One Dim Sum (The Hart)

尖沙咀有間新開不久的點心專門店，見網上評語唔錯，就去試吓。茶有四款可以揀每種茶都註明功效，非常貼心。我揀咗出邊少有的人蔘烏龍,甘甘地飲落幾舒服。功效有助去膩減脂，促進新陳代謝。蟹皇蒸燒賣有蟹籽，蝦好大隻，望落好飽滿四嚿大大粒。香茜牛肉腸牛肉腸加了香茜，冇咁單調，腸粉好滑，鄙薄餡靚，做得唔錯。香煎蘿蔔糕有好多蘿蔔絲，唔會剩係得麵粉。而且煎到外皮好香脆，必叫之選。雪山叉燒包熱辣辣，新鮮出爐，外皮脆脆之餘裏面好軟熟，擠滿叉燒的餡料。鮮蝦腐皮卷賣相好靚，好飽滿，脆脆的腐皮包住滿滿的餡料，有鮮蝦，蔬菜類，值得推介。咖哩土魷咖喱有點東南亞風味，應該加咗椰奶，土魷份量足，而且底部仲有蘿蔔墊底，沾滿醬汁同樣好味。四寶滑雞扎餡料豐富，有整舊冬菇，雞件，火腿，魚肚全部大大舊，好滿足。總括嚟講：點心全部熱辣辣新鮮蒸氣和炸起，食物質素高，價錢合理，坐得舒服，值得推介。…查看更多

近日天氣不穩定, 時雨時晴, 大家不想周圍去, 提議找個地方歎個 美味午茶 !!尖沙咀  [ 一點心],  乘地鐵去好方便. 鄰近有多間酒店, 客人包括中外人仕,  餐牌及牆上食品, 有註上中英文.座位多,  適合 [飲杯茶  食點心].   牆畫畫得好美.茗茶每位$8,   我們叫了傳統 普洱茶及多款點心.   水滾茶香, 點心快速送到.蟹黃蒸燒賣:  是大家的心水選擇, 大大顆新鮮蒸起的燒賣相當飽滿,   有新鮮大蝦貼頂, 加上點點蟹黃作點綴. 燒賣肉香四溢, 豬肉打得彈牙, 混上爽口蝦粒,  沒有臊味和味精涸喉.   品質優越.鼓汁蒸鳳爪:   鳳爪好大隻,  炆得稔,  伴上鼓汁, 紅綠椒,   蒸得好入味,   一流好食.  牛肉腸粉:   腸粉皮薄, 牛肉饀料豐富,  配上甜豉油.  蒸得相當滑溜.   炸鮮蝦腐皮卷:   一客三件炸得金黃色, 外皮鮮竹卷好香脆, 不油膩,  內餡有原隻鮮蝦, 真材實料.  沾上喼汁更惹味. 雪山叉燒包:   上檯 熱騰騰,  焗得香口,  入口鬆軟.叉燒餡料足, 肉質優,  汁醬唔太稠, 又唔甜, 味道好好.香煎蘿蔔糕:  煎得剛剛好, 好香口, 一碟三件, 蘿蔔糕不很厚, 糕身不會太粉太削, 煎的香而不焦, 有臘肉粒和蝦米, 味道很好.   配上甜醬和辣醬, 有助提升味道的層次感. 點心上得快,  食物真材又實料,  制作認真, 款式多大件扺食,   再來個點心派對真吾錯  !! …查看更多

在酒吧林立的赫德道，竟然出現港式點心專門店「一點心」，新店鋪環境光亮整潔，我們自然不會錯過點心當晚飯的機會了！蟹黃蒸燒賣~吃到傳統的美味，蟹黃也令燒賣層次升級，是傳承與創新的結合，每顆都是頗大份量，增添了一份滿足口感。香煎蘿蔔糕~煎得焦黃香脆，一口咬下外香內軟，一絲絲的蘿蔔絲滲出清甜味道，質感不糊口也不硬塴塴，是滿分的糕點。滑蛋牛肉飯~ 牛肉餅很厚身、嫩滑可口，吃到有少許像冬菜的鹹香，美中不足是滑蛋煎得過火了少許。豉汁蒸排骨~很爽脆的蒸排骨，如果多一點豉汁，更添豉香了！黑椒牛肚~牛肚炆得腍而不爛又入味，黑椒有對身體好的抗炎抗氧化作用，又為牛肚帶來香味和提味，一定不可不吃。甜酸炸雲吞~薄薄脆脆的春捲皮,包著蝦肉，一口咬下....想起那些年的錦鹵雲吞，厚厚的脆皮.....實在有著不同的風格。香滑奶黃包~奶黃的確很香滑，跟流心奶黃有異曲同工之妙。芒果布甸~香滑的布甸，滿滿的果肉，濃濃的果香。…查看更多

