一葉小廚

我本身是廣源街坊 已經好耐無光顧呢間餐廳 因為其他就近嘅都爆滿 所以至再睇下佢有無改善….. 當然捨得呢堆文字一定係冇囉 如果有得揀都盡量唔會揀呢間每況越下嘅所以謂餐廳對於我個人嚟講 佢最差嘅係服務同埋衛生 1.入去餐廳開始 如果客多冇服務員理你我唔怪你 但係冇乜客只得兩三枱嘅時候都唔會有服務員理你問你幾位 全程自助揀位 攞餐牌 攞刀叉 第手想落單都可能要起身埋去叫至行埋黎落單 2.到落單知你食乜餐後系完全唔會因應你個餐內容攞刀叉俾你 枱上有調味架也有個筷子兜 但可能只得筷子又或者多兩隻匙羹 如果食扒類要切又系要等叫人或者自己起身去攞3.講到送餐員工們永遠只會將D餐碟或飲品放在餐枱邊沿 一個唔留神手踭就會批落地 枱面明明係未有任何食物 佢地都係唔會擺中間嘅 永遠一個姿態系擺晒喺邊緣旨意你哋自己攞嘅態度 唔該都無句4. 到卫生 調味架上嗰甖辣椒油 我從來冇見過有抹乾淨過罌外面嘅油漬 因為每次攞都係次次立立 感覺好核突 紙巾鹽糖係有refill 但就係唔會抹過罌⋯⋯食市再講求衛生呢啲咁小事都唔做好 有乜辦法啲港人唔走晒北上食飯？講咗咁多缺點 亦都有個唯一嘅優點就係你用完餐 佢好快收走你D碟其實員工唔夠不如學吓人用QR code落單 除咗啲老人家唔識要搵服務員幫手落單 基本上而家大部份港人都會識得用電話掃code落單 客人落單落錯單自負盈虧冇得坳 員工可以騰空出嚟做其他嘢咁係咪仲好呢？大快活大家樂美心都行咗好耐啦，點解仲咁落後？…Read More

今日去食下午茶，落單時阿姐突然撥開我隻手⋯原來佢要睇餐牌上面個餐嘅英文字母，其實佢可以叫我拎開隻手既。最後落咗個乾炒牛河同豬扒麵，乾炒牛河味道同份量正常，但豬扒麵塊豬扒就超迷你（雞蛋都差啲大個塊豬扒）同塊豬扒有啲乾⋯…Read More

耐冇食過台式野，諗住去嘆反個下午茶。早知食大快活都冇咁嬲。入到去冇人理係正常，全個場得兩個人做野。叫左個生煎朱扒薯條， 的色到小朋友食唔飽啦！吓話，真係好唔好意思32蚊叫個客食呢啲。…Read More

好耐冇來過吃早餐，今日經過門口，特價早餐:餐肉煎蛋麵$29，屋村內冇野好食，咁就試下，比想像中OK，出前一丁湯底都有一個麵底，煎蛋係太陽蛋，餐肉都一般嘅餐肉半圓一塊。對於不大食的我，份量尚可。咁嘅價錢在屋村內尚算抵食。…Read More

依家開咗都幾耐嘅一碟小廚，一直都已經好想寫過食評。今次試咗一個鍋套餐，成個體驗一般般。首先落單嘅時候，佢火鍋餐上面都好似有好多選擇可以揀，但係落單嗰陣有一大半嘅嘢都係冇嘅。嗰陣都係夜晚七八點時間，要乜就冇乜，唔講真係以為拍緊麥兜。最後都係得兩三個選擇。 最後揀咗呢一個麻辣牛肉鍋，非常之辣。入邊嘅肉當然唔會好多。 而另外兩味就係菜再加少少其他餸。 呢間餐廳唯一優點就係晚市都唔會好多人，仲係幾闊落。但係人手都係唔多。不過人手問題，成個廣源嘅餐廳都一樣。…Read More

呢間餐廳仲係屋村選擇黎講都唔錯 首先環境乾淨寬敞 坐落都幾舒服，唔會趕你走下午茶時段價錢優惠 份量亦非常好 唔會太多食唔晒 晚巿最為吸引嘅係紅燒牛肉麵 屋村嘅價錢但係食到台灣嘅口味 加錢飲埋杯珍珠奶茶特飲就超級正！ …Read More

一葉小廚主打理台式餐廳，除了冰紅茶，有一些特色美食。菜式不多，很多菜維持很多年，上年＋了新菜，還算可以，價錢實惠，環境也不錯。最喜歡它家冰紅茶，口感最佳的就是這家紅茶，還有美味的新竹米粉口感好讚…Read More

同鄰居喺石門行山行到過嚟廣源邨，落山諗住食個下午茶，但之前冇特別搵食邊間。匆匆忙忙鄰居就衝咗入去，啱啱喺OpenRice search到呢間嘢啲評語，其實都有啲保留。但既然沖咗入去，就不妨試試。餐牌選擇係幾多嘅，咁食茶餐廳梗係是最基本嘅沙嗲牛肉啦，佢有Crossover呢個蛋捲，咁就試埋佢。個沙嗲牛肉米感覺好似返咗中學小賣部用滾水淥米粉咁。不過以前嗰啲係X字米粉，而呢啲係好難咬爛嘅新品種米粉，唔係好鍾意食呢款。個沙嗲牛肉都唔知有啲咩評語可以俾⋯⋯只可以講，我食到生抽嘅味道，但係食唔到沙嗲味。鄰居就叻啦食麵，係出前一丁有包麻油吊一吊味，真係差天共地。個蛋捲口感就好似咬泥膠咁，呢一餐完全補給唔到行完山嘅需要。…Read More

