丁爸食府

鍾意食台灣野既我，發現左彩虹有間台灣人開既小店，所以放假就黎try try佢啦😂😂😂😂一共叫左三樣野食，一場黎到就簡多少少試下嘛分別係麵線，水餃同蚵仔煎麵線不過不失，唔係好出色既麵線，口感都淋既，都叫有d台灣味既，畢竟香港少見到有嘛😉水餃普通野，冇咩太大印象蚵仔煎既醬係台灣貨既，蚵仔都大粒既，都多蚵仔既，合格既整體未好到要特登黎食啦，路過可以既…Read More

難得放假，決定去搵下野食，想食丁爸好耐啦，但營業時間有點難度，畢竟手工野，太晏收工時間去食會好易冇野食，所以放假黎朝聖啦好食又唔貴，雖然款式唔會好多，但真係有古早台灣味道，叫左個韮菜盒子，好香韮菜味又唔會好油，皮好薄又脆，推薦推薦…Read More

渡過虎年黎到兔年🐰又係時候去黃大仙廟問下今年運程，人頭湧湧來回解埋籤出黎已經餓了，醒起呢頭有間上年登上米芝蓮必比登推介既小店就去試下🦧由彩虹C2出口一出經過遊樂場轉入去就係小店所在既巷仔🌈附近就係熟食大檔幾有風味，行近門口就有陣陣臭豆腐味散出，極有台灣夜市感覺丁爸食府係外賣店，便當定價由45至60📕其他小食例如有蛋餅、鍋貼同麻辣鴨血等，由25到55蚊都有，價錢同其他有堂食有裝修既台菜店例如吃什麼、那個同阿元來了差唔多🤑🍽肉燥乾拌麵 | $45麵底煮得比較腍身，食落有芡汁得黎有滑既感覺，蒜味幾強烈，食落會醫肚但冇乜特色🤪肉燥係魯肉果種肥瘦相間款式🍽韭菜盒子 | $25係台灣食過一試難忘，估唔到呢度會中伏😪外皮冇乜酥脆感偏油，最過份係入面既餡都唔新鮮，韭菜已經勁暗啞冇哂青綠，似係放咗一段長時間再翻熱比客人食，我認為荃灣民豐整得好食好多🤗🍽米漿 | $15唯一有驚喜既係野飲🤓米漿入面有香濃花生味，飲落唔會太甜，幾正宗早餐店風味.如果想堂食就可以係出面自己開檯開櫈💺特登過黎幫襯仲要排長龍就一定會失望既米芝蓮必比登小店🙅‍♀️…Read More

咁必比登既台灣菜都試左吃什麼同阿元來了最後試埋丁爸食府不過係分類上佢係寫做街頭小食真係R爆個頭當初係飲食男女睇過介紹丁爸但見google map評價都係麻麻地又真係比左做起左咁up dup都拎到米芝蓮必比登而家仲係旺角開埋分店做埋153生意咁彩虹呢間總站就開係牛池灣露天街市後面近垃圾站果邊附近環境其實真係幾差星期六點零鐘黎到門口都見幾多人丁爸係做外賣生意門口有一兩張摺檯比人自助開黎食但我去果門口已經比人霸晒食唔到2022年有七間新入選必比登餐廳其中有兩間係黃店大圍小館同倆口小吃呢兩間不嬲都想試但拎左米芝蓮之後就更加食唔到尤其係倆口小吃次次去親都見排到痴線條龍唔算好長不過佢即整所以要等得比較耐無番一兩個鐘都唔洗食到而大圍小館最近係元朗開左分店唔知會唔會易d食到入面就係得咁大唔會有位比你另外廚房淨係見到一男一女條片就話餐廳有四位老闆丁爸可能去左旺角店掛外賣紙見到價錢對比起飲食男女果時都貴左不少呢個價錢已經同有堂食既阿元來了九份飽無咩分別張落單紙會有一個號碼可以等叫餐廳要用國語落單不過講廣東話大概都聽得明d既大約等左十分鐘左右然後我又用左二十分鐘左右番屋企就係半個鐘之後食用佢地個袋仲有自己名落本做品牌黑糖仙草原價廿蚊跟便當可以平十蚊好甜仙草份量都好多本來睇片見外賣盒都係狗流流塑膠盒但打開個袋見到個便當盒竟然係幾靚仔鹹酥雞便當比想像中大份好多仲有好似那個同鐵路便當果堆便當配菜有原隻滷蛋滷豆腐全部都好入味我成日覺得食野要外賣係物理上就已經係fail但估唔到過左半個鐘個飯都仲係暖既鹹酥雞亦都唔會淋晒例牌會叫既就一定係蚵仔煎勁多醬膠質都好勁蚵仔亦都好大粒呢件仲熱辣辣添即係比錢果時都覺得幾貴咁樣一餐飯成115只收現金以外賣店黎講價錢堅係貴無環境亦都無服務但野食都真係好食同大份我一個成年肥佬都食唔晒個便當見google map負皮果d好多係買左佢年菜既同鄉大部份都話佢d餸凍同貴上fb仲見撈好多野又做私房菜又團購咁我諗都係正正經經去番佢舖頭買外賣好過…Read More