依排迷上左食點心，可能因為Chiikawa days出左香港獨有既飲茶系列～今次就帶左燒賣兔兔去食一點心❤️每粒蟹皇蒸燒賣上方都有一顆大蝦，口感鮮美。內裡的蟹肉和豬肉餡料搭配得恰到好處，唔止味道出色，賣相亦十分好，用黎同公仔打卡係一流！有燒賣又點可以唔叫蝦餃，這款薄皮鮮蝦餃的皮薄而透明，內餡則是滿滿的蝦仁。每一口都能感受到蝦肉的鮮甜，好味阿～雪山叉燒包的外皮酥脆，內餡則是嫩滑的叉燒肉，肉質瘦而不柴，熱辣辣，十分好食。3個包子只需$25，性價比極高！香煎蘿蔔糕的外皮金黃酥脆，內裡的蘿蔔糕軟滑，用料豐富，搭配甜醬和辣醬，更是提升了味道的層次。鮮蝦腐皮卷外皮酥脆，內裡的鮮蝦肉質彈牙，配搭蔬菜，加上每一條腐皮卷都十分足料，搭配上喼汁，讓整體口感更加豐富。蜜汁叉燒腸的皮薄滑嫩，內裡的叉燒肉質鮮嫩，蒸既火侯控制得好！咖哩土魷並不辣，魷魚的口感嫩滑新鮮，好食。最後仲叫左芒果布甸，令我喜出望外～因為裡面有大量的芒果粒，每一口都能食到到芒果的香甜。布甸的口感順滑，配合芒果，簡直是一個完美的結尾。…查看更多

尖沙咀良心點心鋪！即叫即蒸新鮮出籠，蝦餃皮薄過蟬翼，叉燒包流心爆餡，連馬拉糕也鬆軟到犯規，價格親民到想天天來！### ✨ 必點清單暴風推薦：1️⃣ **薄皮鮮蝦餃｜透亮如水晶** - 每隻飽滿塞滿蝦，爽彈到會跳舞！ - 皮薄透光不破皮，手工一絕，真的是藝術品。 - 層次感暴增，絕對值得一試！2️⃣ **雪山叉燒包｜酥脆流心雙殺** - 外層酥皮鬆化，內裡叉燒汁洶湧，撕開瞬間小心燙口。 - 甜鹹交織的絕妙口感3️⃣ **蟹皇蒸燒賣｜黃金瀑布內餡** - 蟹黃+豬肉餡比例完美，鮮味爆炸，吃一口就讓人驚喜。 - 燒賣頂部蟹籽卜卜脆，口感滿分，讓你愛不釋口。4️⃣ **懷舊點心精選** - **精製馬拉糕**：氣孔細密如棉花，香甜鬆軟，完美搭配茶飲。 - **北菇棉花雞**：雞肉滑嫩，北菇香氣濃郁，讓人回味無窮。### 💡 實戰攻略：✅ 「蝦餃+燒賣+叉燒包」鐵三角組合最推！ ✅ 2人建議點6-8籠，可一次嘗遍多款點心，讓你的味蕾大滿足！🔥 **話題互動**：你吃點心最必點的三樣是？ （我投蝦餃+叉燒包+馬拉糕！真的是無法抗拒的組合！）👇 點讚收藏這篇，約阿媽飲茶時直接翻出來！ …查看更多

這間新開張的一點心，地方不算大，裝修得比較時尚，星期六的下午兩點仍然需要等位。他們的餐牌很friendly, 有圖片，亦提供不同的語言。他們的點心比較傳統，沒有太多玩意點心。點了數款都十分滿意。鮮蝦菜苗餃很皮薄，內邊有嫩綠的菜苗及爽口的鮮蝦。叉燒腸包著滿滿的叉燒粒，皮很滑。鮮蝦腐皮卷煎到金黃酥脆，餡料滿滿，口感豐富。咖哩土魷入味，爽脆，墊底的淋身蘿白吸晒咖哩汁更惹味。當食得飽濟，食返碗菜乾咸骨粥就最岩啦。這裡唯一比較玩味是太陽蛋奶凍的甜品。橙味的啫喱做成太陽蛋般，配埋香滑奶凍，幾特別。…查看更多

