一鮨創作壽司

Open Now

Now Closed

定時定候總會剌身壽司蟲上身，最有效根治方法梗係讓壽司往肚裏打轉啦~首次品嚐一鮨是一年前，當時感覺確是驚喜無比刺身新鮮 壽司大大件，連塊紫菜都爽脆；價錢更是街坊價，不得了~~一年後的今天，他們質素依然，生意好了。好幾次來到都要等位，有時只好轉買外賣。燒三文魚是必食的，香口四溢味鮮美。帶子夠大隻，啖啖肉好滿足。鍾意食沙律一定要試下呢度嘅蟹子沙律，好新鮮~~~開胃首選美中不足的是飲品唔夠凍，大熱天時就是欠缺冰涼感覺。仲有累積惠顧折扣優惠，優惠咭可貼於牆上，方便下次使用~真貼心呢!.

馬鞍山....美食沙漠...想食好少少真係無得揀??朋友介紹呢間小店,話製作都用心~好啦~即管一試~圖中圓波波係創意壽司~味道都幾特別~而且係好食既壽司...最緊要都係新鮮~!呢間小店可以做到新鮮又多選擇~我覺得非常OK啦~!

平時都有去開小店食 價錢都比元x 板x 平 如果真係要平 期實可以去爭x 但因為尼間小店係即刻手握的 我地食戈陣飯重係微暖的 食過就明白個分別 三文魚既肉質鲜味 師傅介紹我地叫左d創作野 珍珠蛋白 比較健康 期餘有驚喜既就係米鮨吉列蝦卷/ 同埋牛油果軟殼蟹卷 用米鮨包住吉列蝦 比較創新好味 以往傳統都係用紫菜包住 可以試下  牛油果既卷尼 上面鋪住一層牛油果 配住軟殼蟹都夾wo  因為係早幾日打電話來預訂左 所以今日就直接拎到 

買左6百蚊外賣，全部都好細件，三文魚無味、帶子無味、甜蛋都可以無味，海膽唔新鮮，八爪魚咬唔開，左口魚細細碎碎，甜蝦一般，仲差過係百佳買嗰啲！呢個價錢唔算平，但食完好似淨係食左一堆飯。本想支持小店，但真係唔會有下次。

每晚收工 經過lee間鋪都會見到有人堂食，心想一定有佢過人之處，於是外埋試試。買左8粒壽司如下:三文 x2燒3文馬刀貝北寄貝玻璃蝦劍魚腩油甘魚三文魚完全無甜味，油甘有點腥，劍魚玻璃正常，燒3文最好食重點來了，馬刀貝和北寄貝既體積(我指闊度)只佔舊飯既二份一!!! 即係窄窄的一條野撻在飯上。。。味道是有的，但唔洗辜寒到咁呀嘛？真係前所未見8粒承惠$52。。。馬鞍山計，要好味既去連鎖，都係咁上下價錢；要平但好味過佢既都有，8粒先$30。。。晚晚座無虛席，原來hk人而家真係好捨得食，但都食好d丫

係朋友大力介紹下，咁岩放假周圍商場又多人，就黎試下呢間小店。雖然位置唔起眼，但係都幾多人喎! 價錢唔貴，一碗魚生飯大概$38-58 不等味道ok, 不過唔慣佢個飯係暖暖地由於本人鍾意食芝士，覺得呢個芝士蟹籽軍艦好正!! 其他都唔錯，以呢個價錢食到咁既水平 好過好多連鎖店好多!老闆女亦好好人好有禮貌會繼續支持