在對面吃完車仔麵之後，妻子毅然發現這間是一間以前很出名的台式小食店。超正，買臭豆腐去野餐，我都係第一次聽。由於上到去佐敦谷野餐之後，非常之忙碌，因此沒有時間拍下臭豆腐以及蛋餅的樣子。臭豆腐挺像台灣那種，底下一塊塊細片的豆腐，:)吃上去就沒有臭味，脆香的外皮，內裏有點香氣，沒有加太多辣醬，上邊有少少醬以及其他雜菜做配料。不過我覺得蛋餅更加出色，蛋雖然熟，不過味道香濃，然後又有肉鬆作為餡料，不至於太乾，帶點甜香的味道，的確吸引。一小個廚房，幾個爐具，製作出類似台式的小食，確抵讚…Read More

點了珂仔麵線韭菜盒盛惠60元. 珂仔麵線食味普通35元性價比不高,韭菜盒煎得不夠香脆.此店主要做外卖,店面沒有提供餐座堂食,要吃的話只叫客人出外街自己打開枱及椅,吃完自己收返放回門口.此店上榜米芝蓮真不知怎樣標準,總之極度失望,不會有下次.…Read More

1：30pm去到，人吾多。叫了麵線和韭菜盒。好明白一間近似外賣店嘅小鋪，好多嘢都是顧客自己親手處理。例如開枱，抹枱食完自己放入垃圾箱....但如何令到一個顧客會在這樣的環境下會再次幫襯呢..原因只有一個（好食）麵線唔熱之外（食到一半唔食了🤣），冬瓜茶和韭菜餅都可以，共$78。但唔會再來。地方衛生有點...…Read More

今日下午五點鐘左右喺附近唔知食啲乜嘢好， 嚟咗牌坊附近周圍行， 突然見到呢間噏耷耷嘅台灣食店， 佢啲食物係好有台灣風味， 老闆應該係台灣人， 我叫咗個麵線， 同埋一杯珍珠奶茶， 麵線嘅感覺有啲似八方雲集嗰隻味， 珍珠奶茶普普通通， 但成間店嘅感覺好有人情味， 我會再幫襯。…Read More

