一見堂

Open Now

Now Closed

先出一下香港的稿件先，不要壓太耐。其實去旺角常常看到這個牌，剛好那天想吃火鍋，那就試試。剛好落場時間左右，位置可以隨便坐，坐下掃CODE落單，叫了一人鍋套餐後怕唔夠食，再點其他散叫。點了類似麻辣口味，個份量可以，就是飯飯太少，無果種大口飯大口肉的感覺。蛋餃算是在香港中都少見，肉味都足夠，另外丸和菜，海鮮都是正常水平，有時想吃個火鍋都可一試。店名：一見堂。地址：旺角女人街附近。費用：中位。如想看更多食評，在個人主頁點擊選看，希望有金主課金支持，連優惠券也沒有QQ

原本係諗住同女朋友去大家樂食一人鍋嘅，行緊去大家樂嘅路上突然見到呢間野，價錢好抵，$68-78 左右 (唔駛加一)，忍唔住即刻上去試下；一試就愛上了！清甜香菇雞湯鍋 + 經典滋味麻辣湯鍋出前一丁 + 烏冬仲要有啤酒揀！雞湯好味到爆；麻辣就真係 for 好食得辣嘅人。

一間主打一人火鍋嘅小店，價錢親民、環境舒服，感覺好有人情味～經典滋味麻辣鍋湯底屬於小麻中辣，香氣十足又唔會太刺激，平時譚仔食開五小辣嘅朋友都可以接受。湯底惹味，涮料一流！清甜香菇鷄湯鍋原本以為會好淡，但入面加咗冬瓜同紅蘿蔔，令湯底變得清甜又有層次，啱晒唔食辣嘅朋友，飲湯都好舒服～蟹黃醬拌麵今次試咗加配蟹黃醬拌麵，不過味道偏淡，蟹黃味唔太突出，個人覺得下次可以唔使加錢揀呢款麵，白飯反而更襯湯底。火鍋配料每樣配料都有啲啲，唔會太多但感覺好豐富，食唔夠仲可以加配，彈性十足。以呢個價錢嚟講，真係好抵食！環境＋服務座位舒服，冷氣夠凍，啱晒一個人慢慢嘆火鍋。老闆親切有禮，仲會主動傾偈，感覺好窩心，呢種人情味真係小店先有～呢間小店做到高性價比＋好味＋好服務，無論係想食辣定清淡，都有選擇。下次想獨食又唔想太貴，呢度絕對係好選擇！💯

女仔一定食唔晒，$68-88 有基本12款配料+3自選（雖然得5款，好過無）+飯+飲品。如果真係唔夠食，有其他配菜可以配。我鐘意佢新鮮蒜茸醬。一定要試試（不過有時整唔切會無嫁）。午餐有85折 。

經過見到派傳單，所以上咗呢間小店，唔知係唔係新開，之前都冇留意到。$68打邊爐一人一鍋嚟講，算係非常超值，首先佢有主菜（如牛肉）加九款基本餸（雖然夾埋菜，但真係好多料），再可以加配三款餸（五選三，當中有蜆、魷魚或豆卜等），雖然份量只係得一件，但呢個價錢嚟講，已經算好抵。以上包埋嘢飲，其實真係好平。。。另外我額外加咗蘿蔔、香腸、同埋牛筋丸，加埋都係80幾蚊，超級飽！同埋員工真係好好，無論係派傳單，定係樓上嗰幾位服務員，都真係好友善！

因為是樓上一樓小店，行過路過也不起眼，見有人派傳單，諗住平平哋試下首先係價錢:平均只要$68一個火鍋👍以這個價格真係冇咩可以挑剔，性值比好高另外就係當日另外點了一份肥牛無黎，後來要求取消，但老闆即刻講唔好意思，而且態度非常好👍👍👍希望呢間小店撐得住，可以多些人支持💪

