呢。另一方面好既係野飲都夠大杯，平衡返我心理荃灣區食肆選擇多，希望佢捱得住。…Read More

三叔公好似新開冇耐，睇落鋪面好大，今晚去食試吓，要佐兩碗粥，一碗滷水鵝粥，一碗魚腩粥，再要一碟滷水鵝飯，同一杯飲品，個飯有跟埋個湯，白飯好好味，滷水鵝入味，個湯好濃味，鵝粥都好，魚腩粥清清淡淡，幾好…Read More

帶住啊仔放學經過聞到好香雲吞面味…望入去難得有雅座而且睇落幾乾淨既麵檔，就入去試下… 點知… 原來牛腩河比隔離兩間麵舖貴1/3，不過真係好香於是叫左碗牛腩河 同凍檸茶。 牛腩算合格 份量適中…河粉好大碗但係河粉好鞋，而且個湯無味到要落豉油都仲係覺得好難食得落口。 連好肚餓既啊仔都覺得好難食.. 凍檸茶就普通麵檔水準啦。真係本來好開心變得好失望… 老闆坐係斬燒鵝面前吹水而且唔戴口罩 真係有欠衛生… d侍應好多都好似唔係好熟手… 落單慢 而且對檯號唔熟悉… 一句講晒，無下次！…Read More

大前日(2-10-2022 Sun)朝同老公買餸食早餐,唔知食邊間好,記得呢喥有間新開嘅,於是行嚟,都幾full吓,我哋坐埋曼後嗰張二人枱,亞姐隨即俾兩杯水同menu我哋,睇吓menu,有粥粉都外,重有點心同茶餐廳嘅港式早餐,見到港式早餐貴過我哋前一日喺康樂食嘅$10.00,我哋唔叫啦,一來貴,二來食厭咗,而我哋都好耐冇食點心,於是叫點心.我哋要:5. $18.00嘅陳皮牛肉球一食落去口感好鬆軟,味道都對版.味道:5分4. $18.00嘅蠔皇叉燒包蜜味好夠好濃, 叉燒鬆軟,ok嘅.味道:4分3. $22.00嘅潮州蒸粉果呢個蝦米味道濃,五香味唔夠,亦冇沙葛,但澄麵皮煙韌唔糊口,ok.味道:2分2. $28.00嘅香茜叉燒腸呢個都等得耐嚟到,食落,叉燒比叉燒嘅乾嚡,因為佢係全瘦;芫茜份量啱啱好,好香;腸粉滑,唔錯嘅.味道:4.5分1. $38.00嘅生菜鯪魚球粥呢個等得耐,但端上嚟變咗既生菜鯪魚球河,於是叫人嚟,男嘅了解咗後就同我哋換(我哋太心急唔記得影相),好耐後我聽到佢同啲亞姐講冇粥.我心諗,我哋嗰碗應該整得切吧?然後佢過嚟同我哋講冇粥,因未煲好,叫我哋諗第二啲嘢食或取消呢樣.咁佢取消咗先.我計吓條數,生菜鯪魚球河可以貴生菜鯪魚球粥$8.00,最後我哋都冇叫其他嘢.然後我又睇返佢改啱嘅單我哋,計一計,明明$86.00,點解$90.00?又打明4位,我哋得2位,我問問亞姐有冇茶位?佢答冇.咁我問點解會貴$4.00?佢拎張餐牌嚟同我對,我睇到佢嗰張嘅蠔皇叉燒包同陳皮牛肉球係$20.00,即係呢喥嘅分別.我俾我影低嘅menu佢睇,佢問我哋呢張menu邊喥嚟?我老公答你哋俾.佢答嗰張唔啱,佢手上有膠片呢張至啱.嘩!我哋點知你邊張啱邊張唔啱?都好飄忽啫.之後佢好勤力咁逐張枱睇啲menu換返,我哋咁樣幫咗佢,佢哋係咪應該俾個discount我哋?抵食係2.75分衛生:不停有隻烏蠅喺喥,食到最後更係有兩隻,呢喥開咗唔夠一個月,衛生情況可以咁.其他:最後至睇真嗰兩杯水,我哋未飲過,都只得細半杯.…Read More