地區名店！呢間台式小店一直都有好多街坊幫襯，直至被米之蓮發掘，多人認識咗，仲喺旺角開埋分店。因為附近係街市同茶樓，彩虹呢間舖頭嘅衛生環境麻麻地，通常我都會買外賣返屋企食。蛋餅$22- 加肉鬆$5，建議加肉鬆因為加咗肉鬆更加香更加鹹。蛋餅同埋少量嘅蛋皮比較淡味，口感都幾煙韌，唔錯！韭菜盒子$25- 盒子入面充滿韭菜同少量粉絲碎，我平時都鍾意食韭菜，所以都接受到好勁嘅韭菜味。不過令我不解嘅係盒子上面淋上蒜蓉醬油，令到盒皮發脹淋晒唔好食。炸臭豆腐$50- 我麻麻地台式臭豆腐，都幾酸臭。有好多醬汁，連啲配菜都一樣咁臭。不過各人有各人嘅口味，只不過呢款臭豆腐唔啱我。肉燥乾拌麵$40- 乾拌麵都幾好食，底下有幾條生菜墊底，減少左肉燥汁嘅油膩感，麵質好滑。炸甜不辣$30- 甜不辣炸粉好厚，幾多油，份量都比較少，唔抵食。米漿$15- 米漿偏甜，質地杰杰地，食到好細好細嘅米粒。食完重口味嘅台式小食，飲番啖米漿好清新，幾好！手抓餅$28- 加芝士、火腿各$5，手抓餅俾到我驚喜！咁多款小食入面，我最鍾意手抓餅。酥皮厚薄適中，好香牛油味。加埋生菜、火腿、芝士，呢個組合冇得輸。不過奇怪位又係有蒜蓉醬油喺面，相信唔落嘅話會更加好味。手工水餃8顆$38- 我試晒韭菜同高麗菜，兩款都好好味。平時外賣水餃有機會水餃皮發脹，會糊口。但係呢度嘅水餃都保持到煙韌口感，唯一唔鍾意嘅係佢又落咗蒜蓉醬油。:)…Read More

想試呢間好耐，因為評價好兩極。食完感覺係幾正宗，令我回想台灣working holiday。🥢蚵仔🦪煎：同潮洲煎蠔煎好唔同，台式蚵仔煎一定有蕃薯粉打芡，所以咬落QQ彈牙！蚵仔肥美！驚喜既係完全冇海鮮腥味，蠔仔夠新鮮👍🏻。🥢蚵仔大腸麵線：新鮮蠔肉煮湯麵完全唔腥，粒粒飽滿。大腸唔會好肥膩，反而帶出豬油香。🥢米漿：台灣早餐店必定有，如果早餐冇胃口，飲一杯米漿已經撐到整每上午，因為用果仁、穀類磨成槳，飽肚又營養，味道似火麻仁，好香果仁味。🥢韮菜盒子：餡料有粉絲、韮菜蛋，趁熱食更香口。味道：🔅🔅🔅🔅新鮮：🔅🔅🔅分量：🔅🔅🔅衛生：🔅🔅🔅速度：🔅🔅🔅（5🔅為滿分）…Read More

唔講你唔知 係彩虹彩牛池灣街市巷中嘅丁爸食府 登上左2022香港澳門米芝蓮指南🤫 小店由台灣人主理 好有台灣夜市小店嘅感覺👍🏻 小店主要做外賣 不過亦有少量位置堂食👅今次我哋就試左幾款台灣小食 分別有大腸蚵仔麵線 麻辣鴨血臭豆腐 鹽酥雞 炸甜不辣同埋韭菜手工鍋貼🤤 大腸蚵仔麵線味道十足十夜市👅蚵仔好大隻 麵線口感唔錯唔會好腍👍🏻麻辣鴨血臭豆腐鴨血夠嫩 豆腐夠臭🤣 個人最鐘意食佢地嘅炸物 鹽酥雞 炸甜不辣都超正😍 酥脆香口唔油膩 特別係甜不辣 煙煙韌韌口感超好食😋 韭菜手工鍋貼有8隻 非常足料 好多韭菜 值得一試🌟…Read More

