813
71
31
2-min walk from Exit B1, Jordan MTR Station continue reading
Telephone
23882302
Introduction
A Japanese restaurant in Jordan, various choices of sashimi and sea urchin are provided. You also can find special kinds of dessert like fruit sorbet. continue reading
Additional Information
Members can enjoy 10% off
Opening Hours
Today
11:30 - 15:30
17:30 - 22:30
Mon - Sun
11:30 - 15:30
17:30 - 22:30
Public Holiday
11:30 - 15:30
17:30 - 22:30
Payment Methods
Visa Master AlipayHK Alipay Cash
Other Info
Online Reservation
Alcoholic Drinks
May Bring Your Own Wine
Cake-cutting
VIP Room
Phone Reservation
10% Service Charge
Spot payment
About Reward Scheme
Review (976)
Level4 2019-10-29
60 views
呢晚放工同姐姐嚟咗呢度食晚飯好耐冇去屋酒屋食飯,所以點咗好多嘢食火炙壽司五件都燒得好香口我最中意鰻魚同吞拿魚鰻魚柔軟得嚟又有d彈性,好食!芝麻雞翼雞翼充滿芝麻香,好香口惹味蛋包飯蛋做得好鬆軟充滿蛋香入面嘅珍珠米飯帶d濕潤但粒粒分明好飽滿整個蛋包飯嘅調味啱啱好唔會過咸加埋番茄醬食落更多開胃滋味 !海膽炒飯上面放有鮮甜嘅生海膽同三文魚籽飯入面除咗熟咗嘅海膽粒、仲有蝦同魷魚等嘅海鮮配料、非常之豐富,充滿海鮮嘅咸香味。另外珍珠米炒得粒粒分明,非常香口焗蠔香滑忌廉加鮮甜厚肉嘅蠔,yummy!剌身拼盤全部都好新鮮生蠔好鮮甜,帶少少海水味!good!椰子雪糕好重椰子味,好香滑!好食!整體來講食物質素都好好,而且價錢又合理,都幾適合同一班朋友嚟食 continue reading
(The above review is the personal opinion of a user which does not represent OpenRice's point of view.)
Level4 2019-10-25
245 views
事原妹妹仔想我幫佢占卜算命,但又唔知俾幾多錢.....我話大家咁熟, 咪請我食番餐飯仔算囉!想食咩呀?日本菜囉! (因為近排少食日本菜!)咁....想去邊間呀?你請你話事啦!咁.... 佢就訂咗枱去七福神!七福神唔係第一次幫襯, 水準唔錯, 所以放心再幫襯.妹妹仔請, 所以由佢發辦, 蟹籽沙律 (大份量), 炸雞軟骨, 六品刺身盛兮, 蒲燒鰻魚, 九州拉麵.未講食品之前, 先講吓個廁所, 好乾淨! 讚!炸雞軟骨超正, 外表香脆之餘雞軟骨一D都唔硬, 而且極軟又極 Juicy, 爆分! \(^0^)/.六品刺身盛兮除咗有最愛三文魚, 重有帶子, 甘蝦, 北寄貝, 吞拿魚同鱆紅魚, 最深印象係帶子同甘蝦, 肉質極鮮甜, 我重留意到底部放上冰粒保持底溫, 夠貼心.蒲燒鰻魚魚身夠厚肉, 入口即溶而且味道唔會太甜啱啱好, 滿意.我自己少食九州拉麵, 眼前嘅叉燒份量比想像中多, 最重要入口即溶, 湯底亦濃郁, 拉麵彈牙之餘唔會過冧, 滿意x2.最驚訝係個大份量嘅蟹籽沙律! 竟然用個大大個湯碗裝大大份沙律上枱, 你話如果份沙律唔好食都可以放棄唔理佢, 衰在份沙律足料攪到好好味喎! 結果食完個沙律已經飽腹一半!Okay, 繼續算命, 乾坤一開, 三七氣流一轉.... continue reading
(The above review is the personal opinion of a user which does not represent OpenRice's point of view.)
Level4 2019-10-23
319 views
去佐敦附近都好似新開左唔少美食,而呢間成日經過都會見到佢樓下需要排隊所以今日就提早黎book定位一於嚟試吓。蟹籽沙律(大)因為平時見出面嘅沙律份量都比較少,於是就叫左個大的,而呢間嘅沙律份量完全係超出預期,係平時的份量的3倍,適合6個人以上食。而入面的青瓜都非常爽脆。唯一有少許問題係沙律醬太多,所以好膩,建議大家可以叫少醬。芝麻雞翼一碟有四隻,全部都連埋雞翼尖而且係新鮮即炸,表面嘅調味功夫都做得十分之好。夠晒入味有少少鹹鹹地同埋香料嘅味道啱啱好,而且入面啱炸得啱好,仲有肉汁唔會太乾身又唔夠熟,所以呢個芝麻雞翼都叫得過。三文魚腩,一客有5塊,每塊都切得幾厚,係平時放題嘅厚度嘅兩至三倍到。所以食落非常之有口感,而且脂肪分布非常之好,所以非常之容易咬落去,而且唔會有其他唔新鮮的味或者唔夠凍嘅情況出現。石鍋燒香蒜牛肉飯,一上枱嗰陣已經聞到面頭大量蒜香嘅味道,而且石鍋非常之夠熱。所以一上枱之後要開始拌飯。如果唔係就會出現燒焦嘅情況,不過正正係因為夠熱所以成碗飯都會充滿着好香嘅牛肉同埋蒜香味道。十分之惹味。而且牛肉嘅份量都比得相當自大方,少少鹹鹹地嘅汁同埋蒜香食落非常之開胃。炸雞軟骨,上面嘅炸粉一啲都唔厚,而且係新鮮即炸,脆卜卜,有小小鹽,可以配上啤酒咁樣食非常之夾。士多啤梨乳酸,入面士多啤梨嘅味道非常之香濃,而且一啲都唔假,應該係用咗新鮮嘅士多啤梨落去整,入面嘅甜度亦都唔會比起坊間甘甜,加上有少少酸咁,而且都幾大杯所以都幾抵。最後職員雖然非常之忙碌,但係亦都唔會有漏單嘅情況出現。食物上枱嘅速度亦都幾快。 continue reading
(The above review is the personal opinion of a user which does not represent OpenRice's point of view.)