叫咗個麻辣雞鍋餐，主食配咗個辛辣麵，餐飲叫咗杯凍既洛神花茶。雞既份量好多，麻辣味都好惹味，係我鍾意既味道。主食就冇乜好講，只係一個辛辣麵（不過係我自己揀既，其實叫呢個鍋配白飯係會啱啲既，啲汁可以要嚟撈飯）餐飲洛神花茶，酸酸甜甜好解渴店面面積不大，可能過咗午市時間，店內食客不多，所以環境都好舒適寧靜，啱晒我喜歡靜靜地一個人食野。折後埋單只雖$68，呢個價錢，呢個份量，真心冇野可以挑剔。

夜晩係旺角揾咩食個陣，見到有個易拉架寫住有一人火鍋，而且價錢都幾抵，就本住試伏心態去試下😂間野係要上樓既，上到去位置唔算多，而咁啱坐個張枱就望到上落樓梯正一正，基本咩人行過都見到，同埋都比人望住哂食野😰建議店主可以加翻塊門布遮一遮會好啲野食方面，我就叫左胡椒豬肚湯一人火鍋套餐，都包好多配料同埋一碗白飯，但我就加左$5要左個出前一丁。個鍋一黎到等佢滾起左之後就首先飲左啖湯先，點知十分有驚喜！見佢白白地淺色以為冇乜味，點知飲落胡椒味好重，十分夠味，最後煮個面個陣連味精都唔洗落，直接用個湯底都已經好夠咸😂一個人食一個火鍋套餐都已經好夠飽，唔需要點再額外加野。呢個價錢同份量黎講cp值都幾高，建議大家經過可以一試！

OpenRice見到有新火鍋店，一人一鍋，價錢幾好，於是去試吓。一入去已經聞到濃濃的麻辣香。新裝修環境整齊光猛。由於唔想食辣火鍋決定叫魚湯。每一個火鍋都係即叫即做。所以要排單等一陣。魚湯好鮮甜。配料新鮮。魚片分開上，自己落去滾熟，好滑好嫩。上菜時漏了上蜆，通知職員後，態度好好，即刻俾返我。雖然話唔食辣，但係見到枱面D辣椒油忍唔住食少少。辣椒好香，加上有少少麻辣味配火鍋食一流。我選擇咗配飯，嗰日啲飯有啲乾，所以決定將啲飯擺落火鍋湯底滾一滾先食。成為整個火鍋最後的重點精華。結果湯加飯全部清晒成個火鍋。😋我同朋友都一齊贊成，呢間可以再來🥳

門口雖然隱蔽, 但老闆員工有禮貌。滷水食品可以滷入味啲。叫咗一煲係胡椒豬肚湯一人鍋，另一個係魚湯望落湯底顏色雖然好淺色，但係好夠味。最重要嘅係價錢非常親民!。現今旺區已經好難搵。呢類型小店值得支持!

價錢合適，嘢食足料，很好吃！店員服務態度極好，環境舒適，而且都幾安 靜！而且因為係樓上店，繁忙時間都唔使等位！十分推介！會瘋狂encore！推薦俾大家！真係好抵食！

同同事喺附近做嘢，見佢幾抵就嚟咗呢度食lunch。外邊有個大招牌，位置都唔算難搵，但係係個樓上舖，所以要行上一層。嗰日客人唔太多，唔需要等位。嗰度環境幾舒服乾淨，唔會有好似其他火鍋店嗰啲地下黐立立嘅問題。落單方面，可以選擇剔份Menu，或者掃QR code。一個火鍋餐包主食包嘢飲，竟然都係60幾蚊，真心幾抵。主食可以揀白飯或者出前一丁，嘢飲就係樽裝汽水嗰類。撞正新開張有八五折，三個人食最後都係191蚊。

夜晚收工路過！隱世美食推介！係女人街附近樓上舖！點左豬肚雞同埋海鮮冬陰功湯底嘅火鍋！湯底好好味！海鮮量大！可以睇下我影嘅圖片參考下最重要係平價！好抵！夜晚收工都可以去試下

今日旺角行下街係通菜街見到有一人火鍋，價錢平平地，68無加一就試下啦，因為天氣有啲凍，所以就叫左個胡椒豬肚湯，意外地份量都幾多下，我覺得個胡椒味岩岩好，開頭見個湯幾清，仲以為會好淡，唔錯，食完暖笠笠，CP值高