香港市區無幾多條圍邨未被清拆調景嶺，竹園鄉同牛池灣村要去打卡要去留影好快D更難得係仲有新食店肯落戶在其中丁爸食府就為牛池灣村帶來左新味道無論係係斧山道游完水，或者係坐小巴入西貢前丁爸食府的台灣小食都好醫肚啊～-炸甜不辣炸得金黃，煙煙韌韌又香口，有魚肉香-大腸蚵仔麵線食台灣野唔少得叫番碗大腸蚵仔麵線吧～麵線的質地密實不易糊，勾芡的濃度剛好，不容易還水，加上蚵仔和豬腸，是台灣的味道。-蚵仔煎-這裡的蚵仔煎先以太白粉做底，食落較煙韌加上煎蛋青菜和甜醬，有不同的層次。-高麗菜餃子大愛這裡的餃子，高麗菜超！清！甜！而且入口帶爽又有豬肉的咸香I like it. …Read More

試試必比登推介嘅台灣小店！✨炸臭豆腐$50豆滿外香內嫩，充滿發酵香味。配上台式泡菜同酸辣醬汁，惹味開胃。👩🏻本身鐘意食港式臭豆腐，覺得台式呢款更重臭滷水味道，食落去更濃郁吸引。✨大腸蚵仔麵線$35大腸滷得入味軟嫩，蚵仔新鮮肥美。比起香港其他餐廳多麵少湯汁。✨高麗菜手工水餃$40口味較清淡，反而更突顯蔬菜同豬肉嘅甜味。✨白菜滷$25蔬菜經過燉煮變得入味又軟腍。湯汁充滿蘿蔔、菇菌香味。📍丁爸食府 (彩虹)彩虹牛池灣貴池徑2號地下C號舖…Read More

今日上完堂，落咗牛池灣食之前好多人介紹過嘅「丁爸食府」💓「丁爸食府」係彩虹牛池灣街市巷弄中裏面一間台灣小店，而且仲登上咗《香港澳門米芝蓮指南 2022》，真係好值得一試💓佢地係用紙仔點餐，點完交比職員，因為即叫即整，所以要等一陣先有得食😚好彩唔算太多人，大概15分鐘左右，熱辣辣嘅美食就送到我面前啦💗💫韭菜盒滿滿嘅韭菜塞滿餡皮入面，每一啖都食到韭菜嘅味道👍🏻💫 炸台灣香腸（2條）台灣香腸係我至愛，炸過嘅台灣腸味道更香💗💫 蛋餅（加起司/玉米/火腿）貪心嘅我揀咗3種餡料，每款餡料就加$5 😚 餡料份量都幾多，而且起司仲有拉絲效果👍🏻👋🏻正啊🤤💫 鹹酥雞台灣必叫嘅街頭小食🐔外面酥脆，雞肉卻保持肉嫩多汁🫶🏻必食之選👍🏻…Read More

呢間位於彩虹嘅過江龍台灣小食店丁爸食府，雖然店面唔係好大，但佢來頭不小，今年仲榮獲米芝連嘅名譽，所以我哋專登都嚟試一下。蚵仔煎：佢哋粉漿調配比例得宜，口感食得出有煙韌Q彈嘅口感，因為加埋蛋一齊煎，所以為其增添多一份蛋香。入面包住嘅蚵仔隻隻都大大粒又飽滿，再配埋佢哋惹味嘅豆瓣醬就更能突出蚵仔嘅鮮味。炸臭豆腐：臭豆腐嘅臭味好濃，佢哋炸緊都經已離遠都聞到，炸得非常之香脆，佢哋仲加埋台灣泡菜嘅辣汁，令臭豆腐變得更加惹味之餘，仲更加好味。起司蛋餅：蛋餅餅皮較薄身，有濃郁嘅蛋香，入面嘅芝士可以拉絲，同蛋餅味道好夾。滷肉飯：嚟台灣小食當然要食滷肉飯啦，滷肉用嘅肉肥瘦均勻，食嘅時候有陣陣嘅油香肉香，而滷肉汁好香甜，用嚟配飯一齊食就一流。…Read More