星期日和屋企人出咗去佐敦, 行街行到肚餓之際,諗起<七福神和食亭>就喺附近, 時間尚早就沖上去开餐。因為工作關係偶然都係佐敦開飯, 這裹出名抵食好食, 除咗學生好多機構員工都有優惠。就和一般居酒屋一樣,有各款刺身壽司炸物,料理,串燒,各式飲品,清酒。試咗這款新品《牛油果鮮奶沙冰》$38沙冰夠幼滑, 牛油果味唔算突出, 而牛油果和鮮奶比例均衡, 清新怡人又冰涼, 啱曬唔係咁鍾意奶味嘅人。壽司和各料理都係自己寫低喺紙仔上。《三文魚腩刺身》$68夠曬厚切, 份量足, 肥美鮮甜有魚油嘅香, 性價比相當高!《 唐揚魷魚鬚》$55使用了較細嘅魷魚鬚, 炸得香口, 趁熱食,蘸沙律醬美味! 送酒佳餚!點了一系列嘅壽司。其中甘蝦非常鮮甜, 赤貝爽甜, 蟹仔軍艦非常大份, 炙燒三文魚可以燒多一點可逼出魚油。吞拿魚有雪味唔算新鮮。《蕎麥冷麵》$50蕎麥冷麵 鍾意佢夠煙韌, 唔會過腍, 冷麵汁美味有蔥香和芝麻香。芝士 焗天火蠔$72 三隻下了芝士醬汁烤焗特別惹味, 蠔肉夠肥美。 人吃三隻,都可以小食多滋味~蟹肉味噌甲羅燒$58 配飯團蟹膏和味噌配合得天衣無縫,咸香惹味 ,混入絲絲蟹肉, 自製蟹膏軍艦, 非常美味!焗肉醬茄子手打烏冬$58和肉醬意粉味道相似, 重點上面有溶咗嘅芝士同埋一隻溫泉蛋。 溫泉蛋令成個撈烏冬好滑, 配合肉醬和芝士非常惹味!!食物水準平均,美味, 透過openrice訂位某些時段好似仲有88折 continue reading
(The above review is the personal opinion of a user which does not represent OpenRice's point of view.)
星期六本來約了好友到the one看電影,可惜來到戲院發現場「靚位」已滿,最後決定將原本的行程改動。首先要找一間美味的,又能容許我多坐一會,已不會被趕走的食店開餐,最後,就來到了七福神。這裏的佔地夠大,能容納大量食客,而且客位寬敞,不會有擠迫感。餐牌上各款食物都非常吸引,而且價錢挺合理。牛舌串牛舌是厚切,味道甘香,口感煙韌,有咬口,帶有點點燒烤香味。墨魚咀唐揚外層炸漿超薄,入口酥脆,不會有厚重的粉狀感,內裏墨魚咀有咬口,一啖一粒,非常滋味。魷魚鬚唐揚推介,魷魚鬚外層炸至金黃色,入口脆卜卜,內層爽彈,若兩款炸物作比較,個人偏愛這一款。炙五味若與餐牌上的火炙壽司比較,炙五味算是非常抵食,5件不同配料的壽司,只是HK$58,個款壽司都有種入口既滆的口感,而且帶有陣陣的火炙香味,而火炙三文魚腩絕對是我的最愛,肥美甘香,吃後整個咀裏都有滿滿魚油香味。吞拿魚壽司、海膽壽司、三文魚籽壽司、火炙三文魚腩、火炙帶子由於炙五味非常好吃,我亦追加了數款火炙及魚生壽司。在眾多款壽司中,以三文魚籽壽司及海膽壽司最出色,三文魚籽鮮味十足,不會有重鹹味,海膽入口即化,味道鮮甜。赤坂魚蛋紫菜手打烏冬由放擔心只吃炸物及壽司不夠飽肚,各自點了烏冬來吃,烏冬口感超彈牙,即使放涼了,質感仍然是QQ的。埋單前,店員為我們送上朱古力雪糕作甜品,感覺滿足。 continue reading
(The above review is the personal opinion of a user which does not represent OpenRice's point of view.)