✨薄皮鮮蝦餃餃皮晶瑩剔透 皮薄有彈性內餡鮮蝦大隻 鮮味爽脆✨蟹皇蒸燒賣燒賣 鮮蝦同豬肉比例唔錯鮮蝦夠爽 豬肉唔會切得好碎口感扎實有啲咬口 有肉汁✨北菇棉花雞點心紙竟然有唔常見嘅棉花雞 咁就梗係一定要叫啦雞肉大大件 係雞腿肉 嫩滑多汁魚肚鬆軟 索晒啲汁 好正正✨雪山焗叉燒包熱辣辣焗起 雪山皮酥香鬆脆包身軟熟 叉燒餡鹹甜適中呢個組合好難會唔好食✨鮮蝦滑腸粉腸粉皮薄 口感滑溜 鮮蝦大大隻 蝦鮮爽脆沾上甜豉油 唔錯✨燒汁釀茄子釀茄子份量十足 有三大件鯪魚肉厚實彈牙 茄子鬆軟多汁配上甜甜地燒汁 惹味總結：食物唔錯 點心選擇唔少全部都即叫即整 新鮮熱辣環境唔錯 座位舒適好坐服務唔錯 加茶收拾都好快手價錢合理 性價比唔錯喺尖沙咀突然想食點心 呢度都係個唔錯嘅選擇…查看更多

💁🏻‍♀️❣︎一點心❣︎開到來尖沙咀啦🎉2007年於太子創立，日日新鮮現場製造😋手工點心🥧品牌仲攞過2️⃣年米其林一星同一年美食家👩🏻‍🍳協會獎🏅今日來到下午茶🫖全場full晒，仲不停有人等位添，認真厲害👏🏻❣︎鮮蝦菜苗餃❣︎餃子皮厚薄適中，望落去脹卜卜，菜苗鮮嫩，鮮蝦彈牙😋❣︎酸甜炸雲吞❣︎即叫即炸😋👍🏻熱辣辣，炸得非常香脆，沾埋甜酸汁來食，脆而不膩。❣︎燒汁釀茄子❣︎茄子🍆軟糯大大件，魚肉鮮味彈牙😋❣︎豉汁蒸排骨❣︎排骨帶有豆豉同蒜蓉鹹香，肉質鬆軟，口感豐潤。❣︎菜乾咸骨粥❣︎粥底棉密，菜乾清甜，咸骨肉香，夠晒清熱下火👍🏻❣︎家鄉咸水角❣︎咸水角炸得非常軟糯，鹹甜酥脆，內餡亦非常足料。…查看更多

暴風雨前夕的週日走到平價高質米芝連一星點心店2007年創立於太子，提供粵式點心連結世界各地以時尚裝潢呈現正宗風味，傳統工藝贏得國際認可地舖環境乾淨整潔，座位布局舒適，簡約設計溫馨華茶館人蔘烏龍有助去膩減脂，促進新陳代謝薄皮鮮蝦餃晶瑩剔透，薄皮嫩滑不黏牙，蝦餡飽滿鮮蝦腐皮卷金黃酥脆，卷身緊實，香脆不油膩鮮蝦滑腸粉光滑白嫩，配豉油簡單卻層次豐富咖喱土魷黃橙誘人，切片均勻，辣度適中開胃薑蔥牛柏葉爽脆彈牙，辛香撲鼻，微微辣勁提味…查看更多

今日去尖沙咀飲茶，呢度啲嘢食真係唔錯，雖然外面橫風橫雨都無損我哋嘅心情。蟹皇蒸燒賣賣相精緻，咬下去，汁液瞬間在口中迸發，加咗蟹皇味道好出色。薄皮鮮蝦餃餃子皮薄餡靚，內裡包著新鮮彈牙的蝦仁，而且還有一絲清香的蔥味，好味！鮮蝦滑腸粉腸粉柔滑，內裡包著大塊的鮮蝦，每一口都能感受到蝦肉的鮮甜。香煎蘿蔔糕蘿蔔煎得金黃酥脆，搭配甜醬和辣醬，別有一番風味。鮮蝦腐皮卷第一口咬下時，發出清脆的咔嚓聲，外層非常酥脆，而且內裡的蝦仁鮮美無比，實在有驚喜。蜜汁叉燒包蜜汁叉燒包的外皮柔軟，內餡則是豐富的叉燒肉，甜中帶鹹，口感細膩。…查看更多

跟舊同事相聚約在尖沙咀吃點心，邊嘆茶邊傾計，份外寫意。進門一看，格局挺親切，空間都幾大，座位間距適中，空間闊落。點了幾樣招牌，先來蟹皇蒸燒賣。咬一口，皮薄彈牙，面頭蝦肉鮮味十足，混著豬肉的鮮甜，鮮香直衝腦門，讓人忍不住多咬幾口。薄皮鮮蝦餃，餃皮晶瑩剔透，像半透明的薄紗，蝦仁Q彈新鮮，蒸得剛好，不會太韌，簡單卻回味無窮。招牌叉燒腸叉燒切得挺大粒，醬汁甜中帶鹹，腸皮滑溜溜的，裹著熱氣，吃起來順口極了。雪山叉燒包外層雪白像雪山一樣誘人，咬開叉燒餡料鬆軟，甜蜜的蜜汁滲出，配上酥脆的包皮，層次分明。豉椒蒸鳳爪燜得入味，豉香撲鼻，椒香又帶點辣勁。四寶滑雞扎腐皮包住冬菇、火腿、魚肚，雞肉，各食材都滑嫩多汁，咬下去滿嘴鮮味，蒸法保住了原汁原味。鮮竹牛肉球牛肉絞得細膩，肉味香濃，加上芫茜多了一份香氣。價錢不太貴，服務態度又好，下次想食點心一定會再回來。…查看更多

