Video
5-min walk from Exit C2, Cheung Sha Wan MTR Station
continue reading
Telephone
26762388
Payment Methods
Above information is for reference only. Please check details with the restaurant.
是晚好大雨，同朋友交收完搵個地方食野，見有間叫三五碗車仔麵店，店員熱情拉客，就試下佢啦。睇睇餐牌，除左車仔麵，仲有串燒、撈麵、小食等，都幾多選擇。⭐車仔三餸麵自己點左三餸麵，揀左鹵水豬大腸、菜肉雲吞、扁尖筍，湯底就要左招牌胡麻辣湯同米粉，上枱時聞到好香，湯頭鹹鮮微辣啱口味喎，米粉吸左湯汁好好味😋⭐口水雞油渣重慶酸辣粉朋友揀左油渣麵，重慶湯底酸酸辣辣好開胃，豬油渣炸得酥脆香口幾正呀。口水雞雞肉嫩滑，但口味有點怪，用上口水雞汁又加了芝麻醬，辣得黎又有沙律感覺，哈哈，好特別喎😆⭐炸洋蔥圈朋友至愛炸洋蔥圈，即叫即炸夠好香脆👍⭐燒羊架燒 & ⭐五花腩串仲叫左串燒添，羊架肉嫩有酥香，五花腩豬油甘香好正🤤⭐燒生蠔製作需時的燒生蠔姍姍來遲，見佢大大隻蠔肉飽滿仲勁有蒜香，食落鮮嫩多汁好正呀😍⭐凍阿華田 & ⭐凍好立克食重口味野梗係要配返杯甜甜嘅凍飲啦，沖得夠濃，好飲。食左咁多野好飽好滿足呀。
continue reading
有朋友介紹呢間長沙灣車仔麵好食，想食好耐今日過嚟試吓先！豬大腸、豬手、蝦卷、牛腩重慶酸辣湯底米線：個酸辣湯底好地道，味道豐富，夠酸帶點辣！蝦卷好有海鮮味，外面少脆，好香口！仲有豬大腸同豬手，處理得好好，大腸不太肥，豬手無咩毛，真係正❤️豬油渣、豬扒、牛腩招牌胡麻辣湯底粗麵：胡麻辣湯底同出面食開唔同，平日小編少食糊麻辣因為好怕那個太麻，呢個OK喎！好易入口，但又有胡麻辣風味！豬油渣炸到好脆，油脂一咬甘香可口！平時出邊車仔好難食到，呢個要推介！牛腩好琳，夠味，不錯！☺️口水雞$62:口水雞中規中矩，有麻辣味，不會太辣，份量都剛好，算是開胃的🐔雞腎串$11: 切到細細塊，加埋孜然粉，又爽又彈牙！雞軟骨$11: 雞軟骨好爽口，咬落卜卜脆！雞肉串$13: 雞肉唔鞋口，掂！五花腩串$15: 肥瘦相間，甘香好正！燒牛肉串$14: 肉嫩，香牛味!所有串燒都熱辣辣，又有孜然味，又抵又好食！🤗🥺凍豆漿+$6: 預制一樽樽的，但好滑，唔多糖，好飲！凍奶茶+$8
continue reading
這間三五車仔麵除左車仔麵，竟然仲有一些燒烤類，新彊串燒，炸物及撈麵，選擇十分多，價錢仲要平民價。點了三串串燒都很不錯，有魚旦，豬頸肉及羊肉，味道香辣惹味。車仔麵就當然是主角，三餸麵$42, 配料選擇多，醬汁，湯底及麵底都有數款選擇，竟然有胡麻辣湯底。選了豬紅，菜肉雲吞及蝦卷清湯粗麵，份量大碗。鍾意食油渣麵的朋友，可以點選餐廳的招牌麵。辣豬油渣豆卜鮮辣米線，有豬油渣，豆卜，鮮肉碎，甜酸菜，芫茜及蔥，湯底轉了胡麻辣湯底，仲加配腐皮魚角，十分豐富滿足。
continue reading
收工後想平平地粗食，咁岩係長沙灣搵左間車仔麵食個晚餐~原來佢地除左車仔麵，仲有雞煲同串燒食🤓我就叫左自選車仔麵同串燒，串燒可以揀辣定唔辣😛自選車仔麵 $55(2餸麵 $36、3餸麵$42)餸: 豬大腸、蝦卷、牛肚及墨丸汁:腩汁湯底:清雞湯底豬大腸好有口感、蝦卷外脆內軟，牛肚好爽口彈牙，墨丸勁彈牙，份量勁大😛串燒-燒雞肉串好滑同軟熟多汁🤩-燒牛肉串牛肉味好出🤩-燒雞軟骨香脆可口😳-燒雞翼(3隻)啖啖雞肉，好爽😎-燒五花腩串口感鮮嫩多汁，燒完肉質好鬆軟🤓-燒茄子肉質軟綿，口感好滑爽😊三五碗車仔麵 (長沙灣)📍長沙灣青山道336號地舖
continue reading
喺長沙灣做完空中瑜伽好肚餓，同學介紹呢間店給我，見就快落雨近近地入去食咗嘢先，呢到除車仔麵竟然有埋串燒，又有埋雞煲有埋小食😳咁多樣化🤩 燈光充足，環境企離，坐得舒服😊 🍜 點了三餸車仔麵 $46（豬大腸，牛筋，牛肚，紅薯粉），胡麻辣湯底香濃帶點淡淡芝麻香味，微辣不會覺得嗆喉👍 紅薯粉每條都滑嘟嘟煙韌口感😊豬大腸洗得乾淨，滷得剛好唔會太韌，咬落去有少少彈牙，沒有腥味👍牛筋同牛肚忟得夠冧入味。每一款餸都有6件以上份量都唔少😍還送幾條生菜感覺上健康咗😝 🍢疆串串：（凡恵顧車仔麵， 可用優惠價）🔸️五花腩豬肉串$15，肥瘦均勻炭火烤後甘香脆嫩。 🔸️燒翠玉瓜$11，燒得剛剛好保留到蔬菜水份。 加了孜然粉豐富了味道，必點! 🔸️雞軟骨$11，外皮脆酥，軟粒粒有嚼勁。 呢度價錢親民，款式種類又多，下次可以約多啲朋友一齊嚟食雞煲串燒🤩
continue reading
You may be interested in