這間牛肉麵店舖很久以前我已經吃過一次，所以今天來找朋友也是在這間店吃午飯。中午時分大部分坐位已坐滿，這裡除了牛肉麵出色之外，也有飯類和小藥供應。紅燒牛肉湯麵 $67🧋凍珍珠奶茶少冰份量也算多，四塊紅燒牛肉咬一啖肉質非常腍身而且夠入味，麵條也夠咬口煙煙韌韌，湯底都幾濃郁，吃完也很飽肚。回魂豬軟骨湯麵 $67🧋凍珍珠奶茶少冰這碗豬軟骨湯麵也都不錯，份量足豬軟骨也煮得很軟軟，配菜還有紅白蘿蔔和半隻流心蛋。我們都是點了凍珍珠奶茶🧋，茶底夠濃和香甜幼滑，珍珠煮得夠煙韌有嚼勁，難怪看到枱枱多數客人都是點這杯飲品啦！…Read More

啲野好油琴日嗌左個香菇炒雞 超級油 肉燥飯都係勁油 每一口都係油 間野近年愈加愈貴 有次仲一次加成十蚊 無奈廣源冇咩餐廳 自己教會係附近 焗住去食🥲🥲 間野獨市咁濟 但真係又貴又難食 今次食完仲腸胃炎 應該唔會再食 希望佢快啲執 咁就唔使再食 服務差本身佢話附老火湯 前菜 根本冇上到 服務員態度又差 個朋友嗌大碗飯 店員突然話冇豬軟骨 個朋友想改兩餸 個店員勁唔情願 餐廳選擇極少 天氣熱想食啲有湯清淡啲嘅野 佢啲麵全部好濃味 啲雞同牛都唔好食 嗌唔落 之前有湯飯 而家冇晒 成個餐牌都係啲勁油勁多油勁濃味嘅野 唔知點再幫襯…Read More

今日下午去食個牛肉面，我見$61,有例湯+前菜+牛肉面同杯野飲，我見天氣咁凍，食個面暖下都好，點知一落完order,個侍應就即刻收左餐牌，跟住同我講話冇例湯，咁我諗住轉其他餐，叫都叫唔切佢番低餐牌就走左入廚房嗰邊，算，我當普通下午茶，面同飲品出左來，食完飲完都未有前菜，我想問個侍應前菜到未，佢就同另一台客傾緊計偈，揮極手都唔過來，我就谷住條氣出收銀俾錢，我問個個侍應係唔係連前菜都冇晒，佢話係，我話你就係同我講冇湯，冇話冇前菜，跟住佢問我依家我想點，我唔係想你減番個價錢，只係想你招呼好d,呢間野真係越做越衰…Read More

員工經常會圍埋傾計同扮睇唔到客人，一杯熱檸水個杯裡面骯髒(唔係水積咁簡單)，員工拎入去廚房抹下就拎返出嚟，拎到出嚟仲要係無抹乾淨，再同佢講佢就入去廚房倒落紙杯拎返出嚟，十分出色。…Read More

早餐特色係台式蛋餅同新竹米粉仲有粥炒麵算抵食魚柳或雞扒配蛋仲有碗粉麵男人同大胃人士一定夠飽我地選咗沙爹牛麵麵底👎🏻牛肉可以蛋餅都可以如果係肉鬆就美味好多基本有包跟嘅餐都係奶油豬呢個ok…Read More

啲份量真係好唔穩定咁就$18味道係唔錯，但係份量就真係好少一個星期平均有兩三喺度食分量一次比一次少可能最近樓下兩間食肆執笠，所以份量可以求其因為諗住一定會有人幫襯，唔憂做嘅心態其他食物可以幫襯，加唔加$18大家都自己考慮一下…Read More

這間台灣菜 估唔到午市好多人我1200達陣 未到午餐時間所以唔使等我走嗰時1300 full house仲要有6-8人等位中我叫咗個鹽酥雞肉燥飯鹽酥雞炸得脆 肉質唔柴 但唔算得上juicy如果調味粉多啲就好啦😆肉燥飯 配搭酸菜滷蛋酸菜出奇地好食肉燥不會過肥 不會過油 撈飯一流佢哋d午市套餐係配肉燥飯或者菜飯當然係揀肉燥飯啦 多半隻蛋喎菜飯自己屋企煮啦😆朋友就叫咗個 蜜桃甜酸魚塊魚塊唔大 約咗5件 一個人食係剛好2人share黎食 感覺就少咗啲脫離左學生年代好耐學生黎食都幾抵食 每個套餐平$5 或者免費升級珍珠奶茶我就揀返跟餐附送嘅蜂蜜紅茶茶底味幾重…Read More