經過尖沙咀見有間新開張的一點心，好耐冇飲茶，就進入開餐囉。開了人蔘烏濃茶，功效去油膩減脂，促進新陳代謝，飲落有回甘香味都唔錯。叉燒雪山包，鬆軟香口的麵包，入邊叉燒的甜度剛好。薄皮鮮蝦餃，皮薄餡靚，蝦的餡料蠻多的，鮮蝦爽彈相信來到是必點的啊！蟹黃蒸燒賣，食材分配均勻，入口味道鮮爽，點上辣椒油就更捧呢！鮮竹牛肉球，口感軟嫩的牛肉球，是許多人喜歡的點心之一。鮮蝦滑腸粉，細緻幼滑的腸粉皮，包裹著爽彈大隻的蝦球，口感滑嫩可口。白灼菜心，菜心翠綠而且無渣。…查看更多

今日同fd去咗尖沙咀搵食，行開赫德道發現「一點心」開咗分店，緊係要入去飲啖茶食個包啦！呢度雖然唔係傳統大酒樓，但坐得舒服又就腳，點心即叫即蒸夠曬新鮮。我哋今次試咗幾款招牌：🦀 蟹皇蒸燒賣 $36/4隻 - 蟹味濃郁，肉汁爆棚🦐 薄皮鮮蝦餃 $42/4隻 - 皮薄餡靚，蝦肉爽彈 🐙 鱆魚肉餅飯 $32- 撈埋豉油食真係無得頂 🦐 鮮蝦腐皮卷 $31/3件 - 脆卜卜蝦味濃 🍰 香煎馬蹄糕 $21/3件 - 外脆內軟唔會太甜 ⚫️ 播沙炸煎堆 $22/3件 - 流心芝麻餡超正🍵 茶位 $8/位 - 人蔘烏龍茶去脂解膩，食多兩件點心都冇罪惡感！兩個人叫咗六款點心加茶位，埋單$192，連埋加1 人均$100，抵食過隔離連鎖酒樓，以後嚟開尖沙咀飲茶又多個好選擇啦～…查看更多

之前在K11 Musea chiikawa days展買了點心公仔，打算找間點心店順道影相留念，於是在附近找了這間。我第一次去其實已經覺得環境噪吵，除馬拉糕及咸水角味道不錯，其他都很一般，但因為離家很近，所以今次再與朋友來試一下未試過的點心。因為當日是星期六，人流比平日多，需要門口等位，但這間點心店安排入座極之混亂，無派籌機其實不緊要，很多食肆都會用手寫號碼，以減少出現插隊情況，但他們沒有號碼紙外，連找一個專門分配座位的店員也不會….我們最初已經跟店員說好了人數，對方也叫我們排隊等一等，怎知後來有三位嬸嬸沒排隊行到收銀櫃檯位置，令到櫃位店員以為他們先來就將四座位給了他們，跟她說是我們先來的，加上他們沒有排隊，但又出現另一位帶座位的店員態度惡劣地問我們是否站得太遠，但只得一條隊，何來遠？連食肆最簡單最基本分配座位都可以這麼混亂，我們當然忍受不到立即離開，寧願多行幾步去另一間又大又有系統又有禮貌的點心店。總結，近年都有留意到食肆或店舖態度問題，為何會出現結業潮？為何這麽多人不留港消費？為何人人都去北上消費？（當然我不是其中一個，因為我對北上興趣不大）但箇中原因我也慢慢知道，當然態度不一定是主因，但一定是其中一個原因。…查看更多

一點心在尖沙咀新開，多個地方食點心，暫時等位比太子總店快，內裡除了本地人，還有好多遊客。點心價錢親民，又多款式選擇。雪山焗叉燒包太子店是叉燒餐包叉燒包外皮脆口，質感鬆軟，內裡叉燒餡豐富。薄皮鮮蝦餃大粒飽滿，確實幾薄皮，鮮蝦肉爽口，配上辣椒油又幾惹味。虎皮尖椒煎得魚肉香脆，夠厚啖啖肉，尖椒脆口。豉椒蒸鳳爪鳳爪大隻，好入味，吃得津津有味。鮮蝦腐皮卷即炸上檯，熱騰騰，脆卜卜的腐皮包著鮮蝦、爽口蔬菜絲，香口又層次感豐富。兩人點了5款點心，每人約$100 已吃得好飽好豐富，確實超抵食…查看更多